فيديو: شبانة يهاجم كريم حسن شحاتة بلفظ خادش للحياء العام.

هاني سعيد
كورابيا ـ عبد الموجود سمير


شن الإعلامي محمد شبانة هجومًا ضاريًا على كريم حسن شحاتة، مشيرًا إلى أنه يحقق نجاحات إعلامية كونه نجل المدير الفني للمنتخب المصري لكرة القدم.

ورصد شبانة من خلال برنامجه "كوورة أون لاين":لحظات نزول لاعبي المنتخب المصري والجهاز الفني من الحافلة التي أقلتهم من ملعب المباراة إلى مقر إقامتهم، واستعرض نزول اللاعبين لاعبًا لاعبًا والجهاز الفني فردًا فردًا، وعند استعراضه للحظات نزول كريم حسن شحاتة، تحدث قائلا" مين ده .. مين ده يا جماعة .. ده كريم حسن شحاتة .. ليه يركب الأوتوبيس مع اللاعبين .. ما الذي يميزه عن باقي الإعلاميين حتى يكون متواجدًا في أوتوبيس اللاعبين .. بل الأدهى أنه يرتدي قميص المنتخب وكأنه أحد اللاعبين.

وأضاف شبانة" إن هناك العديد من الإعلاميين المتواجدين مع بعثة المنتخب .. ولهم من الخبرة الإعلامية التي تفوق كريم بمراحل .. إذن فلماذا يتميز عنهم ؟.. لابد أن يتمايز .. إنه ابن حسن شحاتة".

وواصل المقدم حديثه قائلا" إن كريم يعمل في شركة بتروجيت .. ويأخذ من المال الكثير .. وهو متغيب منذ أكثر من 25 يوما دون إذن ولا يجرؤ أي أحد على الاقتراب منه .. أيكون هذا لأنه ابن حسن شحاتة .. ولو هناك أحد غيره لكان .... ( مستخدماً لفظا خادش للحياء ).

وأبدى الإعلامي اعتذاره عما تفوه به، مشيرًا إلى أنه خرج عفويا بسبب حزنه على أبناء هذا الشعب الكادح الذي يكافح من أجل لقمة العيش .. فيما تأتي الحياة رغدة لـ كريم لا لشيء إلا لأنه "ابن حسن شحاتة".
......................................................
تعقيب كاتب الموضوع:

عليه العوض فى الاخلاق وفى القيم خلاص بقى الالفاظ السيئة والسب والشتائم عينى عينك فى التلفزيون والصحف هو ده الاعلام بتاعنا الى بيعلم انحطاط القيم والادب هو ده الى المفروض بيعلم الناس السلوك القويم ولله ده هم الى عايزين حد يعلمهم الادب ازاى الاعلام وصل لهذة المرحلة وخلاص بقينا بنسكت وكانة بقى شئ طبيعى عادى بناتنا وابنائنا واسرتنا تسمع الكلام ده ليه وهما قاعدين بيتفرجوا على برنامج المفروض انه محترم هو دلوقتى اى واحد عايز يقول كلمة خلاص يقوم يشتم عايز يدافع عن مصالح الشعوب يقوم يشتم ايه الانحطاط ده والموضوع ده مش شبانة بس دة هناك من امثاله كتير وللاسف مالين القنوات ذى الذباب والبعوض انا بجد زهقت من البلد ده والى بيحصل فيها ايه ده حرام بقى مفيش وقفة قلة الادب بقت كده على الهواء مباشرة وبنتحدث عن الاحترام البقاء لله فى الاحترام والادب والقيم خلاص معدش فيه قيم اذا كانت القنوات والاعلام بقى وكر للفساد وعرز لقلة الادب وهتك اعراض الناس.......
ولله .....حسبى الله ونعم الوكيل فى الناس ده والمسئولين الى سيبينهم يتكلموا................... شعار مصر القادم"اشتم اهتك اعراض الناس قل فى ادبك اضرب ان ارادت وعلى الهواء مباشرة" والمقابل الشهرة والمجد هذا هو اسهل طريق للشهرة والمجد يالا يا جماعة ادينى عرفتكم طريق عظيم علشان تشتهروا بسرعة......يالا مستنى ايه الحق قبل غيرك.....
الف شتيمة جديدة تاخد عليها وسام الجمهورية من الطبقة الاولى.....تالف اتنين تاخد التالتة هدية ......طبعا تالف اربعة تبقى وزير .....استغفر لله العظيم فى ده بلد فعلا انها بلد يحكمها قانون ام ترتر وفعلا عظيمة يا ام ترتر ده انتى طلعتى اشهر من الاهرامات وابو الهول اصبحت شخصية معروفة وبالرغم ان لم يعرفك احد ولا رئاكى من قبل اصبح اسمك مرتبط بمصر...فاصبحت مصر ام ترتر ...ةام ترتر مصر ...حسبى الله ونعم الوكيل.......حسبى الله ونعم الوكيل.