بصراحه ناويه اضحك حد ناوى ؟؟؟؟؟؟؟؟؟؟؟؟؟؟؟

واحدة عيالها مؤدبين كل ما تخلف عيل يطلع مؤدب جدا....واخر حمل راحت تولد وكانت حامل فى تؤام الدكتور حاول معاها كتير مفيش حاجة راضية تنزل ..فقال نولدها قيصرية فتح بطنها لقى الاتنين قاعدين يتعازموا على بعض ..اتفضل انزل ..لا اتفضل حضرتك الاول......


واحد اشترى لمراته جوز كوارع ..وهى بتسويها اكلت رجل ..ولما جه جوزها ياكل جابتله رجل ..قلها امال الرجل التانية فين..قالتلوا انت جايب رجل واحدة...قلها ازاى انا جايب جوز قالتله واحدة.....قالها طب انا هعمل نفسى ميت حطونى فى النعش وامشى بية من شارع الجزار..مشيت تصوت وراه وعدوا من قدام الجزار فسال مين اللى مات فقالولوا فلان..فاستعجب وقال لا حول الله دا لسة واخد جوز كوارع من ساعتين..فطلع جوزها من النعش وقال... قول لها بنت الكلب دى.......






اتنين بلديات فى بلاد برة ساكنين فى الدور ال 20 وكان النور قاطع حسن قال لحسين مفيش كبريت اولع السيجارة انزل هات من الدكان اللى تحت...فنزل حسين للبقال وقالواعايز علبة كبريت...فقاله البقال اسف اخر علبة لسة بيعها معنديش غير هشط كبريت...قاله طب هطلع اسئل حسن اخوى وطلع ساله..قاله مشط مشط هات بس اولع السيجارة...نزل حسين تانى وقاله طب هات مشط..قاله اسف يا فندم اخر مشط لسة بيعوا...لكن عندى ولاعات....قاله هطلع اسئله وطلع سئله قاله وماله اهى حاجة تولع وخلاص...ونزل تانى وقال...بيجولك هات ولاعة...قاله اسف لسة بايعها ..طلع وقاله بيجولك الولاعات خلصت...قل حسن يوووووه والله ممولعها السيجارة دى ...طفى الشمعة دى وخلينا ننام يا حسانين.....


في مرة الرجل الاحمر صحي من النوم الاحمر وكان نايم على السرير الاحمر ومتغطي
ببطانية حمرا ولابس بيجامةحمرا المهم صحي من النوم وخرج من الاوضة الحمرا طبعا ودخل الحمام الاحمر وفتح الحنفية لقى المية نازلة حمرا المهم خرج ولبس
البدلةالحمرا (دي غير بدلة الاعدام ) ونزل من بيتهم ركب العربية الحمرا ومشي
في الشارع لقى كل حاجة لونها احمر العربيات والناس والاسفلت والسما وكل حاجة وفجاة جت عربية حمرا سريعة خبطته جت عربية الاسعاف الحمرا شالته وودت المستشفى الاحمر لقى الدكاترة لابسين بالطو احمر وكل حاجة لونها احمر
وفجاة شاف وحد من بعيد لابس اخضر
الراجل خاف اوي واتخض وساله انت ليه لابس اخضر قاله اصل انا من نكتة تانية


واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ
المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه فقال له
عايزها متكيسة ولاّ لأ ؟؟ قال له متكيسة فقال له اطلع الدور الرابع .....طلع
الدور الرابع وقابل موظف اخر وقال له عايز فراخ مدبوحة ومقطعه ومكيسة فرد
الموظف وقال له مافيش فراخ بس ايه رأيك فى النظام


في مرة بطيء وبطيئة كانو بيتمشو على الكورنيش وفجاة بطيء
كان هيقع في المية قامت بطيئة جريت ببطء طبعا وراحت متصلة بام بطيء وقالتلها الحقي بطيء هيقع في المية فردت عليها وقالت لها اتصلي بابو بطيء على ما اجي قالتلها حاضر واتصلت بابو بطيء قالها طب اتصلي بمامتك وانا جاي على طول اتصلت بطيئة بمامتها فقالتلها طب اتصلي بابوكي وانا هاجي ببطء
اتصلت بطيئة بابوها وقالها طب اتصلي باخو بطيء وانا جاي اتصلت باخو بطيء
فقالها طب انا هاروح اجيب اخت بطيء وهنيجي ببطء قالتله بس اوعو تتاخرو قالها
حاضر المهم العيلة كلها وصلت لقو بطيء لسة بيقع ببطء فلحقوه قبل ما يقع في المية
وخدوه وروحوا


هأ هأ هأ هأ هأ هأ

هههههههههههههههههههههههه مش ناوية تسيبى حسنين وحسن فى حالهم تسلم ايدك على شوية الضوحك دول

ههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه
ههههههههههههههههههههههههههههههههههههههههههه

تسلمي

واحشانى يا ميمو وتسلمى على الموضوع تحفة[img][/img]

ياحبيبة قلبى انتى وحشانى اكتر عامله ايه ياسكر

ونيدو عامله ايه وحشتونى طمنونى عليكم

تسلمى ياقمر على الرد الجميل دا

تسلم ياباشا

تسلم يااستاذنا
محمود بك المنوفى فتى النيل
نورتونى