المجلس العسكرى يطرح استطلاع رأى حول المرشحين لانتخابات الرئاسة

طرح المجلس الأعلى للقوات المسلحة استطلاع رأى على صفحته الرسمية على الموقع الاجتماعى "فيس بوك" حول المرشحين على منصب رئيس الجمهورية فى الانتخابات الرئاسية القادمة.

وأوضح المجلس أن المرشحين هم من الشخصيات العامة التى أعلنت فى وقت سابق ترشحها للانتخابات، أو الشخصيات التى تم ترشحيها من قبل الشعب والإعلام، وأضاف أنه سيتم حذف أى شخصية تقرر عدم خوضها الانتخابات الرئاسية أو إضافة شخصية تقرر الترشح للمنصب فى أى وقت.

وأكد الاستطلاع أنه تم طرح القائمة بواسطة الحروف الأبجدية وأن الاستطلاع ليس له علاقة من قريب أو بعيد بانتخابات الرئاسة القادمة حيث إن الاختيار سيكون بواسطة صناديق الانتخابات لمن يريده الشعب، وحدد المجلس المدة الزمنية للاستطلاع وهى من 19 \6\ 2011 إلى 19 \7\ 2011 بصفة مبدئية وسيتم بعدها إعادة الاستطلاع مرة أخرى.

ومن جهة أخرى، أكد المجلس أنه لم يتم خرق الصفحة الرسمية له، وأن ما يحدث هو عطل فنى نتيجة للإقبال الشديد فى وقت واحد على التصويت الخاص باستطلاع الرأى.

وأكد المجلس أنه تم نقل التصويت على الصفحة الرسمية للمجلس على الفيس بوك مباشرة دون اللجوء لأى روابط خارجية تلبية لرغبة أعضاء الصفحة حتى تتاح الفرصة لأكبر عدد من المستخدمين من المشاركة فى التصويت.

وجاءت قائمة المرشحين كالتالى:
1: أحمد شفيق
2: أيمن نور
3: بثينة كامل
4: حمدين صباحى
5: عبد الله الأشعل
6: عبد المنعم أبو الفتوح
7: عمر سليمان
8: عمرو موسى
9: كمال الجنزورى
10: مجدى أحمد حسين
11: مجدى حتاتة
12: محمد البرادعى
13: محمد سليم العوا
14: مرتضى منصور
15: هشام البسطويسى

عن نفسى لو دول هيبقوا فعلا المرشحين فقط

انا هرشح سليم العوا

انتوا هترشحوا مين ؟؟؟؟؟؟؟؟؟؟؟؟؟؟؟؟؟؟

وطبعا اهم حاجه ربنا يولى مصر الاصلح امييييييييييييييييين

للاسف يا ميمو احنا مش عارفين هنختار مين وبناءا علي ايه ؟؟؟؟؟؟؟؟
يعني هنختار
طيب اللي هنختاره هنختاره بناءا علي ايه ؟؟؟؟؟؟؟؟؟؟؟؟
دي نقطة لازم المجلس العسكري ياخد باله منها

بس انا ممكن اختار يا الجنزوري يا شفيق

رسمى انا هرشح عمرو موسى

مش عارف ليه عندى احساس والله اعلم ان الجيش هيخلى المرشحيين دول وغيرهم يطحنوا فى بعض .. وفى الاخر الجيش هيرشح رجل عسكرى هيقش زى ولد الكوتشينة .. وخليكوا فاكريين .. ( وانا بطرح سؤال انت|انتى عندك مانع يحكم مصر رجل عسكرى ؟ ) ..

انا عن نفسي معنديش مانع نهائي
بس يكون انسان كويس و يعرف يحكم مصر بالعدل
العسكريين مش وحشين لاننا نقولهم لأ
لو جه يحكم مصر اللي يخاف عليها بجد يبقي اهلا وسهلا بيه
طلع عسكري طلع مدني مش هتفرق
المهم يخاف علي مصر و يحكم صح

انا معنديش مانع بصر احه انه يحكم مصر رجل عسكرى لسبب معلش لو معجبش حد يعنى بس انا شايفه بعد الثوره اننا شعب مينفعش نمشى بالديمقراطيه والمسايسه محدش يزعل من كلامى دا رائى احنا شعب عايز الفتره الجايه حد يكون شديد يقدر يحمى البلد ويوقف المهازل الى بتحصل فيها الايام دى وبالنسبه لكلام المنوفى انت عندك حق يامنوفى اننا منعرفش اهداف كل واحد وبرامجه عشان نقدر نحكم من دلوقتى وانا بصراحه اختيارى لسليم العوا جه على اساس حاجه انا شايفه انها حاصله دلوقتى ومحزنانى والله جدا وربنا يلطف علينا الا وهى محاربة الاسلام ودا واضح اوى الايام دى وممكن تعارضونى فى كلامى دا بسش انا فعلا حاسه كده من الاعلام ومن الاقباط وللاسف من بعض المسلمين كمان الى نقدر نقول ان النظام السابق كان ليه حسنة انه كان طابق على انفاسهم ومكنوش ظاهرين واول ماظهروا بدؤا يلبخوا ويعكوا باعتبار انهم عارفين الاسلام اكتر من اى حد وبعض الاقباط ومبقولش كلهم الى استغلوا الفرصه وبدؤا يصطادوا فى الميه العكره زى مابيقولوا والعلمانين الى عايزين يخربوها ويقعدوا على تلها وبيشجعوا الانحراف والحريه الى مش متخيله ان مصر ممكن تبقا فيها حريه بدون حدود يعنى البلد تضيع بجد مش متخيله ان الاسلام يهاجم الهجوم دا كله والاعلام كمان ودا شئ غريب انه عند الديانات غير محايد بالمره بالعكس كان فجائه الاسلام بقا بعبع طب ازاى نوصل للدرجه دى ؟؟؟؟؟؟؟؟؟ فجه اختيارى للعوا نى سمعتله كذا رد وكذا حوار معاه يحترم الاسلام ويبجله ويعلم باعتداله وسماحته بدون اى تشدد وعشان كده انا حابه ارشحه وفى الاول والاخر ربنا يولى الاصلح معلش ياجماعه طولت عليكم Very Happy

تمام
كلام من ناحية المنطق كويس
بس برده نستني و نشوف كل واحد و يمكن نقدر نختار صح
وفعلا انا شايف انه المفروض اول فترة رئاسية يكون الرئيس عسكري علي شان يقدر يضبط مصر
يارب اعمل اللي فيه الخير لمصر
اللهم آميييييييييييييييييين

قمـــــــــــــــــــــــة قلـــــــــــــــــة الأدب

اللى بيحصل على الصفحة الرسمية للمجلس الأعلى للقوات المسلحة

دا سوق مش إستفتاااااااااااااء

للأسف إحنا شعب مش متعود على كيفية الحوار مع الآخر وإحترام رأيه

حتى لو كان غير متقبله ....... ألفاظ موجودة عادت بنا إلى العصر الجاهلى

عـــــــــــــــمـــــــــــــر ســـــــلــــيــــــــــــمــــــــــــان