انا قلبى وجعنى اوى والله العظيم .....معقول وصلنا للدرجه دى!!!!!!!!!!!

ازيكم يااجمل اعضاء عاملين ايه

انا هدخل فى الموضوع علطول

انا انهاردا سمعت حاجه قلبى اتقطع لما سمعتها والله العظيم كنت هعيط

وقعدت استغفر ربنا واقول لاحول ولا قوة الا بالله لمجرد سماعى الى حصل

طبعا كله عايز يعرف الى حصل

هى ممكن تكون حاجه بقت عاديه فى الزمن الى احنا فيه مش جديده

وساعة ماتسمعوا الحكايه هتقولولى ايه ياميمو ماهو عادى البلد مليانه

بس انا بجد حسيت ان قلبى وجعنى وجه فى نفسى تساؤلات كتيره

القصه ان فى ام ملقتش فلوس تأكل ابنها قتلته كممته بفوطه وقتلته ولما قبضوا عليها وحكت الحكايه

اترجت انها يتحكم عليها بالاعدام لان صوت ابنها فى ودنها مش عايز يروح وهو بيقولها والنبى ياماما

مش تموتينى انا عايز اعيش الام لما ملقتش تاكل ابنها الى عنده خمس سنين كممته بالفوطه قلها والنبى

ياماما مش تموتينى قالتله حاضر وراحت بلتها ميه وجت كملت لحد ما مات

هل دى حاجه طبيعيه يعنى حتى لو طلعت شحتت بيه ودته لباباه الى منفصل عنها رمته ادام ملجئ

لو عملت اى حاجه غير انها تموته مش ارحم مش عارفه الفقر الى خلى ام تعمل كده فى ابنها ولا

شيطان انا مش عارفه اصنفها ازاى تصعب عليا وعليكم ولامتصعبش

الموضوع منشور فى المصرى اليوم

حبس المتهمة بقتل طفلها بسبب «الفقر» فى «النهضة».. والنيابة تقرر تشريح الجثة

كتب فاطمة أبوشنب ٢٩/ ٦/ ٢٠١٠

كشفت تحقيقات نيابة حوادث شرق القاهرة تفاصيل مثيرة فى اتهام ربه منزل بقتل ابنها فى مدينة النهضة بسبب الفقر، قالت المتهمة إنها كانت تحلم بأشخاص يأتونها فى المنام ويحرضونها على محاربة الفقر بممارسة الرذيلة، لكنها تمكنت من السيطرة على هذه الهواجس بالتخلص من ابنها.

وأضافت التحقيقات أنها أبلغت المباحث بعد تحلل الجثة وفشلها من التخلص منها، وتقرر بإشراف المستشار محمد رمزى المحامى العام الأول لنيابات شرق القاهرة حبسها ٤ أيام على ذمة التحقيقات، بتهمة القتل العمد، وأمر بتشريح الجثة لمعرفة سبب الوفاة وطلب تحريات المباحث حول الواقعة.

وقالت الأم المتهمة فى التحقيقات: «قررت يوم الجمعة الماضى الانتحار للتخلص من الفقر، لكنى خشيت على ابنى من البهدلة، ظللت أفكر كثيرا حتى وصلت إلى قتله والتخلص من حياتى، قررت أكتم أنفاسه بفوطة، لكنه استيقظ من النوم وطلب منى أن أتركه يعيش، تركته وبللت الفوطة بالمياه وكتمت أنفاسه حتى فارق الحياة، وتناولت سم الفئران ونمت إلى جواره، أصبت بقىء وإسهال شديدين، ووجدت نفسى على قيد الحياة.

حاولت مرة ثانية بقطع شرايين يدى اليسرى، ظللت أنزف ٦ ساعات وتوقف الدم، فوجئت بابنى ينتفخ وجثته تتعفن وتنفجر، توجهت إلى المباحث وأبلغت الرائد إبراهيم عبدالقادر، معاون المباحث، بالواقعة وطالبته بأن يصدروا حكماً بإعدامى».

تم إخطار اللواء إسماعيل الشاعر، مساعد أول الوزير لمنطقة القاهرة، وانتقل العقيد أشرف عز العرب، مفتش المباحث، وتبين بإشراف اللوا ء فاروق لاشين مدير الإدارة العامة لمباحث العاصمة، أن المتهمة تعانى من أزمة نفسية بسبب عجزها عن الإنفاق على ابنها وأنها أخرجته من المدارس، واصطحب العميد حسن السوهاجى، رئيس قطاع البحث بشرق العاصمة، المتهمة إلى مكان الجريمة وأرشدت عن الأدوات المستخدمة فيها، وأدلت أمام اللواء أمين عز الدين مدير المباحث الجنائية بالتفاصيل كاملة.

التقت «المصرى اليوم» المتهمه وبدأت بالبكاء وصمتت لحظات وقالت: «توسلاته بأن أتركه يعيش لا تغيب عن مسامعى، وجهه وهو يبكى خوفا من الفوطة المبللة بالماء ترعبنى، أريحونى واعدمونى الآن، الفقر وحده هو الذى دفعنى للتخلص من ابنى.. حاولت الانتحار أكثر من مرة بعد قتله، قطعت شرايين يدى، وتناولت سم الفئران لأكون إلى جواره، كنت أتمنى أن أرحل عن الدنيا بكل ما فيها من مآس، واحتفظت بجثة أحمد ٣ أيام، وبعد انفجارها وتحللها توجهت إلى المباحث لمساعدتى على دفنه.. أنا أريد الإعدام حتى أرتاح من الدنيا».

وأضافت المتهمة سهام: «قتلت طفلى أحمد عصام «٩ سنوات»، كتمت أنفاسه بفوطة مبتلة فجر الجمعة الماضى، لم أنظر إلى رجائه لى بعدم قتله، نعم الفقر والاحتياج حولا قلبى إلى حجر».

وأشارت إلى أنها تعيش مأساه منذ ١٠ سنوات، بدأت عند زواجها من محام، تخلى عنها بعد ٣ شهور زواج، طلقها وهى حامل فى الشهر الثانى، انتقلت من بلد لآخر، وبحثت عن مكان للإقامه فيه بصحبة طفلها، الشرط كان أن الإيجار يكون بسيطاً، لكن الفقر وقلة المال كانا يطاردانها، ذهبت إلى الشرقية وأقامت عدة شهور باعتبارها منطقة ريفية ومصاريفها بسيطة لكن لم تتمكن من المعيشة هناك لمطاردتها من الظروف المادية نفسها.

وعادت إلى القاهرة وتمكنت من الإقامة فى شقة بمدينة النهضة. تألمت بشدة قائلة: تخلى أشقائى عنى، وتركونى وحيدة بصحبة ابنى، أنا حاصلة على الثانوية العامة ولم أتمكن من الالتحاق بأى وظيفة.

استكملت المتهمة كلامها: «يوم الجمعة الماضى قررت الانتحار وراودتنى الفكرة للتخلص من الفقر لكنى خشيت على ابنى من البهدلة من الفقر، فقررت قتله».

وأنهت كلامها: «أكثر شىء أثر فى هو عدم إكمال ابنى دراسته، كنت أتمنى أن يكون له مستقبل باهر مثل خاله الذى يشغل مركزا مرموقا فى إحدى الوزارات».

فين خاله الى بيشغل وظيفه مرموقه فين باباه

انا قلبى وجعنى على الولد اكيد هو فى مكان احسن بكتيييييييييييييييييييييييييييييير

بس احنا كبشر فين الرحمه الى فى قلوبنا

الجوع بيعمل اكتر من كده الجوع كافر زى مابيقولوا

بس للدرجه دى خافت يموت من الجوع للدرجه دى مفيش اى وسيله تانيه مش عارفه

ومش عارفه اقول ايه بس انا حزنت اوى بجد انا قلبى وجعنى لما سمعت مش ممكن تبقا حاجه عاديه

معقول الناس مش بقت حاسه ببعضها للدرجه دى خال واب فى مراكز كويسه طب هما فين !!!!!!!!!

معقول الناس مش شايفه بعضها اوى كده معقول الى

فوق مبقاش شايف الى تحت للدرجه دى

معقول الى ربنا كرمه ورزقه مبقاش فاهم ان الرزق دا مبعوتله

عشان الناس التانيه بردو مش ليه لوحده

مش ممكن نكون خلاص وصلنا لكده والله العظيم انا مش عارفه

اقولكم لما سمعت زهلت ازاى قلبى اتقبض

ليه يعنى احنا موصلناش للدرجه دى موصلناش لقلوب متحجره كده

اللهم ارحمنا برحمتك ياارحم الراحمين

اللهم اجعل هذه الدنيا فى ايدينا ولا تجعلها فى قلوبنا

وصلى اللهم على سيدنا محمد وعلى اله وصحبه وسلم

لا حول ولا قوة الا بالله العزيز الحكيم

انا اجد تلك التصرفات فى حاجة واحد بس السبب فى دة كلو (البعد عن الله ) وسيطرة الشيطان على عقولنا بس

اولا اللى يخلى ام تنسى ان رزقها ورزق ابنها على الله عز وجل دة بعد عن الدين

اللى يخلى ام وما لتلك الكلمة من معنى ان تنهى حياة اغلى شئ فى الوجود وهو الطفل ابنها دة بعد عن الدين

الاب اللى يتخلى عن ابنو ويجحد الجحود دة ولا يكون عندة قلب ولا رحمة دة بعد عن الدين

اللى يخلى القريب ناسى قرايبة دة بعد عن الدين (صلة الرحم) اللى ربنا امرنا بيها عشان منشفش اللى بيحصل دة

اللى يخلى الغنى يدوس على الفقير ولا زكاة ولاصدقة وهم اولى دة بعد عن الدين

...........................................................................

عمر الفقر مكان السبب ابدا ياميمو والله الحال هو الحال عمرو ماتغير من زماااااااان

زمان كانت امى تقولى بص للتحت منك واحمد ربنا عالى انت فية والحمد لله

والله زمان كان فى واحد بيشوى درة ناحية بتنا والله كان بيتغدى بس درة هو وعيالو او فول المهم كان على قد حالو خالص حالة لايصر عدو ولا حبيب كان عندو 3 ولاد الكبير دكتور والمتوسط مهندس والثالث مش عارف شغال اية بس كان مكمل تعليمة وواخد شهادة

انا قصدى زمان كنا قريبين من ربنا لكن دلوقتى بعدنا والسبب الله اعلم بس مش الفقر ابدا

ربنا لما قال (لاتقنتو من رحمة الله) صدق الله العظيم ازاى هيا تكون بالضعف دة وتنسى ان فى رب رحيم وكريم دة لانها بعيدة كل البعد عن الدين ....

حتقولولى ممكن تكون جهلة حقولك ياسيدى الله يرحم جدى وجدك حفظو القران ازاى كانو ماشين حسب مايقول كتاب ربك ازاى مش ملايكة بس كانو بيعملو اللى عليهم

اللى بيرزق النملة فى حضن الجبل قادر على رزق انسان

دى مش تستاهل الاعدام دى تستاهل انها تعيش تفضل طول عمرها سامعة صوت ابنها ولا حول ولا قوة الا بالله العزيز الجبار

تقتلو ..... ام ..... طب ازاى امال الناس تعمل اية فى بعضيها خليت للحيوان اية والله الحيوان عندو رحمة

حسبنا الله ونعم الوكيل يارب ياقدر على كل شئ بحق جاه المصطفى اصلح حال الامة

يارب اصلح حال الامة يا رؤف ارؤوف بنا واهدنا الى الصراط المستقيم يارب اصلح حال الامة يارب اصل حال الامة

لفين لفين رياحين................ يارب اصلح حال الامة

لا فقر ولا جهل ولا اى مسبب غير البعد عن الدين

انا اسف ياميمو متعود اضحك وانا بقرا مواضيعك لكن المرادى احزنتينى بالفعل

بارك الله فيكى على احساسك وخلقك

لا اله الا الله

حسبي الله و نعم الوكيل

استغفر الله العظيم الذي لا اله الا هو الحي القيوم واتوب اليه
يــــــــــــــــــــــــــارب ارحمنا برحمتك

لا حول ولا قوه الا بالله
ربنا يرحمه رحمه واسعه
ويهدي كل المسلمين يا رب

تسلموا على تفاعلكم الجميل دا

واسفه انى دايقتكم بس انا بجد حزنت اوى لما سمعته

وحبيت تشاركوا معايا وتقولولى رأيكم

وجزاك الله كل خير محمود بك على ردك الاكثر من رائع

وربنا يرحم امة المسلمين جميعا ويهدينا لما يحبه ويرضاه

نورتونى بمروركم الجميل

لا حول ولا قوة الا بالله العلى العظيم

شكرا لكى يا ميمو على الموضوع

ونستغفر الله العظيم من كل ذنب عظيم

الانسان ربنا خلقه فقير وغني
بس محدش في الاثنين هيستريح
الا اذا رضي بما كتبة الله له

وده انسانة بعيده كل البعد عن ربنا
وده اخرت البعد عن الله وهو الكفر

ربنا يرحم الطفل الذي قتلته ام تجردت من مشاعر الامومه
وان شاء الله ربنا يدخلة الجنه
وحسبي الله ونعم الوكيل في هذه السيده الكافره
وشكرا يا ميمو علي مواضيعك الجميلة

فعلا دا اخرة البعد عن ربنا سبحانه وتعالى ربنا يرحمنا برحمته

فتى النيل ناجح

تسلموا على المرور الجميل

» والله العظيم أروع ماسمعت من تلاوة القران الكريم
» قلبى فى استياء....
» هنا يرقد قلبى
» حبيتك من قلبى حب طحن..
» علمت ان رزقي لن يأخذه غيري فطمأن قلبى .....