موقع الالتحاق بكلية الشرطة

http://academy.moiegypt.gov.eg/police_online/all.htm

ازيك يا ناجح باشا
عامل ايه
يعني مردتش عليا في سؤالى
مش مشكله ده هيوضح الموضوع
" ازاي اعرف ان سنة تخرجي للثانوية العامة مايو 2007 لهم الحق في التقدم ؟ "
علما بأنني دخلت الموقع وقريت المكتوب ده ويا ريتني ما قريت وهو
" شروط الإلتحاق بكلية الشرطة

يجب أن يتوافر فى الطالب راغب الإلتحاق بكلية الشرطة الشروط التى نص عليها القانون رقم 91 لسنة 1975 م بشأن إنشاء أكاديمية الشرطة وتعديلاته ولائحته التنفيذية الصادرة بقرار وزير الداخلية رقم 864 لسنة 1976 وتعديلاته وهى :

أن يكون الطالب مصرى الجنسية من أبويين يتمتعان بهذه الجنسية عن غير طريق التجنس ، ويعتبر الطالب مفصولا من الكلية اذا تغيرت جنسيته أثناء قيده بها .

أن يكون حاصلا على شهادة اتمام الدراسة الثانوية العامة لعام التقدم أو عامين سابقين أو الثانوية الأزهرية لعام التقدم أو عام واحد فقط سابق على عام التقدم والحاصلين على الثانوية العامة من خارج البلاد والمعادلات (الدبلومات الأجنبية ) لعام التقدم أو عام واحد فقط سابق على عام التقدم ، شريطة أن يكون الطالب مقيدا فى ذلك العام فى احدى الكليات أو المعاهد الخاضعة لإشراف وزارة التعليم العالى عند التقدم للالتحاق بالكلية ، مع تقديم شهادة تثبت القيد مع مراعاة النسبة المئوية لمجموع الدرجات ألا تقل عن 60 % .

"
أرجوك رد عليا بسرعة وقولى اعرف منين ان انا ليه الحق في التقدم ولا لأ
ولك جزيل الشكر

هي الشروط ده مالها
انتا مش مصري ولا اية
هههههههه
ادخل علي شروط الالتحاق وانزل تحت
هتلاقي موافق او مش موافق
اضغط علي موافق
وادخل البيانات المطلوبة وتاني يوم هيقولولك تنفع تقدم ولا لا

خلاص يا ناجح أنا الحمد لله عرف كل حاجة
وان انا مينفعش ليه التقدم
دخلت وجربت اسجل لقيتهم عايزين من تلات سنين وهم 2008 - 2009 -2010 ولو عايز تتأكد ادخل وجرب سجل بيناتك وشهادة الثانوية وانت تعرف
يلا الحمد لله الذي هدانا لهذا وما كنا له مقرنين وإن إلى ربنا لمنقلبون "
إن شاء الله هستنى يمكن يطلبوا تخصصي في الضباط المتخصصين السنة الجاية اصل هتخرج السنة الجاية من الكلية
وربنا يسهل
ومليون شكرا ليك و لمحمود ولكل الناس اللى زيكم كده وربنا يجزيكم على قد عملكم الرائع ده
وإن شاء الله مش معنى كده إن خلاص همشي من المنتدى إن معاكم على طول وهفضل اتابع اخبركم الحلوه والعسكرية إن شاء الله لو فينا عمر
وسلامى لكل أعضاء المنتدى
وشكرا
أحمد كرم

يابني ازاي
ده المفروض انك بتعرف النتيجة بعدها بيوم

جرب وادخل عادي مش هيجرالك حاجة
افتح الموقع وادخل سجل بيناتك هيجبلك قبل كل حاجة شهادة الثانوية العامة و تاريخها وهما محدديون زي مقولت قبل كده
ورقم الجلوس وهكذا
جرب ورد عليا بسرعة وقولى اللى انت فهمته

اصل انا دفعة 2008
فاكيد هتمشي الامور

بالسبة لمين بالضبط

انا فعلا دخلت وملقتش الا 3 دفعات بس
بس ازاي ده الجرائد مكتوبة اربع دفعات

خلاص يا باشا قدر الله ما شاء فعل
انت ليك انك تقدم في الشرطة وفي الحربية إن شاء الله قدم وانا بدعيلك تنجح
وتكون ضابط برتبة كبيرة وتكون برده معانا في المنتدى حتى لو بقيت وزير الدفاع إن شاء الله
هههههههه
اقدم انت وربنا مش هينساك وهينجح لإن انت وقفت مع ناس كتير قوي محتاجة معلومات زي حلاتي
وشكرا

ربنا يخليك يا ابو حميد
وياعم متزعلش نفسك
يمكن ربنا كتبلك حاجة احسن منها بمليون مرة
وياباشا ان شاء الله كلها سنه وتروح تقدم متخصصين
وربنا هيكرمك
ومتزعلش ياباشا ده ارزاق وربنا بيوزعها بالعدل
ارضي بما كتبة الله تكن اغني الناس
وقول الحمد لله يمكن لو كن دخلتها كانت هتحصلك اي مشكلة كبيرة
قدر الله وما شاء فعل
متزعلش بقي ياباشا
وكلها سنه ان شاء الله وتقدم

يسمع من بأوك ربنا يا ناجح
وانا مش زعلان ومن يوم عرفت ان مليش تقديم وانا راضي بأمر الله وقضاءه وعندك حق يمكن كان يحصلي أي حادث لا قدر الله لو اقدمت واتقبلت وعسى ان تكرهوا شيئ وهو خير لكم
وإن شاء الله ربنا يرزق بغيرها السنة الجاية أو اللى بعدها وانا برده هسعى ومش هستسلم ودعواتك معايا يطلبوا تخصصي السنة الجاية يا رب وحتى لو مطلبوش أنا راضي بأمر الله وقضاءه والحمد لله على كل شيئ
أنت اقدم بأه وإن شاء الله تتقبل وتتدخل الحربية ويبقى لينا في المنتدى ضابط ممتاز زيك
وربنا يوفق مع كل شكري وامتناني ودعائي لك يا ناجح

» فتح باب القبول لدفعة جديدة للدراسة بكلية المراقبة الجوية
» النصاب استولي علي مليون جنيه لإلحاق 4 بكلية الشرطة
» قبول دفعة جديدة بقسم الضباط المتخصصين بكلية الشرطة
» قبول دفعة جديدة بكلية الشرطة 60% الحد الأدني للثانوي العام والأزهري
» قبول دفعة جديدة من الحاصلين علي الثانوية العامة والازهرية والجامعيين بكلية الشرطة