لو سمحت من فضلك

موضوع: لو سمحت من فضلك 18th يناير 2010, 6:50 am

مره واحد ماشى فى الشارع فقابل واحد تانى شكله مش على بعضه ومستعجل أوى
وبيقول:لو سمحت من فضلك قلعنى الجاكته .
فالأولانى قاله نعم؟
فالتانى قال:قلعنى الجاكتةبسرعة.........
-حاضر حاضر وراح مقلعه الجاكتة
التانى قاله :لو سمحت بقى قلعنى الكرافته إيه؟
-الكرافته........؟؟
الكرافته بسرعة!
-حاضر حاضر وراح مقلعه الكرافتة
وهو مستغرب أوى من الراجل الغريب ده :ها يا سيدى أى خدمة تانية ؟
آه معلش فكلى زراير القميص
لااااااااااا دا أنت زودتها أوى ......
كدة تأخد برد يقلب معاك بنزله شعبية حادة تاخد أجلك
-من فضلك فكها ......بسرعة ارجوك
-افففففففففف....وأدى زراير القميص خلاص فكتها دا كان يوم إيه المهبب ده ،
ها أى أوامر تانيه؟
أيوه قلعنى بقه القميص
يا سيدى عيب ما يصحش كدة ،دا احنا فى الشارع خللى عندك دم ..........
-لا حول ولا قوه إلا بالله أرجوك أرجوك بسرعه..........مفيش وقت
- دى وقعة إيه المهببة دى ، أنا كان إيه إللى جابنى من الشارع ده .....وآدى القميص ....
هاااااا.إيه تانى ؟
ارسملى على ظهرى خطوط بالطول وخطوط بالعرض
حسبى الله ونعم الوكيل .....
انت مجنون يا راجل إنت؟
-من فضلك........أرجوك!
-رسمتلك زفت بالطول وزفت بالعرض
-رقملى بقى المربعات إللى أتكونت على ظهرى من 1إلى 40
-يا صبر أيوب ........
بقى انت معطلنى كل ده علشان تلاعبنى سيجا على قفاك؟؟؟؟؟
بسرعة لو سمحت......ارجوك رقمهم.........من فضلك مش قادر؟
- أدينى رقمتهم !
لو سمحت بقى اهرشلى فى المربع رقم 33