ادخل صوت مين افضل قصيدة من وجهة نظرك ؟؟؟؟؟؟ يلا متبقاش سلبى رد.....

بصراحه قصيده( تكلم عن الحب ) ممتازه جدا جدا لانها تتكلم عن الحب فى اجمل واسمى معاني الحب وكذلك قصيده (انى حزين) ممتازه الى حد ما ............. وشكرا

جميل جدا وفى هذه اللحظه انت تتكلم عن الحب
تكلم عن احترام ووفاء
تكلم عن كرامه وانحناء
تكلم عن فرحه وبكاء
تكلم عن صدق وصفاء
يملئ قلوب الاحباء
وفى هذه اللحظه انت تتكلم عن الحب

هو الواحد ممكن يصوت لأكتر من قصيدة ...........
أصل بصراحة كل قصيدة لها جمال و رونق خاص بها بعيدا عن باقى القصائد ...........
أرجو الافادة حتى أستطيع المشاركة
كل القصائد جميلة و لكن كما قلت كل منها لها رونقه الخاص .....
و شكرا................

سلام الله عليكم جميعا أزهرى وعلى فكرة انا سعيد جدا جدا
لان أكون معكم فى هذا المنتدى وكمان لما القى فى مسابقة
للشعراصل انا بحب شئ اسمة البلاغة كانت مادة تدرس
لدينا فى الازهر وفيها يكون معانى الكلمات ومدى
تعبارات البلاغة وكمان فى بعض القصاد تحتوى على معانى بيها بلاغة مثل اقصر قصيدها ولكنها الاطول (أمل ...أوهام ) بصراحة اتمنى ان ارى هذا الشاعر واشكره كثير وكمان قصيدة لازلت تائهة لها معانى بها بلاغة وكذلك اشكر صاحبها
وبلاش نسرح وشمس حميه على الخدود تخلق بحور للغرق يااه
أمل أوهام فعلا

وصمت الدموع يثتغيث لازلت تائهة بجد انا سعيد جدا واسف انى طولت عليكم

بصراحة انا احترت بين انى حزين وبين تكلم عن الحب
احب ابين وجهة نظرى فى كل الاشعار المكتوبة
هو واضح جدا ان الاربعة اشعار المكتوبين هم لاشخاص غير محترفين ولا اقصد بذلك اهانة لا والله بالعكس ده انا بقول ان الاشعار دى طالما جاية من اشخاص موهوبين فقط ومش محترفين متهيألأى ده اطراء
المهم
فتاة تائهة انا موصلنيش المعنى بتاعها او الشاعر اللى كتبها اصلا كل القصيدة عاوز يقول ان هو فتاة تائهة وبس مدخلناش فى اى تفاصيل اضافة الى بعض الاخطاء اللغوية بعيدا عن الاعراب لا ده فى الهجاء


قصيدة انى حزين واضح جدا ان اللى كاتبها بيمر بالمرحلة دى فعلا لان افكارها مرتبة جدا والالفاظ منتقاه مفيهاش غير بعض الملحوظات الصغيرة واللى تقلت بيت او اتنين فيها واهم عيوبها انى كان نفسى الشاعر يكمل كام بيت كمان اصلها كانت حلوة اوى

قصيدة امل اوهام انا مش عارف هو الشاعر بيتكلم فى ايه اصلا بالنسبة للبلاغة اللى فيها انا مش شايف فيها بلاغة زى ما العضو المحتر معانى الحياة قال ......... هى طبعا فيها بلاغة زى اى شعر الى حد ما متمكن لكن مش بالدرجة اللى ماعانى الحياة هولها كده (( وطبعا انا معرفش مين اللى كاتب القصيدة علشان ميزعلش منى )) وعلى فكرة انا كنت ازهر بردوا وحافظ القرأن كله وهو الجامع للبلاغة مطلقا .... فأرجوا قبول رأى وهو مجرد رأى لا يثيب ولا يجازى ...... ولكنها فى متانة الفاظها فانها تحمل بعض التعابير الاكثر من رائعة ولكنها كانت طويلة مقارنة بباقى الاشعار فلا اعلم هل نظام المسابقة كان اتاح ذلك ام لم يتحه سواء بالنسبة للطول او بالنسبة للقصر

قصيدة تكلم عن الحب اروع قصيدة مكتوبة فى المسابقة يكون معناها واضح يفهمها العادى والشاعر الكبير مينقضهاش (( حاشى لله فالقرأن وحده كذلك ولكن الفكرة انها ممتعة )) القافية بتاعتها محكمة الفاظظها متينة تدرج شعرى وخاطرى فوق الوصف غير المعنى اللى هى بتتكلم فيه
معجبنيش فيها كثرة ترديد البيت المكرر دائما فان تكرار بيت فى قصيدة يصيب القارئ بالملل
لذلك انا احترت بين انى حزين وبين تكلم عن الحب ......

انا بردوا اخترت انى حزين قصيدة خلتنى اعيط بجد

انا بختار تكلم عن الحب

الى السادة والأخوة أحباء المنتدى الجميل والمشاركين بتصويتهم والمشاركين بأرآهم أيضا
أشـــــــــكــــــــر الــجــمــيــــــــــــــــــــع
ولكن اسمحوا لى ببعض التوضيح واقبلوا رأى الخاص بى فأنا مشارك بالمسابقة ولكن أقسم بأنى لن أتحدث عن قصيدتى الإ بعد انتهاء التصويت
ورأى الشخصى كشاعر محترف ولست موهوبا فقط وهذ ليس بغرور
ترتيب القصائد من وجهة نظرى
فى المضمون والمعنى هو كالتالى
القصيدة الأولى : تكلم عن الحب (وهى تتحدث عن حب الخالق عز وجل وهذا أسمى معانى الحب وحب الله يكمن فى طاعته وعبادته , بارك الله فى الأخت الفاضلة كاتبة هذة القصيدة)
القصيدة الثانية : أمل أوهام (وهى تتحدث عن عناء الأنسان وجهدة الخارق وعدم يأسه أو الإتكال على أحد فيلقى نفسه بلا هوية وتتحدث عن الحلم والأمل فى لم الشمل العربى وهذا لن يحدث إلا بتقرب الأمم الى الله عز وجل ولكن للأسف نحن بعاد جدا فالبتالى يصبح الأمل وهم)
القصيدة الثالثة :لا زلت فتاة تائهة (هى تتحدث عن الجنون والإنفصام الناتج من الحزن الذى يصيب الإنسان بعدم معرفتة عن ما يريد وماذا يفعل وكانت الكلمات سلسة بسيطة ولكن تحمل معانى عميقة دون أن تبوح بالحزن )
القصيدة الرابعة :إنى حزين (وهى واضحة المعنى المراد منه الحزن ولكن من منا لم يتفوه بتلك الكلمة عند إصابته بالحزن فالبتالى هى كلمة دارجة وهناك كلمات عديدة وضعت فى القصيدة للإهتمام بالقافية فقط فأصبحت حشو زائد وهذا يفقد القصيدة رونقها )


أما ترتيبى للقصائد من جهة اللغويات وبحور الشعر والأقوى فى فن الشعر فهى كالتالى
القصيدة الأولى : أمل أوهام بنسبة 100%
القصيدة الثانية : لا زلت فتاة تائهة 88 %
القصيدة الثالثة : تكلم عن الحب بنسبة 85 %
القصيدة الرابعة : إنى حزين بنسبة 70 %
أرجو الإعتذار وعدم الغضب منى فهذا رأى الشخصى
ومن كل قلبى أتمنى وأدعو الله أن تفوز فى المسابقة قصيدة (تكلم عن الحب ) وإقدم إحترامى الشديد لكاتبة تلك القصيدة وأتمنى أن أرى لها كتابات أخرى تكون كاملة المعنى والأقوى فى فن الشعر
ولكن للأسف فأنا من الأن أعلم ومتيقن من الفائز لأنى أرى بخاطرى أن هناك غشا وخداع
وللفائز من الأن أقول له مبروك وأرجوا من الأدارة حينما يكون هناك مسابقة الإهتمام الكامل
وتواجد فرد منهم يكون على علم كامل وملم فى مجال المسابقة ويكون له الحق فى تغيير النتيجة إذا كانت لا تستحق حتى بعد التصويت وهذا لمصداقية المنتدى


وأخيرا أرجوا قبول إعتذارى وأدعوا للجميع بالتوفيق

استاذى الفاضل فتى النيل
اولا المسابقه ليس بها اى غش ولقد حذفت اسماء اصحاب القصيده حتى لايتحيز احد لاحد قصيده حضرتك بعد اذنك طبعا بدون اى زعل طويله جدا لدرجه تصيب القارئ بالملل يمكن ان يكون عند حضرتك الافضل ولكن ليست هذه القصيده بعيدا عن اى قصيده انا كتبتها عشان بس حضرتك مش تقول انى بصرح بقصيدتى عشان تفوز انا دى مش اول قصيده اكتبها وان شاء الله ولا اخر
بفهم بعض الشئ فى القصائد مش محترفه طبعا زى حضرتك بس مع احترامى لحضرتك قصيدة حضرتك لا توحى باى احتراف ممكن حضرتك اسأت اختيار القصيده الى نزلت المسابقه واذا كنت عارف انهى قصيده الى هتكسب فهى هتكسب لانها القارئ اعجب بيها وليس لوجود غش اوغيره
ولا حضرتك تعتقد ان فى ناس دخلت بيوزرات تانيه عشان تصوت لنفسها والله اعلم وان كان دا حصل فالى سمح انه يدى لنفسه الاصوات بالطريقه دى العيب فيه فمش هيكسب بالمسابقه ولا هيفوز فيها وان كانت القصيده الى ممكن تكسب فعلا كلماتها جميله وانا واحده من الناس الى صوتتلها ولكن حتى الى مكسبش لو قبل على نفسه انه يدخل يدى لنفسه اصوات تانيه بيوزرات جديده فدا خطأ فيه هو وليس فى وجود اصوات وانا عن نفسى كأداره اؤكد لحضرتك ان المسابقه فيها شفافيه عاليه جدا مفهاش اى غش الا اذا سول لبعض المشتركين انهم يعملوا مازكرت وانا عن نفسى بأيد القصيده الى صوتلها واتمنى انها تفوز ولو فازت اؤكد لحضرتك واعتقد كتير من الى قرؤها هيأكدوا معايا ان القصيده تستحق الفوز لجمالها ليس الا وفى ناس مش هتفوز ومع ذلك دخلت بيوزرات تانيه وصوتت لنفسها وانا من وجهة نظرى المتواضعه القصائد ترتب كالتالى
1- انى حزين
2-فتاه تائهه
3-تكلم عن الحب
4-امل واوهام
نتمنا وجود قصائد حضرتك فى قسم الشعر فقصيده حضرتك لم تبين احتراف حضرتك فنتمنا ان تبهرنا بقصائدك الى تبين هذا الاحتراف حتى نتعلم منها واؤكد لك وللجميع شفافيه هذه المسابقه وان كانت غير ذلك فانا الاولى ان افوز بما انى من الاداره وبما انى لى اصدقاء وان كان كل المنتدى اصدقائى واخواتى فان كان بها غش فانا اعتقد الاولى بالفوز والله اعلى واعلم بمن سيستحق الفوز ومن فاز بالمسابقه فسوف يكون مستحق لها لروعة القصيده
لك جزيل الشكر على رأيك ونتمنا ان تتواجد معانا فى قسم القصائد لعلنا جميعا كهواه نفيد بعض بتعلم طريقه الشعر
بالتوفيق للجميع وانا اؤيد قول روتانا بنهاية المسابقه يوم10/4/2010
ياريت كل الى معانا يشاركوا باصواتهم
المشتركين فى المسابقه محتاجين اصواتكم

السلام عليكم ورحمة الله وبركاته
اعضاء المنتدى الكرام
هذه هى نتيجة التحرى عن وجود مخالفات فى التصويت على القصيدة وقد توصلنا الى الاتى
سوف نبين كل عضو صوت على هذا الاستفتاء وتاريخ تسجيله فى المنتدى ولمن قام بالتصويت وبناء على ما سوف نعرضه سوف ننتهى الى تقريرنا النهائى بشأن ما نسبة العضو فتى النيل الى حدوث غش فى المسابقة والبيانات كالاتى
mohamedsaed-----------27/06/2009 ---------- دخوله متكرر فى المنتدى ------------ لا يحتوى على اى مشاركة------- صوت لقصيدة انى حزين

sama2006-----------27/06/2009-------------دخوله متكرر فى المنتدى-----------لا يحتوى على اى مشاركات -----------صوت لقصيدى انى حزين


gehad_mohamed---------27/06/2009-------دخوله متكرر فى المنتدى-----------لا يحتوى على اى مشاركات -----------صوت لقصيدى انى حزين


younis333---------28/12/2009-------دخوله متكرر فى المنتدى-----------79 مشاركة وهو المشرف العام على المنتدى وشقيق مالك المنتدى -----------صوت لقصيدى انى حزين

zenhom--------27/06/2009---------دخوله متكرر فى المنتدى-----------لا يحتوى على اى مشاركات وهو صديق شخصى لمالك المنتدى -----------صوت لقصيدى انى حزين

memo dream--------20/05/2009------دخوله متكرر فى المنتدى-----------3438 مشاركة وهو ادارى فى المنتدى واحد المتنافسبن فى المسابقة-----------صوت لقصيدى انى حزين (( ولا عجب ))

amged--------27/06/2009----دخوله متكرر فى المنتدى-----------لا يحتوى على اى مشاركات وهو صديق شخصى لمالك المنتدى -----------صوت لقصيدى انى حزين

marwa--------27/06/2009-----دخوله متكرر فى المنتدى-----------لا يحتوى على اى مشاركات -----------صوت لقصيدى انى حزين


15/02/2010-------روتانا--------دخول متكرر فى المنتدى --------483 مشاركة وهى صاحبة قصيدة انى حزين ______ صوت لقصيدة انى حزين


10/06/2009----------الشهاب----------دخوله متكرر فى المنتدى-----------لا يحتوى على اى مشاركات -----------صوت لقصيدى انى حزين


27/06/2009----------عبد الله----------دخوله متكرر فى المنتدى-----------لا يحتوى على اى مشاركات -----------صوت لقصيدى انى حزين


10/06/2009------------الوزير-------دخوله متكرر فى المنتدى-----------11 مشاركة وكان احد مشرفى المنتدى لفترة فى بدايات انشاء المنتدى -----------صوت لقصيدى انى حزين

05/01/2010---------سعد يونس ----------دخول متكرر فى المنتدى ------------719 مشاركة وهو شقيق مالك المنتدى والمشرف العام على المنتدى ------------ صوت لقصيدة انى حزين

27/06/2009-------صلاح الدين-------دخوله متكرر فى المنتدى-----------لا يحتوى على اى مشاركات -----------صوت لقصيدى انى حزين

jojo-----------19/10/2009---------دخول متكرر فى المنتدى---------478 وهى مشرفة قسم فى المنتدى -------صوت لقصيدة انى حزين

_________________________

14/02/2010-------فتى النيل--------دخول متكرر فى المنتدى---------30 مشاركة وصاحب قصيدة امل اوهام ---------صوت لقصيدة امل اوهام

31/03/2010---------معانى الحياة---------دخول متكرر فى المنتدى---------2 مشاركة --------- صوت لقصيدة امل اوهام

31/03/2010---------فرح------------لم يدخل سوى مرة واحدة وهى الأربعاء 31 مارس - 19:23----------لا يحتوى على اى مشاركة ------صوت لقصيدى امل اوهام .


31/03/2010----------شاعر مصر--------لم يدخل سوى مرة واحدة وهى الأربعاء 31 مارس - 0:31----------- لا يحتوى على اى مشاركة ------ صوت لقصيدة امل اوهام .

31/03/2010---------بنوتة حدوتة-------- لم يدخل سوى مرة واحدة وهى الأربعاء 31 مارس - 1:17----------- لا يحتوى على اى مشاركة ------ صوت لقصيدة امل اوهام .

25/02/2010---------احمد المنوفى ---------دخول متكرر --------133 وله دخول مميز فى قسم الخريجين --------- صوت لقصيدة امل اوهام .

___________________________________________

13/06/2009-----------------راجعه--------دخول متكرر الى المنتدى --------7 مشاركات ------------- صوت لقصيدة تكلم عن الحب

18/02/2010----------خالد الطيب---------- دخول متكرر الى المنتدى --------36 مشاركات ------------- صوت لقصيدة تكلم عن الحب


ملحوظة :- بمراجعة الايبهات الخاصة بالاعضاء المشاركين ((( لانه يجب ان يكون هناك مشاركة واحدة على الاقل لمعرفة رقم الاى بى الخاص بالجهاز ))) تبين وجود تطابق بين رقم الاى بى الخاص بالعضو معانى الحياة مع العضو فتى النيل .


ومن جماع ما تقدم نجد ان الاصوات المشكوكة فى صحتها بالنسبة للمصوتين لصالح انى حزيم هى 6 أصوات من اصل 16 صوت قاموا بالتوصيت لصالح تلك القصيدة ويكمن جوهر الشك فى انهم لا توجد لديهم اى مساهمات وانهم جميعا مسجلون فى المنتدى بنفس اليوم ولكن لكى يقال الحق فعند ملاحظة تاريخ تسجيل العضوة روتانا وجدناه حديث جدا وباقى الستة اعضاء قد سبقوها بالتسجيل بحوالى خمسة او ستة اشهر .... اذا فهناك شك كبيييير جدا ان تكون هى هى من قامت بالتصويت لنفسها وهو ما يبعد الشك عن تصرفها على هذا النحو .

وعلى النقيض من ذلك نجد ان عدد الاصوات المشكوك فى صحتها والمصوتة لقصيدة امل اوهام هى 4 اصوات من اصل 6 اصوات اعطوا صوتهم لقصيدة امل اوهام حيث تجد ان تاريخ تسجيل تلك الاربعة اعضاء بتاريخ 31/3/2010 وهو نفس اليوم الذى دخلوا فيه المنتدى مرتهم الوحيدة والتى لم يدحلوا المنتدى قبلها ولا بعدها وكذلك لا يوجد لديهم اى مساهمات ونجد العضو معانى الحياة رقم الاى بى الخاص به يتطابق مع العضو فتى الليل كاتب قصيدة امل اوهام

وبناء على ما سبق فان نسبة الشك فى حدوث غش فى المسابقة لا يتعدى 10% بالنسبة لقصيدة انى حزين بينما يتعدى تلك النسبة بمراحل ليصل الى نسبة 95% حدوث غش بقصيدة امل اوهام ..... خاصة ان الاعضاء المشكوك فى صحة اصواتهم بخصوص قصيدة امل اوهام قاموا بالاشتراك فى المنتدى بعد المسابقة على خلاف الاصوات المشكوك فيها بالنسبة لقصيدة انى حزين والذين قاموا بالتسجيل قبال المسابقة بما يتعدى الستة اشهر واكثر بل الى تسعة اشهر اى منذ نشاة المنتدى تقريبا .
هذا ما قد توصلت اليه الادارة فان كان للاعضاء تعليق فليتفضلوا مشكورين
علما بأن الادارة واعية جدا وتحسن ادارة الامور وتقبلوا تحياتنا
ادارة منتدى راجعون الى الله

للأسف يا فتى النيل لم أكن أتصور أن يكون هناك غش أو تدليس ،،،، و لكن بعد ما تكرمت الاخت الغالية ميمو بتوضيح ما تم ،،،،،، أستطيع أن أقول لك انني آسف حقا على التصويت لقصيدتك ،،،،،،،،،،،،، بالرغم من أننى لم أكن أعلم أنها قصيدتك ،،،،،،،،،،،،،،،فأننا قد شدنى قصيدتى ( أنى حزين و أمل أوهام ) ولكن بعد تفكير يسير قررت أن أصوت لأمل أوهام،،،،،،، دون معرفة مسبقة بأنها قصيدتك،،،،،،، أقول لك هذا الكلام ،،،،، لأنك لم تتعامل مع الموضوع بشفافية ،،،،،،،،، مع العلم اننى كنت قد بدأت أميل لشعرك ،،،،،،،،،،،،،،،،،،
ولكن برغم هذا أهلا بك معنا ان رغبت و لكن بدون غش و خداع،،،،،،،،،،،
مع تحياتى

السلام عليكم ورحمة الله وبركاته
اولا يا استاذ فتى النيل انا مش روتانا ومش محتاجة ابقى روتانا وليه ابقى روتانا علشان افوز بمسابقة طيب ما زى ما انت قولت لو عاوز اغش كنت صوت لقصيدتى تكلم عن الحب ثانيا الايبهات مش بتتعرف غير لما العضو يشارك والعضو الوحيد اللى شارك من الاربعة المشكوك فى صحة اصواتهم كان معانى الحياة لذلك تم معرفة الاى بى الخاص به ..... ثم ان الاخ يونس مش مدير فى المنتدى وملوش الحق فى دخول لوحة الادارة .
مديرى المنتدى هم ميمو دريم وبسمة واحمد ناجح فقط لا غير بعد انسحاب محمود يونس اللى هو المدير لتعيينه وكيل للنيابة
ومن جهة اخرى ايه المشكلة لما يكون معظم الاصوات لمشرفين فى المنتدى طالما لا يعرفون من هو كاتب القصيدة . (( الصوت الوحيد المعطى لقصيدة انى حزين من الاداريين كان هو صوتى فقط اما الباقى مديرين فى المنتدى ))
بخصوص ارتفاع الاصوات من 5 الى 16 فى ساعتين ايه المشكلة فى كده طيب ما انت ارتفعت من 1 الى 5 فى ساعة وكلهم اصوات لسى مسجلة .... ثم انا بينت بكل حيايدة مين اللى صواتوا لكل قصيدة
بخصوص تقييمك للقصائد فدى حرية شخصية انا لم اخوض فيها فى كلامى ولكن كل كلامى كان فى انه لم يكن عليك التقييم الان كان عليك الانتظار وانت من بدأ بذلك مما دفعنى الى التكلم
بخصوص العضو المتبقى فانا نسيت اكتبه ولم اخد باللى سوى الان وهو العضو عبد الناصر ولو محتاج بياناته اجبهالك حاضر
بخصوص ما ادعيته من ان نفس الاسلوب هو اسلوب القصيديتن فاود ان اقول لك طالما الحال كذلك فلما فى تقييم معاليك اتيت بقصيدتى هى الاولى وبقصيدة روتانا فى المرتبة الاخيرة طالما التقييم كان على متانة القصيدة ولغويتها .....
بخصوص حذف القصائد فأنا من حذف القصائد وليست روتانا ..... من قال لك عكس ذلك .... ده حتى هتروح تلاقى المشاركة مكتوبة بأسمى وبقول انا حذفت القصائد..... ثم يا اخى العزيز امكانية وضع تصويت هى خاصية متاحة الى جميع الاعضاء واذا كنتم تريدوا معرفة كيفية ذلك فاطلب فى موضوع مستقل وسوف نرد عليك بأذن الله فى حينه لعدم الدخول فى مواضيع اخرى
حضرتك بتقول حرام يكون ده اسلوب منتدى اسمه راجعون الى الله ونعمل الغش ونتهم بيه الاخرين؟؟؟؟؟؟؟؟
فاعتقد ان كل الى معانا يؤكد ان منتدانا منتدى ليس بيه اى غش وما نسب اليك من اتهام ليس اتهام وهمى وانما هو اتهام بالادله
على فرض جدلا ان روتانا غشت وده اللى انا اكدته بنسبة 10 % اعمالا للحق فما ذنب المنتدى وادارته على العم بأن الادارة اثبتت بالدليل القاطع وهو رقم الايبهات بأنك انت هو من ارتكب الغش (( ولا تغضب من ذلك فكلنا خطاء وخير الخطائين التوابون )) فلماذا تنسب لادارة المنتدى الغش هل لان تقريرها جاء ضدك ......استاذى الفاضل انا اول من كره اسلوب المسابقه هذه لانى كنت متوقعه حدوث هذا الشد والجذب بين المتسابقين ولكن ليس لهذه الطريقه فلقد اشتركنا فى مسابقات اخرى ووجه الينا نقد وكانت ناس فى اعلى تصويت وناس فى اخر التصويت ولم يكن لايا منا الا ان نشجع الفائز مع اننا مشتركين فى المسابقه فهذه ليست اول مسابقه اشارك انا شخصيا فيها وكنت اتمنا ان تكون مسابقتنا بنفس الطريقه وبنفس الروح الرياضيه زى مابيقولوا
فليس معنى ان تكون قد اشتركت فى مسابقات اوغيره ان نقول سمعا وطاعه وانا بقول لحضرتك اعتبرنى مليش فى الشعر خالص انا الشعر عندى هوايه ولكن بالنسبه لقصيدة حضرتك انا اعرف ناس على كده وعلى القصيده الى حضرتك بتدافع عنها بقوه دول مش محترفين دول عباقرة شعر ولو عايزينى اجيبلك واوريك القصائد دى اجيبهالك واكيد حضرتك هتنقدها لانك محترف كل انسان فى نفسه سلطان ولكن تقبل منا النقد كما تقبله الاخرين منك لما كل هذا الغضب

واحنا بصراحه اعتقدنا انك هترد بطريقه مش كويسه زى مافعل غيرك لكن نحمد الله ونعترف بحسن نقاشك وان كان بيه شئ من الغضب وهذا الغضب ليس له اى مجال وذلك لانى لم اخترع ادله وهذا واضح
المفاجئه الى حضرتك فجرتها على حد قول حضرتك صعب انها تكون صح شويه اعتقد انا اداره مش محتاجه ادخل باسم عضوه واعمل مشاركتين طب ماواحده بردو الى هتفوز ايه الفكره يعنى
عموما عايزه اقول لحضرتك حاجه بعد اذنك طبعا بالنسبه لتذوقى لشعر حضرتك اولشعر غيرك فى بعض الاحوال بيمس الانسان نفسه زى امل واوهام بتاعت حضرتك اوى انى حزين بتاعت روتانا فروتانا حالة حزن وممكن حد حاسس نفس الاحساس فلمسته حسها وكذلك امل واوهام هى حاله ممكن ان يعجب بها شخص ويحس بجمالها لااعيب على حضرتك غير قولك بان منتدى راجعون الى الله كيف وبه غش فحضرتك متعرفش اى حد فيه عشان توجه كلمه زى دى وان كان الغش بان من مين
وكما اوضحت فى البدايه لم اكن لاوضح ذلك الامر الخاص بالايبهات وان كنت علمت من البدايه بهذا الامر ولكن حضرتك الى اضطرتنى لهذا الامر لابين لك ان منتدانا ليس به غش بالعكس الحمدلله رب العالمين وكل من معنا يعلم ذلك
بالتوفيق لحضرتك ومزيد من الجوائز والتقدم ونحن فى انتظار حضرتك ان تبقا مشرفمعنا فى المنتدى وان تمتعنا بقصائدك فالاختلاف فى الرائى لايفسد للود قضيه
بالتوفيق

تم حذف مشاركة معانى الحياه اوفتى النيل لن تفرق
اهم حاجه هنا احترامنا لبعض
وقد تم حذف المشاركه الثانيه لانها لاتليق بمنتدانا وباعضائه
ارجو احترام المنتدى وعند النقد ان ينقد باحترام
فادارة المنتدى لن تسمح بغير ذلك
واذا بقا الامر على هذا المنوال
فسوف تعلن ادارة المنتدى
فوز صاحبة قصيدة انى حزين
وذلك لوجود اعلى تصويت ولن
تنتظر الاداره الى يوم
10/4
حتى يغلق هذا الموضوع
ارجو الهدوء والاحترام كما هو معهود من جميع اعضائنا
فمن لايتسم بهذه الصفات فليس من اسرتنا
بالتوفيق للجميع ان شاء الله

نتظر تصويت الاعضاء للمشتركين
بدء العد التنازلى

لااله الا الله سيدنا محمد رسول الله
يعنى حضرتك بتستفزنى عشان ارد
الموضوع هنا لمسابقة الشعر والتصويت له
وقد ذكرت الادله وحضرتك وفتى النيل اول من يعلم بالحقيقه والله اعلم
لوسمحت مش تضطرنى اغلق الموضوع وبقاء التصويت
لان حضرتك اعتقد اكتر حد عارف ماهى الحقيقه
فلوسمحت بلاش هذا الاسلوب
منتدانا منتدى دينى محترم ولو حضرتك
عايز تفضل فيه طبعا ارجو منك الالتزام بذلك
الموضوع هنا لمسابقة الشعر
والاداره لن تسمح باى تجاوزات
اى تعليق تانى لحضرتك ياريت يكون عن المسابقه
فغير ذلك اغلق الكلام فيه
والحقيقه واضحه اعتقد والله اعلم
ننتظر تصويت الاعضاء

لو سمحت يا استاذ انا مسمحلكش انك تتكلم عن الادراه بالشكل ده لو حضرتك عايز تبقي في المنتدي يبقي باحترام وبالتزام بقوانين المنتدي
والفاظ اللي حضرتك بتتكلم بيها لو سمحت متتقلش في المنتدي
وياريت بغلق الكلام في الموضوع ده تماما

غدا السبت الساعه الثانية عشر بتوقيت القاهره

سيتم الاعلان عن افضل شاعر للمنتدى

اعضائنا الكرام قوموا بالتصويت لافضل شعر

المتسابقين يحتاجون اصواتكم

بالتوفيق للجمييييييييييييع

اسفه على التأخير فى عرض النتيجه

وسوف نعلن الان عن الفائز بالمسابقه

واعطائه شعار افضل فائز للمنتدى

ونبدء بترتيب القصائد تنازليا

حيث ان المرتبه الرابعه كانت من نصيب (لازلت فتاه تائهه) وهى من تأليف المتسابقه رقة دمعه

المرتبه الثالثه كانت من نصيب (تكلم عن الحب) وهى من تأليف المتسابقه memo dream

المرتبه الثانيه كانت من نصيب (امل واوهام) وهى من تأليف المتسابق فتى النيل

الف مبروك لجميع المتسابقين ونشكرهم على حسن مشاركتهم معنا فى المسابقه وبأذن الله

المسابقه الثانيه ننتظر كذلك مشاركتهم وطلتهم الاكثر من رائعه بأجمل الكلمات

والان سوف نعلن عن الفائز بالمرتبه الاولى








والفائز بالمرتبه الاولى

















هى قصيدة
































(انى حزين ) من تأليف المتسابقه روتانا




















وقد فازت بعدد 17 صوت
















الف مبرووووووووووووووووووووووووووووك روتانا ووللامام دائما ومزيد من الابداعات



والكلمات الجميله............




































روتانا الفائزه معانا فى اولى مسابقات منتدانا مسابقة افضل شاعر


الف مبروك روتانا بالتوفيق دايما


والف مبروك لجميع المتسابقين والف شكر لكل مين تكرم



وصوت فى المسابقه



بالتوفيق للجميع ان شاء الله



وانتظرونا فى ثانى مسابقات منتدانا منتدى راجعون الى الله





والسلام عليكم ورحمة الله وبركاته


ادارة المنتدى

منتدى راجعون الى الله