المنشطات والجهل .. أدخل قبل أن تندم .

المنشطات
خطر رهيب على الصحة كلنا متفقين, و لكن الاخطر من وجهة نظرى هو الجهل
الشديد عند معظم (ان لم يكن كل) الشباب المتعاملين معها.

انتشرت المنشطات فى السنين الاخيرة بصورة كبيرة وملحوظة , وأصبحت لقمة عيش
حلوة لكتير من كباتن الصالات (من اول جولدز جيم لغاية اصغر الصالات)
وسبوبة طرية عايشين منها على قفا الشباب المستعجل اللى نفسه يوصل لفورمة
جامدة ومستعد يعمل اى حاجة.

[ندعوك للتسجيل في المنتدى أو التعريف بنفسك لمعاينة هذه الصورة]

المشكلة مش فى الكباتن دول بس, المشكلة ان شباب كتير اوى اوى مش فاهم خطورة
الموضوع وبتتعامل معاه بسطحية انه عادى جدا وشىء لابد منه مع التمرين
(ودة طبعا نتيجة لغسيل المخ وعوامل تانية كتير), وفى ناس متخيلة المنشطات
دى شىء عادى جداً زى الأمينو و الواى بروتين ودة طبعا جهل عظيم وهنا بقا
المشكلة الحقيقية.

طبعا فى ناس كتير هتتخنق من كلامى, بس احب اوضح ان الموضوع دة انا مش عامله
عشان انتقد حد بشخصه ولا اتريق على حد و بكرر, انا مبقولش على حد جاهل
ولا مبيفهمشى, دى دعوة للنقاش وتبادل المعلومات وياريت كله يشارك برأيه,
ندخل فى صلب الموضوع.

~~~~~~~~~~~~~~~~~~~

[ندعوك للتسجيل في المنتدى أو التعريف بنفسك لمعاينة هذه الصورة]

أول شيء يجب علينا استيعابه هو:

ماذا يحدث
لأجسامنا عند تعاطينا المنشطات/الهرمونات Anabolic Steroids)) ؟؟

عندما يتم حقن نظام الجسم بمواد منشطة او هرمونية خارجية anabolic
hormones, يتخذ الجسم عدد من ردود الافعال كنوع من الاستجابة, أولها طبعا:

- الزيادة فى الكتلة العضلية (increased muscle mass)

للأســف, تحدث اشياء اخرى لا ندرى عنها شيء.

[ندعوك للتسجيل في المنتدى أو التعريف بنفسك لمعاينة هذه الصورة]

عندما يخترق المنشط/الهرمون الخارجى نظام الجسم, يحدث تغير فى ارصدة كيمياء
الجسم للوصول لما يسمى بحالة التوازن(Equilibrium), بمعنى ان كنوع من رد
فعل للزيادة فى هرمون التيستوستيرون(هرمون الذكورة) سيزيد الجسم من افراز
الاستروجين (هرمون الأنوثة) والكورتيزول (هرمون يفرزه الجسم نتيجة للتوتر,
الضغوط او الإجهاد) وعدة هرمونات اخرى, وفى نفس الوقت سيتباطىء(او يتوقف)
إنتاج هرمون التيستوستيرون الطبيعى, تسمى هذه العملية فى علم الأحياء
بــــ "رد الفعل السلبى" او "Negative Feedback".

[ندعوك للتسجيل في المنتدى أو التعريف بنفسك لمعاينة هذه الصورة]

إذا ماذا يحدث عندما ينتهى ما
يسمى بالـ"كـــــورس" ؟؟

أثناء دورة الهرمون فى نظام الجسم, ينخفض انتاج التيستوستيرون الطبيعى
كنتيجة لحقن الجسم بالتيستوستيرون الخارجى, ويرتفع انتاج هرمون (الاستروجين
والكورتيزول وهرمونات اخرى) نتيجة لإرتفاع معدلات التيستوستيرون (لتحقيق
التوازن الكيميائى كما ذكرنا) . عندما ينتهى الـ"كــورس" تنقطع كمية
الهرمون الخارجى تاركة الجسم بمستوى تيستوستيرون منخفض جدا ومستوى
كورتيزول واستروجين عالى جدا (عكس الحالة التى بدأ بها الجسم الـ"كورس"
تماما)

فتذكر جيدا:

اى زيادة غير طبيعية فى اى هرمون من هرمونات الجسم تؤدى حتما الى تغير فى
مستوى بقية الهرمونات للوصول لمرحلة التوازن.

للمرة الاخيرة
هعيدها لأن النقطة دى مهمة جدا جدا:

اى زيادة غير طبيعية فى اى هرمون من هرمونات الجسم تؤدى حتما الى تغير فى
مستوى بقية الهرمونات للوصول لمرحلة التوازن.

ماذا يحدث بعد الـ"كــورس" ؟

مـــرحـــلـــة الـــعـــلاج او ما يسمى بالـ PCT.
POST CYCLE THERAPY (عــلاج ما بـعد الكــورس)

مـمــا يــتـكـــون عــلاج مــا بعـد الكــورس؟

SERM – 1) Selective Estrogen Receptor Modulator
وهى الأساس فى مرحلة علاج ما بعد الكورس ودة بيبقى عبارة عن ادوية طبية,
ولا تباع بمحلات المكملات, تعمل على حجب/منع اعراض الاستروجين وفى نفس
الوقت تصل بمستويات الهرمونات لطبيعتها.

من انواع الـSERM المختلفة:

Tamoxifen - Nolvadex

الأشهر ولأرخص ويعمل على منع اعراض الجينو(كبر حجم الصدر) ولكن من اضراره
انه مدمر للكبد

Clomiphene Citrate - clomid

اقل ضررا على الكبد, يعمل على علاج التيستوستيرون وتحفيز انتاجه ويؤخذ مع
التاموكسفين, من اضراره : اضطرابات عاطفية, مشاكل فى الرؤية

Toremifene

من اشهر الادوية, واقل سمية على الكبد لكن سعره عالى.

Raloxifene

فعال ضد اعراض الجينو, من اضراره: تجمعات دموية فى العين والرئتين, مشاكل
فى التنفس والرؤية

2) Hierarchy: Cortisol Control[/COLOR
أدوية تستخدم لأخفض مستويات الكورتيزول ومن أشهرها

B-Androstenetriol (b-triol)
Methyl B-Androstenetriol (mb-triol)
7-Hydroxy-DHEA
7-oxo-DHEA (7-keto-DHEA)
Cissus

وغيرها وغيرها من الأدوية التى لا حصر لها

طبعا دورة العلاج دى بتبقى بجرعات محددة على مدار 4 اسابيع و ممكن حد
يعملها غلط وممكن يحصل فيها خطأ بسيط الدنيا كلها تتشقلب ولو حصل مشكلة لا
قدر الله مش هتبقى عارف المشكلة دى جاية منين ومحدش هيعرف يساعدك وتسويحة
كبيرة كبيرة يعنى.

وبدون دخول فى تفاصيل أكتر من كدة, بذمتكو, مين من الناس اللى بتضرب منشطات
هنا عندها فكرة عن الكلام دة؟ هتقولى لا فيه ناس عارفة هقولك ماشى بس
نسبتهم كام فى المية ؟ 2%؟ 3%؟ 5%؟ 10%؟؟!!

يا جماعة دة علم وليه دكاترة متخصصين فيه, الناس برة اللى بتضرب فاهمة
الكلام دة كويس مش بتضربه بوهيمى كدة او معظمهم عالأقل عارفين تأثير
الحاجات دى على جسمهم وعارفين ان لازم يعالجو نفسهم بعد دورة
المنشط/الهرمون لكن انا بصراحة مشفتش حد هنا بيعمل الكلام دة يمكن
المحترفين اللى بيخشو بطولات لكن على المستوى الفردى والشباب اللى عايزة
تعمل جسم بسرعة, إنســـــى!

أحب اقول ان منظومة واحدة بس هى اللى هتعملك الجسم اللى نفسك فيه: تمرين +
غذاء + راحة, مفيش حاجة غير المنظومة دى اللى هتحققلك اللى نفسك فيه لكن
للاسف احنا بقينا مستعجلين اوى معرفش ليه, الصبر يا جماعة و شوية تعب مع
الوقت هتوصل للى نفسك فيه من غير اى حاجة والله العظيم, انا عايزكو تخشو
عالموقع دة:
وتشوفو الناس اللى عليه اجسامهم عاملة ازاى وكل دة طبيعى من غير اى
منشطات ولا هبل مسل مانيا دي دورات كمال اجسام للناس الطبيعين لا بيشربو
مية مقطرة ولا بيضربو هرمونات اخرهم مكملات زينا.

منقول للاءفاده
كتبه / خالد.

الله ينور عليك يا استاذ عبد الرحمن وربنا يوفقك ومزيد من التقدم باذن الله

بارك الله فيك يا أستاذ محمود ويوفقنا واياك إلى طاعته.

» جديد وراااااائع..أدخل و لن تندم.. موسووووووووووووعه جامده جدا جدا جدا جدا للشيخ احمد فهيــــم (((( الصاروخ ))
» أدخل و قول ايه رأيك فينا...؟؟؟
» لكل محبى الشيخ كشك أدخل ومش هتندم*********
» أى نوع جسمك أنت Ectomorph أو Mesomorph أو Endomorph ؟ أدخل وأعرف
» عايز تحل كل مشاكلك وتبقى سعيد . أدخل هنا .