الام والزوجة

موضوع: الام والزوجة 4th مايو 2010, 11:26 pm

في سؤال محيراني ونفسي اخد رائ الرجالة فيه ده بعد ازنكو يعني انا جوزي لما تكون مامته موجودة في مكان وانا موجودة في نفس المكان بيتكلم معايا بتجهم وولو صادفت انه داخل علينا احنا الاتنين يسلم عليا بدون اهتمام وكاني حاجة موجودة مع العلم اني مش بغير عليه منها هي ست كويسة جدا بس هو بعاميله دي هيخلينا اخد موقف منها ده غير اني بعامله بنفس حالة عدم الاهتمام دي ميبقي التعامل عادي مش عايزاه يحب فيا ادامها يس برضه ميعملش كده وهو كويس معايا جدا لما بنكون لوحدنا ياريت الاقي تفسير

موضوع: رد: الام والزوجة 5th مايو 2010, 8:39 am

انا من وجهة نظرة المتواضعة يا هالة ده كويس لكى انتى
هقولك ليه
كل واحد كبعا ادرى بوالدته
ممكن يا ستى يكون هو عارف ان والدته بتغيير جدا على اولادها وبتخاف اولادها يتعلقوا بحد تانى غيرها فهو بطريقة غير مباشرة عاوز فهمها انه معتم بيها هى وبس ومفيش حد تانى فى الدنيا غيرها .
وخلى بالك ده شئ كويس ليكى لو لهذا التبرير هقولك ليه
لان يا ستى لو عاملك بلطف قصادها وهى زى ما انا قولت كده عارفة ايه اللى هيحصل
هتغير منك وهتتلككلك وهتفتعل معاكى المشاكل واكيد اكيد هتقول لابنها اللى هو جوزك اما انا او مراتك وده علشان تقتنع ان ابنها ليها مش لحد تانى
فهمتى بقى يا هالة يعنى طالما انتى متأكده انه كويس جدا فأكيد الى بيعمله ده ليه مبرر
قال تعالى (( يا ايها الذين امنوا لا تسألوا عن اشياء ان تبدا لكم تسؤكم )) .
ليه متخديش الاية دى فى اعتبارك فى موقف زى ده
وبشهادتك انتى انه انسان كويس جدا معاكى لكن المشكلة بتكون امام والدته فقط .
يبقى اكيد اكيد اكيد هو عارف والدته اكتر منك فبلاش تفتحى على نفسك فاتحة
وجزاكم الله خيرا

وسوف يتم نقل الموضوع لاحقا الى قسم الاستشارات العامة

موضوع: رد: الام والزوجة 5th مايو 2010, 11:06 am

انا طبعا مش من الرجال يعنى بس انا حبيت ارد عليكى ياهاله هو اكيد موقفه يدايق وانا لو

مكانك هدايق بس كلام المدير عقلانى هى حاجه تدايق اه بس هو فعلا ادرى بماماته وممكن

زى ماالمدير قال فممكن هو بيريحك من المشاكل وانتى شهدتى بنفسك انه اصلا شخصيه كويسه

اوى فااكيد فى سبب لدا والسبب الى المدير قاله هو ارجح سبب

ربنا يوفقك ياحبيبتى ويكتبلك كل خير وكل ايامك تكون فرح يارب

موضوع: رد: الام والزوجة 5th مايو 2010, 2:56 pm

بداية احب اسجل اعجابي لمرة التانية بالمنتدي والتفاعل السريع مع الاعضاء واشكرك بشدة يا مدير علي الكلام الجميل ده اللي بجد ريحني الي حد كبير وشكرا للسكرة ميمو

موضوع: رد: الام والزوجة 5th مايو 2010, 3:03 pm

انا بحبك اوى يا هاله من غير ما اشوفك ربنا يخليكم لبعض وميحرمكوش من بعض ابدا ابدا ابدا

موضوع: رد: الام والزوجة 5th مايو 2010, 3:17 pm

تسلمى ياهاله والله انتى الى سكر

وبجد وجودك معانا مفرحنا خاااااااااااااالص

ربنا يخليكم لبعض يارب ويكتبلك كل خير ياااااااااااااااااااارب

موضوع: رد: الام والزوجة 5th مايو 2010, 3:54 pm

شكرا يا جماعة كتير وبجد انا بحب ادخل علي المنتديات كتيير بس بجد وبدون مجاملة حاسة براحة نفسيا معاكو من غير ما اشوفك واتمني اننا نكون اصدقاء ولو حتي علي الكمبيوتر

موضوع: رد: الام والزوجة 5th مايو 2010, 10:25 pm

تحية عطرة بالفل والياسمين الى الاخوة والاخوات

كما تكرم المدير وجاوب احب اضيف شئ وهو حب زوجك لك اهم شئ ومش مهم ان يكون دا ظاهر لاى مخلوق قريب كان او بعيد الاهم انه ظاهر لك انت .

ونصيحة غالية اتمنى الاخذ بها حبك لزوجك بيدك ان تجعليه اكثر وينموا يوم بعد يوم وذلك عن طريق ان تردى امه بما يرضى الله وبذلك ستكون امه سعيدة بيك وبولدها مما يرجع ذلك عليك بسعاده بينك وبينه وزيادة فى الحب ولا تنسى شئ مهم كما تدين تدان اى انك اذا اكرمتى هذه الام ستجد فى المستقبل من تكرمك لاجل ابنك

اتمنى السعادة لك وللجميع

موضوع: رد: الام والزوجة 5th مايو 2010, 11:20 pm

شكرا لكلماتك الجميلة بس انا فعلا بحبها لانها ست تستاهل كل تقدير بس بتزودهم حبتين مع ابنها بالدلع الزايد اوي اللي مش بيعجبني بس اهو

» الفرق بين الفتاه والزوجة
» فضل الام على أبنائها
» افضل ما قيل عن الام من شعر
» اجمل ماقيل عن الام.......
» حنان الام ...صوره روووووووعه