هل يختلف «كرسى الحكم» فى دول العالم الثالث عن باقى كراسى حكام العالم.

اتمنى ان يصلنى ردود

اولا يا ساسو تسمحيلى انقل الموضوع الى قسم الاراء
ثانيا ايوة يا اوركيديا الكرسى فى العالم الثالث يختلف خاالص عن العالم المتقدم
هتقوليلى ازاى
هقولك
احنا الكراسى بتاعت المنطقة كلها اما وراثة واما ثورة او انقلاب
تيجى نعد شوية كراسى

مصر ____________ الاصل انها ثورة والتعديل الجديد بس اللى غير الفكرة دى
السعودية______________ ورائة
ليبيا______________ ثورة
المغرب _____________ وراثة
السودان _____________ انقلاب
الاردن ________________ وراثة
عمان _______________ وراثة
سوريا _______________ على الورق انتخابات وفى الخقيقة شكلها كده وراثة
اليمن______________ تزوير
الخ الخ الخ
لكن فى الدول المتقدمة هتيجى وتسألأى الله طيب يا عم الفتك ما هو فيه دول متقدمة بردوا بتاخد بالوراثة دى
هقولك حضرتك هما عندهم مبدأ فى الحكم بيقول الملك يسود ولا يحكم
يعنى الدولة المتقدمة اللى بتاخد بالنظام الملكى بيكون الملك فيها شرفى اى لا يحكم
مثال لكده مثلا بريطانيا
هل انتى عمرك سمعتى عن المللك البريطانى او الملكة البريطانية عمل مفاوضات سلام او اى حاجة
ولا احنا طول عمرنا بنسمع عن رئيس الوزراء البريطانى ؟؟؟؟؟؟؟؟؟؟؟

للموضوع بقية

شكراا ليك على التعليق وكلامك اكيد صح بس انا بتكلم على فكره الانتخابات عندنا وكراسى الوزاره والرئاسه وغيرهم اللى بيبقى فيها تزوير وان العالم كله من حوالينا بيعامل الرئيس على انه موظف شغال عنهم واحنا هنا بنقدسه ومش بنعرف ناخد حقوقنا وتايهين والفساد بيكتر فى الوزرات وفى مجالس الشعب واحنا مش عارفين نوقف المهازل دى الوزير منهم يبقى جاى مش معاه غير مرتبه يطلع(ده لو طلع) من الوزاره معبى شوالين فلوس حاجه بجد............ وربنا يستر على اللى جاى ونشوف هيحصل ايه فى الانتخابات اللى جايه
((على فكره انا ساسو مش اوركيديا وع العموم مش مشكله انا وهى واحد))

موضوع جميل ياساسو وانا رائى ان الموضوع مش مختلف ولاحاجه الموضوع مرتبط بسلطه ودى طبيعة السلطه اكيد فى حد كويس بس الاغلب بيتغلب عليه الفلوس والنفوز وغيره وغيره ودا موجود فى العالم كله تالت بقا اول الموضوع مش مختلف خالص ممكن هما مخيلين لينا ان عندهم حريه ومفيش سرقه من السلطات الكبيره والكلام دا كله بس دا مش حاصل العالم كله دلوقتى بيعانى ومفيش شعب بيتحكم فى حكومته اوبعتبرها موظفه عنده فى الاول والاخر السلطه هتعمل الى هى عايزاه فى دوله ناميه بقا متقدمه الفساد فى كل الدول وفى كل حته بس الفرق بيجى فى حاجه واحده ان الاعلام الى فى الدول الناميه الى زى حالاتنا كده بيستنوا جنازه دلوقتى ويشبعوا فيها لطم يحسسوكى ان الدنيا خلاص ولعت والبلد مبقاش فيها اى خير والمجاعه جايه لامحاله لكن فى البلاد المتقدمه الدنيا وردى والحياه جميله وهما اسياد اى بلد تانيه زى افلامهم كده تلاقيها كلها هما كانوا مظلومين وكل الناس ظلماهم وحربوا وحاولو وفى الاخر بقوا احسن البشر على كلامهم وطريقتهم طريقه بترفع من معنوية الناس والشعب مع ان الحكومه بتعمل الى فى مزاجها وممكن يضر الشعب نفسه بس الحياه وردى بخلاف بقا افلامنا الى بقا دلوقتى كلها حكومه ووسطه وظلم وعدوان واغتصاب واماكن نائيه ومهجوره وناس عايشه فى عشش وحياه سوده مع ان الناس مش ناقصه بس اهو تزويد تعقيد مفيش حتى بصيص امل نقولهم ياجماعه فى امل مفيش فهو دا الفرق لكن فرق فى حكومه بقا ووزرات بسرقوا وحكومه ظالمه والكلام دا كله موجود فى العالم كله دا رائى والله اعلم.
دايما مميزه ياقمرايه بمواضيعك الجميله شكرا ليكى

شكرا ليكى ميمو الجميله منورانى دايمااااااااا