هيئة قضايا الدولة دفعة 2009

حسام الدين كتب:

استاذ رامى رمضان كريم وكل سنه وحضرتك طيب وربنا يجازيك عنى وعن باقى الاعضاء خير لانك بجد بتتعب جدا عشان تمد الاعضاء بالمعلومات الاكيده
ثانيا : حضرتك انا شغال معلم مساعد مواد قانونيه بالتربيه والتعليم فهل مطلوب منى اجيب موافقة الشغل على تقديمة فى الهيئه ولا اعمل ايه بالظبط وانا سألت قلولى الموافقه بتكون من وكيل الوزاره صح الكلام ده ولا اكتب طلب لمدير المدرسه ويمضيلى هوه بالموافقه ويختمهولى ختم المدرسه والشعار ان وجد يا ترى كده ينفع ولا همه مش بيدققوا على الحاجات دى

اخى الفاضل اعتقد ان عليك الذهاب الى مدير الادارة التعليمية فى المنطقة التى انت تابع لها وتحصل على موافقة منة على تقديمك لهيئة قضايا الدولة.لان مفروض انك تابع للمديرية.

هل لما اقدم الملف هيدونى اى اوراق بميعاد المقابله ولا ايه هى الخطوه الجايه بالظبط؟

كل سنة وجميع الأعضاء طيبين
رمضان كريم.

هل لا بد من كتابة سنوات التخرج للاقارب بالظبط ولا ينفع بالتقريب او متتكتبش خالص افضل؟وخاصة فى حالة صعوبة الحصول عليها؟؟وكذلك بالنسبة لنوع المؤهل والوظيفة الحالية؟
ولو أنا ملتحقة بالدبلومة بس لسه مخلصتش أكتبها بخانة الدراسات العليا للمرشح ومعاها ورقة تثبت الالتحاق ولا لازم أكون حصلت عليها بالفعل؟وهل اكتبها كمان فى خانة المؤهلات الخرى التى حصل عليها المرشح ولا إيه؟
وكمان فى خانة دورات الكمبيوترواللغة انا معلوماتى كويسةواخدت بعض الدورات بس مفيش شهادة تثبت ده أكتب عادى أسماء الكورسات ولا لازم ارفاق مايثبت ذلك؟
وبالنسبة للدخل الشهرى والممتلكات بتتكتب بالتفصيل؟ويجب ارفاق ما يثبت ذلك أيضا؟وهل صحيح أنه لابد أو من الافضل ألا يقل الدخل الشهرى للوالد عن 4000 جنيه؟
وياترى لو لو فيه توصيه وهقول رقم ملفى لحد فبيكون الرقم ده هو اللى مكتوب على إستمارة تسجيل البيانات؟؟
وهل يفضل التوصية بعد تسليم الملف أم قبل المقابلة مباشرة أم بعدها؟
أعتذر عن الاطالة وأرجو سرعة الرد.وجزاكم الله خيرا.

لوبالنسبةللتأجيل بإحدى المراحل التعليمية هل له تأثير أو يعتبر من سنوات الرسوب أم يتم كنابة سنة الالتحاق والتخرج بشكل عادى؟مع العلم انه سيظهر من التاريخ وجود سنة زائدة عن عدد السنوات الاساسية؟؟

الى ايهاب
لا طبعآ لما تقدم هيديك ورقه فيها ميعاد بتحضر فيه عشان تعرف تاريخ مقابلتك

الى roro
1.بالنسبه لسنوات التخرج فالافضل انك تكتبى التاريخ طالما تعرفيه او بالتقريب انما لو ماتعرفيش يبقى هتظطرى تسبيه طبعآ وبالنسبه للوظيفه فلازم تكتبيها طبعآ عشان الحاجات دى بتفرق معاهم وكمان ممكن يحتاجوها فى التحريات
2.تكتبى ملتحقه بالدبلومه وتقدمى ما يثبت ذلك مثلا لو فيه وصل من الكليه ولا حاجه
3.اعتقد بيحتاجوا شهادات تثبت انك اخدتى الكورسات دى بس على العموم اكتبى انك مثلآ تجييدى اللغه الانجليزى والحاسب الالى ومش هتخسرى حاجه
4.بالنسبه للدخل الشهرى فلازم يتكب بالتفصيل مثلآ دخل الوالد لازم شهاده من عمل الواد تثبت ما يتقاضاه من راتب وكذلك فى حاله ما اذا كانت الوالده تعمل وبالنسبه للاملاك فأنت بتقدمى صوره من عقود الملكيه بتاعت الاسره عقد البيت مثلآ عقود الاراضى مثلآ وهكذا اذا كان فيه حساب فى البنك بتقدم ما يثبت ذلك وحكايه ان الدخل ما يقلش عن مبلغ معين فده محدش يعرفه
5.الرقم اللى مكتوب على استماره تسجيل البيانات ده مش رقم الملف ده رقم بيحطوه عشان يعرفوا باعوا كام استماره فلو كنتى عاوز توصى توصى باسمك دلوقتى
6. والتوصيه عادتآ بتبقى قبل المقابلات الشخصيه ولو عاوزه توصى من دلوقتى مفيش مشكله انما لازم توصى قبل المقابله مش بعدها
7. بالنسبه للتأجيل انتى مش موضحه التأجيل فى انهى مرحله تعليميه فى المدرسه ام الجامعه بس فى الغالب اعتقد انه لايؤثر على التعينات فتكتبى سنه الالتحاق وسنه التخرج عادى
والله اعلى واعلم وربنا يوفقك
وكل سنه وحضرتك طيبه

بالنسبه لخانه المؤهلات الاخري اكتب فيها دبلوم القانون العام ولا اكتفي بكتابته في الدراسات العليا وبالنسبه للمؤهلات الدراسيه للقرايب في بعضهم مش عارفاه لازم اكتبهم ولا ايه وعدد خانات ابناء وبنات الاعمام غير كافيه للاسماء اكتفي ب15 بس ولا لازم اكتبهم كلهم وبالنسبه لمفرادات المرتب للوالده ارفقه ولا لا
اسفه للاطاله

الى مونى سعد
1.تكتفى بكتابه الدبلومه فى خانه الدراسات العليا
2.بالنسبه لمؤهلات القرايب فبتكتبى اللى تعرفيه يعنى على اد ما تعرفى تكتبى مؤهل القرايب واللى ما تعرفهوش خلاص هتعملى ايه يعنى
3.بالنسبه لعدد ابناء وبنات الهمات فلازم يتكتبوا كلهم طبعآ ما تسبيش حد اما تصورى ورقه من ورقات الملف اللى فيها ابناء وبنات العمات وتكتبى فيها اللى ناقص او تجيبى ورقه بيضه وتكتبى فيها اللى ناقص وتحطيها مع الملف بس كده
4.بالنسبه لمفردات مرتب الوالده ف اللى مطلوب مرتب الوالد فقط بس مفيش مانع لما تحطى مفردات مرات الوالده وكله بيضيف ليكى فى الاخر فى المستوى المادى يعنى
وربنا يوفق الجميع وكل سنه وانتى طيبه

شكرا لرد حضرتك.... وانتا بالف صحه وسلامه

شكرا لسرعة الرد يا استاذ احمد سليم وجزاك الله كل خير وكل سنة وانت طيب وبصحة وسلامة.

الى الاستاذ اتحمد سليم
جزاكم الله خيرا
ردودك كلها شافية كاملة غير منقوصة

بالنسبة لخانة الدخل الشهرى للوالد لو فيه اكتر من دخل بنكتب الاتنين مجموعين على بعض؟ولا كل حاجة لوحدها؟وبالنسبة للدخل اذا كان نتيجة اعمال حرة بيتكتب بشكل تقريبى ؟طيب وايه اللى يثبت صحة الكلام ده؟ونكتب ده لو مطلوب فين وهو اصلا مش مكتوب بالتفصيل ولا فيه مساحة للكتابة؟

وبالنسبة لارقام التليفونات لازم تتكتب ولا لو متتكتبتش نهائيا ده عادى؟

الى السيد/ المير العام
تسلم يا استاذى على الكلام الجميل ده دى شهاده اعتز بيها وربنا يوفق الجميع..........وكل سنه وحضرتك طيب

الى roro
1.بالنسبه للدخل الشهرى للوالد........هوه طبعآ الخانه اللى موجوده مش كبيره ومش هتديكى مساحه تكتبى براحتك ولا حتى بالتفصيل فانتى بتكتبى المرتب الاول +الدخل التانى سواء كان دخل من تجاره او ايجاره ارض زراعيه او غيره ولو ايجاره ارض فالعقود اللى بتقديمها بتاعت ملكيه الارض هتثبت ده اما لو كان من تجاره فتكتبى اعمال حره وهما فى التحريات هيعرفوا يثبتوا ده
2.ارقام التليفونات طالما ليها خانه يبقى لازم تتكتب يعنى حاولى على الاقل تكتبى ارقام اخواتك وقرايبك على اد ما تقدرى عشان بيحتاجوا الارقام دى فى التحريات فانتى مش هتخسرى حاجه لما تكتبى ارقام التليفونات انما اللى مش عارفه تجيبى تليفونه حد مسافر ولا حاجه خلاص سبيها فاضيه وبلاش تكتبى مسافر ولا حاجه
وربنا يوفق حضرتك وبالتوفيق دايمآ

شكرا يا استاذ احمد على الرد وربنا يوفقنا جميعا بغذن الله
بس معلش مفهمتش النقطة بتاعة الدخل يعن اكتب مجموع الدخول ولا كل دخل منفصل عن الاخر؟ وليا سؤال كمان لو التحقت بأكتر من مدرسة فى المرحلة الواحدة اكتب المدرسة اللى اخدت منها الشهادة ولا اكتب المدرستين جنب التاريخ ؟

الىroro
لا شكر على واجب يا استاذه
1.الافضل تكتبى كل دخل منفصل لواحده انما لو عاوزه تكتبى المجموع على بعضهم برده ماشى
2.اكتبى المدرسه اللى اخدتى منها الشهاده وخلاص وبعدين مفيش مكان تقعدتى تكتبى فيه انا كنت فى كذا وحولت لكذا.....فانتى اكتبى اللى اخدتى منا الشهاده وخلاص

بعتذر يا جماعة عن اسالتى الكتيرة دى بس مش عارفة الملف ده ملخبط معايا كده ليه؟
وكنت عايزة اسال هل يمكن ابدال ورقة متصورة محل ورقة من الاستمارة بسبب وجود بعض الاخطاء مع العلم ان الورقة المتصورة مختلفة شوية عن ورق الاستمارة من حيث لونها وخامتها ولا ينفع اصلح بشكل ما والورقة الاصلية؟وهل ممكن التعديل ايضا فالورق المصور بقلم اسود ولا ماينفعش؟
وهل المطلوب تصوير الاستمارة فقط صورتين ام الورق المرفق ايضا يتم تصويره؟
وجزاكم الله خيرا.

كنت عايزة اسال عن حاجة هوا ان شاء الله لو ربنا كرمنى ونجحت فى المقابلة ونزلى تحريات هل هايخدوها من تحريات النيابة مع العلم ان الحمدلله نزلى تحريات نيابة وخلصت ع خير ولا هيبلغونى بيها لان سمعت من وكيل نيابة صديق لنا انهم بيخدوا التحريات من تحريات النيابة وهل هيبلغونى بيها ولا لا

الى roro
ما تعتزريش على حاجه المهم بس نكون بنعرف نفيدك
1.التصليح فى الورقه الاصليه غير مستحب يعنى ما ينفعشى اصلح بقلم كولكتر ولا اشطب ولا الحاجات دى ..........انتى عاوزه ترفقه ورقه فى الملف بدل ورقه مكتوبه فعلآ عشان الاخطاء اللى فيها طيب انتى قدامك كذا حل
اما يكون عندك صوره من الورقه اللى انتى لخبطتى فيها فتكتبى فيها البيانات بطريقه صحيحه او تصورى ورقه من ملف حد لسه ما كتبشى الملف
او توجهى صفحه فى الملف تكون فاضيه مش كاتبه فيها حاجه وتقولى فى اولها عنوان مثلآ ((الاعمام))
او ترفقى ورقه وتكتبى فيها البيانات بشكل صحيح وتحطيها فى الملف والحل اللى يعجبك اعمليه بس من رأى الحل الاول او التانى افضلهم
انتى عاوزه تعدلى فى الورق المصور ليه لما تعدلى الاصلى تصورى الورق من تانى الموضوع مش صعب يعنى انما لو ماكنشى مستاهل تصوير ممكن تعدلى فى النسختين بأى قلم
اللى مطلوب تصويره هوه الاستماره فقط صورتين مش الورق المرفق

الى elham salah
انتى بتسألى على حاجه لسه بدرى عليها بس على العموم والله اعلم انهم هيخدوها من تحريات النيابه بس الاكيد انهم هيبلغوكى بالتليفون
وربنا يوفق حضرتك وكل سنه وانتى طيبه

سؤال ضروري لو سمحت يا احمد سليم انا جامعة الزقازيق واخر معاد لتسليم الملف بكرة اللي هو يوم 19 انا روحت امبارح اسلملهم الورق بس الفيش مكنش معايا عشان لسه مطلعش جيت ادي الست الوصولات بتاعت الفيش مرضيتش تستلم الملف والفيش هيطلع بعد ميعدي معاد الجامعة بتاعتي
ينفع اودي الملف بتاعي في يوم جامعة تانية عشان يكون الفيش طلع ولا خلاص راحت عليا كده فرصة التقديم؟؟؟؟؟؟ ارجو الرد

الى macamico
طيب لما انت ميعاد الفيش بتاعك هيتأخر عن ميعاد التقديم ما طلعتش ليه فيش مستعجل بيطلع فى نفس اليوم انت قدامك حلين اما تشوف فى الزقازيق انهى مركز ممكن تطلع منه فيش فى نفس اليوم او انك لما تستلم الفيش تروح تقدم فى اى يوم تبع جامعه تانيه وتشرحلهم انك كنت بتقدم فى يومك بس ما اخدوش الملف عشان الفيش وان شاء الله هياخدوه منك
بس يا ريت تشوف حكايه الفيش المستعجل ده الاول
وربنا يوفقك وتلحق تقدم

الى macamico
حاول تطلع الفيش المستعجل انهارده من اى مكان مش قصدى الزقازيق وبس اى مكان تطلع منه الفيش المستعجل