شايفه البنت اللي ماشيه هناك دي ....

الموضوع ملطوش لعيونكم

لانى فعلا حسيت انه يستاهل

وان دا موجود بكثره فى مجتمعنا

ربنا يسترها ويهدينا الى مايحبه ويرضاه

ندخل فى الموضوع

وحيد : شايف البنت اللى واقفة بعيد دى ؟

فريد: اه شايفها مالها ؟

وحيد : اسكت يا عم ان الله حليم ستير ..

فريد: مالها بس ؟ هى مين دى اصلا ؟؟

وحيد : دى يا عم فلانة بنت فلان اللى بتكلم فلان وبتعمل كذا وكذا وسمععتها كذا وكذا

فريد: يااااااااااااااه ومين اللى قالك على الحاجات دى كلها ؟

وحيد: ياعم هو فيه حاجة بتستخبى وبعدين الواحد بيبان عليه برده

فريد: كفاية كدا بقى ياعم..
دع الخلق للخالق احنا بردو عندنا اخوات بنات
_________________________

علياء: مش دى نجلاء؟؟

شيماء: ايوه هى ..

علياء: وايه اللى عاملاه فى نفسها ده..حاطه نص كيلوا بودره على وشها!!
ومين اللى ماشى معاها ده؟؟

شيماء: ده الواد وائل..
ياريتها تيجيي على وائل وبس..ده نص الدفعه معاها رقمها..

علياء: يا نهار..!!
ربنا يهديها ..
___________________________________________

كام مرة سمعنا السيناريو ده ؟ تقدرى تفتكرى ؟

أكييييييييييييد كتيييييييييير اوى

انتوا عارفين ده ايه ؟
.. ده اسمه

قذف محصنات

انتى عارفه ان لو احنا فى بلد بيتطبق فيه شرع ربنا كان هيكون ايه عقابك ؟

80 جلده

تقدري تستحملي !!

وكمان أن ترد شهادته

وان يصبح فاسقا ليس بعدل لا عند الله ولا عند الناس

قال تعالى: (( والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبدا وأولئك هم الفاسقون ( 4 ) إلا الذين تابوا من بعد ذلك وأصلحوا )). ( سورة النور، الآيتان: 4، 5 ).

فقد عاقب الله من رمى مؤمناً بفاحشة بثلاث عقوبات:

الأولى: الجلد. (( فاجلدوهم ثمانين جلدة )).

الثانية: رفض الشهادة (( ولا تقبلوا لهم شهادة أبداً )).

الثالثة: الحكم عليهم بأنهم فاسقون. (( وأولئك هم الفاسقون )).
____________________________________________

تعرفوا ربنا سبحانه وتعالى يبقول لنا ايه كمان فى قذف المحصنات .. تعالوا نقرأ الآية دى

" ان الذين يرمون المحصنات الغافلات المؤمنات لعنوا فى الدنيا والآخرة ولهم فى الآخرة عذاب عظيم "

شايف الخطوره

لعنوا فى الدنيا
ولهم فى الآخرة عذاب عظيم

وقذف المحصنات من

السبع الموبقــات " اى المهلكات "

بجد اياااااااااك وقذف المحصنات اللى بنتساهل فيه معظمنا يعنى الا من رحم ربى ..

يعنى هنستفاد ايه ؟

علشان تقول كلام مش كويس على بنت لااااااااااازم تكون واثق مية فى المية من الكلام ده .. مش كدا وبس

لكن كمان لاااااااااازم يكون معاك اربع شهود على الكلام ده .. يكونوا رأوا منها ما يثبت ذلك مرأى العين

غير كدا لااااااازم منتكلمش!!

شايفه البنت اللي ماشيه هناك دي .... Image589

شايفه البنت اللي ماشيه هناك دي .... Image589

نا عمر سمع صوت امرأة مع رجل لكن من وراء حجاب او ستار وذهب واخبر سيدنا على بن ابى طالب

فقال له على أمعك شهود ؟؟ ..

طيب وهل سيدنا عمر هيكدب يعنى؟؟
هيحتاج هو كمان لشهود ؟
ايوااااااااااااااااااااا لازم اربعة

فقال له عمر: لااااا

فقال على : لو نطقت اسمها لجلدتك

تخيلوا !!

يا جماعة بجد كام فينا محتاج للجلد وكام مرة وقعنا فى قذف المحصنات

يا ما الكلام ده خرب بيوت وطلق زوجات واتسبب فى اذى ناس الله واعلم ببراءتهم او ذنبهم

هل لو واحدة فينا هترضاها على نفسها ؟ . .

واخيرا هذكركم بقول الله تعالى :

( إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُمْ مَا لَيْسَ لَكُمْ بِهِ عِلْمٌ
وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ )
__________________________________________________ _______

و نيجي للاسئلة

عمرك عملتي الموضوع ده قبل كده

و هل كنت عارفه العقوبة بتاعته

و بعد ما عرفت العقوبة مستعده تعملى الذنب ده تاني

ودااااااااااااااعا لهذا الذنب
__________________________

استغفر الله العظيم و اتوب اليه

استغفر الله العظيم واتوب اليه
فعلا الدين بتاعنا بيحافظ على كل شئ

شكرا على المرور الجميل
نورتنى

بجد الموضوع في قمه الروعه
تسلمي حبيبتي

استغفر الله العظيم الذي لا اله الا هو الحي القيوم واتوب اليه
ربنا يحفظنا من شر الناس وأذاهم يااااااااااااااااااااارب امين

حلو اوى الموضوع ده يا ميمو
فعلا الموضوع ده بيحصل كتير اوى وعلى طول شغال

وغير كمان(((علشان تقول كلام مش كويس على بنت لااااااااااازم تكون واثق مية فى المية من الكلام ده .. مش كدا وبس

لكن كمان لاااااااااازم يكون معاك اربع شهود على الكلام ده .. يكونوا رأوا منها ما يثبت ذلك مرأى العين))) ده ربنا حليم ستار ومن ستر مؤمنا فى الدنيا ستره الله فى الدنيا والاخره

ربنا يهدي كل المسلمين لما يحبه ويرضاه

استغفر الله العظيم و اتوب اليه

ايوة ياختى استغفر الله العظيم مين يعمل كدة ياختى وهيروح فين من ربنا

اعملى زى اوعى تتكلمى على حد ابدا احسن سى السيد يضربك

اههجية يوم بدرى وشافنى واقفة اتكلم مع جارتنا ام سحلول اللى فى الشارع اللى ورا ورا ورا شارعنا

قعد يصرخ ويصرخ ويقولى عيب يابمبة لما تتكلمى مع رجالة شوفتى

الراجل الاعمى ماكنشى شايف
استنى هاروح مشوار وراجعة تانى اوعى تمشى
[b]

تسلمولى على الردودالرائعه دى نورتونى

» الفرق بين البنت الدفشة والناعمة
» الفرق بين البنت والولد فى الميكروباص .....هع هع هع هع هع ......
» الفرق بين موبايل الولد وموبايل البنت
» البنت التى تستخدم النت .......سيئه!!!!!!!!!!!!
» شوفوا حالة البنت لو قالولها جايلك عريس