منتدى راجعون الى الله
شباب مصر الواعى و تعليقاتهم على أحداث تونس والاوضاع المشابهة فى مصر 5e6e128532

انرت منتدانا زائرنا الغالى اذا اردت التسجيل فمرحبا بك
منتدى راجعون الى الله
شباب مصر الواعى و تعليقاتهم على أحداث تونس والاوضاع المشابهة فى مصر 5e6e128532

انرت منتدانا زائرنا الغالى اذا اردت التسجيل فمرحبا بك
منتدى راجعون الى الله
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى راجعون الى الله


 
الرئيسيةأحدث الصورالتسجيلدخولالتسجيل
النيابة العامة والنيابة الادارية ومجلس الدولة وهيئة قضايا الدولة موضوعات متجددة تجدها بمصداقية فقط على منتدى راجعون الى الله ....
تابعوا معانا يوميات حنفى وحمديه والناس الموئعتيه فقط وحصريا بقسم القصص والمواعظ بمنتدانا منتدى راجعون الى الله
بمناسبة اقتراب شهر رمضان الكريم اعاده الله علينا وعليكم باليمن والخير والبركات ندعوكم لزيارة قسم (رياض الجنه الرمضانى )بمنتدانا لمتابعة كل ماهو مفيد وجديد فى الشهر الكريم
عايز تتابع وتعرف كل حاجه عن علماء بتحبهم ومفكرين وشيوخ اجلاء بتتمنى تكون زيهم تابع معانا فى منتدانا بقسم المفكرين والعلماء وسوف تجد كل ماتتمنى ان تعرفه عن مشايخنا وعلمائنا ومفكرينا
عندك موهبة الكتابه ؟؟؟عايز تقول رأيك ونفسك تبقا صحفى والكل يقرا مقالاتك ؟؟؟؟نورنا فى جريدة منتدانا منتدى راجعون الى الله (مقالات الاعضاء وبس)

 

 شباب مصر الواعى و تعليقاتهم على أحداث تونس والاوضاع المشابهة فى مصر

اذهب الى الأسفل 
3 مشترك
كاتب الموضوعرسالة
memo dream
النائب التنفيذي للمدير
النائب التنفيذي للمدير
memo dream


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

شباب مصر الواعى و تعليقاتهم على أحداث تونس والاوضاع المشابهة فى مصر Empty
مُساهمةموضوع: شباب مصر الواعى و تعليقاتهم على أحداث تونس والاوضاع المشابهة فى مصر   شباب مصر الواعى و تعليقاتهم على أحداث تونس والاوضاع المشابهة فى مصر Empty16th يناير 2011, 1:41 pm

الموضوع منقول وحبيت اشوف تعليقكم ايه على التعليقات دى

وطبعاً .. ولأن لكل مقام مقال ... كان لازم نشوف و نعرف شباب مصر شايفين أحداث ثورة تونس و تأثيرها على تفكيرنا و وضعنا هنا فى مصر إزاى


حبيت أنقل لكم بعض تعليقات الشباب على اللى حصل و على اللى ممكن يحصل بعد كده هنا فى مصر بسبب إن الشعوب كلها بتعانى من اللى عانت منه الناس فى تونس حتى لو اختلفت الشخصيات و المسميات و التفاصيل لكن الهم كله واحد فى كل الدول العربية

وبجد هتلاقوا فى التعليقات إن الشباب ماشاء الله عليهم بقى عندهم و عى وتفكيرهم نضج و كمان بيفكروا فى اللى جاى و عايزين يعملوا حاجة للبلد ... وربنا كبيرررررررر وقادر يلهمنا للصواب و يجمعنا كلنا على قلب رجل واحد ضد الفساد و السرقة و النهب و ظلم الناس و ترويعهم ...

تعالوا شوفوا معايا ... تعليقات الشباب على الفيس بوك...


أول تعليق ده بجد واعى جدا و واقعى جداً ... و أنا كمان مقتنعة بإن النظام عندنا ممكن أوى بنسبة كبيرة هيخطط لحدوث شىء بالشكل ده علشان يلهى الناس عن أى أفكار بتحاول تجمعهم سوا فى اتجاه محاربة الظلم :


أتوقع أن النظام الأن يخطط لحدث جسيم بغرض الإختباء خلفه وإلهاء الثائرين من الشباب المصرى عن احداث تونس أو يكون ذريعة للمطالبة بالألتفاف حوله أو ذريعة لفرض سيطرته أو يقدم رشاوى إجتماعية تكون سببا فى تحييد فئة من الشعب ... فمثلا يمكن ان يقيل وزير الداخلية أو يبحث عن عمل تخريبى ويدعو الشعب للوقوف صفا واحدا أو يفتعل أزمة مع إسرائيل ( بالإتفاق معها طبعا ) خاصة ان الظروف ملائمة لذلك بمناسبة قرب الإغلان عن مرتكبى حادث القديسين .. يجب أن نكون يقظين لذلك

.................................................


مبارك فى هلع: أجرى اتصالات بالأمن والجيش واصدر تعليمات بوقف استفزاز المواطنين وتوسط لدى السعوديه لاستقبال بن على

.................................................


عمر عفيفي
عاجل ومؤكد من مصادرنا المصريةحول العالم
أحمد عز بدء في نقل أمواله ومصانعه للمملكة العربية السعودية ويقوم بأنشاء أكبر مصنع حديد في العالم بالمملكة مع شركاء سعوديون تمهيدا للهروب الكبير
هل يستطيع الأنكار
لكن ولا يهمكم زي ما تم تجميد اموال بن علي وأسرته وشلته سيتم أسترداد كل الأموال المسروقة

.................................................. .


تعليمات وزارة الداخلية فى منشور رسمى صدر مساء أمس .. عدم الأحتكاك بأى مواطن والحفاظ فقط على الأمن دون مواجهه أو مصادمات ...

.................................................. .


رئيس البلدية الجزائري اللي رفض يشغل الشاب محمد بوطرطيف قال له: روح اعمل زي محمد البوعزيزي بتاع تونس ... المسؤولين العرب اللي زي رئيس البلدية ده هما عايزين الحرق مش الشباب المسكين اللي مش لاقي ياكل ولا يتعلم ولا يعيش حياة كريمة ..
وبتوع أمن الدولة اللى إتجرأوا على حرمة الميت و قالوا لأهل سيد بلال : ( خدوا الرمة ده افنوه بدل ما ندفنه بمعرفتنا) ..
لحد امتى هنقبل الذل و الاهانة لنا و غيرنا و نتفرج و نسكت

.................................................. .


علماء الأزهر: خلع الرئيس التونسى جائز شرعاً.. وإذا استشرى الفساد وجب الخروج على الحاكم
*********************************************
حتى الفتوى مائعة ليس بقوة الاسلام ابدا فالاسلام ليس مائع
كان يجب ان يقولوا خلع الرئيس التونسى واجب شرعا
وليس جائز شرعا
هذه عينة من تربى فى الازهر قسم امن الدولة

...............................................


فى الانتخابات الرئاسية الأخيرة 2009 في تونس حصل بن علي على 90% من الأصوات و قال فيها "إذ نقبل يوم 25 أكتوبرعلى الاقتراع فقد حرصنا على أن نوفر لهذه الانتخابات كل ضمانات الشفافية والنزاهة" بعد سنة و ثلاث شهور كان بيدور على حته تلمه !!! واخدين بالكم؟؟
سلااااام كبير للشفافية و النزاهة اللى حصلت عندنا فى مصر فى الانتخابات بتاعت مجلس الشعب و اللى لسه هتحصل فى انتخابات الرئاسة ..
هاااااا ... لسه برضه يا مصرى هتتفرج و تسكت ..؟؟!!!! .. أنت حررررررر

................................................


كل الحكاية 29 يوما من الغضب الشعبى النبيل الذى تصاعد ذاتيا وعفويا دون زعماء أو منظرين أو ملهمين أو مناضلين عن بعد.. تسعة وعشرون يوما من الغضب أطاحت بأربعة وعشرين عاما من القمع والكبت.

................................................


عصابات وزارة الداخلية التونسية بتسرق المحلات والممتلكات الخاصة وكله عشان يقولوا إن فيه أعمال عنف وتخريب بتحصل في البلد .. نفس المسلسلات الهابطة .. مجرمين

..................................................


نداء من كل مصري شريف إلى كل أقباط مصر الشرفاء: هتفتم يوم الغضب في الكنيسة "لأ" و"عايزين حقوقنا" و"شيلوا المحافظ" .. ودي مطالب أي مصري حر .. كلنا عايزين حقوقنا .. ايدنا في ايدين بعض ضد اللي فرقوا بيننا ووقعوا بيننا وخلوا المسلم متهم والمسيحي ضحية .. يللا كلنا نحارب عشان بلدنا زي ما حاربنا في 1973 مع بعض

..................................................


رسالة إلى ضباط الشرطة المصريين: الجيش التونسي يعتقل مئات من عناصر الشرطة البارزين في تونس لتورطهم في أعمال إجرامية في حق الشعب التونسي ..
يااااااارب اللى عندنا يتعظوا و ياحقوا نفسهم و يتلموا قبل فوات الأوان

.................................................. .


وظيفة أمن الدولة في تونس مراقبة المصلين .. ووالله وظيفة أمن الدولة في مصر برضه مراقبة المصليين .. أي حد متدين بيصلي في الجامع يعرف إن فيه ناس كتير مقبوض عليها باسم قانون الطوارئ لمجرد إنهم كانوا متدينيين ومربيين دقنهم ومالهمش في أي أعمال إرهابية .. وفيهم ناس بتتعذب أسوأ أصناف العذاب .. اتحركوا بقه يا جماعة وافهموا إن الحكومات هي هي .. والشعب هو هو .. ناقص بس نتخلص من القيد الوهمي اللي علينا ونتحرك

.................................................. .


و ده تعليق تخيلى عن اللى ممكن يقوله عضو فى الحزب الوطنى:
اوعى حد ينزل يا جماعة يوم 25 بلاش أرجوكم .. لحسن يبقى عندنا كرامة .. لحسن يبقى عندنا انتخابات حقيقة .. مصيبة لو الشعب ابتدى يحاسب الفاسدين .. كارثة لو هنوقف تصدير الغاز لإسرائيل .. اللي عاملين الدعوة دي مخربين .. عايزين مصر ترجع تاني زي زمان تقود العالم العربي ... إمضاء عضو في الحزب الوطني

..................................................


زي ما شرارة الثورة في تونس حصلت من سيدي بوعزيز بسبب وفاة الشاب محمد البوعزيزي .. شرارة الثورة في مصر لازم تحصل من إسكندرية بسبب قتل الشهيد خالد سعيد .. فين رجالة اسكندرية؟ عايزين نثبت للعالم كله إن مصر مش شعب جبان وإننا سكتنا على الظلم كتير بس دلوقتي خلاص .. مفيش صبر أكتر من كده

.................................................


لا زين العابدين ولا مبارك ولا البشير ولا بوتفليقة ولا القذافى ولا صالح يقدمون أى شيئ لأوطانهم وبلادهم إلا طغيان حكوماتهم وبقوانين الطوارئ وجحافل الأمن المركزى وبالبوليس وامن الدولة وتزوير الانتخابات .. لا أحد يريدهم ولا يحبهم ولا يؤيدهم بل أى ضمير مواطن عربى فى أى دولة من هذه الدول والدليل تونس والمثل تونس والنموذج تونس يرفض رئيسه الطاغية الأبدى والذى يحكم بلاعدل أو عدالة ولا قانون ولا حرية

..................................................


صدقنى انا كنت جبان جدا ومابحبش انزل وبقول هو انا اللى هاغير الكون لاكن بعد مافت اخواتنا فى تونس مش عايز اقولك حسيت بايه حسيت بالذل والقهر والسلبيه وحقيقى قررت انى لاول مره هاشارك معاكم

..................................................


كل منافقين النظام المصرى من أمثال رؤساء تحرير صحف الحزب الوطنى المسماه الصحف القوميه ....هيسيبوا الثوره العظيمه للشعب التونسى وهيركزوا فى عمليات السلب والنهب مع إن عمليات السلب والنهب دى سببها المنتمين للنظام إللى أطلقوا الرصاص الحى على صدور أبناء الشعب التونسى....وطبعا ده دور عبد الله كمال وممتاز القط ومجدى الدقاق وحمدى رزق وأسامه سرايا وعبد المنعم سعيد وكرم جبر وغيرهم

.................................................. ..


ليه يوم 25 يناير الشوارع ما تتمليش بينا ؟
عملتوها عشان الإنتفاضة الفلسطينية
عملتوها عشان الفوز بكأس أفريقيا 4 مرات
عملتوها عشان غزة و الحصار
مستختسرين نعملوا حاجة زي دي علشان نفسينا ؟

.................................................. .




والتعليقات على الخبر ده المنشور بالاهرام انهاردة كانت :

شباب مصر الواعى و تعليقاتهم على أحداث تونس والاوضاع المشابهة فى مصر 12951795513535


سبحان الله ده من مجرد الدعوة للنزول الي الشارع فما بالك بنزول الملايين للشارع

.............................................


دا كلوا كلام بس عشان يخلوا الناس تسكت بس خلاص التلميذ اتعلم وبقى استاذ كمان مش هيدخل عليه الكلام دااا

..............................................


كل دي مسكنااااااااااااااات ومهدئاااااااااااااااااات حتي تمر الايام وينسي المصريون

..............................................


كدابين وياريت يا جماعة بلاش نكت وهزار بجد كفاية هزار وعبط وخلينا نبقى جد مرة وبلاش بقي المصري ابو دم خفيف اللى فرحان بنفسه والعالم كله بيضحك على عبطه وسلبيته يالا بقي قومواااااااااااااااااا

..............................................


انا نفسى فى ال3 مطالب دول ..أولا: إلغاء العمل بحالة الطوارئ وإخراج كل من اعتقلوا بسببها
ثانيا: إقالة وزير الداخلية حبيب العادلي
ثالثا: عدم ترشح الرئيس مبارك لفترة رئاسية جديدة وتعديل الدستور
رابعا: زيادة الدعم الحكومي للسلع الأساسية

.............................................


لا عاوزين مساكن مجانيه ولا حلول وقتيه عايزين الحريه واحترام الكرامه الانسانيه وحل الاجهزة القمعية واصلاحات دستوريه وانتخابات نزيهة وحل المجالس الصورية وتداول السلطة وتنميه اقتصادية حقيقيه تعم الطبقات الشعبية وليست لشلة الحراميه

.............................................


دايما أهالينا بيضحكوا علينا وبيقولولنا: مالكش دعوة بالحكومة والسياسة .. ركز في "أكل عيشك" .. حتى أكل العيش في مصر دلوقتي بقه مينفعش نركز فيه .. الحرية أهم من رغيف العيش .. وبدون حرية الأكل مالوش طعم .. عايزين حقوقنا في بلدنا .. عايزين تعليم كويس وعايزين محاربة فساد عايزين نتعامل باحترام في أقسام الشرطة ومش عايزين تعذيب ورشاوي وفساد في الداخلية .. احنا نفسنا بلدنا تكون أحسن وده هدفنا الوحيد

..............................................


و أخيراااااااا ....

لو حسبنا الشهداء فى حوادث الطرق
وحوادث القطارات والعبارات الخربانة
لو حسبنا الموتى من المبيدات المسرطنة
ولو حسبنا الموتى من الأمراض
لو حسبنا الموتى من تعذيب الشرطة وأمن الدولة
كان زمانا على حسابات تونس حررنا أفريقيا كلها
يارب ثبتنا وقوينا على زبانية النظام يوم 25 يناير


*********************************
**************************


دى يا شباب كانت تعليقات الشباب المصرى و آرائهم ...



ياريت تشاركونى بآرائكم و مانكتفيش إننا نتفرج و نسكت ... يعنى حتى من باب أضعف الايمان ...
ياترى مقتنعين بكلام الشباب دول ... البنات و الاولاد اللى منهم اخوانا و وولادنا و جيراننا ... مقتنعين بكلامهم ؟؟؟ هتشارك معاهم لو اجتمعوا و اتفقوا على حاجة واحدة علشان حال البلد يتغير ؟؟؟؟

ولااااااااااا ....؟؟؟!!!!


الرجوع الى أعلى الصفحة اذهب الى الأسفل
mostafa_mostafa

راجع متفوق
راجع متفوق
mostafa_mostafa


الساغة الأن :
الاقامة : mother of the world
الجنس : ذكر
عدد المساهمات : 612
نقاط : 633
تاريخ التسجيل : 31/12/2010

شباب مصر الواعى و تعليقاتهم على أحداث تونس والاوضاع المشابهة فى مصر Empty
مُساهمةموضوع: رد: شباب مصر الواعى و تعليقاتهم على أحداث تونس والاوضاع المشابهة فى مصر   شباب مصر الواعى و تعليقاتهم على أحداث تونس والاوضاع المشابهة فى مصر Empty16th يناير 2011, 1:47 pm

Very Happy Very Happy ميمو بأمانة شكلك زهقتى مننا وهتبعتينا كلنا .. يعنى الموضوع الوحيد اللى مفهوش تعليقة نلاقى فيه تأبيدة .. ربنا يسترها .. مواضيعك بتقلق صراحة . Very Happy Very Happy
الرجوع الى أعلى الصفحة اذهب الى الأسفل
ahmedbadr
وسام تكريم
وسام تكريم



الساغة الأن :
الاقامة : القاهرة
الجنس : ذكر
عدد المساهمات : 202
نقاط : 222
تاريخ التسجيل : 01/02/2010

شباب مصر الواعى و تعليقاتهم على أحداث تونس والاوضاع المشابهة فى مصر Empty
مُساهمةموضوع: رد: شباب مصر الواعى و تعليقاتهم على أحداث تونس والاوضاع المشابهة فى مصر   شباب مصر الواعى و تعليقاتهم على أحداث تونس والاوضاع المشابهة فى مصر Empty16th يناير 2011, 1:52 pm

اكيد لازم الحكومة تتحرك وتعمل حاجة حقيقية للشعب ولاتكون


عبارة عن مسكنات او مهدئات خوفا من ثورة المصرى القادم اقتداء اسوة بالشعب التونسى


اللهم بلغت اللهم فاشهد
الرجوع الى أعلى الصفحة اذهب الى الأسفل
memo dream
النائب التنفيذي للمدير
النائب التنفيذي للمدير
memo dream


الساغة الأن :
الجنس : انثى
عدد المساهمات : 8479
نقاط : 12953
تاريخ التسجيل : 20/05/2009

شباب مصر الواعى و تعليقاتهم على أحداث تونس والاوضاع المشابهة فى مصر Empty
مُساهمةموضوع: رد: شباب مصر الواعى و تعليقاتهم على أحداث تونس والاوضاع المشابهة فى مصر   شباب مصر الواعى و تعليقاتهم على أحداث تونس والاوضاع المشابهة فى مصر Empty16th يناير 2011, 1:59 pm

متخفش يااستاذ مصطفى فى عيش وحلاوه كتير متقلقش Very Happy

دى تعليقات كلها نازله على الفيس بوك ومنتشره فى المنتديات مفيش خوف لاتقلق وقول تعليقك Rolling Eyes

شكرا ليك استاذ احمد بدر على تعليقك القيم وتشريفك للموضوع
الرجوع الى أعلى الصفحة اذهب الى الأسفل
 
شباب مصر الواعى و تعليقاتهم على أحداث تونس والاوضاع المشابهة فى مصر
الرجوع الى أعلى الصفحة 
صفحة 1 من اصل 1
 مواضيع مماثلة
-
» مصر تستبعد انتقال أحداث تونس
» اعتقال 33 من أقارب بن على فى تونس
» بيان في أحداث غزة
» معاريف: منتخب الجزائر قد يلقى مصير تونس
» رعب فى إسرائيل من سيطرة الإسلاميين على نظام الحكم فى تونس

صلاحيات هذا المنتدى:لاتستطيع الرد على المواضيع في هذا المنتدى
منتدى راجعون الى الله :: منتدى راجعون العام :: يبقا انت اكيد اكيد فى مصر-
انتقل الى:  
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية reddit      

قم بحفض و مشاطرة الرابط راجعون الى الله على موقع حفض الصفحات

قم بحفض و مشاطرة الرابط منتدى راجعون الى الله على موقع حفض الصفحات