دبلوم القانون الخاص كلية الحقوق جامعة القاهرة دفعة 2010

بالتوفيق للجميع يارب ان شاء الله
وتسلمى ياساسو على المجهود الجميل دا ربنا يجعله فى ميزان حسناتك

يااستاذ احمد لاشكر على واجب
والله اهم حاجه التعاون لانه هايفيدنا كلنا
وان كان فى شكر بجد يبقى للاستاذه لانها نفعتنا كتير ربنا يوفقها ويوفقنا وييسر علينا كل عسير يارب

ان شاء الله الدراسة الجد سوف تبدأ فى الترم التانى
ديعنى الاساتذه اللى ملحقوش الترم الاول لظروف تأخرهم فى الدبلومة الاولى لن يفوتهم الكثير
فلا تقلقوا ان شاء الله

السلام عليكم هل من الممكن التقدم فىالدبلومة الان

ايوة ممكن بسش الحق قبل ما يرفضوا نهائى معاك لاخر واحد

زملائى وزميلاتى فى دبلوم القانون الخاص 2009/2010
بعد التحية ,,,,,,,,,,,,,,,,,
اولا انا بسجل اعجابى بوجود منتدى بيتناول موضوع دراستنا وانا كنت عرفت المنتدى من خلال زميل عزيز مشترك معانا فى المنتدى وفى الدبلوم اسمة الاستاذ احمد صقر
ومن خلال متابعتى للمنتدى لاحظت وهذا مجرد رأى يحتمل الخطا والصواب ان المنتدى واعزرونى فى التعبير بدائى جدا يمكن المشاركة القيمة الوحيدة الى فية هى مشاركة الزميلة ساسو المتعلقة بالملغى واخر ما وصل الية الدكاترة فى الشرح .
علشان كدة انا بقترح ان كل زميل او زميلة يعرف معلومات مفيدة ومهمة انة ما يتاخرش فى انة ينشرها فى المنتدى سواء ملغى او مهم او ميعاد محاضرة الغيت او اى معلومة قيمة متعلقة بدراستنا .
مع مراعاة الامانة والحرص الشديد فى الحصول على المعلومة المنشورة بحيث يكون الزميل او الزميلة الى بيقوم بالنشر متاكد تماما من المعلومة يكون سمعها بنفسة من مصدر موثوق منة او من الدكتور نفسة لان دى نوع من الامانة وممكن مصير الزملاء يتعلق بيها علشان كدة لابد من مراعاة منتهى الحرص فى نشر المعلومات .
وبالطريقة دى نقدر نساعد زملائنا وزميلاتنا الى ظروف عملهم وحياتهم بتمنعهم من الحضور والمتابعة اليومية لسير الدراسة فى الدبلومة .
وبصفتى صاحب الاقتراح علشان كدة لازم اطبق الكلام دة على نفسى
كان اول موضوع شاغلنى فى الدبلومة هو الكتب واماكنها علشان كدة هاستعرض كل الى عرفتة بخصوص الكتب واماكن وجودة واسعارها ودة كلام انا متاكد منة بنسبة 100 فى 100
1- كتب لايمكن الحصول عليها الا من خلال عامل مدرج 5 :
العامل دة اسمة محمود معاة كل كتب الدبلومة تقريبا بس بنلاحظ حاجة ان بيزود فى ثمن الكتاب 3 جنية كربح لية وبلنسبة للكتب الموجودة معاة ومش ممكن احضارها من مكان اخر هى الاتى :
أ- كتاب الحق فى الحياة الخاصة للدكتور محمود عبد الرحمن ثمنة 43جنية وكذلك كتاب الشفوى مصادر الالتزام لنفس الدكتور ثمنة 35
ب- كتاب الخطأ المفترض للدكتور حسن الجميعى ثمنة 35 جنية تقريبآ وكذلك كتاب الشفوى احكام الالتزام لنفس الدكتور ثمنة 33 جنية تقريبآ
ج- ملزمة الامتحانات للسنوات السابقة من عام 2009 : 1998 ثمنها 13 جنية .

2- الكتب الموجودة فى منفذ بيع الكتب للدراسات العليا خلف مدرج 4 :

أ- كتاب مسؤلية مهندسى ومقاولى البناء للدكتور شكرى سرور ثمنة 60 جنية وبالنسبة للكتاب الشفوى من الممكن ان يصدر للدكتور كتاب احكام الالتزام ولاكنة غير موجود حاليآ .
ب- كتاب التعامل التجارى فى ميزان الشريعة للدكتور يوسف قاسم ثمنة 35 جنية تقريبآ .


3- الكتب الموجودة فى مكتبة دار النهضة العربية داخل الجامعة بالقرب من كلية اثار :

أ- كتاب دور الارادة فى العمل الطبى للدكتور جابر محجوب ثمنة 50 جنية هذا الكتاب جزئيين
ب- كتاب الوسيط فى شرح قانون التجارة المصرى للدكتورة سميحة القليوبى ثمنة 75 جنية
ج- كتاب حصة العمل والكتب المقررة شفوى للدكتور بهجيت قايد ولاكن لاتوجد اى معلومات عن الكتاب حتى وقتنا هذا ولاكن من خلال هذة المكتبة .

4- اخيرآ كتاب المادة الاختيارية تاريخ القانون للدكتور محمود السقا وهذا الكتاب يتم حجزة من عامل مكتبة اسمة مجدى موجود بقسم تاريخ القانون ثمن الحجز 50 جنية .


دى كانت كل المعلومات المتعلقة بالكتب واماكن وجودها واسعارها
ويارب اكون قدمت معلومات مفيدة للزملاء والزميلات

شكرا ليك يااستاذ احمد جزاك الله كل خير
والمنتدى ان شاء الله بيتقدم بمشاركاتكم وكل الى بيعرف معلومه بيقولها
وان شاء الله الكل يستفيد والى عنده معلومه يفيد
ودا موجود جدا بين اعضائنا الى مشكورين جدا على مساهمتهم ومساعدتهم
شكرا لحضرتك وبالتوفيق للجميع ان شاء الله

مشكور يا احمد ع المعلومات دى وكل واحد عارف حاجه المفرووووووووووض انه يقولها لاننا كلنا اسره واحده .........

زملائى وزميلاتى فى دبلوم القانون الخاص 2009/2010
بعد التحية ,,,,,,,,,,,,,,,,,
النهاردة هاقدم ليكم مشاركة بعيدة شوية عن موضوع دراستنا فى دبلوم القانون الخاص لاكنها مفيدة جدا عبارة عن اقوال لشخصيات نجحت نجاح كبير فى مختلف المجالات من الاقوال دى :
1- الجيوب الفارغة لم تمنع احد من ادراك النجاح بل العقول الفارغة والقلوب الخاوية هى التى تفعل ذلك

2- النجاح يكون من نصيب من تحلوا بالشجاعة ليفعلوا شيئآ لكنة نادرآ ما يكون من نصيب الخائفين من العواقب ( جواهر لال نهرو اول رئيس وزراء هندى بعد الاستقلال )

3-النجاح ليس لة نهاية والفشل ليس ابديآ

4- السمكة القوية هى التى تستطيع العوم ضد التيار فى حين يستطيع حتى السمك الميت ان يعوم مع التيار

5-صوب نحو القمر فحتى اذا اخطات فانت ستصيب النجوم ( كلمنت ستون كاتب امريكى شهير )

6- استثمر على الاقل 3% من دخلك فى تطوير نفسك من اجل ان تضمن لنفسك المستقبل ( براين تريسى )

7- الناجحون يبحثون دائمآ عن الفرص لمساعدة الاخرين بينما غيرهم يسأل اولا ما الذى ساستفيدة من تقديم يد المساعدة .

8- اذا لم تضع امامك اهدافآ واضحة فلا تلوم الا نفسك على عدم بلوغك لاى شى .

9- الشخص الذى لم يخطئ ابدآ لم يجرب شيئآ جديدآ ابدآ ( البرت اينشتاين )

10- فى كل مشكلة تختبئ فرصة كبيرة وان اعظم قصص النجاح سطرها اناس تعرفوا على الفرصة المتخفية فى صورة مشكلة وحولوها الى نجاح .

يارب تكون الكلمات الموجزة دى مفيدة ومحفزة على النجاح

مشاركه رائعه يااستاذ احمد وقيمه بس ليه حضرتك مش بتشارك فى باقى الاقسام يعنى مثلا موضوع زى دا ممكن تحطه فى القسم العام كموضوع مستقل
ولا حضرتك عايز تفيد طلبة دبلومة القانون الخاص وبس
ننتظر مشاركات حضرتك الرائعه فى جميع اقسام المنتدى ان شاء الله

السلام عليكم و رحمة الله و بركاته

الاخوة اعضاء المنتدي الاعزاء برجاء افادتي حول هذين المادتين :

1- اين وصل الدكتور / بهجت قايد في كتابه حصة العمل في الشركة و هل ركز على حاجات معينه مهمه او لغى اى حاجه في منهجه ام لا ؟
2- اين وصل الدكتور / جابر محجوب في كتابه دور الارادة في العمل الطبي هل ركز على حاجات معينه مهمه او لغى اى حاجه في منهجه ام لا ؟

و شكرا لكم جميعا و اتمنى التوفيق للجميع

اهلا بيك استاذ مات 5000 و د/ جابر وصل ص162 ولغى القانون الانجلوسكسونى الى هو من ص 152 الى 158 لم يركز على اى شئ هو قال فى الاخر هيحدد لنا موضوعات معينه
د/ بهجت معرفش عنه اى حاجه لو عرفت هبقى اقووووول ..................ز

لو سمحتم ياجماعه هو البحث هايبقى فى مادة ايه ؟

او اى معلومات عنه لانى اول مره اعمل بحث قانونى الصراحه زائد انى من ساعة ماقدمت فى الدبلومه دى ومش لاقى حتى فرصه اروح اجيب الكارنيه

ياريت الافاده

اشكركم جدا

السلام عليكم و رحمة الله و بركاته
الأخوة و الأخوات الكرام أعضاء المنتدى
ارجو افادتنا عن احوال المحاضرات و آخر اخبار الدكاتره فى الاسبوع الماضي و ما وصلوا اليه فى الكتب و ان كان هناك اى معلومه جديده تفيد الجميع
و بارك الله فيكم و جزاكم خيرا لما تقدمونه لنا

السلام عليكم

لو سمحتم عايزة اعرف الدكاتره وصلوا لايه

لو سمحتم أيه الملغي والمقرر و أيه الأسئلة المهم لكل دكتور.
إلا عنده معلومة يحطه على النتدى لكي يستفيد الجميع.
ويريت في أقرب فرصة.
وشكرا.

إيميلي أهو لوحد عرف حاجه ياريت يبلغني عشان أنا شغلي مبيسمحش أروح الكلية.

الإيميل هو ده ممنوع تبادل الايملات ( الادارة ) وشكرا للجميع.

ايه ياجماعه
معقوله مافيش اى جديد عن الدراسه ولا ايه؟

ربنا يزفقك اخى على حرسك على مساعدت اخواتك بهذه الدقه والامانه ربنا معاكم جميعا كان الله فى عون العبدمادم فى عون اخيه وجزاك الله خيرا

د- سميحه خلصت هتجيب سؤال واحد غير مقالى ولابد ان تكون الاجابه فى مضمون السؤال وعدم التطويل او الخروج عن السؤال د- محمود خلص ولغى من 254 الى267 الى بدايه العنوان النشاط المهنى وهيجيب فى الامتحان سؤال واحد طويل تحاول تجاوب عليه باختصار مع ذكر العناصر
د- جابر وصل الى 286 ولا يوجد شئ جديد
د-شكرى وصل الى 249
د- حسن الجميعى وصل الى 48 لسه بدرى عليه
ربنا يوفق الجمييييع ياريت يبقى فى تعاون اكتر من كده .........
مواد البحث ( تاريخ القانون - مرافعات- مدنى - تجارى )

جزاك الله خير على الخدمات التى تقدميها من خلال المنتدى

شكرا يا ساسو

نورت المنتدى بجد يا حضرة وكيل النيابه ربنا يوفقك ان شاء الله

الله يكرمك يا ساسو والمنتدى منور باللى فيه وعقبال كل اعضاء المنتدى ان شاء الله