مجلس الدولة دفعة 2008و2009

هى اللجنة الى هتمتحنا عددها كام واحد؟
وانتوا دخلتوا ازاى المقابلة انا سمعت 6 ب6 وان الانجليزى ثم الفرنسى ثم العربى بالترتيب التقديرى.
وان كل الناس بدأت مقابلاتها على 10 مع ان الوصل مكتوب فية الميعاد 9 صباحا.

و مكان المقابلة هيكون فين الدور الى سحبنا فية الملفات ولا لا؟

هل يتم مناقشة الاجابات زى الادارية ولا بينجزوا زى العامة؟

يعنى اية الارادة المنفردة

السلام عليكم
انا عملت مقابلتي النهارده وبالنسبه للناس اللي بتسال عن النظام هو كالاتي
الناس بتدخل كل 6 مع بعض وبعدين بتقول اسمك بصوت عاليو وواضح واللي وراك وهكذا وواحد من الساده بيسالك انتا وحظك في اسئله رخمه وفي اسئله معروفه انا علي حظ مجموعتي كانت قضيه مكلكعه جدا وبعدين بتخلص في دقيقه بالكتير وبالنسبه لنظام الاسئله مفيش منوال واحد يعني هو سوال واحد يسال للسته كلهم الاول يبتدي يجاوب ممكن يناقشه وممكن يمرر السوال للي بعده وهكذا وسعات بيروح لو حد قال نفس الاجابه يقولوه ليه او واحيانا برضو بيقولو الاجابه اللي قالها زميلك صح ولا غلط لو انتا قلت صح اوك غلط ممكن يناقشك دي معظم الحالات اللي مرت امامي اليوم وبالنسبه للمواعيد انا من اسكندريه واتاخرت ووصلت المجلس 10 ونص صباحا ولقيتهم لسه بينظمو المهم ابتدينا ندخل علي 11 بس نصيحه اي حد من بره القاهره انزل بدري علشان الزحمه الشديده وبالنسبه للدور هو هو نفس الدور اللي سحبنا وقدمنا منه الملف بالتوفيق رجعوا الاداري ياجماعه كويس لان التركيز كله عليه ورنا يوقفكم باذن الله وشكرا

اشكر الاخ خالد كامل على مجهودة الرائع

سؤال اخير: الى جاوب صواء صح او غلط هل يخرج زى العامة ولا يستنى زمايلة زى الادارية؟
واضح من كلام حضرتك انكوا بتفضلوا واقفين محدش بيقعد

لا شكر علي واجب اخي الثعلب العربي
فعلا انتا بتدخل انتا وزمايلك 6 مع بعض ومفيش كراسي بتقف ادامهم ويبتدي يسال لحد مايخلص السته وبعدين بتمشو كلكم مع بعض زي مادخلتم مع بعض اول مايشاوركم بايده او يقولوكم اتفضلو شكرا مش زي العامه اللي يخلص يمشي

تفتكروا اهم حاجه فى المجلس هى الوسطة ذى النيابة العامة والادارية ولا المقابلة ولا التقدير

mahmoud kamal كتب:: تفتكروا اهم حاجه فى المجلس هى الوسطة ذى النيابة العامة والادارية ولا المقابلة ولا التقدير

اخى الغالى بالنسبة للعامة هى اكتر هيئة عاوزة واسطة
اما الادارية فعايزة ايجابة مع الواسطة

اما المجلس فالى اعرفة انة كان دايما عايز ايجابات والمقابلة مهمة جدا اما السنادى فاسمع ان الواسطة فوق الجميع

خالد كامل كتب:: لا شكر علي واجب اخي الثعلب العربي
فعلا انتا بتدخل انتا وزمايلك 6 مع بعض ومفيش كراسي بتقف ادامهم ويبتدي يسال لحد مايخلص السته وبعدين بتمشو كلكم مع بعض زي مادخلتم مع بعض اول مايشاوركم بايده او يقولوكم اتفضلو شكرا مش زي العامه اللي يخلص يمشي

تسلم يا باشا وربنا يكرمك يارب
طيب هما المستشارين كام واحد ؟7 ولا اكتر؟

لا ياباشا دول كتير تقدر تقول حوالي 12 مش عارف ايه العدد ده كله احنا اتخدينا لما دخلنا Smile

بس عموما ملكش دعوه بالعدد وركز في اجابتك وخلاص

ياجماعه فين الاسئله

امال ايه موضوع الاسئله العامه دى

السلام عليكم يا شباب
انا كانت مقابلتى النهاردة وبجد ياريتنى ما روحت والتعامل هناك وحش جدا

بدأ الموظفين يظبطونا على الساعة 10 وبدات المقابلات 10 ونص والمجموعة بتكون 6 افراد وبيقعدوا اقل من 10 ثوانى فى المقابلة.
الى بيتسال هو اول واحد فى المجموعة والباقى بيتسال نفس السؤال او بيتقلهم الكلام دا صح ولا غلط.
اول ما بتدخل المقابلة هتلاقى بتاع 15 مستشار وبيقولولك قول اسمك بصوت عالى.

الاسئلة بتاعت النهاردة كانت
1_ مين لة الحق برفع الدعوى امام المحكمة الدستورية العليا؟
2_ سن المستشار كام؟
3_ قرار العلاوة وغلاء المعيشة يقع تحت البند كام فى اختصاص مجلس الدولة؟
4_ عرف القرار الادارى
5_عرف القرار المنفصل والسؤال دا اتسال لمعظمنا ومحدش جاوبة اصلا ولا لحق يجاوب.

على فكرة فى ناس النهاردة مردتش تيجى المقابلة وندموا على التقديم اصلا.
فى اكثر من مستشار بيأكدوا ان الموضوع كلة عبارة عن وسايط والمقابلة ملهاش قيمة.

دا كان النهاردة جامعة المنصورة

الثعلب العربى كتب:: السلام عليكم يا شباب
انا كانت مقابلتى النهاردة وبجد ياريتنى ما روحت والتعامل هناك وحش جدا

بدأ الموظفين يظبطونا على الساعة 10 وبدات المقابلات 10 ونص والمجموعة بتكون 6 افراد وبيقعدوا اقل من 10 ثوانى فى المقابلة.
الى بيتسال هو اول واحد فى المجموعة والباقى بيتسال نفس السؤال او بيتقلهم الكلام دا صح ولا غلط.
اول ما بتدخل المقابلة هتلاقى بتاع 15 مستشار وبيقولولك قول اسمك بصوت عالى.

الاسئلة بتاعت النهاردة كانت
1_ مين لة الحق برفع الدعوى امام المحكمة الدستورية العليا؟
2_ سن المستشار كام؟
3_ قرار العلاوة وغلاء المعيشة يقع تحت البند كام فى اختصاص مجلس الدولة؟
4_ عرف القرار الادارى
5_عرف القرار المنفصل والسؤال دا اتسال لمعظمنا ومحدش جاوبة اصلا ولا لحق يجاوب.

على فكرة فى ناس النهاردة مردتش تيجى المقابلة وندموا على التقديم اصلا.
فى اكثر من مستشار بيأكدوا ان الموضوع كلة عبارة عن وسايط والمقابلة ملهاش قيمة.

دا كان النهاردة جامعة المنصورة

من المقبولين يا باشا ان شاء الله
بس انا عايز اسلك سوال الكلام بتاع الوسطه من ستشارين من المجلس ولا من براه

mahmoud kamal كتب:

الثعلب العربى كتب:: السلام عليكم يا شباب
انا كانت مقابلتى النهاردة وبجد ياريتنى ما روحت والتعامل هناك وحش جدا

بدأ الموظفين يظبطونا على الساعة 10 وبدات المقابلات 10 ونص والمجموعة بتكون 6 افراد وبيقعدوا اقل من 10 ثوانى فى المقابلة.
الى بيتسال هو اول واحد فى المجموعة والباقى بيتسال نفس السؤال او بيتقلهم الكلام دا صح ولا غلط.
اول ما بتدخل المقابلة هتلاقى بتاع 15 مستشار وبيقولولك قول اسمك بصوت عالى.

الاسئلة بتاعت النهاردة كانت
1_ مين لة الحق برفع الدعوى امام المحكمة الدستورية العليا؟
2_ سن المستشار كام؟
3_ قرار العلاوة وغلاء المعيشة يقع تحت البند كام فى اختصاص مجلس الدولة؟
4_ عرف القرار الادارى
5_عرف القرار المنفصل والسؤال دا اتسال لمعظمنا ومحدش جاوبة اصلا ولا لحق يجاوب.

على فكرة فى ناس النهاردة مردتش تيجى المقابلة وندموا على التقديم اصلا.
فى اكثر من مستشار بيأكدوا ان الموضوع كلة عبارة عن وسايط والمقابلة ملهاش قيمة.

دا كان النهاردة جامعة المنصورة

من المقبولين يا باشا ان شاء الله
بس انا عايز اسلك سوال الكلام بتاع الوسطه من ستشارين من المجلس ولا من براه

يسمع من بوقك ربنا .
انا سالت مستشار فى النيابة الادارية وقالى كدا.
وسالت 2 هيئة قضايا الدولة و قالوا كدا وكان دمهم محروق اوى ((( ابنائهم معانا فى المقابلة)))
وسالت 2 فى مجلس الدولة واحد منهم قال ان الموضوع بيبقى دائما لولادها بس المقابلة مهمة ولكن السنادى المقابلة ملهاش لزمة فى الحياة وان الى هينزلة تحريات هما الناس الى نزلهم قبل كدا (( اوائل الدفعة)) +عدد قليل من الوسايط الى مش من الاوائل.
اما المستشار التانى كان بينفضلى الصراحة وقعد يقول مفيش واسطة خالص فى المجلس.

وانا سالت الشباب الى كانوا معانا فى المقابلة ومنهم ناس كان نزلهم تحريات مجلس الدولة.
واعتقد ان الحوار كدا هيبقى مقصور على الوسايط والناس الى نزلها تحريات قبل كدا

اة يا شباب
حصل حاجة غريبة فى بعض المجموعات
وهى ان المستشارين بعتوا الفراشين او الموظفين الى على الباب دول يندهوا على بعض الناس بعد المقابلة ودا حصل فى مجموعتى بعد ما خلصنا وخرجنا لقيت الفراشين دول بيجروا علينا ويندهوا على واحد معانا وقالوا البشوات عايزينك اتفضل معانا يا استاذ.
وواحد تالت خرج قال كدا برضوا
دا حصل مع انجليزى اما باقى الناس فمعرفش

السلام عليك ورحمة الله وبركاته
بالامس 31/10/2010، كانت مقابلتى أمام مجلس الدوله ، جامعة الزقازيق ، وبدأت المقابلات الساعه 10.30 تقريباً ، ودخلنا 6 مرشحين فى اللجنه الواحده ، ولما دخلت لجنتنا قام سيادة المستشار / محمد عبد الغنى ، رئيس المجلس بإلقاء سؤاله إلى رقم واحد ( علاوة الخطر تندرج تحت البند رقم كام من بنود إختصاص مجلس الدوله ؟ ) فالاول أماء برأسه بأنه لا يعلم ثم انتقل إلى الثانى، إللى هو العبد لله ، فقمت بالإجابه إجابة خاطئه ، وانا على علم بأنى اجاوب خطأ ، وكان المستشارين بيسمعو الاجابه ، وبعد كده شاور على بعدى وقال لا اعرف وهكذ حتى وصل الى السادس الذى قال ايضاً لا اعرف ، ثم قال أحد المستشارين تفضلوا ، وعلى الفور قال السيد المستشار رئيس المجلس ، ( إ ستنو يا أولاد ...على فكره انا بأحترم جداً اللى ميكنشى عارف ويقول انا ما اعرفشى ... مش يقول اى حاجه .. تفضلو ) طبعاً الكلام موجه إلى انا ، وبعد كدا خرجنا
اولاً - رجا من السيد المدير او الاستاذ رامى أن يفصح عن تعليقه عما حدث ، ما هو رأيه فيما حدث ؟
ثانياً - من الا سئله إللى إتسئلت :
1- ما هو الالتزام الطبيعى ؟
2- اذكر امثله للإلتزام الطبيعى ؟
3- متى يطيع المرؤوس امر رئيسه غير المشروع ؟
4- كيف ينقضى الالتزام بغير طريق الوفاء ؟
بالإضافه إلى السؤال الذى تم توجيهه إلى لجنتنا ..
وشكــــــــر ا ً

قبل الاجابة عليك اود ان اعرف ما هى الاجابة التى ادليت بها بالتفصيل

اولاً ـ آسف على التأخير فى الإجابه .
ثانياً ـ الإجابه ، الخاطئه هى :
( ...البند السادس .... فسيادة المستشار الرئيس قال ....إللى بتقول إيه ... فقلت إللى بتقول إن تختص محاكم مجلس الدوله بالنظر فى المسائل المتعلقه بالعلاوات المستحقه للموظفين .. ) دا إللى انا إفتكرته من الإجابه ، بس إللى انا متأكد منه إن انا تكلمت اكتر من كدا ، فى حدود 30 ثانيه ، او 3 سطور.

لا عادى خالص يا باشا ولا تحط فى دماغك
اذا كان هو رفضك فباقى السبعة اكيد هيأيدوك
بالتوفيق ان شاء الله
وحصل مع زمايلى اكثر من كده كمان وربنا وفقهم

ماهو معيار قبول فى المجلس؟؟؟؟؟؟؟؟

الواسطو ثم التقدير ثم الاجابة على السؤال فى المقابلة الشخصية

بعد اذن حضرتك اعقب على موضوع معيار القبول فى المجلس لم يصبح الاجابه على السوال اى اهميه خصوصا هذا العام فالمقابله لم تعد تتجاوز الدقيقه عكس باقى السنوات فالمعيار الوحيد الان هو الواسطه ثم الواسطه ثم الواسطه

المدير العام كتب:: الواسطو ثم التقدير ثم الاجابة على السؤال فى المقابلة الشخصية

بس مكنش فى مقابلة خالص دى كانت ثوانى ومدوش فرصة لحد يجاوب اصلا

طول عمر المجلس لو معاك تقدير ومعرفتش تجاوب مش هتتعين مش هتتعين مش هتتعين
والواسطة موجودة فى كل شئ
ولكن فى المجلس التقديرات مطلوبة

» مجلس الدولة دفعة 2009 ( جيد )
» مجلس الدولة دفعة -2008-2009
» اسئلة مجلس الدولة دفعة 2008 و2009
» إعلان مجلس الدولة رقم (1) لسنة 2012 دفعة 2011
» إعلان مجلس الدولة رقم (1) لسنة 2012 دفعة 2011