منتدى راجعون الى الله


انرت منتدانا زائرنا الغالى اذا اردت التسجيل فمرحبا بك

منتدى راجعون الى الله


 
الرئيسيةالتسجيلدخولالتسجيل
النيابة العامة والنيابة الادارية ومجلس الدولة وهيئة قضايا الدولة موضوعات متجددة تجدها بمصداقية فقط على منتدى راجعون الى الله ....
تابعوا معانا يوميات حنفى وحمديه والناس الموئعتيه فقط وحصريا بقسم القصص والمواعظ بمنتدانا منتدى راجعون الى الله
بمناسبة اقتراب شهر رمضان الكريم اعاده الله علينا وعليكم باليمن والخير والبركات ندعوكم لزيارة قسم (رياض الجنه الرمضانى )بمنتدانا لمتابعة كل ماهو مفيد وجديد فى الشهر الكريم
عايز تتابع وتعرف كل حاجه عن علماء بتحبهم ومفكرين وشيوخ اجلاء بتتمنى تكون زيهم تابع معانا فى منتدانا بقسم المفكرين والعلماء وسوف تجد كل ماتتمنى ان تعرفه عن مشايخنا وعلمائنا ومفكرينا
عندك موهبة الكتابه ؟؟؟عايز تقول رأيك ونفسك تبقا صحفى والكل يقرا مقالاتك ؟؟؟؟نورنا فى جريدة منتدانا منتدى راجعون الى الله (مقالات الاعضاء وبس)

شاطر | 
 

 إياك تكتم دموعك..ابكي بكل وجوعك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
saso soudi
مشرفة قسم
مشرفة قسم


الساغة الأن :
الاقامة : الهرم
الجنس : انثى
عدد المساهمات : 1237
نقاط : 1694
تاريخ التسجيل : 01/12/2009

مُساهمةموضوع: إياك تكتم دموعك..ابكي بكل وجوعك   4th مايو 2010, 9:03 pm

لو كـــــــان الوقت صبح وألـــــحّ عليك البكـا .. سهلـة مش متحبكــة
اسحـب الفوطة على كتفك واجرى ع الحمـام .. أوعـى تكسّـل أو تنـام

افتح الحنفيّة على أخرها... صوت المية فى الحوض هايغطى على رنات الدموع... وماتنســاش تستخدم الصابونـــة... أملى عنيك بالرغاوى المجنونـــــة...
أمــال هاتبرر إزاى حمرة العيـــون ، والتكشيرة اللى بملامحك –عالصبح- معجونة؟

لو حسيت أن الحركة دي ماكفتش .. سيبك من غسيل الوشّ
وخد بســرعــــة قــــرار جديــد .. هاتاخـــــد –ولامفــــر- دشّ!.

لو لقيوك طولت فى مجرد غسل وشّ ، أو ماعرفتش توقف نقط الدموع .. ماتتربكش

تحت الدش الفرصة هاتبقى أكبر... ممكن دموعك تبقى أكتر... ،
لأ وكمان فى خاصية ماحصلتش ، ممكن تغنى بصوت مخنوق...
احساس محـــــــــــــروق... وهايفتكروا دا صوت السخان بيوشّ.

وأنت خارج أوعى تنسى الجرنال .. خلّيه مفتوح على صفحة الحوادث ..
ولو وأنت فى زنقة الأتوبيس زنقتك دموعك ، وماقدرتش تقفشها ..سيبهاا ..
وقول لكل اللى هايبصلك بتعجب...بصوا !... حسوا !...

إزاى الأم تخنق بنتها علشان تتجوز جوز أختها ...اللى قتل مرات عم خالة بنت عمة ستها !....
هتلاقيهم كلهم بيعيطوا بحرقة ، ويشاركوك ، ويترحموا على اللى ماتوا... وبيشتموا ويلعنوا آخر جدود اللى قتلوا وخانوا.

ماتفتكرش أنهم فهـــــموك ، ولافهمـــــــوا القرابـــة ،
أو انفعلوا لغرابة جريمة وزمن ماعدتش فيه تآمن لأخوك.
----------------------------------------------------------------------------------
ده كل واحد كان كاتم دموعه... وبين ضلوعه ألم كبير ،
وأمل كبير فى واحد مثقف زىّ حضرتك معاه جرنال....
إن شاء الله يفتح صفحة إعلانات الأفلام... برضوا كانوا –وإن غيّروا الكلام- رجالة وستات هايحولوا الأتوبيس.... لأتوبيس نهرى عايم على الدموع.

لو أنت فى الشغل وفى عزّ الأنهماك... حسيت دموعك خنقاك...
عيّط . هتلاقى زميلك فى المكتب اللى قدامك بصلك بأرتباك....
أدخل عليه....هاتلاقيه عيط عليك........احكيله كل الي فيك....

أوعى تحس بالذنب لحظة أنك عيطت زميلك .. دا أنت قدمتله جميل بالمجان.... كده هيلاقى حجّة لما يرجع البيت للمدام ، وتسأله على ميّة وحداشر اللى بين حواجبه... أو الخرس الزوجى اللى بقاله قرن من الزمان... وليه مشكرهاش على عمايل إيديها... وليه مذاكرش للواد اللى عنده بكرة امتحان.

وأنت فى البيت خلّلى إيديك على ريموت الدش... واحفظ أرقام قنوات الأخبار....
أول ماتهرب منك الدموع أنهار...ا.
بنسبة تسعة وتسعين فى المية هتلاقى قدامك منظر يسبب –مش بس الدموع- لأ.... انهيار.
صور أطفال أطرافهم مقطّعة أو ملاك برئ بيموت ع الهوا...
مجاعات وفيضانات... عطش وجوع وقتل وحروب...
جثث مرميّة فى الشوارع متكفنة بالدم والتراب ، وعنيها برعب مبرقة.

ماتقولش حاجة... كل اللى هايشوف المشاهد هايشكر الفرصة ، علشان يعيط بحرقة غير مفتعلة... كان نفسه من زمن بس مش لاقى سبب وجيه... ولاقاه أخيرا بضغطّة صباع سعادتك على زرار.... ماتحرموش.... وهات النشرة والموجز وآخر الأخبار.... عيّط وسيبه يعيّط.... فرصة من غير ماحد يتهم حد بأنه "بسكوتة" أو "حساس" و "رقيق".
----------------------------------------------------------------------------------
"بتحس" أو "رقيق"..... اتهامات بشعة أوعى تلبّسك... حاسب ودافع بكل طاقتك لحسن من بعيد تلمّسك . بقت فى الزمن ده مرادف لــ"عبيط" و "أهبل" و "محتاس".... "ضعيف" و "مدّاس".

أوعى تتمسك بتعيط على أحد المشاهد الرومانسية... أو القصص اللى بيموت أبطالها بأمراض مستعصية... أو سرحان وسرحانة دموعك مع أغنية. أوعى تنسى نفسك قدام منظر فى الشارع... أو قطة فرماها عربية ، وأولادها المغمضين ملمومين حوالين جثتها مش فاهمين... بينونوا مزعورين.
أو تعيط على طفل حافى فى عز البرد ع الأسفلت بيبيع مناديل فى إشارة ، والناس قافلة القزاز ومش سامعين نداه الضعيف.
أو بنت صغنونة الضرب معلّم على جسمها... بتمد إيديها تشحت والدم لسة مانشفش على كمّ فستانها القذر.... المقطّع زيّها.

أوعى تتقفش بتعيّط زعلان على حال البلد... أو صعبان عليك ولد الظلم دبحه ، وماعندوش فلوس ولا نفوذ تنشله نار بتكوى كل يوم الصبح جرحه ، وماصرفولوش مع البطاقة وتصاريح القهر..... تصريح يعيط... ممنوع!


أنت ماتعرفش؟؟....دا قانون من زمان مسنون...
ومعاه ألف نص ونصل من السخرية والاستهزاء والاستنكار والقسوة والتجاهل مسنونين...
أيوة قانون بيصطاد كل اللى بيعيطوا ، وبيلخبطوا مزاج الناس.
ياعم "فكّك".... "كبّر".... "عيش". دى الدنيا غابة حتى الديابة دلوقتى مالهاش فيها فرصة. لأ مافيش.... غير للبنى أدمين للى عندها قدرة تدوس على البنى أدمين من نفس فصيلتها.



دموعك أكيد ليها أسباب..... أنساها....
ولو إن حتى لو نسيت دموعك مش هاتنسى....
حتى لو قسيت.... دموعك صعب تقسى.

أقولك !!!!!!!....... ده عصر العلم والتخصصات الطبيّة....
خلّى لجريان دموعك أسباب عضويّة....
ألتهاب فى الجفون أو قطع فى العدسات الملزوقة ع القرنيّة....
عيّط براحتك... عيّط قوى....
وقولهم أصل العدسات دى مش مصنوعة بذمة...
طلعت من أنواع رديّئة.... حطّتها فى عينى أطراف صوابع بتنقّط قسيّة
، محتاج لقطرة حنيّة.......
لأ ماتفهمونيش غلط ، مش لروحى طبعـــــــــــــــا.... أقصد لعنيـــا

منقوووووووووووول



المصدر: منتدى راجعون الى الله - http://us2allah.ahlamontada.net/






[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
memo dream
النائب التنفيذي للمدير
النائب التنفيذي للمدير


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

مُساهمةموضوع: رد: إياك تكتم دموعك..ابكي بكل وجوعك   4th مايو 2010, 9:22 pm

رائع رائع رائع

تسلم ايدك ياقلبى



المصدر: منتدى راجعون الى الله - http://us2allah.ahlamontada.net/






________________



بين امواج البحار وابتسامات القمر .....احبك حب لايقبل الانهيار ...ولايقدر على وصفه بشر



[ندعوك للتسجيل في المنتدى أو التعريف بنفسك لمعاينة هذه الصورة]


والدي : في داخـــــــل الأصـــــــداف يوجـــــــد اللـــــؤلــــؤ.....وفـــ​ـــــــي داخـــــلك وجــــــــــــــــدت معنى العطاء ..وإن كانـــــــــــت هنـــــــــــالك أشـــــــــــــــياء جميـــلة في حــــــــــــــــياتي ، فمـــــــن المــــــــؤكد...هــــــــ​ـــي وجـــــــــــودك بجـــــــــــانبي دومـــــــــــا ..
الرجوع الى أعلى الصفحة اذهب الى الأسفل
أحمد المنوفى
النائب التنفيذي للمدير
النائب التنفيذي للمدير


الساغة الأن :
الاقامة : المنوفية
الجنس : ذكر
عدد المساهمات : 5978
نقاط : 6530
تاريخ التسجيل : 25/02/2010

مُساهمةموضوع: رد: إياك تكتم دموعك..ابكي بكل وجوعك   4th مايو 2010, 10:35 pm

تسلم ايديكى موضوع جميل جدا و احلى ما فيه انه مباشر بيخاطب الوجدان
تسلمى على هذا الموضوع
الرجوع الى أعلى الصفحة اذهب الى الأسفل
saso soudi
مشرفة قسم
مشرفة قسم


الساغة الأن :
الاقامة : الهرم
الجنس : انثى
عدد المساهمات : 1237
نقاط : 1694
تاريخ التسجيل : 01/12/2009

مُساهمةموضوع: رد: إياك تكتم دموعك..ابكي بكل وجوعك   21st مايو 2010, 1:29 pm

شكرااا لمروركمـ بجد نورتوونى ((ميمو)) . ((احمد))



المصدر: منتدى راجعون الى الله - http://us2allah.ahlamontada.net/






[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
ramy kamal
مشرف قسم
مشرف قسم


الساغة الأن :
عدد المساهمات : 898
نقاط : 961
تاريخ التسجيل : 05/12/2009

مُساهمةموضوع: رد: إياك تكتم دموعك..ابكي بكل وجوعك   21st مايو 2010, 2:05 pm



إندهاش !!!!

هذه هى حالتى الآن ....كلمات فى قمة الروعة والتأثير ... لسان حال الكلمات تقول (هم يضحك ةهم يبكى ) .... قرأت الموضوع مرات ومرات ... حقاً كلمات تخاطب القلب .... جزاكى الله كل خير على هذا الموضوع الذى أثر كثيراً فى نفسى .... ومن الواضح أننى سأذهب الآن لكى أغسل وشى !!!!! ....




المصدر: منتدى راجعون الى الله - http://us2allah.ahlamontada.net/






[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
saso soudi
مشرفة قسم
مشرفة قسم


الساغة الأن :
الاقامة : الهرم
الجنس : انثى
عدد المساهمات : 1237
نقاط : 1694
تاريخ التسجيل : 01/12/2009

مُساهمةموضوع: رد: إياك تكتم دموعك..ابكي بكل وجوعك   21st مايو 2010, 2:19 pm

لا ادرى مادا اكتب هل اشكر حضرتك على المرور وقراءة الموضوع ام اتضايق من نفسى لاننى جعلتك تتاثر لهده الدرجه ....
اتمنى ان تكون دومااا بخير .............



المصدر: منتدى راجعون الى الله - http://us2allah.ahlamontada.net/






[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
jojo
مشرفة قسم
مشرفة قسم


الساغة الأن :
الاقامة : بني سويف
الجنس : انثى
عدد المساهمات : 1636
نقاط : 1921
تاريخ التسجيل : 19/10/2009

مُساهمةموضوع: رد: إياك تكتم دموعك..ابكي بكل وجوعك   21st مايو 2010, 4:14 pm

كلام مؤثر اوى يا ساسو

بارك الله فيكي



المصدر: منتدى راجعون الى الله - http://us2allah.ahlamontada.net/






‎‎يقولون إن الأم مدرســــــــــة فقلت بل إنها الدنيا بما فيهـــــــــــــــا فما هي الدنيا بـــــــــــــــلا أم فالأم هي الدنيا بأحلى معانيهـــــــــــا ولو لم تكن الأم في الدنيــــــا لكانت الدنيا وما كان من فيهـــــــــــا
أمّاه قد رحلتي عنا فيا أسفــاً آه يا أمي آه يا نسمة روحــي آه يا من أفرح دنياي وأخفى بلاويهـا فما الدنيا إلا محطة قصيـــــرة ثم كل نفس تحت التراب يواريهـــــا فإن أطاعت النفس خالقهــــــا
فالله من أنهار عدن سيرويهـــــــــــا
الرجوع الى أعلى الصفحة اذهب الى الأسفل
saso soudi
مشرفة قسم
مشرفة قسم


الساغة الأن :
الاقامة : الهرم
الجنس : انثى
عدد المساهمات : 1237
نقاط : 1694
تاريخ التسجيل : 01/12/2009

مُساهمةموضوع: رد: إياك تكتم دموعك..ابكي بكل وجوعك   4th أغسطس 2010, 9:36 pm

نورتينى يا قمر فينك وحشانى مبرووووك ع النجاح ربنا يوفقك ياااااااااارب



المصدر: منتدى راجعون الى الله - http://us2allah.ahlamontada.net/






[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
إياك تكتم دموعك..ابكي بكل وجوعك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى راجعون الى الله :: منتدى راجعون العام :: قسم راجعون الى الله العام-
انتقل الى:  
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Furl  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

قم بحفض و مشاطرة الرابط راجعون الى الله على موقع حفض الصفحات

قم بحفض و مشاطرة الرابط منتدى راجعون الى الله على موقع حفض الصفحات