مجلس الدولة دفعة 2008و2009

ميعاد جامعة عين شمس امتى

يوم 26 دة لو حضرتك بتكلم عن التقديم الملف

شكرا على الرد بس دة يوم واحد لدفعة 2008 و2009 ولا لدفعة 2009 بس

الاخ minoo_106 مواعيد تقديم جامعه عين شمس هو يوم الخميس 26/8 والتقديم للدفعتين لان الجدول مش موضح دفعه محدده

هام جدا يجماعه

انا فالملف بتاعى فالورقه المرفقه مطلوب الاتى :-
- شهاده حسن سير وسلوك ( ماذا تعنى ؟؟؟؟؟؟؟؟؟؟؟؟؟؟؟؟؟؟؟؟؟ )
- مكتوب هناك ورقتين فحص طبى يتم ملئهم , لايوجد عندى بالملف . هل يوجد عندكم ؟ ارجو الافاده ؟
_ وايضا البطاقات اللاصقه (مكتوب تملأ ) لاتوجد عندى بالملف ؟
-_ وماذا يحدثاذا قدمت ملفى قبل الميعاد المطلوب او بعده ؟؟؟؟؟؟؟؟؟؟؟

الى prosecutor
1.بالنسبه لشهاده حسن سير والسلوك دى موجوده عندك فى الملف ولا انت سمعت بيها؟؟؟؟؟؟؟؟ وياريت تقولى انت جامعه ايه عشان انا جامعه عين شمس ومش مطلوب منى الشهاده دى فياريت تتأكد
اما لو كنت عاوز تعرف بتجيبها منين فأنت بتروح الكليه بتاعتك تجيبها من هناك وهيه ورقه بتشهد فيها كليتك انك كنت سن السير والسلوك يعنى ما اخدتش جزاءات او فصل من الكليه مثلآ
2.ايضآ مفيش حاجه اسمها البطاقه اللاصقه عندى انت جبت الكلام ده منين
3.وبرده مفيش حاجه مكتوبه اسمها ورقتين فحص طبى فى الملف بتاعى
4.لو قدمت ملفك قبل الميعاد بتاعك فأكيد انهم مش هياخدوه منك لازم تقدم فى جامعتك عشان ده النظام اللى هما عاملينه عشان يخففوا الضغط والزحمه
ياريت تقولى انت جامعه ايه ودفعه كام؟؟؟؟؟؟؟؟؟؟؟
وربنا بوفق الجميع وكل سنه وانت طيب

وانا برضوا جامعة عين شمس ومفيش حاجه من الى انت قولتها دى موجوده فى الملف عندى

يا جماعه انتوا هاتذكروا منين عشان نلحق نذاكر؟؟؟؟؟؟

وانا بردة مفيش الكلام دة عندى بس المشكلة فى ملف مجلس الدولة الاماكن الاسماء والوظيفة والابناء صغيرة جداااااااااااا

فعلا الحاجات اللي بتلكم عنها الاخ prosecutorاول مره اسمع انها لان الملف مش موجود فيه الحاجات دي ولا مطلوب الشهاده دي ياريت تتاكد بنفسك وتشوف ايه الموضوع ده

يجماااااااااااااعه بالفعل الكلام دا مش موجود فى أى ملف وانا اتأكدت خلاص

بس فى ورقه التعليمات والارشادات اللى فالملف . مكتوب فيها كدا وكله يشوف هيلاقى الكلام دا

السلام عليكم
استفسار بسيط الفيش الجنائي للوالد يكتب في خانه الجهه الموجه ليها ايه هل تكتب مجلس الدوله ولا تقديم نجلي في مجلس الدوله الرجاء التوضيح وشكرا جزيلا

سيبك من ورقة التعليمات
وفيه معلومة بتثقول ان الدفعتين هيتعينوا مع بعض فى شهر يناير المقبل
بالتوفيق للجميع

فى بيانات سكن المرشح خانتين
(هل السكن مشترك\عدد افراد اسرة الشريك)
ما المقصود بهم لانه هناك لبس فى الامر عندى

الى خالد كامل
انت اكتب مجلس الدوله فقط ولا تكتبى نجلى ولا للتعين ومش هتفرق كتبت او ماكتبتش المهم يكون مكتوب موجه ل مجلس الدوله

الى abd el rahman
يعنى هل الشقه اللى حضرتك ساكن فيها ملك لوالدك كلها ولا فيه حد ليه جزء منها يعنى مثلآ حد من اعمامك ليه ورث فيها فلو كانت ملك لوالدك كلها يبقى تبكتب لا السكن مش مشترك وطالما مش مشترك يبقى مفيش عدد افراد اسره الشريك

شكرا جزيلا استاذ احمد سليم علي رد حضرتك

لا شكر على واجب استاذ خالد كامل وربنا يوفق الجميع
كل عام وحضرتك بخير

وانتا بخير وصحه وسلامه

يا جماعه فى خانه الاعمام والاخوه عندك كل اسم بيقولك عدد الابناء وتواريخ ميلادهم الافضل نكتب اسمائهم كمان ولا كفايه العدد وتواريخ الميلاد

ممكن يا جماعه اى حد يكتب الحاجات المطلوبه الى مكتوبه فى الورقه الى فى الملف

أحمد بيه سليم
أكتب العدد الأجمالى وبعد ذلك أفتح قوس أكتب اول أسم من ابن عمك وتاريخ الميلاد وأقفل القوس وهكذا
أنا عملت كده

1_ طلب تعيين .
2-شهادة التخرج المؤقتة .
3-شهادة بتقديرات سنوات الدراسة مبين بها مجموع كل سنة على حده .
4-صحيفة الحالة الجنائية للمتقدم ولوالده وفى حالة السفر او الوفاه يقدم مايثبت ذلك.
5_أقرار من المتقدم بموقفه من التجنيد أوصورة من شهادة الأعفاء منه .
6-صورة ضوئية من بطاقة الرقم القومى للمتقدم ولوالده .
7-عدد 12 صورة حديثة للمتقدم .
8-شهادة الميلاد أو ستخرج رسمى منها.
9_كتابة الأربع أستمارا الموجودة بالملف.
10-يجب على المتقدم ترتيب الأوراق حسب الأقام المبينة بعاليه ولايقل الملف دون ذلك.

بس على فكرة يا أ / سباى
هناك اختلاف بين بعض الملفات بالنسبة للطلبات لأن فى ملفات كان مكتوب فيها مطلوب شهادة حسن سير وسلوك.

شكراا يا استاذ احمد حسن بس انت هاتعمل شهاد حسن سير وسلوك مش حضرتك بردوا جامعة عين شمس

» مجلس الدولة دفعة 2009 ( جيد )
» مجلس الدولة دفعة -2008-2009
» اسئلة مجلس الدولة دفعة 2008 و2009
» إعلان مجلس الدولة رقم (1) لسنة 2012 دفعة 2011
» إعلان مجلس الدولة رقم (1) لسنة 2012 دفعة 2011