قبول دفعة جديدة بكلية الشرطة 60% الحد الأدني للثانوي العام والأزهري

وافق حبيب العادلي وزير الداخلية علي قبول دفعة جديدة من الطلاب الراغبين في الالتحاق بكلية الشرطة من الحاصلين علي الثانوية العامة بمجموع 60% في الأعوام الدراسية 2007/2008/2009/2010 والحاصلين علي الثانوية الأزهرية بمجموع 60% عامي 2009/.2010
كما وافق حبيب العادلي علي قبول دفعة جديدة بقسم الضباط المتخصصين بالكلية في التخصصات التي تمثل احتياجات أساسية لأجهزة وزارة الداخلية.. أوضح اللواء د. عماد الدين حسين مساعد الوزير لأكاديمية مبارك للأمن أن التقدم للالتحاق بالأكاديمية سيكون من خلال موقع وزارة الداخلية علي الإنترنت اعتباراً من 17 وحتي 31 من يوليه الجاري.. وبالنسبة لطلبة الدبلومات الأجنبية وما يعادلها والحاصلين علي الثانوية العامة من خارج البلاد يتقدمون إلي مكتب التنسيق بمقر الأكاديمية مباشرة وليس من خلال الإنترنت.. ويتم تلقي الطلبات اعتباراً من أول أغسطس وحتي 15 أغسطس.. قال د. عماد الدين حسين إنه بالنسبة لقسم الضباط المتخصصين يشترط ألا يكون الطالب قد مر علي تخرجه أكثر من عام ميلادي مع اعتبار سنة الامتياز للأطباء وسنة التدريب الاجباري لخريجي المعاهد العليا للتمريض والعلاج الطبيعي سنة دراسية.. أشار مساعد الوزير لأكاديمية الشرطة أن التخصصات المطلوبة هذا العام تخصصات طب بشري اناث وذكور وعلاج طبيعي ذكور وأسنان وصيدلة ذكور وتمريض اناث ومجموعة الهندسة: حاسبات واتصالات والكترونيات وميكانيكا سيارات وقوي وعلوم كيمياء وسياحة وفنادق ولغات فرنسي وإنجليزي تقدير مقبول.
أكد اللواء عماد حسين مساعد وزير الداخلية رئيس أكاديمية الشرطة أنه لا مجال للوساطة أو المحسوبية للقبول بكلية الشرطة.
وقال اللواء عماد حسين أمس: إن أي متقدم للأكاديمية يستطيع أن يثبت وبالدليل المادي تورط أي شخص في أي أعمال وساطة لمساعدته علي القبول سواء بمقابل مادي أو عيني أو أي مقابل آخر ستمنحه إدارة الأكاديمية عدداً من الدرجات الاعتبارية التي سيكون لها دور في قبوله.
وأوضح أن توجيهات حبيب العادلي وزير الداخلية واضحة وصريحة تماماً في هذا المجال. حيث يوجه دائماً بمنع الزيارات الخاصة لقيادات وضباط الأكاديمية نهائياً خلال فترة انعقاد لجان القبول ضماناً للحيدة والعدالة ولإتاحة الفرصة كاملة لأعضاء تلك اللجان للتفرغ لأداء واجبهم ومسئولياتهم.. وأضاف اللواء حسين أن إدارة الأكاديمية حرصت تيسيراً علي المتقدمين هذا العام علي تخصيص بريد إليكتروني خاص بالكلية للتواصل المباشر معهم. بالإضافة إلي توفير خط تليفوني مباشر لتلقي أي استفسارات من أهالي الطلبة عن شروط أو إجراءات أو أوراق الالتحاق علي أرقام 24109102/.24109117

الله ينور عليك تسلم يا ناجح وبجد وحشنى

تسلم ياناجح

فينك؟؟؟؟؟؟؟؟؟؟؟؟؟

تسلم على الخبر
كان نفسي وانا صغيره اكون ضابط بجد والله

السلام عليكم ورحمة الله وبركاته
مجهود رائع فعلا
بس عندي سؤال صغير في عبارة مش فاهمها من الإعلان وهي " الحاصلين علي الثانوية العامة بمجموع 60% في الأعوام الدراسية 2007/2008/2009/2010"
هل هذه معنها دفعات هذه الأعوام مثل يعني دفعة 2007 أو دفعة 2008 و دفعة 2009 كل منها لوحدها ولا دفعة عام 2007 - 2008 يعني بيسموها دفعة خريجي 2008 علطول
وأرجو التأكد والرد السريع ولكم جزيل الشكر

أرجوكم الرد السريع أصل أنا دفعة 2007 وكنت مستني حاجة زي كده فيريت التوضيح إذا كان دفعة 2007 ولا دفعة عام 2007 - 2008اللى هما خريجي مايو 2008
أرجو التوضيح وشكرا

بص يا استاذ احمد كرم
الثانوية العامة بتاعت السنادى اسمها 2010
العبرة بتاريخ الشهادة وليس بداية الدراسة
بمعنى لو انت متخرج من الثانوية العامة بتاريخ شهر مايو 2007 يبقى من المطلوبين
قبل كده لا
بعد كده اه
بمعنى اخر من دفعة 2006-2007 يجوز له التقديم

يا معالى المدير العام أرجو منكم أن تعزرني في ردي بس انا فاهم كويس أنه معنى 2006-2007 هم بيتسمو خريجي فقط مايو 2007 وهكذا في الأعوام الاخرة وأنا خريج 2006 - 2007
فأرجوك أرجوك تأكد ميه الميه من إجابتك وأرجوك أقبل اعتزاري للمرة التانيه وتأكد هل دفعة 2006-2007 لهم الحق في التقدم ولأا لا قدر الله
وشكرا على الرد السريع
أحمد كرم

وأرجو من ناجح التوضيح أيضا
والرد على سؤالي
وشكرا

كلامك تمام يا محمود باشا
بس بشرط انه في 1 من اكتوبر 2010 ان سنك لا يتعدي 22 سنه

ايوة يا استاذى لك الحق فى التقدم وربنا يوفقك ان شاء الله تعالى

وسلامى لاحمد باشا ناجح قناص المنتدى وربنا يوفقك ياااااااااااااااااااارب

والله يا جماعة أنا مش متأكد واقبلوا جميعا اعتزاري
لكن انا اللى اعرفه إن هما في الاعلان بتاع الوزارة انا لسه شايفه وده اللى قلقني وهو
( 2007-2008 ، 2008 - 2009 ، 2009 -2010 ) مش يمكن يكون عايزين اللى خريجي التلات سنوات دول فقط اللى هم السنة ده والعامين الماضيين فقط
اعزروني أنا عقلي خلاص هينفجر
وأنا برده احتمال اتصل بالاستعلامات واتأكد برده وانا بشكركم على المجهود اللى بزلتموه معي
أحمد كرم

تحياتي ليك يا محمود باشا
وربنا يخليك ياباشا
بص يا احمد
انا بكرة هتدخل علي موقع وزارة الداخلية
وتجيب الخدمات الاكترونية
وتدخل تقدم
هيعطوك رقم اسمة رقم القيد
هتدخل بعدها تاني يوم وهتعرف اذا كان ينفع تقدم ولا لا

بس بكره الجمعة 16 هينفع ونستنى ليوم 17 يوليو انا كنت عايز اتصل بالستعلامات دلوقتي ينفع ولا هم زي الموظفين بيمشوا بعد 2 الظهر أرجو الرد
وأنا همشي في المشوار إن شاء الله لو لي نصيب ده من عند ربنا ولو مفيش نحمد الله على كل شي وقدر الله ماشاء فعل .
وأنا عندي سؤال بسيط انا بس وزني مش كويس قوي يعني زيادة 10 - 15 كيلو وانا رايح مركز تأهيل من بكره وهقول للكابتن يعسرني عسر في التدريب أصل الخبر ده جالي مفاجأة هل يقدر المركز يخسسني 20 كيلو في أسبوعين ولا مش هيقدر أنا عن نفسي جاهز لأي نوع من التدريبات القاسية أو الرجيم القاس أصل ده فرصة واحدة بس والله الموفق

يا ناجح باشا موقع الوزارة مقفول هو الأكاديمية وبيهنجوا
قولي اعمل ايه

اكيد علشان قرعه الحج اصل اعلان قرعه الحج ظهرت انهرده
فتلاقي ناس كتير علي الموقع وكده
لكن هيشتغل يعني
اما بالنسبة لموضوع التاهيل العسكري شغل بقي الديب والروبي والكلام ده
نصب نصب نصب نصب نصب
ولو مش مصدق روح قدام الكلية الحربية وشوف الشرطة العسكرية بتعمل معاهم اية
اما بقي موضوع الرجيم
فانا السنة اللي فاتت كنت زي حالاتك كده بس كنت زياده 26 كيلو
خستهم في 8 اسابيع
قعدت شهرين مكلتش فيهم لقمة
وانتا شوف هينفع تقدم ولا لا
ولو كده روح عند دكتور واعمل رجيم
وربنا يوفقك ياابو حميد

شكرا يا باشا
بس انا عايز اخس في وقت أقل من كده مثل 20 كيلو في 3 أسابيع ينفع الرجيم القاسي مع التمارين الرياضية والسويدي