ماتيجوا نتكلم شويه...HAPPY NEW YAER2010

بصوا يااجمل اعضاء فى الدنيا جه فى بالى نتكلم شويه عن الى بحصل فى ليلة راس السنه الميلاديه والى بحصل من طقوس وعادات غريبه كده انا صراحه مكنتش اعرفها الا لما دخلت الكليه ولقيت اصحابى الى من البلد بيقولوا ان يوم راس السنه دا عندهم بيحصل حاجات كتييييير وعلى اعتبار انه مش بحصل عندنا الكلام دا او ممكن بحصل بس انا مش شوفت صراحه فمش تخيلت ايه هيحصل يومها كنت قاعده انا وصاحبتى بنذاكر لازم بردو ابين انى مجتهده ههههههه المهم سمعنا صوت دش دش دش حاجات بتكسر ايه يابنتى فى ايه حصل قالتلى مش عارفه بنبص لقينا الناس طالعه من البلوكونات والى برمى كوبيات والى برمى ازايز ازاز والى برمى اطباق حاجات بتتكسر قال يعنى بيكسروها ورا السنه القديمه على اساس انها كبيسه والى جاى احلى والله اعلم احنا مستنين الاحلى اهو بس شكلها هتطول ههههه مش موضوعنا المهم وطبعا فرقعات فى السما وانوار وليزر اهوال احتفالات بليلة راس السنه المهم انا وصاحبتى ساعتها صراحه قعدنا نضحك ودخلنا انا وهى صلينا ركعتين وقرينا قرأن قولنا نبتدى بها السنه الجديده مع ان السنه الجديده هجريه يعنى المفروض بس مش عارفه ليه عملنا كده ممكن المشهد استفزنا مش عارفه بس دا الى حصل مننا وقتها
اكتشفت بعد كده ان فى محافظات كتير بتعمل كده عندنا وببقا فى تجهيزات من قبلها واهو احتفال من ضمن الاحتفالات طبعا الاحتفال بالطريقه دى حرام لامحاله وساعة ماتقول حرام يقولك ياعم انت بتحرم كل حاجه الناس زهقت ومش فى حاجه تفرحها الناس مبتصدق تفرح وطبعا دى الكلمه المشهوره عندنا
المهم تصحى الصبح فى البلاد الى بتكسر ازايز دى تلاقى الارض كلها ازاز بتوع الزباله بيكنسوا والعربيات خايفه تمشى الكوتشات تبوظ وجو كده وليه اصلا متعرفش اهى الطقوس كده.
انا مش بعترض على حد يقول سنه جديده سعيده والكلام دا لان اصلا اغلبنا ان لم يكن كلنا بناخد بالسنه الميلاديه وفى ناس مبتبقاش عارفه السنه الهجريه سنة كام او يوم ايه فطبيعى ودى طبعا مصيبه بس بردو مش موضوعنا المهم ساعة السنه الجديده ماتيجى بيبقا سنه جديده سعيده وانا عن نفسى ببعت رسايل لصاحبى وhappy new year ولو حد كلمنى يومها اكيد بقوله سنه جديده سعيده وبردو بعمل كده فى السنه الهجريه بس فى فرق هنقول فى السنه الميلاديه سنه جديده سعيده وhappy new year والكلام دا كله بس فى السنه الهجريه بتبقا التهنئه كل سنه وانتم طيبين كل عام وانتم بخير بنحس انه احتفالنا بتاعنا بردو في الاحساس ان دا عيدنا
الفكره مش فى الكلام دا كله ولا بحرم وبتشدد واقول لا محدش يقول حتى سنه جديده سعيده بس انا بستغرب من الاحتفالات الى بتحصل بستغرب وبتعجب من العادات الى مينفعش نقول دى عادات ونعديها مينفعش اصلا تبقا لينا عادات كده مينفعش نحتفل بالطريقه الى بنشوفها دى انا مش عارفه ليه انا كتبت الموضوع دا بس انا من ضمن الملايين الى حاسين ان حالنا بقا يحزن من ضمن الناس الكتير الى بتسأل امتا العادات والتقاليد ترجع تتوافق معانا تانى مع شعب مسلم فاهم وواعى امتا مش نقلد وخلاص انا مقولتش متفرحوش افرحوا بس بطريقتنا احنا وباسلوبنا احنا
فى حاجات كده مينفعش نعملها وخلاص لازم دايما يبقا فى بالنا ان فى ثواب وفى عقاب فى الله سبحانه وتعالى فوق موجود وشايف ومتطلع زيها زى الى فى فرح تلبس لبس مينفعش يتلبس مثلا وتقولك انا فى فرح او تروح تصيف المنظر كله يتغير تقولك ايه مصيف على اساس انهم مداريين فى الاماكن دى ربنا مش شايفهم زيها بالظبط زى الى يحتفل براس السنه الاحتفالات الغريبه دى ويقولك سيبونا نفرح دا يوم طب ماكويس اننا عارفين انه يوم ومكتوب علينا كل الى بنعمله فيه يوم عدى علينا وارتكبنا فيه زنب وان كنت فخمت الكلمه شويه بس انا شايفه انه زنب يوم واحد فى السنه فى كام زنب بيتعمل وكام سيئه بتحصل مننا يعنى الموضوع مش ناقص زيادات كمان فوقيه
معلش بقا انى طولت عليكم انا مش كاتبه كموضوع يعنى يتقلى فيه شكرا وعارفه ان فى ناس هتحس انه أوفر شويه انا نفسى مش عارفه ليه كتبته بس يمكن عشان بجد الى بحصل دا كتير والمفروض بقا نفوق شويه ونشوف الصح ونعمله ندور على الى يعلى بينا مش يقلل
انتوا ايه رأيكم
كلامى دا صح ولا زودتها

واخيرا happy new year 2010ويارب تبقا سنه احسن من الى قبلها على الجميع

موضوع غريب شويع بالنسبالى لانى مشفتش حاجه زى كده بس لو ده بيحصل يبقى الناس عندهاا شويه طاقه وهم وحزن فبتلكك بموضوع السنه الجديده عشان تخرج الطاقه الزايده دى والله اعلم..............شكرااا على الموضوع ده يا جمييييييييل

موضوع جميل يا ميمو واسلوبك فى الكتابة ولا اروع
بس للاسف بردوا انا عمرى ما شوفت الطقوس دى
شكلها الكلام ده عندكم انتم بس ولا ايه؟؟؟؟؟؟؟؟؟؟

موضوع جميل يا ميمو
اناسمعت عن حاجة زى كدا بس مش فاكرة من مين كنت فى الكلية وكانت واحدة بتحكى برضوا
وكمان حكاية الصواريخ اللى بيضربوها بكمية كبيرة فى الليلة دى او مثلا فى رمضان معرفش برضوا ايه علاقة رمضان بالصوارخ!!!!!!!!!!!!!!!!

بس مش دا المهم
المهم ان فية عندنا عادات كتير وتقاليد تافهة او متنفعش و لى ميمو بتقول عليه يعتبر حاجة منها
يلا نخليها دعوا من منتدانا نقول فيها
ياريت كل اللى يشوف ان سلوك ما فى مجتمعة يعتبر عادة سيئة يبدا بنفسة وميعملوش وكمان ياريت يتكلم فية مع المحيطين بية وبلاش كلمة هو انا اللى هغير الكون وشعار كل واحد فينا يكون هبدا بنفسى
مرة تانية شكرا يا ميمو على الموضوع
وبجد ماشاء الله على تصرفك انتى وصحبتك فى الليلة دى
يارب دايما اقرب اللى الله
تقبلى مرورى وتحياتى

ضواحين بيكسروا بلا ليس وزيار وبيختومها بالجزم والقباقيب هههههههههههههههههههه واهو احسن من الزجاج ليعور رجلينا ههههههههههههههههههههههه وhappy new yaer2010

وده منى ليكوا ماتيجوا نتكلم شويه...HAPPY NEW YAER2010 Princesscastlecakebypin

ساسو محمود فلور جوجو
تسلموا جميعا على الردود الجميله وزى مافلور قالت ياريت كل واحد يبدء بنفسه ويتناقش مع الى حواليه ممكن العاده السيئه دى تنتهى
وشكلك يامحمود مش خدت بالك انى بقولك انها مش عندنا اصلا انا اول مره اشوفها لما دخلت الكليه واستغربتها ممكن بتحصل عندنا وانا مش شوفتها والله اعلم
تسلموا يااجمل اعضاء على الردود الجميله نورتونى

قصة فيلم روعة
بس بجد انا كمان عغمرى ماشفت الكلام دوة

شكرا يااحمد نورت الموضوع

العفوووووووووووووووووووووووووووووووووووووو

العفو يا ميمو وطبعا انا مقصدش اتريأ انا بهزر وتسلمى عالموضوع

تسلم يااحمد نورت الموضوع

هو التكسير ده أنا مسمعتش عنه قبل كده

و طبعا لازم كل واحد يبدأ من نفسه و اللي حواليه

شكرا ليكي يا ميمو

تسلم يامنوفى نورتنى

انا من صعيد مصر
يارب ما يكونش موضوع التكسير ده انتشر
لأنه لو حصل عندنا
مش هايكون تكسير قزاز
لأ دا هايبقي تكسير ضرب نار في المليان
ويقولك خلينا نعيد

هههههههههههههههههههههههه
اهلا بيك يا مندور
نورت منتداك
خلي بالك بقي لتنتشر الفكرة عندكم
ههههههههههههههههههههههههههههههههه

ههههههههههههه
ربنا يستر
و كمان لو الموضوع ده إنتشر بجد.
انا هاكتب علي باب بيتنا
مقر القاعدة الجديد
دا من باب الإحتياط يعني.
و خلي كده حد يضرب نار في شارعنا
تلاقي القاعدة كلها قدام بيتنا قاعدة
و بتشرب شاي.
هههههههههههههههههههههههه

هههههههههههههههههههههههههههههههههههههههههههههههههههههههههههه

» تعالوا نفرفش و نتكلم هنا في الكورة
» البيت بيتك(ماتيجوا نجرب)!!!!!!!!
» البلد دى عباره عن دايره مش مصدقين طب ماتيجوا ونشوف!!!!!!!!!!!!!!
» شويه نكت جامده جداااااااااااااااا
» اضحك شويه ...........