تيجوا نقول للزمان ارجع يازمان

عايزين موقف ضحكك موقف كسفك موقف دايقك

بس حصل فى الدراسه مش فى اى حاجه تانيه

يعنى يكون مرتبط بالدراسه وبس

تيجوا نقول للزمان ارجع يازمان Sriimg20090204_10286033_2

تيجوا نقول للزمان ارجع يازمان Sriimg20090204_10286033_2

يلا

ابتدى انا واشجعكم

كنت فى تانيه اعدادى وكان علينا امتحان تعبير انشاء زى مابتسموه يعنى المهم

كان الامتحان جاى اننا نكتب عن الام فانا كنت متفزلكه واحب التعبير اوى وهى

الامتحان الوحيد الى اخلص ورقتها لاخر سطر هههههههههه المهم بنت قاعده

فى الديسك الى جنبى قعدت تنده عليا وانا محبش كده بقا طب حتى لو هتغش

حاجه هتغش ايه فى التعبير يعنى افتكرتها عايزه مسطره استيكه برايه كده يعنى

بصتلها المشكله طبعا مكنتش فى انى بصتلها لان لجنة التعبير دى كانت سداح

مداح المهم لقتها بتقولى اكتب ايه يعنى قولتلها التعبير عن الام قالتلى مانا عارفه

اكتب ايه يعنى روحت ضحكت وقولتلها على رايك هى عملت ايه يعنى دا

لو الواحد افتكر الى بتعمله مش هيكمل سطرين

اتارى بقا مين ورايا المدرسه الى بتراقب وراحت رزاعنى كف على ضهرى

وجعنى اوى والنعمه هى المفروض يعنى سمعت الحوار كله من اول صحبتى

لحد ردى عليها فضحكت وراحت

ضربانى على ضهرى ال يعنى بتهزر بس هزار جزارين صراحه

ماشيين بقا من اللجنه قالتلى وجعك قولتلها لاخاااااااااااالص قالتلى متزعليش

اصل ردك كان عسل اوى عليها قوم انا اتكسوفت بقا Embarassed

وبس خلاص توته توته

مستنيه حكاويكم

رغايه انا عارفه هههههههههههه

مين يا ميمو المدرسة دى خلينى ابطلها تدريس
هاتيلى اسمها يلا بسرعة
ههههههه

انا طبعا مش بحب اغشش حد وده راجع لموقفين حصلولى قبل كده انا دلوقتى هحكى موقف واحد منهم
كنت فى سنة ثالثة ابتدائى وكنت الدحاحا بتاع المدرسة وكان قاعد قصادى ولد اسمه محمود حلمى وكان قاعد فى الصف اللى جنبى واخد اسمه هشام بس كان قاعد بعيد
المهم هشام ده كان عاو يغش فانا كتبتله الاجابة فى ورقة الاسئلة وحدفتهاله المهم الواد ده اتقفش
فالمراقب بيقولا تعالى يا حبيبى مين بقى اللى اداك الورقة دى والواد الناقص اعترف من اول قلم
ههههههههههههههههههه
قام قاله محمود اللى هناك ده وشاور عليا
قوم ايه بقى يا جماعة
قوم المدرس افتكره بيشاور على محمود خلمى اللى قاعد قصادى فجه وشده من قفاه
والواد يعيط ويحلف معملش حاجة وانا كنت هعمل ببيه على نفسى
ههههههههههههههههههه
خلصت الامتحان وسلمت الورقة وطرت ههههههههههههه
وبعدين محمود حلمى ده بقى صاحبى

هههههههههههههههههههههه حلوه دي
انا مش فاكره دلوقتي موقف
اول ما افتكر هحكي على طول