قولنا رايك وبكل صراحه .... مؤيد كنت او معارض

قولنا رايك فى الى بيحصل مؤيد كنت اومعارض

واذا كنت من المعارضين فى الاول وبعدين قولت خلاص كفايه وايه سببك

وبردو العكس

خلونا نتناقش فى حوار مفتوح مع عقول راجعون الناضجه الى اتعودنا عليها دايما

بصراحة انا لا مع المؤيدين ولا مع المعارضين انا اللى عاوزة ان حال البلدى ينظبط عاوز حرية ديمقراطية الحكومة تسمع للشعب وتلبى مطالبهم التعينات وخلافة تكون فعلا بناء على الكفاءة بعيدا عن الوساطة والرشاوى والمحسوبية عاوز امن عاوز جهاز الشرطة يعامل الناس باحترام زى بقية الدولة الخارجية مش عاوزهم يسخروا من الشعب تبقى روحهم حلوة على فكرة الشرطة فى اغلب الدول الخارجية وظيفة وليست سلطة واهم حاجة عاوزها فى الموضوع دة ان الحزب الوطنى مينضمش لية اى حد من الحكومة يعنى يكون حزب مستقل زى باقى الاحزاب الاخرى عاوز انتخابات برلمانة ورئاسية نذيها ودة يكون باشراف قضائى مشدد بما يعنى قاضى لكل صندوق انتخابات بصوا اهم اهم حاجة فى موضوعنا دة عاوزهم يعملوا شرطة قضائية خاصة باعضاء الهيئات القضائية وتامنيهم فى جميع مجالات اعمالهم فى المحكمة والنيابات وخلافة وخاصة فى الاشراف على الانتخابات برلمانية ورئاسية

بصراحة والله يا ميمو موضوعك رائع

انت فعلا عندك كل الحق ياسيادة النائب ومتهيألى دا الى بتمناه كل مصرى واهو الحمدلله الثوره دى قدرت تحقق بس متهيألى دلوقتى بعد ضمان الجيش قلبت بعند شويه ومبقاش بيحكمها مصلحة البلد وربنا يستر من الى جاى
شكرا ليك على تشريفك للموضوع ورايك الاكثر من رائع
ومنتظره كل الاعضاء يشرفونى

شكرا الاول على الموضوع
الاول كنت معارضة وخايفة من التخريب وان البلد تضيع بين قوة خارجية
وكنت متعاطفة مع الرئيس للاسف لغاية امبارح لما سمعت تهم كل وزير وعمايلهم
وبدات الاسئلة لية كنت ساكت عليهم لية مكنش بيحس بالشعب
خطاب امبارح ايوا اثر فيا بس برضوا مكنش عندى زرة عذر تانى لية واتمنيت ان الوقت يمر بسرعة وتنتهى مدة الرئاسة الحالية

شعورى دلوقتى خايفة من اللى ممكن يحصل
ايوا عندى ثقة كبيرة فى الجيش بس فى احساس شديد بالخوف
اللهم احفظ مصر من كل شر

إن رحلت فقد رحلت فقط عن منصبك كرئيس للجمهوريه ولكنك ستظل رئيس مصر السابق وسيظل التاريخ يذكرك كاعظم حكماء العرب فشكرا لك سياده الرئيس على انجازات اكتوبر وعلى الامن والامان لمصر والوطن العربى فى عهدك

لا تأسفن على غدر الزمان لطالما.... رقصت على جثث الاسود كلابا فلا
تحسبن برقصها تعلو على اسيادها....لاكن تبقى الاسود اسود والكلاب كلابا

عاش الزعيم بطل حرب اكتوبر
محمد حسني مبارك

بصراحه في الاول انا كنت معارضه تماما احنا شوفنا ظلم كتيييييييييير اوي وذل بره وجوه وبجد المصري كانت كرامته ضايعه خالص
بس بعد كده لما فكرت لاقيت ان مصر فضلت تحت حمايته 30 سنه ومفيش حد حاول يدخلها او يمسها بسوء
بس اللي خانقني بجد انه كان ساكت على كل اللي بيحصل في البلد من سرقه ونهب لحقوقنا
واللي خانقني اكتر في الظروف دي الطريقه اللي مش بيها والكلام اللي اتقال عليه من بره مصر وجواها الناس اللي مسته بكلام غير لائق وغير محترم حسيت انها مستني ومست كل مصري

احسن حاجه في وجوده هوا الاحساس بالامان والسلام

انا بدعيله من كل قلبي ان ربنا يشفيه ويعافيه ويسامحه على اللي عمله ويرزقه توبه صادقه

ادعوا ان الى فى ميدان التحرير يمشوا لان كده الموضوع يبقا قلب باستهبال وناس عواطليه وعاجبها القعده فى الشارع

انا مش هقول رايي الا لما اقولكم بعض الكلام المكتوب علي صفحات الفيس بوك :

1/ عاش الملك مات الملك مبارك كرئيس رجل بطل صمد امام الطوفان17 يوم وعمره 84 ويعانى امراض الدنيا وللتاريخ هو الحكم عموما اجمل شى فى كل هذه الاحداث كشف ثورة شبابية لاتقبل التفاوض على شى شباب اقوى من القنبلة الذرية وكانت اخشى ان تنفجر فى مصر ولكن... صدق رسول الله فان بحق جند مصر خير جنوذ الارض والان بس عرفت معنى كلام الرسول فعلا فخير فعلوا جنود مصر لقد اعطى الرئيس درس اخير لقدسية الوطن واعطى الشباب درسا مؤلما لمن لاينظر اليهم باحترام والاجمل هو جيش مصر انه درس وتراث للتاريخ الانسانى ان مايحدث بمصر الان يؤرخ للحضارة الانسانية وليت نحافظ على هذه ولا نشوه صورة انفسنا ولاصورة جيشنا ولا زعمائنا وعزائى لكل اسره بها ضحايا نحسبهم عند الله والحمد لله رب العالمين

2/ كل من كان يدعم مبارك هو خائن للثورة المجيدة للشباب 25/01/2011 انا
من الجزائر بلد الرجال نحبو الرجال وقت الصعاب

3/ الثورة طالبت بتنحي الرئيس وقد حدث هاتشوفوا انها سوف تطلب طلبات اخري ومش هايرجعوا الي بيوتهم..واعتقد ان هذه الطلاب سوف لا تنتهي مثل عايز شغل عايز شقة عايز شاليه في مرقيا..الثوره الحقيقية هي التي تطلب وعند التحقيق هذه المطالب يبدا الحوار وكيف...ية تنفيذها وهذا كله سوف لا يحدث وتعالوا ان حدث عكس ما اقوله وقولولي يا امال انت غلطان...مصر يا جماعة لازم تبدا في الاستقرار علشان نشوف هانعمل مع اسرائيا وامريكا اللي علي حدود مصر...البنوك اللي بتخسر كل يوم ملايين ..السياحة والبيوت اللي شغلينها سوف تغلق البورصة الكيان الاقتصادي الكبير اللي في طريقه الي الدمار..كفاية بقي خراب ونبدا في الاستقرار

4/ استغفر الله العظيم الراجل كان لازم يخروج بطريقة مشرفها ومكرمة وبجد عيب اللي الشعب عمل دة وبجد الريس حسني مبارك قائد عظيم ويستهل كا خير انا زعلان بجد زعلان بجد عليك يا شعب مصر بجد شكرا يا مبارك لانك انسان عظيم بجد

5/ 60 سنة كفاج من اجل مصر يشتم بهذه الطريقه من اولاده ده برده رمز مصر سابقا وسوف يذكره التاريخ حتي لو مش بطريقة كويسه ولكن واجب الاحترام

6/ أكدت مصادر أن تدهور حالة مبارك الصحية، جعلت الأطباء يزيدون من جرعات العلاج الكيماوي والحيوي الذي يتناوله لعلاج السرطان ، وقد اصي...ب بنوبتي اغماء خلال القائه بيانه المسجل، الذي أذاعه التلفزيون المصري مساء أمس الخميس، وقامت إدارة الإعلام بمؤس...سة الرئاسة بعمل "مونتاج" على الخطاب المسجل. ربنـا يشفيه يــــــارب كتير طبعا مش معايا بدعائى بس ربنا بيسامح احنا مش هنسامح!!!! يقول سبحانه وتعالى: (ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ). ويقول: (وَإِذَا خَاطَبَهُمْ الْجَاهِلُونَ قَالُوا سَلاَمًا). ويقول: (وَلاَ تُجَادِلُوا أَهْلَ الْكِتَابِ إِلاَّ بِالَّتِي هِيَ أَحْسَنُ). ويقول: (خُذْ الْعَفْوَ وَأْمُرْ بِالْعُرْفِ وَأَعْرِضْ عَنْ الْجَاهِلِينَ). ويقول: (وَلاَ تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ). ويقول: (فَبِمَا رَحْمَةٍ مِنْ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لاَنْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ). ويقول: (وَلْيَعْفُوا وَلْيَصْفَحُوا أَلاَ تُحِبُّونَ أَنْ يَغْفِرَ اللَّهُ لَكُمْ) ------------ قلتها امبارح قبل خطاب الرئيس "لم ولم اقبل ان يسب مبارك(سواء كان رئيسا كما كان بالامس او مواطن كما اصبح اليوم) فان كان ليس اهل بالاحترام فنحن شعب محترم...ارحموا عزيز قوم ذل...وتذكروا قول الحبيب ليس منا من لم يوقر كبيرنا( ومن يعترض على كونه الكبير مقاما فه كبير سنا على اقل تقدير" شكرا لما قدمت لنا من خير وسامحك الله على ماقصرت فيه

7/ اقسم بالله مع انك شحورتنا ياريس
لكن والله بحبك فى الله ربنا يشفيك يارب ويشفى كل مريض

8/ تتصورو ان اللى يقدم تنازلات على مدى 18 يوم ... ومفكرش يهرب ويخلع من اول يوم ... اللى فعلا كان باقى علينا مش على السلطة ... اى منطق يقول انه كان عنيد ومتشبث بالسلطة ... زى ماكلنا عارفين 30 سنة رئيس ... هل 6 شهور هتغنيه وتحقق اللى محققوش على ...مدار 30 سنة ؟؟؟ لو كان هو ده المنطق يبقى اللى معملش حاجة فى 30 سنة وخايف على 6 شهور عشان يلحق يعمله قرشين ... يبقى للأسف احنا خسرناه لإنه على مدار 30 سنة معملش اى حاجة ... ومن ناحية تانية الراجل ده هو وجيله اللى دافعو عن مصر ..يعنى ببساطة كان ممكن اوى منكونش احنا موجودين دلوقتى أو كنا على الاقل مستعمرة يهودية ... لو نسأل أجدادنا وقرايبنا زمان كانت العيلة المكونة من اب وام و3 أو 4 أولاد كام واحد فيهم كان بيتعلم ؟؟؟؟ كام واحد كان بيتعب ويلاقى علاج ؟؟؟ كام واحد كان بيتعلم فى جامعه اميركية وفرنسية ومعرفش ايه ؟؟؟ كام واحد فكر ولو للحظة ... انه كما تدين ..... تداااااااااااااااااااااااااااااااااااااااااان ... انا مع الثورة تماما .. قلبا وقالبا ... أكيد كان في مساوئ وسلبيات وكتير جدا ... لكن عمرها ما هتنتهى إلا لو حكمنا ملك من السما.... أفظع لحظة عشتها على مدار 18 يوم لحظة ما سمعت خبر التنحى ... بكل أمانه بكيت ... مش لإنى خاين ... لكن على السفالة اللى اتوجهت لواحد من أبناء مصر قبل ما نكون احنا ابنائها.

9/ أنا مش هقول حاجه الا ربنا يسترها فى الايام الى جايه عشان انتم مش عارفين الرئيس مبارك ليه مكنش عاوز يمشى دلوقت محدش فاهم حاجه
الناس فرحانه بكلمه التغيير وبس مش عارفين ان كل العالم عينه على مصر
وأحنا بعميلنا دى وتنحى الرئيس بنحضر لهم هديه على ط...بق من دهب
أنا مش هقول أكتر من يارب تحمى مصر الايام القادمه

10/ يا جماعة محش يقدر ينكر ان الثورة لخا نتائج كويسة و أن رحيل النظام كشف لنا حاجات مكناش نعرفها و أيضا أن هناك تحركات عسكرية لأسرائيل و امريكا و أننا لازم نخلى بالنا من بلدنا فى الوقت الحالى بس فى الاول و الاخر أنا حاسس أن نتائج الثورة إيجابية و بالطبع نتمنى عدم حدوث الشىء السىء و لنحاول النظر لما حققناه من إيجابيات مع الاحتراز مما قد يحدث

-----------

دي كانت اراء 10 اشخاص طبعا كان فيه اراء كتيرة جدا معارضه للرئيس بس كل اللي بيقولوه يسقط .....
بس مش اكتر فجبت الاراء اللي فيها كلام جديد و اراء تعبر عمن كتبها

اقرؤها و بعد ما تقروها يبقي اقول رايي

للاسف يا شعب مصر لن نشعر بقيمة من نفرط فيه الا بعد فوات الاوان

كم اتمني من الله ان اكون مخطئا في كل مخاوفي

بص يامنوفى هو طبعا عيشنا فى امان وانا واحده من الناس زعلت عليه جدا وربنا يشفيه بس هو ليه اخطاؤه هو يعتبر محصلوش حاجه فى وسط الشباب الى ماتوا والشباب الى اتصاب وكلمة حق لو انا ليا لاقدر الله حد حصله حاجه كده فى الثوره دى مكنش هيبرد نارى غير ان كلهم يتحاكموا بس دا مش موضوعنا هو خلاص اتنحى والناس الى فى الميدان دى لازم تمشى الجيش لازم يتصرف وميسكتش مع الناس دى لانها كده هتقلب بخراب بس برغم كده مننكرش ان الثوره دى نجحت معارضتى انا شخصيا ليها وخوفى من الى هيحصل بس الى كان حاصل وكلنا اكتشفنها كان اسوء وربنا سبحانه وتعالى عمره ماهيظلم ولا هيظلم شعب اتظلم فان شاء الله تفائلوا خير تجدوه وان شاء الله الايام الجايه هتبقا احسن ولو ربنا مش مقدر الى حصل مكنش هيحصل ولو خالد سعيد الى وائل غنيم اصل الى عمل كده مكنش اتظلم مكنش وائل غنيم والجروب دا قدر يلم الناس دى وينجحوا فى ثورتهم بس المشكله الحقيقه دلوقتى الناس الى فى التحرير الى لو فضلوا الله اعلم هيودودوا البلد على فين لانهم كده يبقوا بجد موهمش حاجه ولاريهمهم مصلحة البلد دى فى حاجه وكل الى نقدر نعمله ندعى لمصر ربنا يحفظ امنها وسلامتها وان شاء الله الى جاى احسن من الى فات وربنا يكتب الخير لمصر

دا رد علي موضوع ال 70 مليار دولار التي يمتلكها الرئيس

واشنطن - أ ش أ

قالت مصادر في الاستخبارات الأمريكية إن ثروة الرئيس السابق حسني مبارك وعائلته في البنوك الاجنبية تتراوح بين مليار و5 مليارات دولار، وليس كما اشيع في الآونة الاخيرة إنها تتراوح بين 40 و 70 مليار دولار.

ونقلت شبكة "أي بي سي" الاخبارية الأمريكية عن مسؤولة أمريكية بارزة قولها إنها لا تعرف من أين جاءت وسائل الإعلام بمثل هذه الارقام.

وذكرت الشبكة أن الحكومة الأمريكية خصصت 335 مليون دولار لمساعدة مصر في شراء 9 طائرات فاخرة انضمت الى أسطول الطائرات الرئاسية.

و ده اللينك بتاع الخبر للتاكد فقط

[ندعوك للتسجيل في المنتدى أو التعريف بنفسك لمعاينة هذا الرابط]

memo dream كتب:: بص يامنوفى هو طبعا عيشنا فى امان وانا واحده من الناس زعلت عليه جدا وربنا يشفيه بس هو ليه اخطاؤه هو يعتبر محصلوش حاجه فى وسط الشباب الى ماتوا والشباب الى اتصاب وكلمة حق لو انا ليا لاقدر الله حد حصله حاجه كده فى الثوره دى مكنش هيبرد نارى غير ان كلهم يتحاكموا بس دا مش موضوعنا هو خلاص اتنحى والناس الى فى الميدان دى لازم تمشى الجيش لازم يتصرف وميسكتش مع الناس دى لانها كده هتقلب بخراب بس برغم كده مننكرش ان الثوره دى نجحت معارضتى انا شخصيا ليها وخوفى من الى هيحصل بس الى كان حاصل وكلنا اكتشفنها كان اسوء وربنا سبحانه وتعالى عمره ماهيظلم ولا هيظلم شعب اتظلم فان شاء الله تفائلوا خير تجدوه وان شاء الله الايام الجايه هتبقا احسن ولو ربنا مش مقدر الى حصل مكنش هيحصل ولو خالد سعيد الى وائل غنيم اصل الى عمل كده مكنش اتظلم مكنش وائل غنيم والجروب دا قدر يلم الناس دى وينجحوا فى ثورتهم بس المشكله الحقيقه دلوقتى الناس الى فى التحرير الى لو فضلوا الله اعلم هيودودوا البلد على فين لانهم كده يبقوا بجد موهمش حاجه ولاريهمهم مصلحة البلد دى فى حاجه وكل الى نقدر نعمله ندعى لمصر ربنا يحفظ امنها وسلامتها وان شاء الله الى جاى احسن من الى فات وربنا يكتب الخير لمصر

اسمحي لي ياميمو, هل لك اجابه علي هذا التساؤل

كيف نحكم؟

هل نأتي بنهاية الأمر لنقول "هناك أشخاصاً ماتوا وأصيبوا"

أم أنك تأتيه من أوله وتسألين "كيف ولماذا واين ماتوا أو أصيبوا ومن المتسبّب في ذلك؟!!"

من قال لهم أساساً أن يخرجوا عن الحاكم
ميمو عذراً فلا أريد ان يطول الجدل ولكنّي اريد ان أخبرك فقط...

إن هؤلاء القوم يُسمون مجازاً " البغاه "

لأنهم حتي لا تنطبق عليهم شروط البغاه

يا ميمو اسئلي عن حكمهم

فمن أصيب أو قتل أو أي شئ لايلومنّ أحدٌ علي ذلك إلا نفسه وحسابه علي الله

بص ياباسل انا من الناس الى مكنش عاجبنى الى بيحصل وانهم يشتموه والكلام دا كله ومن غير جدل والله ولاحاجه المهم مصلحة مصر بص هو عليه قسط كبير من الغلط والساكت عن الحق شيطان اخرس واقدر اقول ان الشباب دول حابوا يبقا فى حق بمعنى فى ناس كتير كانت مغلوب على امرها ممكن احنا مرتاحين ماديا ومش حاسين بس بجد فى ناس كتير كانت مظلومه والشباب الى طلع فى الثوره دا غلط غلط كبير بشتمته لرمز من رموزنا وانه غلط فيه والكلام دا كله وانا من مؤيدين حسنى مبارك وزعلت لما مشى بس فى ناس اتظلمت بجد وميحسش بالظلم الا المظلوم خلينا نرجع لورا مش من دلوقتى ناس من الى كانت سورى يعنى بيبوسوا جزمة الرئيس دلوقتى بقوا ضده وبيشتموه احنا اكتشفنا فجاه ان الناس الى كانت بتتهم بالظلم والافترا والنصب مجنى عليهم ولما كبروا ونجحوا الحكومه محبتش دا وقضت عليهم بالتشهير ايوه هو مش هيعرف كل حاجه بس دا رئيس جمهوريه يعنى لو مش عارف الى بيحصل فى البلد تبقا مصيبه اكبر كبر ايوه وتعب فى حين انه لقى كده لازم من نفسه كان يمشى عشان مصلحة الناس انا احمد عز بتاع الحديد والصلب انا سمعته بودنى قبل كده وهو بيقول ثروته منين وقال ان والده كان اعتصامى وجاب المصانع وكتبالهاله من بعده فجائه امبارح يجيبوه وهو شغال مع حسين امام وهو صغير على درامز سورى يعنى طبال فجائه بقا يملك دا كله الناس لما طلعت يوم قالوا دى حالة شغب وهيمشوا وادوا اوامر بالقتل الناس كانت بتتفرم بالمضارعات ولو الامر من حبيب العادلى هو اداهم فرصه لدا انا وكل ا يوم ماقال انا هدفن فى مصر على ترابها عيطنا وقلنا حرام الى بعملوه فيه وهو محصلوش حاجه دا عشان قال انا مصرى وهدفن فى ترابها طب مالى ماتوا فى التحرير مصريين وماتوا برصاص مصرى انا الى خلانى اقول انه هو بردو مخلاش من المسئوليه والاهالى الى اولادهم ماتوا من حقهم انى شوفت حلقه بتاعت القصر العينى الى جت على المحور واكيد كتير شافها شباب غلابه ممكن قوت يومهم من جسدهم الى عينه مضروبه وغيره وغيره انا شوفت شاب غليان خالص بيقول للمذيعه انا مين يرجعلى عينى دى بيدونا تعويض 1000 جنيه عن العين الواحده يجى واحد من الحكومه وانا افقعله الاتنين واديله 2000 جنيه وعندهم كل الحق واحنا لولينا حد كده هنحس بالى حصل دا الى حصل دا كان ظلم للناس مصريين بردو الراجل دا ليه كل احترام وتقدير ومش هنسى انجازاته وعمرى ماهشتمه لكن منقدرش نرفض كلمة حق انه باع القضيه لفتره الناس اتظلمت فيها جدا لو كان طلع ومش تباطئ من البدايه وقال الى عايزينه هيتحقق ومكنش كل داحصل احنا نتفائل وندعى ان مصر تكون احسن ولو ربنا مش مقدر دا مكنش هيحصل ونتمنى ان الى جاى يبقا احسن وان شاء الله هيبقا احسن لكن هو عمرى مااغلط فيه وكل المحترمين عمرهم ميغلطوا فيه وربنا يشفيه لكن الى اتظلم هو اكتر واحد يحس بالظلم وربنا يكتب الخير لمصر يارب

أحمد المنوفى كتب:: دا رد علي موضوع ال 70 مليار دولار التي يمتلكها الرئيس

واشنطن - أ ش أ

قالت مصادر في الاستخبارات الأمريكية إن ثروة الرئيس السابق حسني مبارك وعائلته في البنوك الاجنبية تتراوح بين مليار و5 مليارات دولار، وليس كما اشيع في الآونة الاخيرة إنها تتراوح بين 40 و 70 مليار دولار.

ونقلت شبكة "أي بي سي" الاخبارية الأمريكية عن مسؤولة أمريكية بارزة قولها إنها لا تعرف من أين جاءت وسائل الإعلام بمثل هذه الارقام.

وذكرت الشبكة أن الحكومة الأمريكية خصصت 335 مليون دولار لمساعدة مصر في شراء 9 طائرات فاخرة انضمت الى أسطول الطائرات الرئاسية.

و ده اللينك بتاع الخبر للتاكد فقط

[ندعوك للتسجيل في المنتدى أو التعريف بنفسك لمعاينة هذا الرابط]

ليه بتقول مليار جنيه كانه جنيه كده ليه ربنا يشفيه ويغفرله ويغفرلنا جميعا

دم المسلم علي المسلم حرام
والقاتل والمقتول في النار
واسائلو اهل الذكر
وهذا مع حدث فيما اسموه موقعه الجمل

» حروف كلمة مصر بيدل علي ايه: ايه رايك
» مؤيد للرئيس حسنى مبارك
» ايه رايك؟؟؟؟؟؟؟؟
» اية رايك
» ادخل وشارك برايك بكل صراحه (اوعى تسكت البلد دى تستاهل منك انك تقول كلمتك)