الدليل على أن وائل غنيم ماسونى بالصور

انت بتريق
طيب ايه رأيك لو جبتلك رقم الضية فى امن الدولة وجبتلك اسمه بلكامل قولتلك ان المدعو وائل حسن .....غنيم كان من ضمن المتهمين فى قضية ممارسة طقوس شاذة والمعروفة بعبدة الشيطان ؟؟؟؟؟؟؟؟؟؟؟

انت بتتكلم بجد يا محمود باشا ؟؟؟؟؟؟؟؟؟؟؟؟

لو انت بتتكلم بجد يبقفي شاكر ليك لو تبينلنا حقيقته

علي شان الشعب يفوق و يعرف حقيقة الناس اللي ماشيين وراها

حسبي الله و نعم الوكيل

فى ايه فى ايه ايه ياجماعه بصوا الراجل دا عمل حاجه كويسه للبلد ومحدش يقدر ينكر دا وهو الى عمل الثوره دى كلها وحرام الهجوم الى حصل عليه فجائه دا بعد ماكان وائل غنيم كل الى يقول يقول الله يكرمه فوق الشعب فجائه بقا ماسونى ومن عبدة الشيطان صعبه اوى فعلا على امن الدوله انهم يعملوله ملف ومكملوش ليه بقا المهمه وخربوها بعد ماالبلد حصل فيها الثوره ومكملهاش هوليه وقال للشباب خليكم وخربوا لو على الحظاظه يبقا تلت اربع شباب مصر ماسونين ولا الكرافت الى متشابه ياسبحان الله لا بردو ماسونى ماسونى بصراحه ولا الامبراطور وعياله كمان عيله ماسونيه كامله ماشاء الله لانسيتوا تجيبوا حاجه تانيه بيدللوا بيها على ان وائل غنيم ماسونى

دليل قاطع على انه ماسونى وعيلته كلها بتكره مصر وعايزين يخربوها مش صح بردو

لا اله الا الله ربنا يرحمنا برحمته احنا كده الى بيعمل حاجه كويسه بينا فجائه بننساه وبنمسك فى حد تانى خالص مش القرضاوى هو الى كان بيشتم الرئيس وقت الثوره وعمال يسخن فى الشباب القرضاوى الى رجالته منعوا وائل غنيم انه يطلع المنصه وقت الاحتفال بالثوره الجمعه الى فاتت مسالتوش ليه ليه ظهر دلوقتى وبس بعد مالشباب عملت هى الثوره مع انه برغم انه اتطرد من مصر ومعاه الجنسيه القطريه يعنى مش مصرى اصلا معملش الى وائل غنيم عمله
ربنا يظهر الحق وينصر المظلوم وتبقا مصر عاليه شامخه رغم حقد الحاقدين وانا عن نفسى عمرى ماهتهم اى حد وخصوصا لو حد عمل حاجه كويسه لمصر الا لما اتاكد

اه طبعا يا محمود باشا حقه يتريق
لان السيناريو في الاول اتقال انه اسرائيلي ولما طلع الكلام غلط بقا ماسوني ولما يتم اثبات العكس الله اعلم هيتقال عنه ايه
ونفس الموضوع اتعمل مع صفحة رصد اللي على الفيس بوك اتقال دي صفحة اسرائلية أو اجنيبة وبالادلة وفي الاخر اتضح ان اللي اسسوها شباب جامعات ومنهم طلبة في جامعة المنصورة تحديدا في هندسة المنصورة
لأ وايه الادلة اللي جابوها على انه ماسوني انه لابس حظاظة رغم انك لو نزلت الشارع هتلاقي شباب كتير لابسين زيها والدليل التاني تي شيرت مرسوم عليه رسمة معينة
طيب ما التيشيرتات مالية الاسواق وعليها كلمات معناها بينطوي على شذوذ هل معنى كدا ان اللي يشتريها يبقى شاذ؟!!!!!
لأ وفيه ناس بتلجأ لاستخدام كلمات معينة لها دلالة شاذة مثلا زي الكلمات اللي الوقتي بتتعمل استيكرز وتتلزق على العربيات هل معناها ان صاحب العربية شاذ؟!!!
واحب انبه حضرتك لحاجة وائل غنيم المشهور اعلاميا باته ادمن صفحة خالد سعيد على الفيس بوك واللي نتشر له مقطع مع منى الشاذلي وهو بيبكى على شهداء الثورة اسمه وائل سعيد عباس غنيم بينما الاسم اللي بيتم تداوله على صفحات كتير على الفيس بوك بخصوص الشاب اللي تم اتهامه في القضية اياها اسمه وائل حسن ***غنيم زي ما حضرتك ذكرت واكيد حضرتك عارف ان بلدنا فيها تشابهات كتير في الاسماء

الى أقدر أقوله لما يتقال أن وائل غنيم ماسونى
وأن أحمد زويل عميل
وان البرادعى خاين وعميل
وضيف عندك القراضاوى والباز وهيكل وغيرهم
تبقى أنت أكيد فى مصر

هو حضرتك مش شايف ان البرادعى دا عميل مش حضرتك روحت التحرير والشباب الى فى التحرير نفسهم مشوه تفتكر مشوه ليه على فكره المصريين دول الى عملوا الثوره ودول الى مشوا الفساد ومتجيش على ناس عشوا حياتهم كلها بره والى اخد جنسيه قطريه وتقول يبقا انت اكيد فى مصر دلوقتى يبقا انت اكيد فى مصر دى فخر لكل مصر عشان احنا الى هنغير البلد دى ومبقاش حد يقدر يشكك للحظه فى العقول المصريه ويقول بتريقه يبقا انت اكيد فى مصر المصريين فاهمين اوى وعارفين اوى اوى مين معاهم ومين بيولع الدنيا وعايزها تخرب بدليل انهم فى عز الثوره مرضيوش بناس كان ممكن جدا يقبلوهم لكن الشباب فاهم وواعى فمنجيش دلوقتى وندافع عن ناس متعرفناش اصلا ونقول يبقا انت اكيد فى مصر
زى الى لسه عايزين يوعلوها ويمشوا احمد شفيق عشان تخرب بجد تفتكر دول الى كانوا فى الثوره دول الشباب الى ماتوا عشان مصر تبقا احسن متجيش على حد نسى مصر وتدافع عنه اوى بانك تتريق على الناس الى فى مصر دول الى عاشوا كل حاجه فيها وعملوا ثوره معملهاش الى خدها من قصيرها وهرب ودور على الحياه الكريمه وتقول يبقا انت اكيد فى مصر

احم باشا المنوفى ايوة يا باشا الكلام ده صحيح وعندنا رئيس نيابة قعد مع ابوه فى نادى الصيد
وابوه عنده منتجعين سياحيين فى سفاجة
وهجبلكم كل بيانات القضية الاعلامية الشهيرة
وعلى فكرة يا ممو الموضوع مش قضية او تحريات مباحث لا دى قضية جنائية اترافع فيها المستشار فريد الديب
وان شاء الله هجبلكم كل بيانات القضية
انا ميشرفنيش ان اللى يمثلنى واحد مجوز امريكية وكان بيقود الثورة وهو قاعد فى بيتهم زى ما ميمو حاطة الفيديو اللى منتشر على اليويتوب .
ولا يشرفنى يمثلنى واحد كداب كاتب على صفحه ان اتعذب من امن الدولة ويجيى على البراممج يقول محصلش
ولا يشرفنى واحد عايش عمره كله بره مصر مجريش ورا اتوبيس ومشربش ماية مجارى على رأى مرتضى منصور
وميشرفنيش واحد منافق يمثلنى لما فى بداية حملته على صفحة خالد سعيد وحتى بدايات انتهاء الثورة كان يؤكد انه لا ينوى الانخراط فى العمل السياسى الا انى اجه الان ينوى تأسيس حزب سياسى وال ايه عاوزينه رئيس جمهورية
اصلها هتعيل
اقسم بالله لو حد زى الواد ده مسك حتى منصب فى مصر لأكون اول المعارضين وبصوت مرتفع
بلاش ارف

اقتباس :: احم باشا المنوفى ايوة يا باشا الكلام ده صحيح وعندنا رئيس نيابة قعد مع ابوه فى نادى الصيد
وابوه عنده منتجعين سياحيين فى سفاجة

هو ان والده يكون عنده منتجعين دا شئ غلط يعني جريمة يستحق العقاب عليها؟؟؟؟

اقتباس :: انا ميشرفنيش ان اللى يمثلنى واحد مجوز امريكية وكان بيقود الثورة وهو قاعد فى بيتهم زى ما ميمو حاطة الفيديو اللى منتشر على اليويتوب .

مسلمة يا باشا
وعلى فكرة المستشار تيمور فوزي رئيس الهيئة اللي حضرتك منتمي ليها متزوج من اجنبية ودا شئ ما يمثلش اي عيب بالنسبة له أو ليها

اقتباس :: ولا يشرفنى واحد عايش عمره كله بره مصر مجريش ورا اتوبيس ومشربش ماية مجارى على رأى مرتضى منصور

زي ما مرتضى منصور قال
مرتضى منصور اللي كان بيؤيد جمال مبارك
هل جمال مبارك عمل كل اللي حضرتك قولته دا
وعلى فكرة وائل خريج جامعة القاهرة يعني كان مقيم في مصر وعلى كلام منى الشاذلي لما قدمته في الحلقة ان جهات سيادية استعانت بيه بما ينفي عنه اي شبهة

ملحوظة بسيطة انا ما اعرفش وائل غنيم دا ولا عمري قابلته لكن الكلام الكتير اللي اتقال دا حرام لانه ظلم
واعتقد انك برضه يا مديرنا هتوافقني على ان الظلم دا حرام
شخص لمجرد انه طلع واعترض اتقال عنه انه يهودي وماسوني والله اعلم الايام الجاية هيتقال فيها ايه عنه

اقسم بالله لولا الثوره ما حصلت محدش كان هيعرف وائل غنيم ولا غيره ..والبرادعى اللى طول عمره عايش فى امريكا وابنته متزوجه من شخص غير مسلم ويريد ان يحكم مصر التى كرمها الله سبحانه وتعالى فى القران الكريم ..وهيكل الذى اتخذ هو والقرضاوى قناه الجزيره التى اشك انها قناه قطريه او عربيه حتى اتخذوها منبرا لتحريض الشعب المصرى واخيرا اليس برادعى وزويل من كرمهم مبارك وقلدهم بقلاده النيل يا اخوانى واخواتى فى المنتدى مصر امانه ولا بد ولن نحمى الامانه واحنا عشنا وكبرنا وسوف نموت بها ان شاء الله فا ستحلفكم بالله ان تتصدوا لاى شخص يحاول ان يزيد من هموم مصر وشعبها ونحن نرى ونسمع ما يحيط بنا فهذا يكفى رجاء.......

أولا محدش قال أن البرادعى هو الى عمل الثوره بس فى نفس الوقت مينفعشى
نقول عليه عميل لكونه أخذ الجنسيه الامريكيه وعاش خارج مصر
لانه عاش فى أمريكيه لان بلدك ونطام مبارك الفاسد بيطفش العلماء والمفكريين
لازم لما نطن سوء بشخص أن يكون معنا دليل لان الاصل فى المسلم هو حسن الظن
أحنا ديما كوطن عربى بنفكر بنظريه الموامره فى كل حاجه
ودايما ماثر علينا الاعلام لاننا شعب عاطفى للاسف
عى فكره لو البرادعى أترشح أنا مش هنتخبوا لانى مبحبوش
ولكنى أحترمه ولا أستطيع أن أقول عليه عميل
ثانيا:بالنسبه لوائل غنيم أحب أن أضيف نقطه على كلام الاخ محمد ربنا يكرمه أن القضيه الى فى أمن الدوله ده بتاريخ 1995 ووائل غنيم عنده 30 سنه يعنى وقتها كان عنده 14 سنه
فهل يعقل أن يتهم طفل عنده 14 سنه بانه يمارسة طقوس شاذة والمعروفة بعبدة الشيطان
وما أحدا الى الانصاف يدعوا ............ وكلا فى هواه به أنخراطوا

يا ريت يا اعضاء المنتدى الكرام نترك موضوع وائل غنيم ونركز على حاجات تانيه اهم ومن ضمنها مثلا الاحوال الاقتصاديه وغيرها من المواضيع المهمه للمصريين كلهم فى الفتره الراهنه ولا نعطى غنيم ولا غيره مساحه اكبر منهم