واشمعنى انــــــــــــــــا.........

انا بعرف احكى سلبياتك يابلد

فيكى الظالمين سلبوا الامل قتلوا الولد

فيكى اللايمين ملوا الميادين وعششوا للابد

انا بعرف امسك فيكى على الغلطه

وابكى عليكى وانك بقيتى فى ورطه

وبعرف اقطع فى جذورك على المدد

انا بعرف اقول فى وفى وملوا البلد

وبعرف اقول ازاى كده تجرحوا فى الولد

وبعرف اكتب كلام كتير بيتولد

وبعرف احكى عنك مواويل بدون عمد

انا بعرف الوم على الناس واشكى منهم

واقول دا خان ودا باع ودا كذب

وليه رشى وليه ينافق وازاى يتنجد

وازاى يسيبوا الشوارع مش نضيفه

والنيل بنشرب منه ومليان بلاوى مش خفيفه

وازاى دا ظالم وازاى دا ناسى كيف اتولد

وازاى تهاجر وازاى تفارق وتنسى البلد

والوم واعاتب بالف حرف من العدد

ويجى دورى وتبتدى معايا الحكايه من غير حدود

اجرح فى غيرى واخون وابيع ومفيش قيود

واقتل بردو بس مش بايدى دا بالسكوت

وامشى فيكى ارمى فى النيل جوه الحدود

ودا يعنى منى ماهما عملوا اشمعنى ليا انا يبقا غلط

وممكن يعنى امدح مديرى وكمان فى غيرى المودود

علشان غناه ومركزه الى عليه هتسند

ودا مش نفاق دانا بدى لكل واحد حقه من البلد

ويعنى ممكن مساعده منى اخد من غيرى

ودى يعنى رشوه ماهو لولايا مااتنجد

والعن فيكى واعض ايديكى

واحلم اهاجر ومنك اتنجد

ودا بردو مش منى دا منك

مانتى الى سيبتنى فى الحيط اتهبد

بس اوعى تخافى انا بعرف اكتب وبعرف انقد

وبعرف الوم عليكى يابلد

بعرف اقولك انك فى البدايه والنهايه السبب

وهتقوليلى ابدء بنفسك وسيب محاسنى تتولد

اشمعنى انا ما الكل جرح وادارى فيكى

ونسى محاسنك ومفتكرش غير بلاويكى

ورغم انه عابك وسابك بس اتنجد!!!!!!!!

واشمعنى انا مانا بردو هتدارى وهبقا من مفيش وتد

وانقد فى غيرى وابيع ضميرى

وهخبى توبى واقول بحبك للابد

اه دمعى واترحمى على شعب للنقد اتولد

ونسى انك انتى ام الدنيا وام الشهيد يابلد