, خـالـتـى , يـومـيـات بـمـبــة***

بـمـبــة*** , خـالـتـى , يـومـيـات

اول ما اتعرفت عليه كان رقيق وجركنمان
في البداية كان على طول ورد وهدايا
لحد ما وقعت في شباكة

وزي أي بنت بتحلم بالفستان الابيض
والفارس الي هيجي يخدها على حمار
ال في الغالب مش ابيض

يـومـيـات خـالـتـى بـمـبــة***
ولعتله صوابع العشرة شمع لحد ما اتحرقوا كلهم ما فضلش منهم ولا صباع بطبخله المحمر والمشمر والي لسة ما اتشمرش

وكان اجمل خبر لما عرفنا ان ربنا هيرزقنا
بنانوس صغير شبه ابوه
بس كانت المفاجاة يوم ما خلفت
ما طلعش نانوس صغير

طلعوا نانوسين وكانوا توام سميناهم ( بكبوظة ) و ( بكبورت )مالوا علينا حياتنا لعب وطنطيت وترفيص
وعياط لكن بدا يتغير انطرد من شغله ومكانش بيعمل أي حاجة في البيت غير حاجتين

يقرا جرايد قال يعني مثقف وهو ساقط محو امية
يا اما بيشيت مع بنات على النت فضلت اقراله قران يمكن ينصلح حالة

صبرة وسكتة ياختى والنبى* قلت يا بت عيشي زي أي واحدة مش احسن ما كنتي تعنسي وتعديدي وتقولي طلعت فوق السطوح هز الهوا كمي كل البنات اتجوزت وانا لسة جنب امي
اهو ضل راجل ولا ضل حيطة حتى الاولاد بعد ما كانوا بيطلعوا الاوائل في المدرسة
يـومـيـات خـالـتـى بـمـبــة***

والي بيشرب سجاير ملفوفة* فكرت اغير من حياتنا شوية
واهتم بنفسي بدل ما طول النهار مهتمي بالعيل والمطبخ
واعمل زي البنات الوز والبط الي بتيجي في الدوش على القنوات المحلية

لبست واتشيكت ياختى وكنت اجمل من شاكيرا
كل سنة اصبغ شعري لون سنه صفرا وسنه حمرا وسنة سودة ويا ريت عاجب لكن ما فيش فايدة فضل حالة زي ما هو
قلت اروح ( لام تاتح ) صحبتي واحكلها على مأساتي

وشكتلها وقلتلها طلب رز عملته رز طلب مكرونة برضوا عملته مكرونة بصلي من تحت لفوق ومن فوق لتحت وساب البيت قلتلي سمنك في الاكل كتير قلتلها لاولا قليل قلتلها لا انا اصلا مش بستخدم سمنة هو مش بيجبلي غير زيت التموين لحد ما حرق قلبي انا والعيال الهي يحرق قلبه وقلب امة
وطلعت من عند ام تاتح بعد ما فضفضت واستريحت شوية
بس يا ريتني ما طلعت كانت اخرحاجة ممكن اتوقعة

لقيتة مع بنت اتعرف عليها على النت وناوي يهرب ويسافر معاها وفضلت ارقبهم كل يوم وكل ما اشوفهم معا بعض بكون هطق من جنابى والبيه ولا على باله مش شاطر ال انه
يقف ادام المرايا بالساعات عشان يتهندم للسنيورا

مضيع كل مصروفوا الي بديهولوا من ساعة ما ساب الشغل علي السنيورة وفي وسط كل ده نسيت العيال
ولما قلت اشوف عيالي كانت الكارثة الواد بكبوظة انتحر

والواد بكبورت جالوا هطل يا عين خالته وباقيت انا والدموع اصحاب وانتيم بعد ما خدني لحم رماني عضم زي ما انتوا شيفين
يـومـيـات خـالـتـى بـمـبــة***

شفتوا الرجالة المفترية شفتوا اخرت الي تامن لراجل وزي ما انتوا يا ستات عارفين الجواز زي البطيخة

يتطلع قرعة يا تطلع قرعة واسالوني انا وكلهم بطختين والاتنين اقرع من بعض

خالتكم بمبة

واقولك ايه يا خويا

الرجالة مالهمش امان

ويابخت الست اللى بطيختها تطلع حمرا

تبقى امها داعيالها