كرســــــــــــــــــــــــــــى الاعـــــــتـــــــــــــراف

طيب انا ممكن اسال لغاية ما استاذ سعد يحضر عريضة الاجابة
ميـــــــــــــــــــــــــــــــــــــــــــــــمو
س: ما هو هدفك فى الحياة ؟
س: ما هى الوسيلة لتحقيق هذا الهدف ؟
كفاية كدا لغاية محضر كام سؤال رخم كدا وارجعلك ههههه

اوباااااااااااااااااا ليه الغلط دا بقا دانا طيبه والنعمه ههههههه

نجاوب بقا وامرنا لله

انا كان ليا هدف بس الحمدلله متحققش وهو التعيين فى احدى الهيئات القضائيه

دلوقتى بدئت افكر انى يبقا هدفى حاجه تانيه خااااااااااالص احضر الدبلومه واراجع القرأن بأذن

الله

ومتهيالى دول الوسيله لتحقيقهم منى انا يعنى عزيمه ورغبه مفيش ليهم وسيله تانيه

واتجوز بقا واربى العيلين وخلاص ههههههههههههه

وبلاش اسئله رخمه عشان انا اصلا الكرسى دا مش مريحنى وناويه اقوم ههههههههههههههه

ههههههههههههههههههههههههههههههههه
ماشى مش هتقل عليكى وربنا يحققلك كل اللى بتتمنية وربنا يوفقكم حضرتك والمدير باذن الله ويكرمكم بالعيلين هههههههه

ربنا يخليك شكرا شكرا اسئله سهله بقا ماشى

ربنا يوفقك انت كمان يارب ويحققلك كل الى بتتمناه

ياجدعان فين الاسئله لو قومت مش هقعد تانى انتوا حريين ههههههههههه

هههههههههههه

يااستاذنا انا بس نزلت الاسئله دى لحضرتك عشان عايزين نستفيد منك واهو اجابات متوقعه من شخصيه جميله زى حضرتك

انا مستنيه الاسئله اهو ملتزمه اهو ربنا يستر بقا

هههههههههههههههههههههههه طاظا مــــــــــــــــــــين ؟

هههههههههه

افضلوا هزروا ومفيش اسئله لحد مااقوم انا بتلكك هههههههههههه

لالالالالالالالالالالا عشان خاطرى اسئلها اسئلة كدا من اللى قلب سعادتك يحبها دنا بقى هبقى طاظا ساعتها انا مستنى يا كبيرنا ياواخد حقنا ههههههههههههه

أو أو ههههههههه

ههههههههههههههههههههههههههههههه خلى بالك بقى

هههههههههههههههههههههههههه حلوة مووووووووت الاسئلة دى لالا دنتا تشرب الشاى وتاكل وتمخمخ كدا لانها الواضح كدا هطول معاها الاجابة هههههههههه
ربنا يقويكى يارب

طب انا ممكن اجرى ولا قفلتوا الباب ولاايه هههههههههههههه

اجاوب بقا وخلاص

شخصيتى فى المنتدى زى الحقيقه بس تفرق عنها انى فى الحقيقه شخصيه خجوله خالص ومش

بعرف اهزر مع اى حد واتكلم عادى كده لازم اخد على الى قدامى الاول عشان اقدر اتعامل

عادى جدا زى المنتدى يعنى ودا صعب شويه لانى شخصيه منطويه شويه مبعرفش اخد على

حد بسرعه القريبين منى اوى عرفينى ان انا زى المنتدى بالظبط بهزر وبتكلم عادى لكن الى

مش قريبين منى اوى يعرفوا ان انا شخصيه منطويه وصعب انى اهزر مع حد واتكلم عادى

كده

مش بعرف اشيل من حد بحب كل الناس الى بتعامل معاهم وبتعامل بصفا نيه جدا يعنى حتى

الى مش واخده عليهم مببقاش واخده عليهم اه بس بحب كل الناس تبقا فى احسن حال ويمكن دا

حاجه غلط انا اصلا بحس انه غلط بس مش بعرف اتعامل غير كده لان فى ناس بتعتبر ان دا

افوره منى وانى عايشه حياة المثاليه يعنى

بس والله هو انا كده مش بعرف اتغير برغم ان ناس

كتير شايفه ان دا غريب وانى بالمعنى العام يعنى برسم ودا موجود فى الحقيقه والنت
بخلاف العيوب يعنى الكتيييييييييييييرالاكيد موجوده بس اكيد مش هقولها هههههههههههه

دا حياتى فى المنتدى وحياتى فى الحقيقه والفرق بينهم


دا بالنسبه لاول تلت اسئله



4- عرفيين مفهوم الحياة الأسرية ؟
5 -عرفيين مفهوم الحياة العملية ؟
6- عرفيين مفهوم الحياة الزوجية ؟

الحياه الاسريه عندى تعاون واخلاص وموده

والحياه العمليه عندى اخلاص ومراعاة ضمير

الحياه الزوجيه عندى تفاهم واخلاص وموده ورحمه وحب

هل فعلا وجدى ماكنتى تبحثين عنة ؟

اه الحمدلله


1- المدير اقرب انسان ليا

2- القناص الوطنى

3-محمود بيك المحترم

4- المنوفى زوق المنتدى

5- الاستاذ رامى كمال القانونى

6- قلب الأسد عقل المنتدى

7- جوجو اخف دم

8- jojo حبيبة قلبى

9- هالة الام المنتظره

10 - سلسو روح المنتدى

11- فلور سكرة المنتدى

12 -نور القلوب امورة المنتدى

13 - ضى القمر عسولة المنتدى

14- منتدى راجعون الى الله

اجمل منتدى لانه عرفنى على اجمل واحسن اخوات

ربنا يديم المعزه بنا يارب

وانا كده جبت عصارة دماغى وسيبونى شويه بقا الم تراكيب دماغاتى

واجيلكم ههههههههه

اخجلتينى بكلمتك عنى وعشان كدا انا عفوت عنك هههههههههه اوعى تصدقى
موضوع ان الناس مش عايزة كدة انت ملك نفسك واللى انتى شايفاه حيرضى ربنا فى تعاملك مع الناس هو اللى اهم ناس كتير بتعامل اللى قدامها زى مابيعملوهم ودة فى نظرى مش حلو المهم نشوف رسولنا الحبيب الكريم كان بيعامل الناس ازاى ونحاول نمشى على خطاة وابسط مثال نشوف سيدنا الحبيب صلى الله علية وسلم لما كان بيعامل ابى لهب رغم ازيتة له وكتير من الامثلة فانا رائى ان ربنا يبقى راضى عننا احسن من الدنيا والبشر والكائنات كلها ويارب تفضلى كدا على طول دة حتى جاية من اسم ربنا العفــــــــــــــــــــــو الرؤوف ربنا يوفئق فى حياتك

شوفت بقا شوفت دا رشوه بس عشان لما تنوى تسئلنى تبقا رحيم يعنى هههههههههه

بجد كلامك صح جدا المهم انى اتعامل بالطريقه الى ترضى ربنا مش اى حاجه تانيه

استنى بقا لما نشوف استاذ سعد هههههههه

يااستاذنا هوانا لحقت اخد نفسى ههههههههههه

حاضر هجاوب مانا الى عملتها فى نفسىىىىىىىىىىىىىىىىىى



الحب اجمل احساس فى الدنيا لما يكون صادق

الاخلاص مهم جدا لنعيش حياه كريمه

الوفاء اساس راحة الضمير

الفرحه ربنا يديمها على الجميع اجمل احساس لما تفرح من قلبك

العطاء اصل التواصل بين الناس فمن ياخذ فقط يفقد كل شئ

الكراهيه اعاذنا الله واياكم منها وبعدها عن قلوبنا احساس بغيض قد يتسبب فى فقد صاحبه لنفسه


الخيانه اسوء شعور فى الدنيا اعاذنا الله واياكم منها

الحسد مذكور فى القرأن وموجود فالعين قد تتسبب فى الحسد بدون قصد صاحبها ولذلك فاى شئ يبهر شخص او يعجب بيه لابد ان يقول ماشاء الله لاحول ولاقوة الا بالله وربنا يحفظ عباده ويسترها معانا جميعا

النحس معتقدش ان فى حاجه اسمها نحس حياتنا كلها اقدار ولو شئ سئ حصل فدا لايتعلق بشخص ما بل يتعلق بحكمة ربنا الى اكيد حكم بيها لصالح عباده وبخير ليهم

التفاؤل لابد من وجوده فى حياة الانسان فرسولنا الكريم صلى الله عليه وسلم قال تفائلوا خيرا تجدوه

قبل ما تتخطبى كنتى تؤمنى بالحب ؟
وايه رأيك بعد ما اتخطبتى هل رأيك اتغير؟
لو واحد عاكسك وانتى ماشيه فى الشارع هتقولى لخطيبك ؟ وفى كلا الفرضين ليه؟ وشايفة كده صح ولا غلط ؟
طبعا انا مش بسألك على اسمك لانى طبعا عارفه لكن كان نفسك يبقى اسمك ايه ؟
طبعا انا عارف انتى نفسى تسمى بنتك ايه والسؤال اشمعنى الاسم ده وايه اللى خلاكى تحبى الاسم ده بالذات ؟
مين افضل شيخ تحبى تسمعيله قرأن ؟
وايه رأيك فى الشيخ مشارى العفاسى ؟
وايه رأيك فى الشيخ احمد العجمى؟
منتدى راجعون فى الاول كنتى بتقولى عليه ايه ودلوقتى رأيك فيه ايه؟


طبعا انا عارف انى هضرب بعد الاسئلة دى بس كنت عاوز اقولك ان انا كده بسخن بس يعنى التقيل جاى ورا ههههههههههههههه

ياباى على الناس الى مابتصدق طب حد عايزنى فى حاجه ورايا مشوار كده هيخلص على قيمة سنتين هخلصه واجى ههههههههههههههههه


انا هرد اهو يارب دانا طيوبه والنعمه ههههههههه

قبل ما تتخطبى كنتى تؤمنى بالحب ؟
لا مكنتش بؤمن بيه خالص وكنت علطول اقول لاصحابى بطلوا هبل ازاى تخلوا حد يتحكم فيكم وفى مشاعركم بس الحمدلله حصلى بعد اتخرجت الا كانوا اصحابى زئلونى بالطوب هههههههههه


وايه رأيك بعد ما اتخطبتى هل رأيك اتغير؟

طبعا اتغير الحب اجمل احساس فى الدنيا بس لما يكون صادق وبجد
وانا والله كان الى بيخلينى شايفه ان الحب دا هبل لما الاقى صحبتى بتعيط من واحد بتحبه ولا مش عارفه شتمها فى الشارع قلها ايه فدا كان بيخلينى بقول ليه يعنى وخصوصا انى حوده كرامه شويتين تلاته اربعه كده يعنى هههههههههههههه


لو واحد عاكسك وانتى ماشيه فى الشارع هتقولى لخطيبك ؟ وفى كلا الفرضين ليه؟ وشايفة كده صح ولا غلط ؟
انا بصراحه بقول وانت تشهد بكده والنعمه هههههه لانى شايفه انى ارتباطى بزوج المستقبل يعتبر انا وهو واحد والصراحه بينا ولو فى اقل حاجه هتبقا سبب كبير لنجاح حياتنا مع بعض وعلى فكره فى كتير بيقولوا ان الصح ان مش كل حاجه تتقال لشريك الحياه ولازم يبقا فى خصوصيه احمد ربنا يعنى وبوس ايدك وش وضهر يعنى هههههههههههههههه


طبعا انا مش بسألك على اسمك لانى طبعا عارفه لكن كان نفسك يبقى اسمك ايه ؟

لاانا بحب اسمى الحمدلله

طبعا انا عارف انتى نفسى تسمى بنتك ايه والسؤال اشمعنى الاسم ده وايه اللى خلاكى تحبى الاسم ده بالذات ؟
والله مفيش سبب معين بس انا بحس انه رقيق وجميل ياسمين ياجماعه بذمتكم وحش

مين افضل شيخ تحبى تسمعيله قرأن ؟

الشيخ محمد رفعت صوته بيحسسنى بجو رمضان ولو فى اى وقت


وايه رأيك فى الشيخ مشارى العفاسى ؟

مسمعتوش الا لما اتخطبت ليك مكنتش بحبه صراحه بس دلوقتى بسمعه عادى مش بحبه ومش بكرهه


وايه رأيك فى الشيخ احمد العجمى؟

دا من الشيوخ الكبار الى صعب انى اقول رائى فيه طبعا


منتدى راجعون فى الاول كنتى بتقولى عليه ايه ودلوقتى رأيك فيه ايه؟

ليه الاحراج دا بقا ههههههههههه

بصراحه انا كنت بقول عليه ممل ومكنتش بدخله كتير خالص كنت بدخله بحس ان الى موجود فيه نفرين ومفيش ردود هو شكرا ودمتم بس شويه بشويه بقيت بحب ادخله خالص ودلوقتى مبيته فيه علطول كفايه الصحبه الحلوه الى فيه والناس الجميله الى بجد ربنا كرم المنتدى بيهم وربنا يديم الروح والاخلاق الحلوه دى فى منتدانا يارب

وعلى فكره بقا يامحمود انت شكلك داخل تنتقم وانا اصلا الكرسى دا ضاق كده ومش مريحنى وحاسه فيه كده بنوايا مبيته والحقونى بقا قبل ماالحق انا واجرى ههههههههههههههه

جاوبي علي اسئلة استاذنا الغالي

حاضر والنعمه هجاوب اهو ياجدعان انتوا مستقصدنى ليييييييييييييييييييه ههههههههه

1- الصبر مفتاح الفرج
2- الابتسامة الطريق الى كل قلب
3- التسامح صفه من صفات دينا وتحلى الجميع بيه يصحح اشياء كثيره
4- المغفرة صفه من صفات الله عز وجل وادعو الله ان نتحلى بيها جميعا فهى نقاء للقلوب
5- البحر شبيه البشر ولكن مع اختلاف الادوار والاجناس
6- الهدوء عالمى
7- لو شايفة خطأ من الممكن تنبهينى منة

ولا تخافى ؟ ولا كسوف ؟
مش فاهمه بس لوزى مافهمت خطر على حضرتك اكيد اكيد هنبه حضرتك ومش هخاف ومش هتكسف بالعكس وحتى لو اتفهم غلط بس احس من جوايا انى حاولت

8- ولو هذا الخطأ من جوجو & نور القلوب & ضي القمر ؟

ماذا انفعالك لهم ؟

هنصحهم بجد ومن قلبى لانهم اخواتى الصغيرين واى بنت عموما والله ولو مش سمعوا نصيحتى هحاول معاهم تانى بس بطريقة التهديد او التخويف وليس شده عليهم ولكن خوف اذا منفعش هقول لحضرتك او لعمهم وهو يحذرهم ويتعامل مع الموقف بس هحاول اوى لانى ساعاتها هعتبر ان دا واجب عليه وهتحاسب عليه

9- ولو كان هذا الخطأ من jojo & هالة & ساسو ؟

هنصحهم واحاول معاهم مره واتنين لانى مبحبش ابقا انصح بطريقه منفره متتقبلش لان انا عن نفسى لو حد بنصحنى بطريقه منفره انا عمرى مااقبل بنصيحته فلازم اكون نصيحتى بطريقه تحسسهم انى خايفه عليهم مش عايشه دور اىل عاجبها دور الى بتنصح وخلاص ولو مش سمعولى هحاول اشدد نصيحتى واتخذ اسلوب الترهيب ان لازم يسمعوا بنصيحتى والا يحدث مالا يحمد عقباه وانا كده برضى نفسى اولا لان اى بنت اعرفها او معرفهاش او اى حد اعرفه دا واجبى ناحيته


10- ولو هذا الخطأ ليس من المعارف وفى الطريق العام ؟

اكيد هحاول اساعد مع انى رفضت شكل من الاشكال فى الشارع مره ومنولتش غير انى اتهزقت بس والله هحاول حتى عشان احس انى راضيه عن نفسى

وربنا عالم انى اى اجابه جاوبتها هنا على الاسئله كلها من القلب وبكل صدق

الله الله على اجاباتك ياميمو ربنا يبارك فيكى

يلا بقى حد يسال الاستاذة ميمو اسئلة صعبة مكلكعة كدا عشان تلحق تجاوب ههههههههه

تسلموا يارب وانا مستنيه اهو الاسئله المكلكعه بس اكتر من كده يبقا حرام والنعمه ههههههههه
فى اسئله تانى ولا اروح