ولد وبنت واقفين على كورنيش المقطم , الولد مسقط البنطلون لحد كعب رجله و لابس كاب و شعره اطول من شعر البنت
و البنت شعرها قصير زى الولاد و ماسكه مصاصه نصف قطرها اكبر من نصف قطر كرة الباسكيت
البنت : اسمع بقى يا تيتو انت لازم تروح تكلم داد
تو : كفايه ضغط على يا سوزى , انت عارفه انى مقدرش اعمل اى حاجه دلوقتى
سوزى : ممكن افهم ليه؟
تيتو : يا سوزى انا مقدرش اخد اى خطوه الا لما اعرف انا حأكمل علمى ولا حاحول أدبى
سوزى : و دا دخله ايه فى موضعنا؟؟
تيتو : لو كملت علمى حتكون مصيبة.
سوزى : أزاى يا فالح؟؟؟
تيتو : لو كملت علمى ممكن بابا يضغط على و يخلينى اذاكر وممكن أدخل هندسة.
سوزى : و هى دى حاجه وحشة يا توتا.
توته : ايوه طبعا !! لانى كدا حدخل الجيش تلات سنين !! متخيله انا أدخل الجيش.
سوزى : يا لهوى هو انا ناقصة لا عندك حق يا حبيبى
ليدو : علشان كدا انا فكرت و قررت لو حولت أدبى انشالله السنه دى حاروح اكلم يور داد(your dad).
سوزى : أعتبر دا ديل(deal)
وليد : ديل(deal).
الولد جاب 53 % فى ثانويه عامه و راح و هو الفرحه مش سيعاه على والد سوزى.
تيتو : هاى أنكل(uncle)
انكل : مش انت الولد اللى كنت فى عيد ميلاد سوزى بنتى.
تيتو : ذاكرتك قويه اوى يا أنكل.
أنكل : فى حاجه يا أبنى؟؟
تيتو قلع الكاب و حط ايده ورا دهره أحتراما لسوزى داد !!
لكن لما لاحظ حالة الهلع اللى أصابته لما شاف الحشرات اللى طارت من شعره لبس الكاب تانى بسرعة.
تيتو : انا مش حاضيع وقتك يا أنكل , انا و سوزى بنحب بعض من تلات سنين و عايزين نتجوز و انا جيت أقولك علشان متقولش انى مصاحبها من وراك يا انكل.
أنكل : أسمى الحاج صلاح عبد الجبار يا روح خالتك
تيتو بدا يترعش و مسكالبنطلون على أخر لحظه قبل ما يوقع
تيتو : اوك يا أنكل حاج صلاح زى ما تحب
تمالك الحاج صلاح نفسه و سأله فى هدوء شديد.
الحاج صلاح : عندك شقه يا أبنى؟؟؟
تيتو : داد هايجبلى.
الحاج صلاح : انت فى المدرسة لسه يا حبيبى ؟
تيتو : أنكل حاج دا شئ طبيعى يعنى مش محتاج أسئلة
الحاج صلاح : يعنى أنت مش بتشتغل و جى عايز تتجوز!!
تيتو : نو يا أنكل حاج أنت فهمتنى غلط خالص ,طبعا انا عندى شغل.
الحاج صلاح : بتشتغل مع والدك.
تيتو: نو نو نو يا أنكل أنا عندى راب باند.
(فرقة موسيقية)
الحاج صلاح : دا محل ايه يا أبنى؟؟؟
تيتو : نو يا أنكل يعنى أنا ب أغنى و بمناسبة انى جى لحضرتك ألنهاردة انا كتبت حاجه مخصوص
تيتو يبدا بعزف بعض المقطوعات و الاصوات بفمه ثم القى بالقنبله الغنائيه وهو يتراقص امام الحاج صلاح.....
عـــــــــــــــــادى
عايز أتجوز بس عادى
عندى فلوس و عندى دادى
و بفكر اسكن فى المعادى
و أشترك فى أى نادى
وصلت لسوزى الساعه 8
لابس تيشيرت فرق ألمانيا
الحاج صلاح : امشى اطلع بره يا أبن العبـيـــــــطه
قذفت صرخة الحاج صلاح تيتو خارج مكتبه لمسافة 100 متر
تقريبا دا من كتر اعجابه برقص وغنى تيتو
