اعلان النيابة العامة دفعة2010

يا جماعة الواسطة طلبت 50 الف جنيه بس وانا بدأت اقلق ايه رائيكم ؟
وانا بكتب في ملف مجلس الدولة كتبت اسمي بدل اسم الاب ممكن احذف الاسم الاول بالكوليكتور ؟

pogar كتب:: وانشاء الله لما تخلص المقابله ايه الابيحصل > انا اسف ,>

يا باشا اسأل فى اى وقت وقول اى سؤال يتبادر فى ذهنك.

بعد ما الراجل يخلص كلامة معاك هيقولك بالتوفيق واتفضل. انت هتقف وبسرعة تزرر البدلة وتخرج بخطوات ثابتة وهادية جدا .

اول ما تخرج هتلاقى زمايلك بيجروا عليك ويقولك حصل اية , مش هتلحق تجاوب عليهم لان الموظفين والفراشين الى فى الطرقة هيقولك اتفضل يا استاذ بطريقة مش حلوه. وانت هتخرج وتنزل الدور الارضى واسأل الموظفين فى البدروم على ميعاد السباعية وهما هيقولولك الميعاد او يقولولك تعال على شهر كذا علشان تعرف .

thelord7410 كتب:: يا جماعة الواسطة طلبت 50 الف جنيه بس وانا بدأت اقلق ايه رائيكم ؟
وانا بكتب في ملف مجلس الدولة كتبت اسمي بدل اسم الاب ممكن احذف الاسم الاول بالكوليكتور ؟

بالنسبة للفلوس يمكن الراجل الى هياخد منك الفلوس معرفة وا عايز يجامل لان الواسطة اصلا بتكون اتصال هاتفى بين الواسطة وبين عضو فى المجلس يقوله فلان الفلانى تبعى وبس. واهم شىء انك تضمن حقكك فى قصة الفلوس دى لان معظمها بيكون نصب اصلا.

بالنسبة للخطأ فى الملف: اعتقد انك كدا متضطر تشطب على اسمك بهدوء و بشياكة وتسيب اسم الوالد والجد والباقى . بس الصراحة مش عارف وياريت المدير العام يجاوب افضل منى.
بس الموقف دا حصل معايا غصب عنى فى الادارية وشطبت فى الادارية ونزلى تحريات.

طب معلش يا جماعة سؤال سخيف مني تاني :
كم مرتب وكيل النيابة وكم مرتب المندوب المساعد بمجلس الدولة وأي الهيئتين افضل ؟
شاكر جدا لمجهودكم الرائع وربنا ميحرمنيش منكم

thelord7410 كتب:: طب معلش يا جماعة سؤال سخيف مني تاني :
كم مرتب وكيل النيابة وكم مرتب المندوب المساعد بمجلس الدولة وأي الهيئتين افضل ؟
شاكر جدا لمجهودكم الرائع وربنا ميحرمنيش منكم

بالنسبة للمرتبات هى مرتبات جيدة جدا تكفى لحياة كريمة وبعتذر مش هقدر اقول الرقم علشان فى ناس بتضايق.
كل هيئة مختلفة عن الاخرى يعنى العامة بتشتغل فى كل الجرايم اما مجلس الدولة شغلك كلة ادارى وبس. فلو عايز ترتاح يبقى المجلس افضل لان شغلة يومين تقريبا فى الاسبوع بس علاقاتك محدودة اما لو عايز تبقى باشا بجد وعلاقاتك مع جميع فئات الشعب يبقى العامة .
وربنا يفوقكك يا باشا و ادعى ان ربنا يهديك ويوفقكك الى فيه الخير ليك سواء فى العامة او المجلس او خارج الهيئات القضائية

هو ف المقابله الاولى ,,التفتيش القضائى ,, المستشار بيبص على اللبس وكده ولا ايه

pogar كتب:: هو ف المقابله الاولى ,,التفتيش القضائى ,, المستشار بيبص على اللبس وكده ولا ايه

سؤال غريب!!!!!!!!!!!
حضرتك اكيد في اي مقابلة هتحاول انك تكون لابس كويس ولازم هتكون لابس بدلة

غريب ليه حضرتك انا بقصد المستشار بيبص على اللبس ف اول مقابله زى اللجنه السباعيه

pogar كتب:: غريب ليه حضرتك انا بقصد المستشار بيبص على اللبس ف اول مقابله زى اللجنه السباعيه

غريب لانه سواء بيبص او مش بيبص حضرتك هتكون لابس وعلى سنجة 10 زي ما بيقولوا

شكراجدا وايه كميه غريب الكتيره ده مش انتم الابتقولوا اسئلوا

pogar كتب:: شكراجدا وايه كميه غريب الكتيره ده مش انتم الابتقولوا اسئلوا

اسال براحتك يا باشا . بس الاخmo7amed™ مستغرب لان جميع الدفعة بتروح وبتبقى لابسة اشيك بدلة.

المهم البس بدلة شيك لان المستشار هيبص عليك ويشوف وجاهتك وشياكتك بس ملهاش اهمية كبيرة.
وربنا يكرمك يا باشا

السلام عليكم ورحمه الله وبركاته

كان عندى سؤال فضلا وارجو الاجابه ولكن تكون مؤكده

انا الفيش لوالدى هيبقى موجود يوم الاحد وانا هروح اسلم الملف يوم السبت هل هياخد عليا تعهد ولا هيدينى الملف تانى ويخلينى مع التخلفات بس ارجو الاجابه صحيحه لانى مش من سكان القاهره الله يكرمكم علشان ماخدش مشوار على الفاضى

1- تاريخ ميلاد والد الاب والام مش معورف ينفع اكتبه تقريبالانهم ماتو من زمان أوى أوى
2-أكلم الوسطه عند التفتيش القضائى وله انتطر شويه لما يحين وقت السباعيه
3-معلش للتاكيد ابن عمى مستشار مكتبوش خالص ولو هكتبوا أكتبوا فين

wait me كتب:: السلام عليكم ورحمه الله وبركاته

كان عندى سؤال فضلا وارجو الاجابه ولكن تكون مؤكده

انا الفيش لوالدى هيبقى موجود يوم الاحد وانا هروح اسلم الملف يوم السبت هل هياخد عليا تعهد ولا هيدينى الملف تانى ويخلينى مع التخلفات بس ارجو الاجابه صحيحه لانى مش من سكان القاهره الله يكرمكم علشان ماخدش مشوار على الفاضى

مفيش مشكلة وهو هيعملك تعهد انك تجيبة فى مقابلة التفتيش.

hitmanamr كتب:: 1- تاريخ ميلاد والد الاب والام مش معورف ينفع اكتبه تقريبالانهم ماتو من زمان أوى أوى
2-أكلم الوسطه عند التفتيش القضائى وله انتطر شويه لما يحين وقت السباعيه
3-معلش للتاكيد ابن عمى مستشار مكتبوش خالص ولو هكتبوا أكتبوا فين

1_ حاول تجيب اقرب ميعاد تقريبى ليهم .
2_ كلمها وخليها معاك خطوةى بخطوة فمقابلة التفتيش لها اهمية ولكن ليست اهمية كبيرة.
3_ ان لم يكن له مكان فى الملف يبقى مش هتكتبة.واياك كتابتة فى الملاحظات لان هيقولوا عليك جاى تتنك على حساب ابن عمك ويقلبوا عليك الترابيزة وانت الى تخسر فى الاخر. وان كان لة مكان فى الملف يبقى عادى

ربنا يخليك يا سكره ويوفقك فى حياتك والف شكر على الرد الجميل ومتنسونيش من دعاكم

هو صحيح الرقم بتاع ايصال مقابلة التفتيش ده مهم لو اديته للى هيوصى عليك وهل بيبقى نفس الرقم متكرر لجامعة تانية يعنى مثلا 5 جامعة اسيوط بيبقى فيه 5 جامعة اسكندرية وكدة ولا اهم حاجة رقم الملف بس
وهل هيبان فى مقابلة التفتيش تاثير ان لو حد وصى عليك يعنى هيتحس من طريقة كلام المستشار ولا لا

وسؤال تافه او موسوس شوية معلش اول ماندخل على المستشار نقعد على طوول بعد فك زرار البدلة ولا نلقى سلام عليه ولا ايه

mido aser2 كتب:: هو صحيح الرقم بتاع ايصال مقابلة التفتيش ده مهم لو اديته للى هيوصى عليك وهل بيبقى نفس الرقم متكرر لجامعة تانية يعنى مثلا 5 جامعة اسيوط بيبقى فيه 5 جامعة اسكندرية وكدة ولا اهم حاجة رقم الملف بس
وهل هيبان فى مقابلة التفتيش تاثير ان لو حد وصى عليك يعنى هيتحس من طريقة كلام المستشار ولا لا

وسؤال تافه او موسوس شوية معلش اول ماندخل على المستشار نقعد على طوول بعد فك زرار البدلة ولا نلقى سلام عليه ولا ايه

الايصال ليس مهم لان التوصية بتكون بأسمك الرباعى. كدا كدا مستشار التفتيش هيقابلك بترحاب جامد بس لو فى واسطة معاك هتظهر اكتر فى التقرير الى بيكتبة عنك.

انت لما تدخل هيقول اسمك هتقول ايوة هيقولك اتفضل اقعد. وفى ناس القت التحية وعادى وناس مألقوش .اهم شىء ركز بس فى زرار البدلة كويس جدا لانك مفروض تفحة قبل ما تقعد , وهدى اعصابك خااااااااااااااالص

وأنا كمان عاوز أسأل D:

دلوقتي مطلوب ورقة معتمدة من جهة عمل الوالد، طيب اللي والده محامي حر، المفروض يجيب إيه بالظبط؟
أعتقد صورة كارنيه النقابة متنفعش.

حد يعرف اسم الورقة بالظبط؟
نقطة كمان، بالنسبة للدخل زي ما هو معروف إن المحامي ملهوش رقم دخل ثابت، المفروض يتكتب إيه؟

أحمد م. أبوزيد كتب:: وأنا كمان عاوز أسأل D:

دلوقتي مطلوب ورقة معتمدة من جهة عمل الوالد، طيب اللي والده محامي حر، المفروض يجيب إيه بالظبط؟
أعتقد صورة كارنيه النقابة متنفعش.

حد يعرف اسم الورقة بالظبط؟
نقطة كمان، بالنسبة للدخل زي ما هو معروف إن المحامي ملهوش رقم دخل ثابت، المفروض يتكتب إيه؟

يجيب ورقة من النقابة انة محامى وهيكونف يها درجتة يعنى محام استئناف وكدا.
اكتب دخل متقارب للواقع ومتنساش الضرائب Very Happy

لان مفروض المحامى بيكتب دخلة وبيتاخد عليه ضرائب فأسال الوالد انت كاتب اية علشان ميحصلش مشكلة

هل هناك معايير محددة وواضحة على اساسها يقوم مستشارى النيابة باختيار عضو النيابة من خلال المقابلات حتى ولو لم تكن هناك وساطة؟ وماهى الجرائم العائلية التى من شانها ان تسىء الى سمعة التحريات؟ وما تفسير حضرتكم بما اقتصر علية ملف النيابة العامة وشدة اختصارة هذا العام عن مختلف الاعوام السابقةمن بيانات؟ ولكم جــــــــزيل الشكر

بكر خطاب كتب:: هل هناك معايير محددة وواضحة على اساسها يقوم مستشارى النيابة باختيار عضو النيابة من خلال المقابلات حتى ولو لم تكن هناك وساطة؟ وماهى الجرائم العائلية التى من شانها ان تسىء الى سمعة التحريات؟ وما تفسير حضرتكم بما اقتصر علية ملف النيابة العامة وشدة اختصارة هذا العام عن مختلف الاعوام السابقةمن بيانات؟ ولكم جــــــــزيل الشكر

اولا توفيق الله هو الاساس والمعايير هى ان تكون من وسط مالى واجتماعى كويس جدا.وانا اقصد بكدا ان يكون فى حد من اقاربك مستشارين او يكون اسرتك الصغيرة كلها مؤهلات عليا وياريت لو حد دكتور او معاة دكتوراة ونفس الامر لو اخوالك واعمامك اصحاب مؤهلات عليا محترمة وبيتشغلوا وظائف كويسة.ثم التقدير لو مرتفع.

الجرائم : اى جرائم مخلة بالشرف والامانة.
التفسير فى اقتصار البيانات: هو تشابه ملفات العامة مع الادارية وغيرها من باقى الهيئات التى تهتم الان بالاسرة الصغيرة فقط كما انك دلوقتى اترحمت من ما كان يواجه الدفعات السابقة من كتابة الكثير من الاقارب وصعوبة الوصول للأسن الرباعى او الاقامة مثلا.

السلام عليكم
انا رحت يوم 1-1 وسلمت الملف بتاعي وادوني وصل مكتوب فية ان ميعاد مقابلتي يوم 5-2-2011 بعني بعد اكثر من شهر فأنا عايز أعرف هوه ده ميعاد جامعتي ولا ايه علشان الميعاد ده قالقني.
دا غير اني قلقان من مقابلة التفتيش القضائي لأن خيلاني وخالاتي كتار مش عارف كل بياناتهم فلو سألني في حاجة مش عارفها اعمل ايه؟

omega5_1988 كتب:: السلام عليكم
انا رحت يوم 1-1 وسلمت الملف بتاعي وادوني وصل مكتوب فية ان ميعاد مقابلتي يوم 5-2-2011 بعني بعد اكثر من شهر فأنا عايز أعرف هوه ده ميعاد جامعتي ولا ايه علشان الميعاد ده قالقني.
دا غير اني قلقان من مقابلة التفتيش القضائي لأن خيلاني وخالاتي كتار مش عارف كل بياناتهم فلو سألني في حاجة مش عارفها اعمل ايه؟

بالنسبة للميعاد المكتوب مش بيكون متحدد على اساس الجامعة فقط
دا بيكون ايضا متحدد على اسااس الوقت اللي انت سلمت فيه الملف
يعني هتروح باذن الله يوم مقابلة التفتيش هتلاقي نفسك معاك ناس من جامعتك وناس من جامعات تانية سلمت الملف معاك في نفس الوقت

بالنسبة لموضوع الاخوال والخالات
الموضوع يا سيدي الفاضل مش زي ما انت متصور
المستشار مش هيمتحنك في البيانات اللي انت كاتبها هو هيستفسر منك فقط عن اي بيان غامض أو اي شئ غير كامل في وجهة نظره
يعني اسم غريب انت كاتبه هيسألك عنه , وظيفة مش واضحة هيسألك عنها وهكذا لو مثلا ليك خال انت كاتب وظيفته مدير عام هيقولك مدير عام في اي جهة ولو انت مش عارف هيقولك ممكن تخرج برة المكتب تتصل بوالدك تسأله وترجعله تاني
وبالتوفيق ان شاء الله

يارب يا كريم اكرمني وزملائي بالكشف الطبي والتعيين

سؤال للثعلب العربي :
اذا كنت متقدم لمجلس الدولة والنيابة العامة وتم قبولك في الهيئتين فأيهما تفضل ولماذا ؟

» اعلان النيابة الادارية دفعتى 2010 و2011
» اسئلة النيابة العامة 2009
» النيابة العامة دفعة 2009
» أسئلة النيابة العامة (اللجنة السباعية)
» الحركة الداخلية لاعضاء النيابة العامة