هيئة قضايا الدولة دفعة 2009

سنتناول فى هزا الموضوع كل ما يخص التقديمات فى هيئة قضايا الدولة دفعة 2009
بداية من سحب الملف حتى التقديم حتى التحريات والكشف الطبى الى ان يصدر قرار رئيس الجمهورية والتهنئة للاعضاء

فين يباشا
هتفتح امتى ان شاء الله وايه المطلوب

لا يا باشا 2009 لسى بدرى عليها خالص لكن لو انت عاوز 2008 نعملك ليها موضوع
يرجى التوضيح انت دفعة كام

ده رابط الاسئلة لو عاوزين الاسئلة اللى بتتسأل واجابتها النموزجية
[ندعوك للتسجيل في المنتدى أو التعريف بنفسك لمعاينة هذا الرابط]

ده رابط الاسئلة لو عاوزين الاسئلة اللى بتتسأل واجابتها النموزجية
[ندعوك للتسجيل في المنتدى أو التعريف بنفسك لمعاينة هذا الرابط]

انا 2009
بس سؤالى ايه طبيعه العمل فى هيئه قضايا الدوله من حصانات ومرتبات وايه الفروق بينها وبين مجلس الدوله او النيابه
وهتفتح امتى ان شاء الله ل 2009

طبيعة العمل فى هيئة قضايا الدولة هو مباشرة القضايا المرفوعة على الحكومة والاشخاص المعنوية العامة .
هيا مش زى مهنة المحاماه لكن شبيهة جدا جدا بيخا
الحصانات هيا هيا الحصانات لعضو النيابة العامة
المرتب نفس مرتبات الهيئات القضائية لكن الحوافز والبدلات بتفرق من هيئة لاخرى وفقا للاستقلال المالى اللى لسى مطبق السنة الماضية

باختصار محامي الحكومه

أخى الحبيب أحمد ..... نعم هو محامى الحكومة لكنه يتمتع بالحصانة القضائية وليس محامى بالشكل الذى قد يظن البعض أنه محامى شئون قانونية مثلاً ..... فهو فى النهاية عضو هيئة قضائية

ومازالت الوقت مبكرا على دفعة 2009

بالتوفيق

تمام يا رامى ليس محامى بمعنى الكلمة

طيب لوسمحتم انا عندى سؤال عايز اعرف هيئة قضايا الدوله بتنظر للتقدير ولامش شرط لرجو الرد وشكرا....

أخى الحبيب مدحت الصعيدى
طيب لوسمحتم انا عندى سؤال عايز اعرف هيئة قضايا الدوله بتنظر للتقدير ولامش شرط لرجو الرد وشكرا....
جميع الهيئات القضائية تنظر للتقدير ماعدا النيابة العامة فالتقدير فيها أحد المعايير فقط ...

النيابة العامة يكون التقدير فيها ليس معيارا من الاصل
على العموم ردا على استفسار حضرتك
نعم هيئة قضايا الدولة هى اكتر جهة تنظر الى التقدير وذلك لعدة عوامل اهمها
انها تكون اخر هيئة تظهر نتيجتها وبالتالى كل ابناء المستشارين يكونوا قد عينوا فى الهيئات الثلاثة السابقة
ولو واحد معاه واسطة اكيد هيجبها علشان يتعين فى الهيئات التانية مش الهيئة يعنى
معنى كده ان الوسايط فيها قليلة وابناء المستشارين تكاد تكون نادرة وده مش لحياد الهيئة لا خالص
بس بسبب ظروف تعيينها

محمود يونس كتب:: النيابة العامة يكون التقدير فيها ليس معيارا من الاصل
على العموم ردا على استفسار حضرتك
نعم هيئة قضايا الدولة هى اكتر جهة تنظر الى التقدير وذلك لعدة عوامل اهمها
انها تكون اخر هيئة تظهر نتيجتها وبالتالى كل ابناء المستشارين يكونوا قد عينوا فى الهيئات الثلاثة السابقة
ولو واحد معاه واسطة اكيد هيجبها علشان يتعين فى الهيئات التانية مش الهيئة يعنى
معنى كده ان الوسايط فيها قليلة وابناء المستشارين تكاد تكون نادرة وده مش لحياد الهيئة لا خالص
بس بسبب ظروف تعيينها

هئية قضايا الدولة ومجلس الدولة بينظروا اكيد على التقدير

بالتوفيق للجميع ان شاء الله

اللهم امين يارب العالمين

شكرا وبالتوفيق

السلام عليكم ورحمة الله.انا سعيدة بعضويتي في المنتدي المحترم ده وسعيدة اكتر بوجودي وسط باقة محترمة من الاعضاء امثالكم.بس انا كنت عايزة اسأل سؤال عن هيئة قضايا الدولة وشروط التعيين فيها.لاني سمعت انه في دفعات استثنائية بتفتح كل فترة ودي بتقبل الماجستير والدكتوراه ولا تنظر للتقدير.وانا شخصيا عارفة مستشارين افاضل تم تعيينهم بالطريقة دي.انا بعمل ماجستير ونفسي اقدم في اي هيئة قضائية مع العلم بأن تقديري مقبول.فهل دراستي هتفيد ولا هو حلم صعب المنال.بعتذر علي الاطالة لكن ارجو رد يوضح ليا الامور لان في ناس اعطتني امل بتغير وضع التقديرات ده وفي ناس قافلاها.وشكرا علي مجهودكم

بصى يا استاذة زهراء
فى نص فى قانون الماحماه بيعطى الحق للمحامين المقيدين بدرجة قيد ابتدائى على الاقل فى اعتلاء منصة القضاء والعمل بالجهات القضائية ولكن للاسفنص هذه المادة معطل وعير معمول بيه
وفى الاجتماع الاخير بين الاستاذ حمدى خليفة نقيب المحامني هذا الرجل املحترم والرئيس حسنى مبارك طالبه فيها بشكل صريح بضرورة تفعيل نص هذه المادة التى طالما اهمل العمل بها
لذلك اتكلى على الله وكملى دراساتك ولا يعلم احد ما فى علم الغيب

الف شكر علي رد حضرتك ومجهودك لكن اضع امل في الله اولا واخرا ولا احاول اشوف اي اتجاه اخر؟ لاني بفكر اعمل الدكتوراه في الخارج ومش عايزة تمسكا مني بأخر امل في التعيين في الهيئات القضائية.وهل لو حصل ان المادة دي اتفعلت هتكون في هيئة قضايا الدولة بس ولا في كل الهيئات الاخري.وامتي ممكن يطلبوا دفعة محامين ابتدائي لاني علي حد علمي اخر دفعة تم فتحها كانت من فترة طويلة.تقبل خالص احترامي وتقديري لسيادتك

أختى زهراء نبيه
المادة لو أتفعلت ستكون فى الهيئات كلها .... لكن لم يكن هذا ما أريد أن أخبرك به فقط ... ما أريد أن أقوله لكى لا تتركى باب أبدا أبدا ..... أى باب أطرقيه ولا تتركيه .... إذا كان بيدك عمل دراسات عليا فلا تتركى هذا الباب .... أدخليه ولاتقفى عند الهيئات القضائية .... وفى نفس الوقت ظنك بالله كبير أنه سيكرمك فى هيئة القضايا كما تتمنى ... ولا تنسى "أنا عند ظن عبدى بى" ولكن أيضا ذلك لايجعلك تنسى فعل ما عليكى والأخذ بالأسباب .... وأدعوا الله لكى بالتوفيق وأن يكرمك بالتعيين فى هيئة قضائية كما تتمنى فهو القادر على كل شيئ ...

بالتوفيق

كلامك صح يا رامى

الف مليون شكرا لحضرتك وجزاك الله عني وعن الجميع الف خير.ان شاء الله هاخد بالاسباب والله المستعان.دعواتك لي وللجميع بالخير ان شاء الله وبكرر خالص شكري وتقديري واحترامي لشخصكم الكريم

السلام عليكم انا سمعت ان دفعه 2009 فى شهر 10 هل ده كلام صحيح وشكرا

أخى الحبيب عبد الناصر
السلام عليكم انا سمعت ان دفعه 2009 فى شهر 10 هل ده كلام صحيح وشكرا
غالباً ما يكون إعلان الهيئة على ذلك المنوال ... توكل على الله وبالتوفيق

بالتوفيق للجميع إن شاءالله

» مواعيد تقديم ملفات هيئة قضايا الدولة دفعة 2009
» هيئة قضايا الدولة دفعة 2008
» اعلان هيئة قضايا الدولة 2009
» أسئلة هيئة قضايا الدولة
» رئيس هيئة قضايا الدولة يؤدي اليمين أمام الرئيس