يبقى انت اكيد فى مصر هام

لما تذاكر جامد ولا تنجحش..... يبقى إنت أكيد أكيد فى مصر......... لما تتخرج ولا تشتغلش ........ يبقى إنت أكيد أكيد فى مصر.......... لما تشتغل ولا تكسبش ......... يبقى إنت أكيد أكيد فى مصر......... لما تحب وتفشل....يبقى انتا اكيد أكيد فى مصر....... لما تخطب كده ولا تتجوزش....يبقى إنت أكيد أكيد فى مصر .........؟؟؟؟ عظيمه يا مصر يا أم الدنيا

لما تلاقى من كل بيت خارج مدرس خصوصى يبقى انت أكيد أكيد فى مصر

لما تطلع بطاقة انتخابية وتروح تنتخب ويقولك ان سيادتك ميت يبقى انت اكيد فى مصر

لما رسم الزبالة سنة تلاقيه على فاتورة الكهرباء وسنة تلاقيه على فاتورة الغاز يبقى انت أكيد أكيد فى مصر

لما تسئل الشعب فى اى حاجة ويقولك اللى نعرفه احسن من اللى منعرفوش يبقى انت اكيد فى مصر

لما تهز وسطك وتلاقى نجاح باهر والناس بتصقفلك يبقى انت أكيد أكيد فى مصر

لما تفتح التليفزيون ويكلمك عن انجازات الحزب الوطنى وتفتح الثلاجة وتكلمك برده عن تلك الانجازات يبقى انت أكيد أكيد فى مصر

‏لو جبت في الثانوية العامة فوق الـ‏90%‏ ومدخلتش إلا التجارة‏..‏ تبقي أنت أكيد في مصر‏

‏لو لقيت في كل بيت واحد عنده امراض زى الفشل الكلوى وغيره ‏..‏ تبقي أنت أكيد في مصر‏

‏لو دخلت مستشفي تشيل الزايدة واتسرقت كليتك‏..‏ تبقي أنت أكيد في مصر‏

‏لو دخلت مكتب حكومي وقالولك فوت علينا بكرة‏..‏ تبقي أنت أكيد في مصر‏‏

‏لوخلصت دراستك وخدت الشهادة وقعدت علي القهوة سنين لحد ما الحكومة توظفك‏..‏ تبقي أنت أكيد في مصر‏

‏لو أنت في بلد ربع سكانها ساكنين في عاصمتها‏..‏ تبقي أنت أكيد في مصر‏

‏لو سألت عسكري المرور تعرف تكتب وتقرا ورد وقال أعرف أقري وأكتب بس نمر العربيات‏..‏ تبقي أنت أكيد في مصر

‏لو لقيت عجوز وعجوزة ماشيين ومعاهم سلم خشب لزوم طلوع الرصيف‏..‏ تبقي أنت أكيد في مصر‏

‏لو لقيت سواقين العربيات راسمين أحزمة أمان علي صدورهم تبقي أنت أكيد في مصر‏

‏لو سمعت وشفت عربية مطافئ الحريق سواقها بيزعق في الميكروفون‏:‏ فين الشارع اللي فيه الحريقة تبقي أنت أكيد في مصر‏

‏لو قريت وسمعت أن الحكومة حتنهي عقود شركات الزبالة الأجنبية لأنها لم توف بالتزاماتها‏ (‏ وكان ليه من أصله‏)!‏ تبقي أنت أكيد في مصر‏

‏لو مزنوق في الشارع وملقتشي مراحيض عامة يبقي أنت أكيد في مصر‏

‏لو سمعت الناس بتتجنب الذهاب لأقسام الشرطة منعا للبهدلة تبقي أنت أكيد في مصر‏

‏لو سمعت أن القضايا بيتحكم فيها بعد وفاة المتقاضين‏..‏ تبقي أنت أكيد في مصر‏!‏

‏لو فتحت التليفزيون وشفت ظرف البيت بيتك‏..‏ تبقي أنت أكيد في مصر‏

‏لو سمعت كلمة أهلا يا باشا وائمورني يا باشا‏..‏ تبقي أنت أكيد في مصر‏

‏لو شفت الست تخلع جوزها بعد طول عشرة‏..‏ تبقي أنت أكيد في مصر‏

‏لو تقف في طابور علشان رغيف العيش‏..‏ تبقي أنت أكيد في مصر

‏لو حد النهاردة اسمه بوحة وإمبارح كان اسمه اللمبي والحد ده يقش ملايين‏..‏ تبقي أنت أكيد في مصر‏

‏لو سمعت الكبير بيقول للصغير حضرتك تبقي أنت أكيد في مصر‏

‏لو سمعت إن فيه ناس بتتجوز في خمس أو سبع نجوم وناس تانية مش لاقية تتجوز‏..‏ تبقي أنت أكيد في مصر‏

لو رحت مرة تصلى فى جامع وبعد الصلاة تلاقى اللى بيقولك خلاص يا افندى احنا بنقفل وهنفتح على معاد الصلاة الجاية تبقي أنت أكيد في مصر‏


لما تلاقى الجد فى ايده حفيده و الناحية التانية الشيشة فى ايده
يبقى انت اكيد اكيد فى مصر ... يبقى انت اكيد اكيد فى مصر


تحياتى
يبقي انت اكيد في مصر

ههههههههههههههههههههه

جميل جدا
فعلا دا هو اللي بيحصل فيكي يامصر

مشكوره علي الموضوع الجميل

وتبقي انت اكيد اكيد في مصر
تبقي انت اكيد اكيد في مصر

مشكورة يا جوجو على الموضوع

تسلمولى ياعثثيل

هههههههههههههههههههههههه
جامده موت ياجوجو
ويبقا انت اكيد اكيد فى مصر هههههههه

اى خدعه ههههههههههههههههههههههههههههه نورتينى

ههههههههههههههههههههههههههههه

ايه الحلاوة دى يابنتى

بس يبقا انت اكيد اكيد فى مصر

ده رباااااااااااااااااااااانى هههههههههههههههههههههههههههههههه شرفتنى وانا بقول المنتدى سكت ليه ........................... ههههههههههههههههههههههههههههههههههه

ههههههههههههههههههههههه

الله يكرمك بس بجد اشعارك حلوة مبيعجبنيش الا اشعارك على المنتدى دا
ههههههههههههههههههههههههههههههههه

جميل اووى يا جوجو بس اكيد فى بلاد تانيه فيها حاجات زى كده مش احنااا بس وان شاء الله البلد دى تتغير ع ايدينا وتبقى احسن ان شاء الله وسلاااااااماااات

تسلملى يااحمد ومتشكر يا ساسو على مرورك الجميل

ايه الاشعار الجامدة دىىىىىى

ههههههههههههههههههههههههه الحمد لله انها عجبتك

هههههههههههههههههههههههههههههههههههههههههه
عمار يا مصر يا ام الدنيا ايه الموضوع الجامد ده

تسلمى يا اوركديا

محدش عجباه

لا انا مش عجبنى اى موضوع فية حتى ولو على سبيل الهزار الاستهزاء بمصر على الملاء كدا يا جوج وعلى فكرة برة مصر الدنيا انيل من كدا بكتير والله ويمكن مصر احسن بلد فى الدنيا سيبك انتى من اللى احنا بنقولو واحنا فيها لاننا مشفناش غيرها ويوم مابنبعد عنها بنبقى هنموت ونرجع لها جرى دى حتى اللى مش مصرى مبيقدرش يبعد عنها وكل السلبيات اللى موجودة فى البلد مسيرها هتتغير ووالله مصر ام الدنيا.........
اعذرينى يا جوج انا غير متفق معاكى على هذا الكلام وانا اسف لو كنت دايقتك بتعليقى بس هى دى الحقيقة

كلامك صحيح بنسبة 100% يا حوده

و الله مصر دي الواحد مش هيحس بيها الا لما نتغرب عنها

و اسئلوا أي حد اتغرب عنها

ممكن تبقي في بلاد تانية احلي منها

بس الواحد مبيستريحش الا فيها


و عموما شكرا ليكي يا جوجو

و نرجو اعادة التفكير في حبك لمصر مرة تانية

الكلام دة منة فى مصر

وهذا من ضمن السلبيات التى بها

ولاكن الواجب على كل مصرى يبحث مين قال او كتب هذا اللام

ان كان مصرى فلابد انة غير محترم وليس لة انتماء لوطنة

والواجب على كل واحد مسرى اصيل يحافظ على المظهر العام

واتمنى بعد ذلك ذكر الجهه التى نقلتى منة الموضوع

او على الاقل كاتب الموضوع لعدم الشبهه لكى كمصرية

وعلى كل حال تسلمى على نقل الموضوع

على العموم انا لقينه فقلت انقله وعلى العموم منورنى