ايهم اختار للزوج ؟؟؟؟؟

هذا التسال يشغلنى كثير؟ايهم اختار للزوج؟

فى حالات وجود اكتر من شخص للزوج فايهم اختار من بين التالين:

1- شخص عالى الخلق وانا اعرف ذلك جيدا يحترمنى كثيرا ويحبنى
ولكن مشاكلته انه من محافظه اخرى وظروفه متوسطه مثل اى شاب مكافح

2- شخص ثرى للغايه وطباعنا الناس بتقول عليه اخلاقه كويسه ويسكن خارج البلد وطبعا هياخدنى معاها

3- اما شخص من محافظتى متوسط الحال وطبعا الناس بتقول عليه محترم

والثالثه على نفس الدرجه كم اسمع من الدين
فايهم اختار؟
مع العلم انى ليس هناك بدخلى شياء احمله لشخص دون الاخر
فايهم اختار؟

ياريتكم تساعدونى فى الاختيار؟
والاحسن تقولولى كبرى هههههههههه

يلا مستنياه فين الاراء

انا شايف ان الاول مناسب
والاخير مناسب
لكن الحل ياتي في صلاه الاستخاره
!!!!!
ده راي وانا حاسس ان ده الحل
وربنا يوفقك

الشخص الاول لان فية صفة زايدة عن الباقين انه بيحبك
بس فعلا الحل فى صلاة الاستخارة زى ما قلك أحمد هى اللى هتريحك اكتر من اى حاجة تانية
وان شاء الله نقلك مبروك قريبا

انا بقول لو الاول والثالث بيحبوكى يبقى افضل الثالثلانه هيبقى عند اهلك وقريب منهم لكن لو الاول بس اللى انتى متأكدة انه بيحبك يبقى افصل الاول زى ما احمد وفلور قالواوطبعا الاستخارة زى ما احمد قالوطبعا تعزمى اعضاء المنتدى كلهم ولا هتاكلى علينا الحلاوةان شاء الله ربنا يوفقك

حاجة تحير فعلا يابسمه بصى فعلا مش هقول اكتر من الى قالوا صلاة الاستخارة وكذا مرة لحد ماتشوفى ايه الى هيحصل وربنا يوفقك

شكرا ياعضاء المنتدى الغالى على الاراء الرائعة وان شاء الله هسيب كل الموضوع فعلا لصلاة الاستخارة ومتقلقوش هتعرفوا النتيجة. Very Happy

وايه مسالة العوزمة ولا هتاكلى حقنا فى اللحمة بتاعت الخطوبةولا معندكم لحمة هههههههههههههههه

لا يا محمود بسمة اهل للكرم كله
كفاية انها تقلنا علشان كلنا نفرحلها
ربنا يوفقك يابسمة ويحققلك الخير دائما وكل اللى بتتمنية

بردوا كلتوا علينا اللحمة على العموم يلا يا ستى ربنا يفرحك يارب ويوفقك باللى يسعدك وكلنا هنا فرحانلك

شكرا كتير يامحمود انت وفلورا على مشاعركم الحلوه دى وانا مقدرها ومحترمها كتير
ومتقلقش ياعم محمود حقك محفوظ لو حصل نصيب فى حاجه
ولا اقولك ولا اعرفك
هههههههههههههههه
متقلقيش يافلوره انا هعرفك

ربنا يكرمك يا بسمة بكل خير
هيكون احلى خبر لينا كلنا فى المنتدىلانك تستاهلى كل خير فعلا

ده من ذوقك وربنا يخليك
بس المهم متستنوش اوى لانى لحد دلوقتى مش مياله لا اى موضوع
بس ربنا يسهل مع الاستخاره لو حاجه فيها خير

يا سبحان الله العظيممش مياله ليه يابنتىربنا يهديكى ياربويوفقكويكون عندكم فلوس ساعت الخطوبة علشان تجيبوا لحمة للناس الفقراء اللى زى انا وعمار مش هتعزمونا ولا ايه؟؟؟؟؟؟؟؟؟؟؟؟

بصى يا بابورورو ولو ان نفسى اقول يا ............ الاسم الحقيقى
بصرحة افضل جواب ليكى بالنسبة للى انت كاتباه هو يخلينى افترض الاول سؤال مهم هل الثلاثة متقدمين فعلا ولا لأ
ده نقطة
ثانيا لو متقدمين صلى صلاة استخارة وده افضل مرشد من استشارة اى بشر واشكر الزميل المحترم اللى نوه اليها
ولو محدش متقدم انت اللى بقلبك وفكررك وميولك الشخصية اللى تقدرى تحددى اتجاهاتك ومذهبك فى الحياة هل انتمائك للمال فى البحث عن الثروة المالية ام للمشاعر والبحث عن الثروة الروحية ام لل لا مبالاه وعادة كل البشر الكسالى الرضاء بالاشياء التقليدية
جاوبينى لانى عايز اكمل ردى

هههههههههههههه
لا انا اتجاهى طبعا انى اكون سعيده وعلى فاكره كل الناس هنا عارفه اسمى عادى يعنى

يابسمه الجواز عامه صدقينى مبيفرقش فيه غير الدين
وصدقينى لو معاكى واحد معاه فلوس الدنيا وكمان بيحبك وبيموت فيكى بس معندوش انتماء وتمسك بدينه وبحدود ربنا سبحانه وتعالى يبقى عمره ما هيراعى ربنا فيكى لا فى وجودك ولا غيابك
وفى الاخر هيلتمسلك عذر دايما انه بيحبك
لكن لو خدتى حتى واحد معندوش كفايه عليكى ان ربنا يبارك لك فيه وفى رزقكم
وحتى لو مكنش بيعرف يقول بحبك مش كل من بحب يبقى بيحب فعلا ومش كل من ما قلش يبقى مابيحسش بيها فى ناس الكلام عندها رخيص اوى الرسول صلى الله عليه وسلم قال ان قلوب البشر بين اصبعين من اصابع الحمان يحركهم كما يشاء
يعنى النهارده بيحبك االه اعلم بكره هيكون ايه
وبرضه استخيرى ربنا وههقولك نصيحه
من يتق الله يجعل له مخرجا ويرزقه من حيث لايحتسب
وربنا يارب يوفقك ويرزقك زوج صالح وذريه صالحه ويبارك لك فيها ويدخلك بيهم الجنه انت وكل البنات