منتدى راجعون الى الله


انرت منتدانا زائرنا الغالى اذا اردت التسجيل فمرحبا بك

منتدى راجعون الى الله


 
الرئيسيةالتسجيلدخولالتسجيل
النيابة العامة والنيابة الادارية ومجلس الدولة وهيئة قضايا الدولة موضوعات متجددة تجدها بمصداقية فقط على منتدى راجعون الى الله ....
تابعوا معانا يوميات حنفى وحمديه والناس الموئعتيه فقط وحصريا بقسم القصص والمواعظ بمنتدانا منتدى راجعون الى الله
بمناسبة اقتراب شهر رمضان الكريم اعاده الله علينا وعليكم باليمن والخير والبركات ندعوكم لزيارة قسم (رياض الجنه الرمضانى )بمنتدانا لمتابعة كل ماهو مفيد وجديد فى الشهر الكريم
عايز تتابع وتعرف كل حاجه عن علماء بتحبهم ومفكرين وشيوخ اجلاء بتتمنى تكون زيهم تابع معانا فى منتدانا بقسم المفكرين والعلماء وسوف تجد كل ماتتمنى ان تعرفه عن مشايخنا وعلمائنا ومفكرينا
عندك موهبة الكتابه ؟؟؟عايز تقول رأيك ونفسك تبقا صحفى والكل يقرا مقالاتك ؟؟؟؟نورنا فى جريدة منتدانا منتدى راجعون الى الله (مقالات الاعضاء وبس)

شاطر | 
 

 من غير النيش ما يلزمنيش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mo7amed™

أذكــــى عضــــو فى المنتدى


الساغة الأن :
الاقامة : فوق القمر
الجنس : ذكر
عدد المساهمات : 1071
نقاط : 1321
تاريخ التسجيل : 25/01/2010

مُساهمةموضوع: من غير النيش ما يلزمنيش   30th أكتوبر 2010, 3:13 pm

من غير النيش.. ما يلزمنيش،

[ندعوك للتسجيل في المنتدى أو التعريف بنفسك لمعاينة هذه الصورة]

صرخت أم الفتاة الريفية الجميلة
فى وجه أبيها
وهى تحمل فوق رأسها صفا من الصناديق
...الورقية التى تحوى العديد من الأدوات المنزلية
تكفى لتجهيز فندق سعة 20 فردا،

كان الأب قبلها بثوان يحاول إقناع زوجته
خلاص بأه يا أم ريها..
(ريهام يعنى)..
الواد دفع دم قلبه
وبقى أنضف من طقم الصينى أبو 1100 جنيه
اللى حكمتى رأسك وألف صرمة لانجيبهولك..

لازمته إيه بأه نيش وما نيششى،

تلتفت أم «ريها..» لزوجها صارخة بعزم مافيها:
إحنا مالناش صالح بكل ده..
، من غير النيش الموضوع ده كله مايلزمنيش!!!!!!


وهكذا تتضح لنا
أهمية النيش فى تقرير مصير
الجيل القادم من أفراد الشعب المصرى،

والنيش لمن لا يعرفه
(لو متجوز أكيد تعرفه وبتبصله بحقد طول النهار
لو لسه ع البر قلبى عندك هتعرفه قريب قوى يا عينى ربنا يقويك)

هو نسخة مصغرة
من متحف الأوانى الزجاجية
والخزفية القائم بميدان باب الخلق،

فهذا الصندوق الخشبى الغبى
من المعروف على الصعيد الإقليمى
أنه يحتوى على النسخة غالية الثمن
من أطقم الكاسات والأكواب إلى يشتريها أى عروسين
إلا أنها أشياء مش للاستعمال
وإنما من أجل أن «تتفشخر» عروس الربيع بها
أمام زوارها فى أول أسبوع
جواز وبعدين خلاص،
ولا له أى لازمة فى الحياة
وهو شىء آخر من الأشياء غير المنطقية
فى حياتنا اللى بنعملها بس تطبيقا للقاعدة
الشهيرة
«هذا ما وجدنا عليه آباءنا».

فى سفرياتى القصيرة
لأوروبا وأمريكا والدول المتقدمة

هالنى الفرق بين تعاملهم
مع الأزمة الاقتصادية العالمية الطارئة
وتعاملنا مع الأزمة الاقتصادية
التى نعيش فى كنفها منذ آلاف السنين،

هم كل فرد فيهم حاسس بالمشكلة،
و إحنا حاسين بالمشكلة برضه
بس بنستهبل ورافعين شعار «أقرع ونزهى» ما تفهمش ليه؟


فى هولندا
شفت مهرجان لتبادل الملابس المستعملة،
رواده مش أسر فقيرة،
رواده ناس دخلهم الشهرى أضعاف أضعافنا،
لكن المنطق بيقول
إن دى أوقات صعبة
وماحدش عارف الجاى إيه،
يبقى ليه ما نعملش حسابنا من دلوقت؟



فى النمسا

إتعزمت على العشا فى بيت أستاذة جامعية،
شقتها ما تزيدش بأى حال من الأحوال عن 70 مترا،
خصصت جزء منها وعملته جنينة،
ولما حكتلها عن شققنا وكراكيبها
وقانون المدهب والصينى والقايمة والنيش،
فضلت طول الليلة مش مستوعبة
إحنا ليه بنحمل نفسنا فو
ق طاقتها بالشكل ده؟

فى أمريكا
شفت 3 حفلات زفاف عملها أصحابها
فى متنزه عام ،
يادوب تمن تأجير فستان العروسة
وبدلة العريس وبوكيه الورد وشكرا،

الناس العاقلة ماتضيعش
فلوسها ع الفاضى



يخيل إلى أحيانا
أننا شعب مرفه
رغم كل ما نعيشه من أزمات
إلا أننا مصرون على التعامل معها
بأسلوب طفولى يثير الدهشة،

نصر على عادات وتقاليد بالية
وطريقة حياة أثبتت فشلها
فقط لأننا نتبع ما وجدنا عليه آباءنا!!!

مكسلين حتى نفكر تفكيرا جديدا مناسبا
للوضع اللى إحنا وصلنا ليه،
ونعيش مصرين على طقم الصينى
وعلى النيش
وعلى مليون حاجة مالهاش لازمة
وكأن لا فيه مشكلة اقتصادية
ولا فيه أزمة زواج
ولا فيه مليون أزمة تانية
يتوجب علينا إننا نشوفلها حلول
أو على الأقل نحاول نعيش تحت
ظلها بشكل عقلانى أكتر من كده...


ساعات كتير باسأل نفسى
ليه معظمنا بيمشى ورا القطيع ؟
ليه بندى أجازة للعقل
والمنطق وإحنا بنتعامل مع أزمة
طاحنة زى الأزمة اللى إحنا عايشين فيها دلوقت ؟

لكن يبدو أن العقل والمنطق
حاليا أشياء برضه موجودة جوه النيش،
ليست للاستعمال
وإنما للفرجة فقط.



بقلم:
غادة عبد العال
28\10\2010
جريده الشروق

الرجوع الى أعلى الصفحة اذهب الى الأسفل
أحمد المنوفى
النائب التنفيذي للمدير
النائب التنفيذي للمدير


الساغة الأن :
الاقامة : المنوفية
الجنس : ذكر
عدد المساهمات : 5978
نقاط : 6530
تاريخ التسجيل : 25/02/2010

مُساهمةموضوع: رد: من غير النيش ما يلزمنيش   30th أكتوبر 2010, 9:33 pm

لكن يبدو أن العقل والمنطق
حاليا أشياء برضه موجودة جوه النيش،
ليست للاستعمال
وإنما للفرجة فقط.



فعلا هذه حقيقة



المصدر: منتدى راجعون الى الله - http://us2allah.ahlamontada.net/






[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]


ربــــــــي لا أدرى مــــــــا تحملــــــه لـــــي الأيــــــــــام لكـــــــن
ثقتــــــــي بـــــأنــــك معــــــي تكفينـــــــي
سبحــــــانــــــــك... مـــــا أحلمـــك...،و بحــــــالي مـــــا
أعلمـــــك،... وعلـــــى تفــــريـــــج همـــــي
...مـــــــا...أقـــــدرك...، أنـت ثقتــــــي ورجـــــائـــــي، فاجعـــــل
...حســــن ظنـــــي فيــــك جـــــزائــــي


من أحب الله رأى كل شيء جميل ...
أصدق حزن ابتسامة في عين دامعة ...
من أعظم أنواع التحدي أن تضحك و الدموع في عينيك ...
الرجوع الى أعلى الصفحة اذهب الى الأسفل
memo dream
النائب التنفيذي للمدير
النائب التنفيذي للمدير


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

مُساهمةموضوع: رد: من غير النيش ما يلزمنيش   31st أكتوبر 2010, 11:26 am

انا الحمدلله بستعمل النيش كله هو مين يعنى الى هياكل منه احسن منى انا والبنى الغلبان ههههههههه

بس فعلا احنا عندنا فى مصر استهبال والناس هى الى بتزود على بعضها والى يجيب حاجه التانى لازم يجيب احسن منه والناس دلوقتى اتهبلت بقت بتجيب بدل الحاجه الواحده خمسه بس بصوا بقا اولا واخيرا للغادات لو واحده جابت حاجه قليله هتتذل بيها طول عمرها وطول الوقت هيتقلها هو انتى جيبتى ايه اصلا دى كانت جوازه منيله هههههههههههه وانا من رائى مع انه مش مهم اوى يعنى لانى خلاص فلت هههههههههه بس بردو عشان عيالى مستقبلا والله اعلم لربما ولد وبنت فلن اتحيز لحد ولازم العفش يقل والنيش يقل واهو كله توفير للمستقبل هههههههههههه
بس والله والله فعلا فى ناس عندنا بتستهبل وتجيب حاجات بغبا انا كنت من المستهبلين بس مش استهبلت اوى والنعمه وكنت رحيمه ببابا بس عشان الكدب مش رحيمه اوى يعمى كويس انه مش بيدخل هنا كان هيقولكم كدااااااااااايه ويشردنى ههههههههههه بس انا اعرف ناس فعلا فى حاجات النيش دى بيجيبوا بدل الطقم اربغه ساى الصينى خمسه والبيركس اربعه والتيفال معرفش كام غير بقا الكاسات الى بالكوم وهكذا بس بردو بالنسبه لينا احنا بلد عائلات مش زى الاجانب مش ليهم كبير مش فارقه لكن عندنا فى اهل ولما نجيب حاجه والطرف التانى يقول دا جاب حاجات ماشاء الله وكده بردو بتفرق وتفرح وكمان احنا عندنا فى مساعده كبيره من الاهل مش زى الاجانب غير بردو لما ميبقاش فى خالص استهبال يعنى الحمدلله ان فى مساعده من الاهل لكن الاجانب مع نفسهم هوالى اوفر بجد ام حد يجيب اكترمن طاقته ويسلف ويداين وممكن يسجن دا الى فغلا ببقا حرام وهبل يعنى انا رغيت كتير وانتوا زهقتوا امشى بقا بدل ماتحدفونى بالموس فى وشى Very Happy



المصدر: منتدى راجعون الى الله - http://us2allah.ahlamontada.net/






________________



بين امواج البحار وابتسامات القمر .....احبك حب لايقبل الانهيار ...ولايقدر على وصفه بشر



[ندعوك للتسجيل في المنتدى أو التعريف بنفسك لمعاينة هذه الصورة]


والدي : في داخـــــــل الأصـــــــداف يوجـــــــد اللـــــؤلــــؤ.....وفـــ​ـــــــي داخـــــلك وجــــــــــــــــدت معنى العطاء ..وإن كانـــــــــــت هنـــــــــــالك أشـــــــــــــــياء جميـــلة في حــــــــــــــــياتي ، فمـــــــن المــــــــؤكد...هــــــــ​ـــي وجـــــــــــودك بجـــــــــــانبي دومـــــــــــا ..
الرجوع الى أعلى الصفحة اذهب الى الأسفل
 
من غير النيش ما يلزمنيش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى راجعون الى الله :: منتدى راجعون العام :: قسم راجعون الى الله العام-
انتقل الى:  
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Furl  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

قم بحفض و مشاطرة الرابط راجعون الى الله على موقع حفض الصفحات

قم بحفض و مشاطرة الرابط منتدى راجعون الى الله على موقع حفض الصفحات