مجلس الدولة دفعة 2008و2009

لوسمحتم انا بعت الملف بتاعى مع واحد صحبى ووداة لاكن قلولة انة يجى صاحبة يوم 4/9 يستلم الايصال بنفسة هل الكلام دة صح مع انى قريت فى المنتدى ان كل اللى راح يسلم الملف خد ايصال انا من جامعة اسيوط يريت حد من جامعة اسيوط يقلى اة اللى حصل معة
ارجو الرد
شكرا

بيمن سامح كتب:

لوسمحتم انا بعت الملف بتاعى مع واحد صحبى ووداة لاكن قلولة انة يجى صاحبة يوم 4/9 يستلم الايصال بنفسة هل الكلام دة صح مع انى قريت فى المنتدى ان كل اللى راح يسلم الملف خد ايصال انا من جامعة اسيوط يريت حد من جامعة اسيوط يقلى اة اللى حصل معة
ارجو الرد
شكرا

غريبه الحكايه دى المفروض انه بيديله الايصال اول ما يراجع الملف انما على العموم روح 4/9 وشوف ايه الموضوع وربنا يوفقك

انا ايضا جامعه اسيوط وحدث معى مثل ما حدث معك..... ده مش غريبه بس ده فى منتهى الغرابه
ده من المفترض ان يدخل فى حسبانهم اننا من بيننا اللى من اسيوط وسوهاج وقنا واسوان
......... حسبنا الله ونعم الوكيل ........0
(الــــــــــصـــــــبـــــــر مــــفــــــتــــــاح الــــــــــــفـــــــــرج)
وشكرا وبالله التوفيق

الله يهديهم ويتقو الله فينا
هو اية اللخبطة بتعتهم دى وكمان فى رمضان

ممكن تقول يا استاذ عبد الناصر اة الى حصل معاك بالظبط لما قدمت الملف
ارجوك ترد على انهردة علشان انا مسافر بكرة
شكرا

ممكن تقولى يا استاذ عبد الناصر اه اللى حصل لما قدمت الملف بالظبط
ارجو الرد بسرعة علشان انا مسافر بكرة
شكرا

انا عاوز اعرف ايه اهمية الايصال ده غير انى اعرف ميعاد المقابلة لنى ممكن اعرف الميعاد من اى مكان اخر
هل لابد من وجود الايصال لعمل المقابلة
ارجو الافادة اليقينية وشكرااااااا

انا عاوز اعرف ايه اهمية الايصال ده غير انى اعرف ميعاد المقابلة لنى ممكن اعرف الميعاد من اى مكان اخر
هل لابد من وجود الايصال لعمل المقابلة
ارجو الافادة اليقينية وشكرااااااا



من غير الايصال ده مش هتخش المقابلة بتاعتك
كلام المستشار فى الميكرفون النهارده فى المجلس

السلام عليكم النهارده كان يوم تسليم ملفي جامعه الاسكندريه وشرطه غير التخلفات طبعا اللي راح بدري ريح نفسه وحلص بس انا للاسف رحت متاخر لكن الموضوع مش كده المشكله ان الدنيا هناك مش منظمه بالمره وهرجله وفوضي بمعني اصح ولما لقو ان الوضع هيخرج من ايدهم خدو اسكندريه وشرطه واستينا واستلمنا الاسصال لكن التخلفات قالولهم تعالو يوم الاتنين تخدو الايصال ولا في مراعاه للسفر والصيام والمعاناه اللي هاتعانيه الناس دي كان الله في عونهم لكن في النهايه الواحد مكنش يتخيل ان مجلس الدوله يبقي مفيهوش نظام ربنا يوفقنا في المقابلات والتعيين ان شاء الله

ممكن اعرف المرتبات ايه

لو حد عندو علم بخصوص الموضوع ارجو ان يخبرنا

فعلا يااستاذ خالد كامل مجلس الدولة فوضى بلاتنظيم
بس انا بحمد الله كنت جامعة عين شمس وقدمت يوم الخميس فى التخلفات بس حمد الله استلمت الايصال فى نفس اليوم الف حمد وشكر ليك يارب

ممكن اعرف ميعاد المقابلة للتخلفات امتى علشان يوم الامتحان مش هينفع اروح

الحمد لله ياستاذ احمد بدر انك كنت تخلفات وخدت الايصال معاك في نفس اليوم اكيد روحت بدري لان من بعد الساعه 11 لما اتزحم وكله اتجمع ادو الاولويه لاسكندريه وشرطه والتخلفات خلوهم يوم الاتنين زي ما يكونو بيعقبوهم الحمد لله علي كل شئ

اخبار اسئله مجلس الدوله ايه؟

لا والله استاذ خالد كامل
انا وصلت المجلس الساعة 2 ظهرا
ماشيت من المجلس 3 الى ربع
بس الحمد لله خلصت الموضوع

والله ياساتاذ احمد مقدرش اقول غير يابختك ده انتا محظوظ اوي علي كده بس التوفيق في الاول والاخر من ربنا المهم دلوقتي الاسئله فييييييين خصوصا ان استاذ رامي قال ان في موضوع هيتخصص لكده وبقاله شهر او اكتر مدخلش المنتدي ياريت يكون المانع خير

كله توفيق من عند الله
انا معاى اسئلة مجلس الدولة من منتدى احمد يدك لو تحبه تاخدوها انا معنديش مشاكل

فعلا في ناس قالتلي علي المنتدي ده طيب ياريت لو تقدر تديهاني بس ازاي مش عارف لو في طريقه من غير ماتكون ممنوعه هنا انا معنديش مشكله وكل سنه وانتا طيب وعيد سعيد

وانت طيب ياخالد بيه
انت قدامك حل من اتنين:
لما تعمل اشتراك على المنتدى احمد يدك القانونى
او انك تقابلنى وتصور الورق
شوف الى يريحك وانا تحت امرك

وليه متنولش الاسئلة على المنتدى هنا
وتشيرالى انها من منتدى اخر؟؟؟؟؟؟؟؟؟

فعلا الفكره اللي قالها المدير العام ممتازه طالما مسموح بيها حتي تبقي الافاده هتعم علي كل الموجودين في المنتدي وشكرا لاهتمامك

اه فعلا ياريت
وأى حد يجماعه يقدر يجيب الاسئله ياريت ينزلها على المنتدى والله هيكسب ثواب عظيم

أسئلة مقابلالالالات مجلس الدولة
..............................................................................................
س1 ماهى هيئة قضايا الدولة؟
س2 مالفرق بيبن التقادم والسقوط؟
س3 ماهو عمل الامير؟
س4 ماهى شروط تطبيق نظرية فعل اامير؟
س5 ماهى صور فعل الامير؟
س6 عرف نظرية الظروف الطارئة؟
س7شروط تطبيق نظرية الظروف الطارئة؟
س8ماهو السبب الاجنبى؟
س9 ماهو االخطا المفترض؟
س10 ماهو عدد الهئيات القضائية فى مصر؟
س11 ماهو تشكيل مجلس الدولة؟
س12ماهى اختصاصات رئيس مجلس الدولة؟
س13 ماهو تشكيل واختصاص الجمعية العمومية لمجلس الدولة؟
س14 ماهو تشكيل قسم الفتوى فى مجلس الدولة؟
س15 ماهى اختصاصات قسم الفتوى؟
س16 ماطبيعية الفتاوى الصادرة من قسم الفتوى؟
س17 ماهو تشكيل واختصاص قسم التشريع فى مجلس الدولة؟
س18 ماهو التشكيل القضائى لمجلس الدولة؟
س19 من هو مفوض الدولة؟
س20 ماهى اختصاصات مفوض الدولة؟
س21 ماهى طبيعة مهمة هيئة مفوشى الدولة؟
س22 ماهى اختصاص المحاكم الادارية؟
س23 ماهو القضاء الدارى واختصاصاته؟
س24 ماهو تشكيل المحاكم التاديبية؟
س25 ماهى اختصاصاات المحاكم التاديبية؟
س26 ماهى موانع المسئولية الاتادبيبة؟
س27انوااع الجزاءات التادبيبة؟
س28 ماهو انقضاء الدعوى التادبيبة وماهو تقادمها؟
س29 متى تتقادم الدعوى التادبية؟
س30 مالمقصود بمبدا شرعية الجزاء الادارى؟
س31 ماهى ضمانات التحقيق مع الموظف العام والجزاءات؟
س32 ماهى مواعيد الطعن على القرارات التادبيبة ومجلس التاديب؟
س33مالفرق بين العقوبة الجنائية والعقوبة التادبية؟
س34 ماهو الوقف الادارى وانواعه وماهى مدده؟
س35 ماهى طبيعة الاجراءات امام القضاء الادارى؟
س36 ماهى اعما ل السيادة؟
س37 ماهو تشكيل المحكمة الدستوريا العليا؟
س38 من له الحق برفع الدعوى بعدم دستوريا اامام المحكمة الدستوريا العليا؟
س39 ماهى اختصاص المحكمة الدستورسا العليا؟
س40 ماهى الخصومة؟
س 41 ماهى انواع الاختصاص القضائى؟
س42 ماهو التقادم وماهو انواعه؟
س 43 عرف الموظف العام وواجباته وطرق تعينه؟
س44 ماهى طرق اختيار الموظف العام؟
س45 مالفرق بن الموظف العام والموظف الفعلى؟
س46 ماهى موانع ترقيه الموظف العام؟
س47 انواع الاجازات وانواع الوقف عن العمل؟
س48ماهى اسباب انتهاء الخدمة العامة للموظف؟
س49 ماهى انواع الاستقالة؟
س50من هى السلطة المختصة بتوقيع الجزاءات التادبية؟
س51 ماهو تعريف القرار الادارى وعناصره واركانه؟
س52 ماهى السمات العامة للقرار الادارى؟
س53 ماهو التفويض والحلول فى اصدار القرار الادارى؟
س54 ماهى طرق تنفيذ القر ار الادراى للجههة الادارة؟
س55 ماهو القرار السلبى والقرار المنعدم والقرار السلبى؟
س56 ماهى عيوب القرار الادارى؟
س57 ماهى اعمال الغصب واتعدى المادى؟
س58 ماهو قضاء التاديب وقضاء الالغاء وقضاء التعويض؟
س59 ماهى شروط دعوى الالغاء؟
س60 ماهى الحالات التى يكون التظلم فيها وجوبى؟
س61ماهى مدة الطعن على قرار رئيس الجمهورية باعلان حالة الطوارىء؟
س62 ماهو الغاء القرار الادارى واماهو سحب القرار الادارى ومالفرق بينهما؟
س63 ماهو المدى الزمنى للادارة لاستخدام الادارة رخصتى الغاء وسحب الادارة القرار؟
س64 ماهى الجهات الخاضعة لقانون المناقصات والمزايدات؟.
س65 ماهو البطلان؟
س66 ماهو الشروط الشكلية لدعوى الالغاء؟
س67 تكلم عن مفهوم المصلحة فى دعوى الالغاء وانواعها؟
دس68 ماهو الضبط الادارى ومن له سلطة الضبط الادارى؟
س69 عرف المرفق العام؟ مع ذكر اسليب ادارته؟
س70 ماهو المال العام؟
س71 ماهى تقسيمات المرافق العامة؟
س72 مالفرق بين العقد الادارى والعقد المدنى؟
س73 ماهى انواع العقود الادارية؟
س74 ماهى سمات العقد الادارى؟
س75 ماهى طرق ابرام العقد الدارى؟
س76 ماهو عقد المقاولة وعقد الامتياز وعقد التوريد؟
س77 كيفية فسخ العقوقد الادارية وطريقة التعويض عن ذلك؟
س78 ماهى اسباب كسب الملكية.؟
.................................................................................................
ملحوظة:
للامانة العلمية هذه الاسئلة منقولة من منتدى احمد يدك القانونى
ارجو الا تنسونا بالدعاء
س70

س1-ما هى مواعيد الطعن بالنقض ؟

الإجابة (60يوم)

س 2-ما هى اختصاصات المحكمة الدستورية العليا؟ (مختصر )

الإجابة نظر المنازعات الإدارية والبحث في دستورية القوانين

س3-من هو مفوض الدولة ؟

الإجابة هو شخص يقوم بتحضير الدعوي الإدارية وابداء رأيه فيها

س4- ما هو الخطأ المفترض ؟

س26- ما الفرق بين العقد الادارى والعقد المدنى ؟

العقد الادارى: هو العقد الذى تبرمه الدولة او احد أشخاص القانون العام مع شخص آخر بقصد إدارة مرفق عام ويتضمن شروط استثنائية غير معروفة فى عقود القانون الخاص ويخضع لأحكام القانون الادارى والذي يطبق قواعده أمام محاكم القضاء الادارى.
أما العقد المدنى: هو اتفاق بين شخصين او أكثر من الأفراد وقد تكون الدولة طرف فيه ولكن ليس باعتبارها سلطة عامة ويخضع لأحكام القانون الخاص ويطبق قواعده أمام محاكم القضاء العادي

س27- ما هو الركن المادي فى جريمة الرشوة ؟
الركن المادي فى هذه الجريمة له ثلاث صور هى الطلب والقبول والأخذ

س28- ما هو السبب فى القرار الادارى ؟
هو الحالة القانونية والواقعية والمشروعة التي تجعل جهة الإدارة تتدخل وتصدر القرار الادارى

س29- ما الحكمة من التقادم في القانون الإداري ؟
ج : استقرار الحقوق وحماية المراكز القانونية

س30- ما هو الوقف الادارى ومدته ؟

هو منع الموظف من ممارسة العمل وإسقاط ولاية الوظيفة عن الموظف المذنب إسقاطا مؤقت مع حرمانه من نصف مرتبه.
والوقف عن العمل ثلاث أنواع الوقف بقوة القانون - والوقف كعقوبة أصلية وهذا لا تزيد مدته عن 6 أشهر - الوقف الاحتياطي وهذا لا تزيد مدته عن 3 أشهر

س31- ما هي الجرائم التى تقع على المال العام ؟
1-الغدر 2- الاختلاس3- التربح 4 - الاستيلاء على المال العام 5 - الرشوة

س32- ما هو تعريف الاستقالة وما هى الاستقالة الضمنية ؟
الاستقالة هى انتهاء خدمة الموظف بإرادته بناء على طلب يقدمه إلى رؤسائه يطلب إنهاء خدمته
أما الاستقالة الضمنية: فهى التى يعتبر فيها الموظف مستقيلا حكميا إذا انقطع عن العمل مدة محددة او التحق بخدمة جهة أجنبية بغير ترخيص من الدولة



س33- ما هى موانع المسؤولية الجنائية والتأديبية ؟
أولا موانع المسؤولية التأديبية:
1- يعفى العامل من الجزاء استنادا إلى أن ما قام به كان تنفيذا لأمر مكتوب صادر من رئيس له فى العمل
2- يعفى العامل من المسؤولية فى حالة عدم القدرة على الإدراك أو قام بالعمل تحت إكراه أو تهديد
3- إذا حسنت نيته وارتكب فعلا تنفيذا لما أمرت به القوانين او اعتقد ان إجراء من اختصاصه
ثانيا موانع المسؤولية الجنائية:
1- صغر السن
2- الجنون او عاهة عقلية
3- حالة الضرورة
4- الإكراه المعنوي
5-الغيبوبة الناشئة عن سكر اختياري

س34- ما هى أعمال الغصب والتعدي المادي ؟
هو ارتكاب الإدارة لخطا جسيم وصارخ أثناء قيامها بعمل مادي تنفيذي يتضمن اعتداء على حرية فردية أو على مال مملوك لأحد الأفراد أو يتعلق بعيب جسيم ينهض إلى حد اغتصاب السلطة ويجعل العمل المادي عديم الأثر قانونيا.
والقضاء الادارى المصرى لا يشترط كالقضاء العادي وجود أعمال مادية تنفيذية للقول بتوافر حالة اعتداء مادي بل يكفى ان يصدر قرارا معدوما يتضمن تنفيذه فى طياته دون حاجة لتنفيذه فهو يستنفذ غايته بمجرد صدوره كالأمر بإغلاق مقر جريدة يومية او منع عقد اجتماع حزبي أو نقابي بكيفية تعسفية وخارج حدود القوانين واللوائح الجاري العمل بها وهذا ما أكدته محكمة القضاء الادارى والمحكمة الإدارية العليا .

س35- متى تسقط الدعوى التأديبية ؟

1-بصدور حكم نهائي فيها
2-وفاة العامل المحال إلي المحاكمة أثناء نظرها
3-مضي 3سنوات من تاريخ المخالفة التي ارتكابها العامل

س36- بما ينقضي الالتزام ؟
1-بالوفاء
2 -بما يعادل الوفاء (التجديد- الوفاء بمقابل-المقاصة-اتحاد الذمة )
3- انقضاء الالتزام دون وفاء (الإبراء- استحالة التنفيذ-التقادم المسقط )

س37- الوقف الادارى ومدته ؟
الوقف الادارى نوعين : وقف احتياطي ووقف بقوة القانون.
الوقف الاحتياطي:إذا كان هناك تحقيق مع الموظف واحتاج التحقيق ذلك الوقف

الوقف بقوة القانون:يكون بسبب الحبس الاحتياطي أو تنفيذ حكم جنائي نهائي أو غير نهائي.
الوقف قرار إدارى وليس تاديبى لمصلحة التحقيق.
لا تزيد مدة الوقف عن ثلاثة شهور , وإذا تطلب التحقيق زيادة يكون بقرار من المحكمة التأديبية المختصة.

س38- ما هو السبب فى القرار الادارى ؟
هو حالة واقعيه بعيده عن مصدر القرار تتم , فتحمله على إصدار القرار , كان يرتكب الموظف ذنب ادارى ما , فالأفعال المكونة للذنب الادارى هى سبب القرار.

س39- ما هو الضبط الادارى وما هى سلطات الضبط الادارى ؟
الضبط الادارى هو حق الاداره فى ان تفرض على حريات الأفراد بعضا من القيود بقصد وقاية النظام العام فى المجتمع.
سلطات الضبط الادارى :تتمثل في
رئيس الجمهورية
رئيس مجلس الوزراء
وزير الداخلية
ضباط الشرطة
المحافظون[b]

يا شباب اسئلة احمد يك انا حاططها فى الموضوع دا وهتلاقهوها فى الصفحة رقم 2