مقارنه بسيطه بين (الطفل الفافى) و (الطفل البيئه)........

دي مقارنه بسيطه بين (الطفل الفافى ) ... و(الطفل البيئه ) __________________________________
(الطفل الفافى) و (الهاى لايف) .....................................
1-الولد من دول يصحى على صوت الكنارى اللى فى اوضته ....
- سو سو سو سو .... -
_________
2-يدخل الحمام ياخد شاور .... ويغسل شعره بشامبو من ايطاليا .... ويحط
جيل بالمرز من فرنسا ويغسل سنانه بمعجون سيجنال تو .....
- بيتفرج على الام بى سى كتيييييييييييير _________
3- يطلع من الحمام يلاقى الداده مستنياه بفوطه من حريييييير .... وتلاعبه
وتهزر معاه بالانجليزى ....
- الداده معاها دكتوراه من جامعة اسفخص فى لندن _________
4-يخش على اوضته ... ويفتح الدولاب ويطلع منه هدومه المكويه واللى ريحة
اريال باينه فيها .....
- اريال .... نسيم الصباح -
__________
5- يجيب جزمته من الجزامه ... اللى مليانه جزم وكوتشيهات ...
وسبوووز .....
- تقولش دخلت محل لطفى أو توكيل تمبرلاند -
__________
6- ينزل يفطر مع مامى ودادى ... والفطار كورن فليكس بطعم الستروبورى او
الشوكولات ....
- كورن فيليكس كلووقز .. مش بسكو مصر -
__________
7- يسلم على مامى ويبوسها بعد ماتكون حطتله ديناربوكس بتاعه وفيه ....
ساندوتشين اتشكن ناجتس و كيس شيبسى و عصير جهينه او ايزى موزوو
- ايزى مووزو فاكرين الاعلان ده ؟؟؟ -
__________
8- يسلم على دادى اللي يديله البوكيت مونى بالدولار ..... مش يعرفو حاجه
اسمها جنيه طبعا
- جنيه ؟؟؟؟ دي عملة انقرضت من زمااان -
__________
9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات فى شرم وبس -
__________
10- يركب الباس بتاع السكول .... ويشاور (باى) للداده ولمامى ...
ويركب مع زمايله ويغنو بالانجليش او الفرينش .....
- فريرو جاكو .... فريرو جاكو ... هايللبّووه -
( الطفل البييييئه )
...................
1- دييييييييب .... اخوه رمى عليه طوبه عشان بقاله ساعتين بيصحى
فيه ... وهو ولا هنا ...
- طبعا .. مقضيها صرمحه في الشارع للفجر -
>>>>>>>>>>>>>>>>>>>>>>>>>>>>>>>>>>>>>>>>
2- العيال دى ماتعرفش اختراع اسمه (غسيل الوش بعد ما تقوم من
النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -
>>>>>>>>>>>>>>>>>>>>>>>>>>>>>>>>>>>>>>>>
3- طبعا بعد الخناق ده بيبقى جعان ... تلاقيه بيحوم في الشقه ويدور فى
المطبخ على اى حاجه ..... انشاله صرصار .. برضه هاياكله من الجوع
- عشان كده ماتلاقيش في بيتهم صراصير -
>>>>>>>>>>>>>>>>>>>>>>>>>>>>>>>>>>>>>>>>
4- بعد ما يحط في بطنه اي حاجه فى رغيف ... يدور على اي حاجه
يلبسها .... القميص مرمى تحت السرير ... ويقلع اخوه الصغير البنطلون
بتاعه وهو نايم ...
- هدومه كلها مكرمشه ... تقولوش طالعه من بق كلب -
>>>>>>>>>>>>>>>>>>>>>>>>>>>>>>>>>>>>>>>>
5- طب وبعدين .... ساعتين بيدور على الجزمه ... مش عارف رزعها فين ...
واخوه الكبير خارج من البيت حافى كمان عشان مايقولش انه خدها ... افتكر
اخيرا انه حاطط فرده منهم فوق الدولاب .... والتانيه ... تحت التلاجه
- طبعا ما يعرفش اختراع اسمه الشرابات -
>>>>>>>>>>>>>>>>>>>>>>>>>>>>>>>>>>>>>>>>
6- دلوقتي معاد حرب كل يوم ..
: ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
: فى دى ..... دييييب ...
- ضربة بالحله على نافوخه -
>>>>>>>>>>>>>>>>>>>>>>>>>>>>>>>>>>>>>>>>
7- الباشمهندس الصغير .... مايعرفش فين كتبه ولا كشاكيله اصلا .... عشان
كده ... خد اي كتاب موجود في البيت على اى كشكول ....
- مايعرفش يعني ايه قلم .... غير اللي بياخده على قفاااه -
>>>>>>>>>>>>>>>>>>>>>>>>>>>>>>>>>>>>>>>>
8- هايروح مدرسته ازاي ؟؟؟ طبعا اي ميكروباس او عربيه نقل وقضيها
شعبطه ....
- ليااااااااااااااااااااااااااااقة -
>>>>>>>>>>>>>>>>>>>>>>>>>>>>>>>>>>>>>>>>
============
في طابور المدرسه ....
============== =================
*الطفل الفافي (الهاف لايف) :
1- العيال كلهم واقفين في صفوف شكلها يفرح .. ده غير ريحتهم اللي زى
الفل
- نضافه ربااااااااانى -
=======================================
2- الطابور كله تمارين ونشاط ....
- على انغام الدي جى (ياسر شاكر) -
=======================================
3- الاذاعه المدرسيه .... اخبار من مجلات (واشنطون بوست)
- وطبعا .... مافيش ترجمه -
=======================================
4- يغنو النشيد الوطنى بقيادة المايسترو (سليم سحاب)
- (حسن كامى) ... كان بيغنيه معاهم قبل ما ربنا يفتح عليه -
=======================================
5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -
=======================================
*الطفل البيئه :
1- داخل المدرسه متأخر وحالته نيله
- اتشعبط في مكروباس (شبرا) ... ومدرسته اصلا فى (الحلميه) -
************************************************** ****
2- بعد التذنيب والشتيمه من مدرس الألعاب (حسن أبو شفه) ... انضم لباقى
زمايله فى المعتقل ... سورى ... زمايله فى المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك
فيهم -
************************************************** ****
3- الأثاحه الملثيه .....----> تحريف لكلمة (الاذاعةالمدرسيه) ...
- تخيلو انتو باقي الأخبار بقى -
************************************************** ****
4- النشيد الوطني اللي هم بيقولوه .... بتاع دوله مجهوله ... ونفسي
اعرف ايه هي؟؟؟
- طبعا على موسيقا آلات النفخ .... الشيشه -
************************************************** ****
5- فى مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -
************************************************** **** بعد المدرسه ما تخلص ... بيرجعو على بيوتهم بنفس الاسلوب .... ونشوف
يومهم عامل ازاي دلوقتي
*الطفل الفافي (الهاف لايف) :
1- يرجع من السكول تكون الداده في استقباله ... وتشيل منه الشنطه ...
ويغسل وشه ويغير هدومه
- والله العظيم ... وشه انضف من ما كان طالع الصبح أصلا -
#########################################
2- بعد ما اتشطف ....واتصبن - الكلمه دى متعوب عليها على فكره - يقعد
يلعب بلاى ستيشن لحاد ما يعملو الغدا
- الغدا بتاعهم بنشوفه في الأفلام الأمريكانى -
#########################################
3- هاني ... دينر از ريدى
- السيييم بتاعهم لما يجهز الغدا -
#########################################
4- بعد الغدا ... يشرب كبايه (اورانج جووس) وينام ساعه عشان يعرف يذاكر
ويحل الهوم وورك
- مش عارف يعنى ايه هوم وورك ... بس سمعتها كدا - #########################################
*الطفل البييئه : ! !
1- أخينا رجع من المعتقل ... او المدرسه زى مابيقولو عليها ... وهدومه
كلها مقطعه وعلامات التعذيب على جسمه ...
- تقولوش جاسوس اسرائيلى اتمسك في حلوان -
~~~~~~~~~~~~~~~~~~~~~~~~~~~
2- امه لسه ماخلصتش الغدا ...
- النهارده امه دابحه دكر جبنه بيضه ... واحتمال يكون في فول بالصلصه -
~~~~~~~~~~~~~~~~~~~~~~~~~~~
3- ترااااادااترااااااااااااااااااااااااا ...
- دي اعلان الحرب ... أو الغدا <هجووووووووووم> -
~~~~~~~~~~~~~~~~~~~~~~~~~~~
4- بعد اكلة الفول بالصلصه ومعاه فحلين بصل ... عادة ما يعقبها احساس
بالضياع
- تنااااااااحه ... فور آيفير -
~~~~~~~~~~~~~~~~~~~~~~~~~~~ بعد حالة التناحه او النوم دى ... بيجى وقت الشده ... ياترى الحياه
معاهم - الطفل الفافى .. والطفل البييئه - عامله ازاى ؟؟؟؟
~~~~~~~~~~~~~~~~~~~~~~~~~~~
*الطفل الفافي (الهاف لايف) :
1- يقوم من النوم على صوت الداده ... الهادى طبعا .. عشان يقوم يذاكر
مع المس (فرانكا) ... المدرسه اللى جايبنهاله من انجلترا
- نازله مخصوص ....... بالكاتالوج -
_____________________
2- بعد ما يخلص المذاكره وتحضير دروس تانى يوم .... مامته تاخده النادى
عشان يلعب رياضه (باسكت او تنس) و احتمال (سكواش)
- مشتركين في نادي المعادى والصيد والشمس ... ده غير سبورتنج فى الصيف -
_____________________
3- يرجع من النادى ... ياخد دش ويحضر شنطته وينزل يتفرج على شانل تو
- شانل تو بتاعة الام بى سى ... مش بتاعة مصر طبعا -
_______________________
4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -
____________________________
5- ينام على صوت الداده وهى بتغنيله اغنيه رومانسيه ... وفي حضنه
الدبدوب اللي جاله في عيد ميلاده
- ملاك نايم يا اخواتى -
_____________________
*الطفل البيييئه : ===========
1- يفوق من حالة التناحه من الفول والبصل على صوت حد من صحابه ... عشان
ينزل يلعب كوره شراب في الخرابه اللي جنب الحاره بتاعتهم
-................... نفس بدايات اللاعب-
_____________________________________
2- يرجع بيتهم وهو بيجرى وهدومه متقطعه ودماغه واخده بتاع تلاتين قلم
على سهوه .... عشان شاط الكوره وكسر القزاز بتاع محل (عم سيد) البقال
- الراجل ده من كتر القزاز بتاعه ما اتكسر ... هايفتح مصنع قزاز -
________________________________
3- اخته جابته عشان يحل الواجب ويذاكر .. بس مش معاه قلم ... قام نزل
الشارع عشان يجيب قلم
- آدى دقنى لو جاب ولا حتى رجع من أصله -
_________________________
4- على الساعه 2 الفجر ... باب بيتهم بيخبط .. وامه فتحت الباب شافت
جارهم دماغه متعوره وجايب لها المحروس اللى كان بيلعب حرب بالطوب وفتح
دماغه
- تقولش طفل من أطفال الانتفاضه -
____________________
5- ساب امه وابوه وهم بيصالحو جارهم وبيبوسو ايده عشان ما يعملوش
محضر ....واتسحب المفعوص على المطبخ جاب حتة جبنه وطماطمايه ورغيف
معطن .... وزوغان على السرير
- بسلامته نايم وهو متلفح بالبطانيه زى مايكون من مطاريد الجبل

الموضوع ملطوش

ربنا يمسيه بالخير الى كان كاتبه هههههههههههه

جــــــــــــــــــــــزاكـــــــــــم اللله خـــــــيرا

تــــــــــــــسلــــم أبــدك

تسلمى ياحبيبتى على فكره الى كان كاتبه عمك ملطوش منه ههههههه
نورتينى

هههههههههههههههههههههههه
فرق شاسع

شكرا يا ميمو علي الموضوع الرائع

شكرا على الموضوع
فكرتونا بأيام زمان الواحد كان مدلع على الآخر
ههههههههههههههه

» بسيطه بسيطه محصلش حاجه ........
» شوفتوش العيال الفافى انى اتشلييييييييييييييييت ههههههههههه
» مقارنه بين الشباب والبنات!!!!!!!!
» الإصابات الرياضية فى التشريع الجنائي الإسلامي - دراسة فقهية مقارنه
» تعطير البيت بطريقه بسيطه