ضحكنى شكرااااااااااااااا!!!!!!!!!!!!!!!!!!

اللجنة الشعبية تعلن دستور الثورة.. وتعديلات على المادة الثانية



أطلقت اللجنة الشعبية للدستور، وثيقة الدستور المصرى، الذى حمل عنوان "دستور الثورة"، وذلك خلال المؤتمر الصحفى الذى عقدته اللجنة فى مقر مؤسسة الهلالى للحريات.

وقال محمود عبد الرحيم، المنسق العام للجنة الشعبية للدستور، لـ"اليوم السابع"، أن الوثيقة هى أول وثيقة دستورية تخرج عن القوى الشعبية، مشيرا إلى أنها ستقلص الصلاحيات الممنوحة لرئيس الجمهورية، حتى لا يأتى الدستور بدكتاتور جديد، لافتا إلى أن اللجنة الشعبية للدستور أخذت بالنظام المختلط، الذى يجمع بين النظامين الرئاسى والبرلمانى.

وأوضح عبد الرحيم أن وثيقة اللجنة الشعبية للدستور ستقوم بتوزيع سلطات رئيس الجمهورية على البرلمان والسلطة التنفيذية، وأن دور الرئيس سيقتصر على مهام الدفاع عن الدولة وملف السياسة الخارجية للدولة، وتنزع تبعية القضاء عن السلطة التنفيذية.

وأكد دكتور سعيد صديق عضو اللجنة، أن اللجنة تم إنشاؤها قبل لجنة التعديلات الدستورية التى دعا لها الرئيس السابق حسنى مبارك، وضمت مجموعة من خبراء القانون والسياسة وعلماء الاجتماع والاقتصاد وكافة فئات المجتمع، حتى يأتى الدستور الذى توصلت له اللجنة ممثلا لجميع فئات المجتمع، مشيرا إلى أن وثيقة الدستور دعت إلى سحب السلطات المطلقة التى منحتها كل الدساتير السابقة لرئيس الجمهورية، ليتم توزيع تلك السلطات على مجلس الوزراء وعلى البرلمان.

وشدد على أن الوثيقة الشعبية للدستور تحمى المواطن والأقليات حتى لا تنتهك حقوقهم من قبل أى شخص أو سلطة، مشيرا إلى أن الوثيقة أكدت على أن مصر يجب أن يسود فيها القانون قبل أى شىء، مؤكدا على أن الأساس الذى تقوم عليه كل المؤسسات الدستورية هو الدستور، مطالبا بوضع الدستور قبل الانتخابات القادمة.

ومن أبرز التعديلات التى وردت على الدستور والتى طرحتها اللجنة، مادة 1 "مصر دولة مدنية ديمقراطية، والشعب المصرى جزء من الأمة العربية، ويعمل على تحقيق وحدتها الشاملة".

مادة 2 "الإسلام دين غالبية شعب مصر، والعربية اللغة الرسمية، ومبادئ الشريعة الإسلامية مصدر رئيسى من مصادر التشريع، وتسرى على أصحاب الديانات الأخرى أحكام شرائعهم، مع التزام الدولة بالإعلان العالمى لحقوق الإنسان".

مادة 3 "السيادة للشعب وحده وهو مصدر السلطات ويمارس الشعب هذه السيادة ويحميها ويصون الوحدة الوطنية".

مادة 4" الأساس الاقتصادى لمصر يقوم على الكفاية والعدل الاجتماعى، بما يحول دون الاستغلال، ويهدف إلى تذويب الفوارق بين الطبقات ويحمى الكسب المشروع ويكفل عدالة توزيع الأعباء والتكاليف العامة، وتحقيق التوافق بين النشاط الاقتصادى العام والخاص، على ألا يضر بالمنفعة الاجتماعية، ويعملان على تحقيق الأهداف الاجتماعية ورخاء الشعب".

مادة 5 "يقوم النظام السياسى فى مصر على أساس التعددية السياسية والحزبية وتداول السلطة، وللمواطنين الحق فى تكوين الأحزاب بحسبانه حقا دستوريا أصيلا بمجرد الإخطار، ويحذر قيام الأحزاب على أساس دينى او طائفى أو عنصرى أو جنسى، وكما يحذر إنشاء منظمات ذات طابع عسكرى أو شبه عسكرى.

مادة 6 "الجنسية المصرية حق لكل مواطن وذلك على النحو المبين بالقانون، مادة 7 "تقوم علاقة الدولة مع غيرها من الدول على أساس مبادئ الحرية والعدل والمساواة والمصالح المتبادلة والمعاملة بالمثل واحترام المواثيق والعهود الدولية.



معلش على العنوان ياجماعه

اصلى بصراحه لما شوفت الموضوع

حسيت انى حصلى كده

ماهو دا الى اسمه هم يضحك وهم يبكى

ربنا يلطف بيكى يامصر

أحمد المنوفى كتب:

ههههههههههههههههههههههههههههههههههههههههههههههههههههههههه
هيطلع ناس يقولولك يا غير مثقفة انتي جاهلة
بس مش مشكلة هما وحشونا بالرغم من انهم متابعينا من بعيد لبعيد
ههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههه

بس بجد لكي الله يا مصر
لكي الله

فعلا لكى الله يامصر
اولا ن حيث المواد فلو جبتى خبراء الدستور فى العالم هيقولوك مواد رائعة اللى اتوضعت
ثانيا تقليل السلطات وكل الحاجات اللى هيعملوها دى اساسا مطالب الثورة
وبعدين الناس دى من ضمن اللى عملوا الثورة
عارفين عيب الثورة دى ايه المفروض الثورة دى كانت جت بدستورها جاهز من الاول وكانوا يمسكوا البلد لاحد ابنائها مباشرة ورموز النظام السابق محاكمات استثنائية واعدم عالسريع
وكل اللى بيايد ويقول اسفين ياريس وبيغلط فى الثورة كل ده يتسجن
بنفس المنطق اللى الناس الشرفاء اتعاملوا بيه ايام النظام مش فيه قصاص ومنصوص عليه فى القران ولا اييييه يبقى الرئيس والفسادة كلهم يتاحكموا استثنائى زى ماحاكموا كتير من الشعب كدة ويتعدموا بعدها

الثورة مش راى علشان نقول سيب حرية الراى الثورة حق جه لانهاء ظلم
واللى ضدها وهما الاقلية من انصار الظلمة ومحرضين ومايدين وكل ده مكانه السجن ده اللى بنسمع عنه فى اى ثورة وده الطبيعى احنا بس اللى حبينا تمشى بسلام بس الظاهر ان ده ماينفعش مع بواقى النظام

ياريت محدش يقول فين الديموقراطية والكلام ده من قتل وسجن بتقول عليه
لان ده اساس العقاب ان فيه ناس لازم يتضحى بيها علشان الناس التانية تعيش

الظاهر ياميمو انتى مالكيش فى الثورة ولا ايدتيها حتى
بس الكلام اللى فوق ده مش ليكى خالص ده للرموز وبتوع اسفين ياريس وامثال توفيق عكاشة و و و وكنت اتمنى انه يحصل علشان ماكنتيش تقدرى تكتبى موضوع او عنوان زى ده لانك كنتى هتبقى ساعتها مخالفة للنظام (بس مش زى ماكانوا بيعملوا) لانى مااقصدش نظام الحكم اقصد نظام العدل والحق دى مطالب الثورة كانت
ولو كنتى نزلتى الثورة اتكلمى وناقشى فيها اما لو مانزلتيش فماتزعليش منى الكلام فى الموضوع ده مش من حقك من حق بس اللى خاطروا بنفسهم واستشهدوا فيها

ولكى الله يامصر
الظاهر ان الثورة مابتحوقش فيكى

انا كنت عارف انك مش هتركز فى الكلام
لما تحرض مجرم مش دى تبقى جريمة تحريض كل اللى نزل ميدان مصطفى محمود ايام الثورة وقال علمهم الادب ياريس على بتوع التحرير كل دوول محرضين والقانون مش انا يقول يتسجنوا

وانا مش ضد راى بس قولت دى مش اراء دى ثورة جت تقضى على ظلم واللى يبقى ضدها يبقى ضد القضاء على الظلم وبالتالى يبقى ظالم واستفاد من الفساد اللى كان ويجب التدوير وراه الثورة مش 5 فى المية الثورة هى الاغلبية وفى كتير بيايدوها وبيايدوا اللى قاموا بيها ولو جينا للدين فالرسول قال عليكم بالسواد الاعظم اذن الثورة طاعة دينية وفقا للكلام ده

انتوا ياباشا بتختلفوا فى اساسيات يعنى ثورة او نو ثورة ومعنى كلامكوا نو ثورة مهما قولت بقى ان دى خير ومش خير مالناش دعوة الا بمعنى الراى
لو جيت وشتمت فى البرادعى هقولك ماشى حقك وانتخب اللى عايزه
جيت تقول برلمانية مش سياسية ماااااااااشى
اى تفاصيل ماشى لكن ماتجيليش تختلف على اساس الثورة وتتريقوا على المطالب اللى الملايين طالبوا بيها فى الميدان وايدها اضعافهم والا ماكنتش نجحت وكان زمان اللى فى الميدان كلهم اترشوا ساعتها واتقتلوا والناس ماتقولش على اللى مات منهم شهداء زى مابيقولوا دلوقتى عايزين تتريقوا عليها اتريقوا فى اى ميدان ولا فى اى شارع بدل ماجايين فى منتدى وتحت التكييف وخلافه
التاييد حصل والاغلبية ثورية والنظام الحالى النظام اللى جت بيه الثورة ده واقع

زى ماانت رافض نتكلم عن القضاه لانهم الهة ولهم شانهم الداخلى قال ههههههههههه( مع ان كل واحد حقه يحاسبهم ويطهرهم واوعدك انى لو قبلت فى النيابة حتى هشترك فى تيار التطهير وهحاول على قد ماهقدر انى اعمل حاجة)
يبقى مادام مالكش فى السياسة يامنوفى يبقى ماتتكلمش عنها لان الراى اللى من غير علم بجد يساوى التزوير لانه معنى للارادة غير الحقيقية انا مش قصدى ان انا بس اللى فاهم انا ياعم جاهل وماجتش اعمل نفسى عالم واكتب عنوان زى ده بس قولت ارد واقول سيبوا كل حاجة لناسها

هههههههههههههههه مين قالك انى هزعل
عموما انا باكد كلامك ان الائتلاف ده مابيمثلش الكل بس على الاقل جزء وفكرته نابعة من المطالب الاساسية وعلى الاقل تطرح للكل والاعلام يتناولها وتطرح على الجمعية التاسيسية اللى هتحط الدستور لان الدستور اساسا هيضتمن اغلبية الحاجات دى وهتشوف
اللى يستفز انك تتريق على رايهم زى ماانتوا عايزين تتكلموا وتتحنكوا سياسيا يبقى ماتتريقش على كلام الغير علشان تعرف انك قولت كلام وعملت عكسه بتاييدك لميمو وفى ردودك
هما ماقالوش الدستور ده هيتعمل بالجزمه هما عارضين الفكرة وبيطالبوا بيها زى ماالكل بيطالب باى حاجة
وحكاية ال لا والنعم دى سبق و اتكلمنا فيها وعلى اللعبة الاخوانية القذرة اللى اتلعب بالدين فيها
مش هنعيده تانى

عموما فكرتك وصلت واللى ضد الناس دى فى افكارها عليها انها تعمل فكرتها برضو وتطرحها ونشوف مين اللى هيوافق فى الاخر هما ماقالوش انهم كل الشعب هما تحت مسمى اللجنة الشعبية ومن القوى الشعبية وحتى لو قالوا ان دى مطالب الشعب هما ماجابوش جديد هما نقلوا اللى طولب بيه فى الثورة وبس


اخيرا بالنسبة للقضاه فلو طريقة كلامى عليهم غلط يبقى واحد زى اللى اتحال للصلاحية الايام دى وقال على المحامين بتوع القضية انهم بلطجية يستاهل لو محامى رد عليه بنفس الكلمة
على فكرة انا ليه بقول الكلام ده اقسم بالله شوفت ناس كتير فى مواقع اخبارية كتير بتعلق على اخبار القضاه ومن ناس عادية اقسم بالله مالهمش دعوة بحقوق بتقول يلعن كذا اولاد كذا بذمتك تتشرف انك تكون فى هيئة افرادها بتتلعن
ولا لازم تطهر علشان محدش يغلط في اللى موجود فيها

مش هقولك انك شكلك مقرتش المواد الدستوريه الى الاخوه متكرمين ومنزلينها لانك حتى لو قرتها كويس انا عارفه انها مش هتفرق معاك بس انا بقا فارقه معايا يمكن عشان نشئتى الازهريه ماثره فيا شويه هى المفروض مبتمشيش كده بس احنا دلوقتى كشعب نسينا شويه اننا شعب اسلامى اولا وغيرتنا على الاسلام دى مش جهل ولا برودنا وتجاهلنا للى بحصل تقدم وثقافه بس للاسف فى عناصر قدرت تقنع الناس بدا واهو المبشرات بتظهر كل يوم وخلى بالك رسولنا الصادق الامين قالها اننا هيجى علينا زمن الممسك فيه على دينه كالممسك على جمره من النار ودا فعلا الى بحصل دلوقتى الناس بتتجاهل شايفه ان دى ديمقراطيه شايفه انها كده بتتحضر وتتقدم لما متحطش فى بالها حاجه كده مش عارفه طبعا الكلام دا كله جهل منى من وجهة نظرك وتفكير محدود وضيق بس معلش اختلاف افكار واراء مش مرتبطه بالسياسه لانى مليش فيها ومحبش بصراحه يكون ليا فيها
اما بقا عن الثوره والى نزلوها هما الى ليهم حق الكلام فيها فمش كل الى نزلوها نزلوا عشان البلد دى ولا ايه رايك ؟؟؟؟؟؟؟؟ يمكن انا وطنيه وبحب البلد وبخاف عليها اكتر من ناس كتيييييييييييييييييييييييييير نزلوا عشان يقولوا احنا نزلنا ولا يتصوروا فى الزحمه ويوروا الصوره لعيالهم مش صح بردو ؟.
انا منزلتش فعلا فى الثوره بس كل الى بحصل وبيتقال من الثورجيه دلوقتى الى بيقولوا انهم مع مصر بيندمنى انى بتخانق ولا بزعق لاى حد عشا الثوره اى حد شايف ان الى بحصل دلوقتى دا هزار واستهتار من شعب مش عارف يعنى ايه ديمقراطيه ولا عارف يحافظ على البلد دى انت بكلامك دا ياميدو ندمتنى والله انى بدافع عن الثوره فى وش حد بينقدها فعلا بجد بجد الثوره اتعملت والله يرحم الى ماتوا عشان مصر بجد سواء ظباط ولا ثوار انما بقا دلوقتى كل واحد عايز يشكلها على مزاجه وعلى حسب ماهو شايف ان كده هتبقا فى مصلحته الشعب دا يولع بجاز المهم كل واحد ودماغه وخصوصا بقا الى ظاهرين على التلفزيون الى هما ميمثلوش تمن الشعب ولا ارائه بس المهم انهم ظاهرين للاسف الاعلام الجاهل بتاعنا ظهرهم والنبى ياميدو اذكرلنا الثوره غيرت ايه فى الناس وفى طباعهم وغيرت ايه فى المصالح الحكوميه وايه التغيير الى حصل من بداية الثوره لدلوقتى كلام كلام كلام كلام كلام كلام كلام ومتقوليش دى ثوره ولازم دا يحصل لان زمان كانت ايام الثوره وايام النكسه والحرب والبلاوى الى اهالينا عاشوها الى اكتر مننا مكنتش الناس بالطباع دى بالعكس
ولا الناس الى فى الشارع دول من الفلول ؟!!!!!!!

ربنا يستر على البلد وعلى الناس وعلى الثوره الى انت شايف انها كده محميه واوعدك ان لو فضلت على كده مش هتطول اوى

ههههههههه انا ازهريه كده يامصطفى يعنى ايه ازهريه ازاى ؟؟؟؟
انا ازهريه من اولى ابتدائى لحد مااتخرجت الحمدلله بس شكلى قولت كده عشان ادبس نفسى
اسئل يامصطفى الى انت عايزه وان شاء الله الى هعرفه هقولك والى مش هعرفه مش هفتى انا مش عبقرية قراءات خالص
وممكن نبقا نعملها موضوع كامل وكل الى عنده سؤال عن الموضوع دا يسئله والى ربنا يقدره ويجاوب عليه يبقا خير وبركه وكلنا هنا نستفيد

memo dream كتب:

مش هقولك انك شكلك مقرتش المواد الدستوريه الى الاخوه متكرمين ومنزلينها لانك حتى لو قرتها كويس انا عارفه انها مش هتفرق معاك بس انا بقا فارقه معايا يمكن عشان نشئتى الازهريه ماثره فيا شويه هى المفروض مبتمشيش كده بس احنا دلوقتى كشعب نسينا شويه اننا شعب اسلامى اولا وغيرتنا على الاسلام دى مش جهل ولا برودنا وتجاهلنا للى بحصل تقدم وثقافه بس للاسف فى عناصر قدرت تقنع الناس بدا واهو المبشرات بتظهر كل يوم وخلى بالك رسولنا الصادق الامين قالها اننا هيجى علينا زمن الممسك فيه على دينه كالممسك على جمره من النار ودا فعلا الى بحصل دلوقتى الناس بتتجاهل شايفه ان دى ديمقراطيه شايفه انها كده بتتحضر وتتقدم لما متحطش فى بالها حاجه كده مش عارفه طبعا الكلام دا كله جهل منى من وجهة نظرك وتفكير محدود وضيق بس معلش اختلاف افكار واراء مش مرتبطه بالسياسه لانى مليش فيها ومحبش بصراحه يكون ليا فيها
اما بقا عن الثوره والى نزلوها هما الى ليهم حق الكلام فيها فمش كل الى نزلوها نزلوا عشان البلد دى ولا ايه رايك ؟؟؟؟؟؟؟؟ يمكن انا وطنيه وبحب البلد وبخاف عليها اكتر من ناس كتيييييييييييييييييييييييييير نزلوا عشان يقولوا احنا نزلنا ولا يتصوروا فى الزحمه ويوروا الصوره لعيالهم مش صح بردو ؟.
انا منزلتش فعلا فى الثوره بس كل الى بحصل وبيتقال من الثورجيه دلوقتى الى بيقولوا انهم مع مصر بيندمنى انى بتخانق ولا بزعق لاى حد عشا الثوره اى حد شايف ان الى بحصل دلوقتى دا هزار واستهتار من شعب مش عارف يعنى ايه ديمقراطيه ولا عارف يحافظ على البلد دى انت بكلامك دا ياميدو ندمتنى والله انى بدافع عن الثوره فى وش حد بينقدها فعلا بجد بجد الثوره اتعملت والله يرحم الى ماتوا عشان مصر بجد سواء ظباط ولا ثوار انما بقا دلوقتى كل واحد عايز يشكلها على مزاجه وعلى حسب ماهو شايف ان كده هتبقا فى مصلحته الشعب دا يولع بجاز المهم كل واحد ودماغه وخصوصا بقا الى ظاهرين على التلفزيون الى هما ميمثلوش تمن الشعب ولا ارائه بس المهم انهم ظاهرين للاسف الاعلام الجاهل بتاعنا ظهرهم والنبى ياميدو اذكرلنا الثوره غيرت ايه فى الناس وفى طباعهم وغيرت ايه فى المصالح الحكوميه وايه التغيير الى حصل من بداية الثوره لدلوقتى كلام كلام كلام كلام كلام كلام كلام ومتقوليش دى ثوره ولازم دا يحصل لان زمان كانت ايام الثوره وايام النكسه والحرب والبلاوى الى اهالينا عاشوها الى اكتر مننا مكنتش الناس بالطباع دى بالعكس
ولا الناس الى فى الشارع دول من الفلول ؟!!!!!!!

ربنا يستر على البلد وعلى الناس وعلى الثوره الى انت شايف انها كده محميه واوعدك ان لو فضلت على كده مش هتطول اوى

مش عارف ايه اللى جاب الدين فى المطالب دى الا لو كنتى تقصدى

مادة 2 "الإسلام دين غالبية شعب مصر، والعربية اللغة الرسمية، ومبادئ الشريعة الإسلامية مصدر رئيسى من مصادر التشريع، وتسرى على أصحاب الديانات الأخرى أحكام شرائعهم، مع التزام الدولة بالإعلان العالمى لحقوق الإنسان".

لو كنتى تقصدى ان فيها غلط فكدة ياخسارة على الازهر وعلى اللى بيعلموه جوة وعلى اللى اتخرجوا منه
انتى مش عايزة ان اصحاب الديانات الاخرى تسرى عليهم شرائعهم طب يبقى لازمتها ايه العهود الخاصة بالذميين عند الفتح الاسلامى لمصر
لو هيطبق احكامنا عليهم طب مايؤمنوا احسن هى العهود اللى اتعملت كدب ولا ايه
استغر الله العظيم
هقولك انا الجزء ده من المادة معمول ليه معمول علشان مثلا حاجة زى بناء الكنائس بمناسبة نشاتك الازهرية هتقولى حرام ومش عارف ايه وماينفعش
انتى كدة بتخالفى الرسول والصحابة وفاتحين مصر و و و هو احنا لما ادينلهم عهد الامان وانهم يباشروا صلواتهم فى الكنائس وكدة ماكناش عارفين انهم هيزيدوا ولازم بالتالى يتبنى كنائس علشان الزيادة دى ولا العهد يبقى مش ماشى على الاجيال الجديدة وكنا بننصب عليهم ( استغفر الله العظيم) ترك الاسلام للكنائس معناه السماح ببناء كنائس فى الازمنة القادمة بسبب الزيادة والاسلام بعيد كل البعد انه ينصب على الناس دى او يغدر بيهم
ثانيا حاجة زى الطلاق مايتصرفوا براحتهم ينفع ولا ماينفعش مش ربرنا هيحاسبهم على كل ده فى يوم القيامة انتى ليه عايزانا نتنصب الهة ونحاسبهم احنا دينا بيقول لكم دينكم وليا دين مش ده كلام الاسلام ودينهم بينص ان مفيش طلاق يبقى ليه بنخالف دينا وشريعتنا الاسلامية ونخالف النص ده

بصى لو كنتى تقصدى من كلامك على المادة دى يبقى عليه العوض فى الازهر كله اللى انا شايفه انه لازم يفوق ويعلم بجد لانه مؤسسة عظيمة لازم تكون على كفاءة اكتر من كدة وينافس الجامعة الامريكية حتى مش اصغر جامعة حكومية اعلى منه زى مادلوقتى

اللى نزلوا علشان يتصوروا دوول عددهم لا يذكر مفيش حد هيخاطر بحياته علشان صورة الواحد يخاطر ويضحك ماشى علشان الصورة تطلع حلوة بس ماتوصلش لحياته
والثورة ماغيرتش كتير فى الناس اللى زى اللى بيايدوا مبارك لان دوول ناس وسخة ومولفة على الوساخة اما الناس التانية فناس مطحونة وبتطالب بحقها غلط انهم بيطالبوا بحقهم ولا احنا علشان ناس مرتاحين فطز فى الباقى

قبل ماندور الناس اتغيرت ولا لا نشوف نفسنا الاول ها

وكل اللى بيتكلم فى التلفزيون بيقول مطالب الميدان محدش بيضيف جديد انتوا اللى مش مصدقين لغاية دلوقتى ان فيه ثورة وماسمعتوش ايه المطالب اتمنى انكوا ماكنتوش بتسمعوا غير كلام فى حب حسحس ايامها وبس
وعلشان تعرفى انك مش مصدقة ان فيه ثورة انتى بتقولى غيرت ايه فى وفى وفى دى ثورة ياميمو مش سحر مش كن فيكون اقرى عن الثورة الفرنسية وانتى تعرفى انها قعدت 10 سنين علشان البلد تنضف وتتغير خالص
وهو اهالينا عاشوا ثورة قبل كدة واحنا ماتعرفش هو كان فيه ثورة ياجماعة قبل 2011 ههههههههههههههههههههههه ده كان انقلاب لمسك الجيش للحكم اكبر مطلب فئوى قامت ليه ثورة مصطنعة وبان بعدها انهم ناس جايين يعملوا علشان نفسهم وطز فى الشعب وافتح المعتقلات يامعلم
من الاخر دى اول ثورة لينا هقولك بس اتفرجى على اللى هيحصل وانتى هتعرفى انها اول ثورة
شوفى اللى مستغربله ان نظرتك متشائمة رغم انك مش محتاجة ومتجوزة والبلد تتغير ماتتغيرش مش هتاثر كتير يمكن عليكى
امال انا واللى زيي اللى لسة متخرجين والثورة طيرتلى وظيفة فى وزارة بمرتب النيابة ومستقبلى الله وحده اللى اعلم بيه نعمل ايه بقى عموما انا مش خايف غير من حاجة واحدة ان الناس تكون اتعودت على ضرب ال ....
ربنا يستر

حاجة اخيرة
انتى قولتى الماسك على دينه كالماسك عالجمرة
بذمتك قدرتى تقولى الكلمة دى عالنت ايام امن الدولة علشان تعرفى بس ان احنا فى ثورة
والناس تختلف وتطلع مطالب مختلفة ويتخانقوا مع بعض ويتكلموا ده طبيعى بعد الكبت ومؤشر ايجابى على حرية التعبير مش العكس خالص

هههههههههههههه امن دوله مين انا بقول الكلام دا من اول مادخلت النت وبكتب اشعار بنقد

فيها الحكومه والى كان بحصل منها من قبل لاثوره ولاغيره وتقدر تدخل قسم الاشعار وتشوف

التواريخ هى دى كانت قصه امة لا اله الا الله كانت بتنقد الحكومه وكان النت مليان تريقه

عليهم وبلاوى من زمان انت موجود جديد على النت ولا ايه ياميدو؟؟؟؟؟؟؟؟؟

موضوع ان قبل منبص لتغيير الناس نبص لنفسنا الاول دا اكيد انت معاك كل

الحق بس انا عايزه الفساد المنتشر فى البلد يخلص وانا مبشتغلش فى مصالح

حكوميه قاعده فى بيتى يعنى الحمدلله بعامل الناس كويس وبعمل الى شايفه انه

الحمدلله صح بس غيرى بيشتغل ولسه الوسطه والمحسوبيه والرشوه فين التغيير

وفى كل

كلامك مذكرتلناش بردو التغيير فيين احنا لسه بنروح نقدم لشغل يقولك الى فى

المصلحه بيقولوا عيالنا اولى لااتغيرنا فعلا انت لسه بتروح تخلص شغل ليك

بتلاقى الدرج مفتوح وحط الى تقدر عليه خليك تخلص اتغيرنا حقيقى

اما الازهر فملكش دعوى بخريجين الازهر الازهر دا مخرج علماء افاضل

وبيخرج علماء ماشاء الله ودا مش عشان انا ازهريه دى حاجه الكل عارفها حتى

الجاهل فبلاش سيرة الازهر فى

كلامك طالما انت مش عارف يعنى ايه الازهر احنا بنتكلم كناس مثقفين وبنتناقش لكن هنقول

كلام ملوش لازمه وانت مش فاهمه بتردد وخلاص يبقا يخلص الكلام على كده طالما انت مش

فاهم النيه المبيته من وراء تغيير الماده الازهر

بيخرج ناس كويسه جدا وبتفهم فى دينها كويس

اوى وعارفه ازاى تدافع عنه وايه الى بيحصل دلوقتى عشان يتهدم والازهر الى مش عاجبك

دلوقتى دا انت متعرفش عنه حاجه وبتسمع زى الى بسمعوا وخلاص يبقا متكلمش عنه خالص

اما بما انك من شباب الثوره على قولك يعنى لو شباب الثوره كلهم كده يبقا عليه العوض لو

بيفكروا زيك بلدك بتهاجم ودينك بيهاجم وانت تقولى كنايس وانتى هتقولى

حرام ومش عارفه ايام الرسول مقولتليش هو ايام الرسول الاقباط كانوا يقدروا يعملوا الى

يعملوه دلوقتى دا ياسيدى انت مشوفتش لما نزل قانون توحيد دور العباده الاخوه الاقباط كان

ردهم ايه مع انهم المفروض هما الى كانو بيطالبوا بيه ههههههه

قال الله تعالى:" {يَا أَيُّهَا الَّذِينَ ‏آمَنُواْ لاَ تَتَّخِذُواْ بِطَانَةً مِّن دُونِكُمْ لاَ يَأْلُونَكُمْ خَبَالاً وَدُّواْ مَا عَنِتُّمْ قَدْ بَدَتِ الْبَغْضَاء مِنْ ‏أَفْوَاهِهِمْ وَمَا تُخْفِي صُدُورُهُمْ أَكْبَرُ }



فوق يااستاذ ميدو ومتدفعش وخلاص قبل ماتدافع عن اى كلام دافع عن دينك لانه

المهم انما بقا لو انت شايف ان الازهر والازهريه مش من المقام العالى للثوار فاحب اقولك

عليه العوض على البلد وعلى الشعب وللاسف انا متاكده ان فى شباب كتير تفكيرهم زيك كده

لان للاسف بردو احنا مبقاش عندنا حتة الغيره على الدين دى ودى حاجه تخوف اوى ربنا

يستر على البلد قول امين دا اخر كلامى لحسن انت بدئت تدخل فى كلام تانى انا مقبلش انه

يتقال عن الازهر معلش ازهريه بقا وافتخر يعنى فمش هينفع اكمل نقاش عجبى على زمن

بنبجل فيه من لايبجل وبنهدم فيه بايدينا مايبجل

الممسك على دينه كالممسك على جمره من نار صدقت يارسول الله

ربنا يفوقنا من الى احنا فيه يارب ويحسن خاتمتنا جميعاااااااااااااااااا

هههههههههههههههههههه طلعتنى مش مهتم بالدين
انتى اللى لغاية دلوقتى مافهمتيش ايه فى الحاجات دى مخالف للدين انتى المرة دى اللى بترددى الكلام
عموما المسيحين مهما كانوا فجرة فالمعاملة بدينا احنا وننفذ عهد الذمة اللى اتعمل بين الاسلام وبينهم وغير كدة اللى يغلط فيهم ويتمادى يتحاسب زى ماساويرس كدة هيتحاسب

انا مش بردد كلام عن الازهر وخلاص المشكلة ان احنا شايفين ناس خريجة ازهر وبالمقارنة بالعام مش هقولك انتى بقى عارفة لكن انا مش بنكر ان فيه شيوخ عظماء خريجى ازهر وعلماء غاية فى العلم بس انا بتكلم بوجه عام خصوصا السنين دى الازهر رقم واحد فى علوم الدين ماشى لكن فى العلوم التانية بصراحة مايساويش اقل جامعة حكومية
كلامى ده علشان شايف ان الاسم ده خسارة بجد لازم يبقى من احسن جامعات العالم انا لو بايدى اخلى فرع ليه فى كل محافظة واجيب خبراء يدرسوا فيه فى كل اقسام العلوم حتى لو اجانب اما الدين ففى اساتذة كبار فى الازهر وانتى عارفاهم اكتر منى سادين الناحية دى
انا مش ضد الازهر ابناء الازهر هما اللى ضده بعدم الاعتراف انه متاخر

الناس فعلا لسة مااتغيرتش وعايزة تورث ده غير الكوسة ووالوسطة واللى هتشوفيها باينة اكتر فى دفعة 2009 كعادة كل دفعة بس تبان الاول
انا مش مختلف فى ده وده طبيعى جدااااااااا انتى اديلك 30 سنة فساد طبيعى الكل يتاقلم عليه ويعمل بيه انا ضد ان احنا نسيب الناس لاهوائهم ويتغيروا انا مع قانون واجراءات رادعة ومرعبة لاى مخالف وبعدل النظام وقراراته هتلاقى الكل التزم ولو حتى غصب عنه
انتى لسة مفكرة ان الثورة سحر ههههههههه وهتسحر الناس فى شهور

وانا عارف ان فيه بلاوى كانت عالدولة ايام امن الدولة ومش جديد ولا حاجة وكنت من اللى بيكتبوا ويشتموا حسنى كمان عالنت وكويس انك طلعتى بتكتبى ايامها وماخوفتيش بس انا اقصد الحالة العامة كله بقى بيتكلم حتى فى الشارع الناس مابقتش خايفة وده الاهم

وانا بكلامى كل ده اقصد الدفاع عن دينى الدين مش تطرف او اهواء الدين اوامر عارفينها ولازم ننفذها عاجبك صورة الاسلام برة احنا اللى خلينا الصورة كدة مليانة تطرف وهى ابعد عن ان تكون كدة
لعلمك انا لما بشوف مسيحين ببص وانا مستغرب ليهم كانهم مخلوقات تانية وبقول فى نفسى معقولة فى حد مايامنش بالاسلام وبالرسول و و و والله لغاية دلوقتى مامصدق ان فيه ناس غير مسلمة بس زى ماقولتلك احنا مامورين ودى تعاليم دينا السميحة فلازم ننفذها وانسى بقى كرهك واهوائك اركنيهم على جمب

ياباشا عيب علييييك انا مابخافش من حد
واللى مايتحملش الراى يقولها علنى

ههههههههههههههههه
الظاهر انك ماخدتش بالك من ردى لمصطفى
منوفى انا مااتهددش وماتستفزنيش
انت اثبت انك مش حمل ردود وهتستغل سلطتك ( الافتراضية ) عالنت وهتمسح فى الاعضاء
امال لما تمسك فى النيابة هتعمل ايه
هى البلد باظت من شوية

ومش هرد عليك فى حكاية الاسلام دى الا بحاجة واحدة
التعصب هو اللى جابنا لورا وابقى تعالى قابلنى ( وعملت ايه انت علشان تساند الاسلام وتتكلم على المساندة)
وربنا يشفيك ياسيدى من الحاجات اللى عندك دى

ملحوظة ياخبير : انا بدات من 2 مش من1

بص علشان انتوا بتفهموا للى عايزين نفهموه بس
وولا خدت بالك من كلامى انى عايز الازهر يبقبى اعظم من كدة
ومهاجمتى للتعصب المتطرف اللى بيسوء صورة الاسلام

يبقى مالناش كلام تانى فى مواضيع مادام انتوا بالتفكير ده
وربنا يحاسب كل واحد على نيته

ياااااااااااااااااااااااااااااااااااااارب ادى كل واحد على قد نيته

اه و بالنسبة لجملتك ( ( وعملت ايه انت علشان تساند الاسلام وتتكلم على المساندة) )

انت متعرفنيش و متعرفش انا بعمل ولا مبعملش
مش هقولك بقي مش عارف ايه و عملت و سويت
لألألألألألألألألألألأ
امر اعمل ولا معملش دا حاجة بيني و بين ربنا سبحانه و تعالي هو مطلع علي