مسابقة شاعر المنتدى خطيرة جدا برجاء الدخول

بسم الله الرحمن الرحيم

السلام عليكم ورحمة الله وبركاته

اخواني واخواتي اعضاء و مشرفين والقائمين على هذا المنتدى الشامخ منتدى راجعون الى الله اقدم لكم فكرة رأيتها فى احد المنتديات وحبيت اعرضها لديكم و ارجو أن يطلعون على هذا الموضوع المشرفين والاداريين

اليكم شروط المسابقة:-

أولاً: لجنة التحكيم:
1- موضوع لجنة التحكيم اتركها للمشرفين ينتقون أجزل الشعار لكي يكونون أعضاء لجنة التحكيم .

ثانياً: شروط المسابقة:
1- الي يبي يشارك يكتب كالآتي:
الاسم: روتانا
الدولة: مصر

2- تكون القصيدة من 10 الى 20 بيت .
3- موضوع القصيدة يحددها الشاعر .
4- لا تكون القصيدة متجهَ الى النعرات القبلية ولا ضرر ان تأتي ببيت او بيتين .

ثالثاُ: النتائج:
1- للجنة التحكيم 50 % في المية و للأعضاء 50 % .
2- طبعاً تصويت الأعضاء عن طريق وضع موضوع استفتاء والتصويت من خلاله للشعراء المشاركين .

أخيراً: المراحل:
1- تتقسم المراحل على حسب عدد الشعار المشاركين في هذه الماسبقة .
يعنى لو دخل المشابقة عشرة اعضاء يبقى دى المرحلة الاولى من المسابقة وكل مرحلة يتم استبعاد اقل اتنين حصلوا على اصوات لحين الوصول الى المرحلة النهائية اللى بيكون التصويت بين عضوين اثنين فقط.
وطبعا كل مرحلة بقصيدة مختلفة

أعتذر لكم لإطالتي و أتمنا شخصياً حضور الكثير من الشعار وقبل ذالك أتمنا قبول الأدارة لهذه المسابقة

عن نفسى انا هألف الشعر الخاص بيا وهنزله فى اقرب فرصة
وعلى فكرة تانية يعنى انا لا بعرف اكتب اشعار ولا نيلة انا هألف يعنى كده سواء حلوة سواء وحشة اهو كله فى خدمة المنتدى الرائع ده

انا ممكن اشارك معاكم فى الموضوع ده على فكره انا بكتب اغانى راب يعنى لما تحبو تفرفشو وتزهقو من كتابه الشعر انا ممكن االفلكم غنوه حلوه كده على المنتدى وممكن اى مشرف من المشرفين يبقى يعملها دخله للموقع الاساسى
ولو على الشعر انا ممكن اكتب بس كتير عليا 10 ابيات انا ممكن اكتب بالكتير بيتين او ثلاثه على الاكثر
وبتقدم بالشكر لاداره المنتدى شخص شخص على المجهود الرائع ده

اوعي المظاهرتخدعك @ ولا كلمه حلوه توقعك @ ولا صاحب ندل يضيعك @ولا عيشه مره تغيرك @ولا قلب عشقته يحيرك @ ولا ناس حبتها تدمرك @ ولا غربه صعبه تكسرك @ ولا حبيب مخلص يخصرك @ ولا دمعت حزن تسهرك @ ولا كلمه تقولها تصغرك @ دى الدنيا لحظات @ والناس مقامات @ والزمن مسافات والحب كلمات @ وانت زى الورد ان دبل مات

وتوت توت توت توت شد حيلك يا كتكوت

يا استاذ دشملا
اولا احنا عاوزين اشعار مش رسائل موبايلات
ثانيا يجب ان تكون من تأليف العضو مش مقتبسة
ونتمنى المزيد من حضراتكم

طيب اذكان كده بقى يبقى انتو بقى الى عوزين كده خدو حزن للصبح

حزين انا وحزنى اليم حزين انا واعيش لمين
حزين انا وجوايا انين حزين انا وفى انفاسى ضنين
حزين وحبيبى من الناسيين حزين انا ولكن اقول لمين

جميله اوى اوى ياروتانا والمسابقه فعلا كانت مقامه بس للاسف وقفت لعدم وجود مشاركين
شكرا ليكى على الاهتمام والفكره الجميله وفى انتظار كل المشاركين
وانا بقا اقبلونى معاكم فى المسابقه ممكن ولا ايه؟؟؟؟؟؟؟؟؟؟؟؟
انا بكتب شعر مش بطال والنعمه

حلوة اووووى الفكره دى يا روتانا وانا هحاول ابقى معاكو لانى مش ولابد فى الشعر

خلاص كده يبقا اربعه ساسو وداشمالا وروتانا وميمو
يلا مين تانى ؟؟؟؟؟؟؟؟؟؟؟؟
استاذ داشمالا كلمات جميله
بس بعد اذن حضرتك استنى لما باقى المتسابقين يتجمعوا
واكتب حزين فرايحى زى ماحضرتك عايز

فكرة ممتازة يا روتانا ............
أنا معاكوا .............بس بأمانة أنا مبكتبش شعر ولا زجل ...........
يلا احنا مستنيين ابداعاتكم

يبقا حضرتك لازم تجرب كده بقينا خمسه باستاذ احمد
يلا مين تاااااااااااااانى ؟؟؟؟؟؟؟؟؟؟؟؟؟

أنا ما بكتبش شعر بس ممكن اقول همسه من هماساتى

**************************
**************************لو كــــان الحب أمامه مرآه لرأى العذاب

ولو كان العذاب أمامه مرآه لرأى الأنسان
ولو كـــان الأنسان أمامه مرآه لرأى نفسه
وإن الـنفـس آمــــــــــارة بـــــالــســـــوء
فيـــارب إجعــــل نفســــى أمـــارة بالخير
وإبــــعـــدنــــى عـــــن كـــــــــل شـــــر
يــــــــــــــــــــــــــــــــــــــــــــــــــارب

لو كــــان الحب أمامه مرآه لرأى العذاب
ولو كان العذاب أمامه مرآه لرأى الأنسان
ولو كـــان الأنسان أمامه مرآه لرأى نفسه
وإن الـنفـس آمــــــــــارة بـــــالــســـــوء
فيـــارب إجعــــل نفســــى أمـــارة بالخير
وإبــــعـــدنــــى عـــــن كـــــــــل شـــــر
يــــــــــــــــــــــــــــــــــــــــــــــــــارب

الاول حمدلله على السلامه ياقمرايه وحشتينا اوى كنتى فين دا كله يارب تكونى بخير
التانى بقا همسات جميله اوى وبما انك بتكتبى همسات حلوه اوى كده مستنين الشعر بتاعك وكده خلاص انتى مشتركه معانا كده بقينا سته ها مين تانى ؟؟؟؟؟؟؟؟؟؟؟
بدبسكم انا واخده بالى هههههههههه

انا كويسه جدا ياجميل معلش انا مشغولة شوية ادعيلى ربنا ييسره عليا وعليكوا
انا مابكتبش همسات كتير بس قولت اشارك علشان انتى فيها

كده كويس خالص لو الستة اشتركوا
عاوزين بقى كل واحد يكتب شعر بمعنى الكلمة وينزله
على الا يقل الشعر عن عشرة ابيات ولا يزيد عن عشرين بيت
مستنيه المشاركات يلاااااااااااااااا

يا جماعه امتى بقى هنبدأ نكتب الاشعار انا مستعجل بصراحه وعندى حزن وسواد فى قلبى هغرقو ابيات لحد لما تطردونى من المنتدى خالص
بس يا جماعه مش عوزين حد يتريق على الكلام بتعنا يعنى من الاخر (عوزين يكون سرنا فى بطننا) ههههههه

يلا يا استاذ دشملا نزلنا الحزن والسواد اللى فى قلبك وياريت يا جماعة نحترم ان المنتدى اللى احنا فيه ده منتدى دينى
ده تحذير ليا قبل ما يكون ليكم
يعنى الاشعار ميكنش فيها كلام خارج ولا تطاول على حد
مستنية اشعار كل واحد يلااااااااااااا
وانا كمان هنزل قريب

اي يا جماعة مش هنبدأ ولا ايه؟؟؟؟؟؟؟؟؟؟؟؟؟؟

يلا ياجماعه ان شاء الله هنزل القصيده بتاعتى ومستنيه قصايدتكم
بالتوفيييييييييييييييييييييييييييق

معلش يااستاذ داشملا تم حذف اللينك عشان المنتدى دينى
مينفعش فيه لينكات اغانى
بالتوفيق لحضرتك
يلا ياجماعه فى انتظار الاشعار فين ؟؟؟؟؟؟؟؟؟؟؟؟

سلام من القلب لكل الأحبة
سلام لكل مشارك
شاب كان أو حتى شابة
لو تقبلونى أكون معاكم
هلملم حروفى من أعلى تابة
وأنظم شعر ثقافى ؛ إجتماعى
دينى وعاطفى أوسياسى
ولو فى الطبيخ هاوصفلكم
كيف النسا تستخدم الكبة
وبنت حلوة إزاى بتحلم
تكون فى يوم أحلى شابة
وشاب فاضى عمال يقاضى
دبان خياله
عمال يبعزق فى الأحبة
ويمكن أغنى ع السلالم
للى صاحى واللى نايم
أنشد وأقول وحدوا الدايم
وألقى عودى فى كلامكوا عايم
عمال يلحن أنغامه ليكوا
لو ناويتوا تبتدوا
حد فيكوا ييجى يخبط ع الإميل
بس بشويش وحبة حبة
أصلى بخاف من غيرة الأحبة

شجعان شجعان شجعان ياولاد شجعان شجعان والله ورجاله

رجعتوا فرح زمـان بالفعل ومش بقواله

بالنصرخلاص رجعين دا أمل كل الملاين

ولا عادتش فيها كلام دى حقيقة ومش هزيان

وسلام من كـل قلبنا لولاد بلدى الجدعان

كلمات ولحن
الشاعر والملحن

محمود الضيف

» بدء مسابقة افضل شاعر فى المنتدى ارجو المشاركه من الجميع...........
» وتانى رجعنالكم مع مسابقة .. شاعر المنتدى مين هيشارك معانا
» قانون مسابقات شاعر المنتدى
» اسبوعيا مسابقة افضل شاعر يلا اجمل شعرا ادخلوا ورونا المنافسه واحسن اعضاء شعرائنا محتاجين ارائكم
» مسابقة افضل توقيع فى المنتدى