شفتوا الواد حصله ايه فى الميكروباص!!!!!!!!!

وسط الميكروباصات

وانا واقف وسط الميكروبصات --- سمعت صفاره

وواحد بينادى يلا مظلات --- وفى ايده سجــاره

ركبت قوم تقعد جنبي --- بنت لكن جبــــــــاره

انا قلت ياد ليليتك بمبمي --- وقمت قالع النضاره

وقعدت اسبل بعنيا --- والبت عملت محتاره

ضحكت راحت ضحكالي --- وقالتلي ادفع يا شطاره

دفعت انا اجرة نفرين --- وقلت والله ما خساره

خليك وراها بقى فين ما تروح --- وانشا الله ما نزلت إشاره


اخوكي بقى واد جنتل مان --- أصيل كمان كلي حضاره

قالتلي يا سلام مش باين --- قلتلها هديكي اماره

مقطع السمكه ودلها --- حبيت بنات كل الحاره

من اول البت نفيسه --- لحد بنت ام بداره

وحكيتلها على بطولاتي --- وسألت انفع يا سماره

قالتلي تنفع يا عنيا --- وغمزت خلاص السناره

واتاريني مش واخد بالى --- خطيبها دنجل ابو شراره

قاعد ورايا بيتصنت --- سمع ياناس كل عباره


وقف ساعتها ونزلنى --- من الميكروباص ومقلمني

اقوله طب ما تكلمني --- ناخد وندي تفهمني

كفايه ضرب طب أشتمني

من ايد لإيد بيسلمني --- وفى كل حته يلكمنى

اه يا بطنى اه ايدي اه يارجلى --- اه ياعينى يا منخيرى اه ياودني

ورفعت ايدي وانا بتلطش --- ودعيت بقى يارب يسبني

وفقعني شلوت وحياتك --- نطرني فوق سطح عماره

ياسلام عليك و على مهاراتك --- ده مكنش ضرب دى كانت غاره


ومن يوميها وانا ماشى مظبوط

وإن شفت بت البس زعبوط

وإن واحده جت تقعد جنبى --- اعمل قال ايه مش مبسوط

اه ياعم اصل انا مش ناقص --- يجيلي فى القلب هبوط

كفايه عليا اللي جرالي --- دا انا لسه واخد علقة موت

ما عدتش البس واتشيك --- ولا عدش يطلعلنا صوت

دول فكروني ملك الغابه --- وصبحت تاني يوم كتكوت

صاحب عيا ضغط وسكر --- وكمان يا ناس فقع مراره


وصحيت ياناس الصبحيه --- اتاريني بحلم يا عنيا

لا لسه غيرت هدومي --- ولا حتى رحت الكليه

يا حلولي دا انا لسه بخيري --- أنيق وشيك كلي مهاره

لا دخلت اودة العمليات --- ولا كلت بوانى ولا روصيات

ولا عمري قليت انا ادبي --- ولا كنت بعاكس ستات

يا خرابي ده الوقت اهو فات --- ورايا سكاشن ومحاضرات

نطيت جريت عالميكروبصات --- سمعت صوت صفاره !!!!!!

ههههههههههههههههههههه
جميل ..........
تسلميلنا

مرورك الاجمل
شكرا ليك

يا حلولي دا انا لسه بخيري --- أنيق وشيك كلي مهاره
هههههههههههههه حلوة اوى يا ميمو
بس احتمال اقلد زيها دة بعد ما اخرج من السجن ههههههههههههههههههههههه
دخلت المنتدى برجليا ......... دخلت ولا سمو عليا
خرجت منو بجريمة .......ودلوقتى شغال ف بنزيمة ههههههههه
يا حلولي دا انا لسه بخيري --- أنيق وشيك كلي مهاره هههههههههههههههههه
حاجة زى كدا يعنى

ههههههههههههههههه
اخرص يا متهم انت بتقول ايه يلا على زنزانتك