مجلس الدولة دفعة 2008و2009

prosecutor كتب:: يجماعه تحريات 2009 منزلتش , اعتقد ان كلها اشاعات

والله معرفش ولا واحد 2009 نزله تحريات ولا فى محافظتى ولا محافظه غيرى ولا حتى ولاد مستشارين
كله بيقول لسه
2009 لسه

لو فى حد هنا نزله تحريات او يعرف حد نزله تحريات 2009 يقول
اعتقد مفيش

اة والله كلامك دة جميل ونفس اللى حصل معايا وانا اؤيدك فى ان لو حد نزلة او يعرف حد نزلة 2009 يقول انا المعلومات اللى عندى انها على اخر الشهر دة او اول الشهر القادم الا اننى ليس متاكد 100 % من هذا الكلام الا انة الكلام اللى وصلنى

ياجماعه تحريات 2009 نزلت باالفعل وانا بأكد الكلام ده....بس التحريات الى نزلت نزلت لناس منزلهاش قبل كده دى حاجه وفيه واحد نزله تحريات مجلس 2009 وكان نازله قبل كده بس يقال ان دى استكمال اجراءت ناقصه....وانا متأكد من الكلام ده يعنى تحريات 2009 نزلت باالفعل بس بصراحه انا معرفش حد من الى نزله تحريات كان نازله قبل كده ودا معناه ان الى نزله تحريات قبل كده معتقدش هينزله تانى ودا الى عايزين نتأكد منه فى الفتره دى ....ياريت نتكلم على اساس ان تحريات 2009 نزلت وشغالين فيها دلوقتى

اوكى كلام جميل بس المفروض الاسماء كلها تنزل المديريات حتى لو كان نزلهم قبل كدا مع العلم ان كنت فى المديرية انهادة ومفيش غير خمس ملفات فقط نزلهم ودل خاصين بدفعة 2008 اما 2009 مفيش اى حد نزلة سوء نزلة قبل كدا او منزلهوش حضرتك تعرف حد بالفعل نزلة

فى كشوفات اخرى هتنزل ان شاء الله , ومتنسوش ان المجلس ينزل لعدد محدود جدااااااااااااااااااا وقليل جدااااااااااا.

بالنسبة ليك يا اخ اسلام عبدالنبى : لو معرفتش مديريتك ايه عليك السؤال فى قسم الشرطة علشان تعرف هم تبع مديرية اية لان بجد معرفش شبرا تبع بنها ولا تبع اية ؟

مع احترامى للعضو النائب العام مش شرط كل الاسماء تنزل المديريه ممكن التحريات تخلص مباشرة من مكتب الامن فى الوزاره دون ان تذهب الى المديريه والا فما المانع من نزول التحريات كامله لدفعة 2009 بدلا من نزولها على دفعات خصوصا ان تحريات المجلس بتنزل لعدد محدود كما قال المشرف المحترم الثعلب العربى ودا كلام قابل للنقد بس رجاء الى عنده اى كلام يكون متاكد منه ........شكرا

على فكره انا وصلنى معلومه ان تحريات الدفعتين انتهت وهى الان فى المجلس باانتظارتحديد ميعاد الكشف الطبى ياريت نتأكد كلنا من الخبرده

مدحت الصعيدى كتب:: على فكره انا وصلنى معلومه ان تحريات الدفعتين انتهت وهى الان فى المجلس باانتظارتحديد ميعاد الكشف الطبى ياريت نتأكد كلنا من الخبرده

اعتقد لسة لان عندى معلومات انها شغالة لاول الشهرالقادة فاعتقد الطبى فى شهر2

مدحت الصعيدى كتب:: مع احترامى للعضو النائب العام مش شرط كل الاسماء تنزل المديريه ممكن التحريات تخلص مباشرة من مكتب الامن فى الوزاره دون ان تذهب الى المديريه والا فما المانع من نزول التحريات كامله لدفعة 2009 بدلا من نزولها على دفعات خصوصا ان تحريات المجلس بتنزل لعدد محدود كما قال المشرف المحترم الثعلب العربى ودا كلام قابل للنقد بس رجاء الى عنده اى كلام يكون متاكد منه ........شكرا

تحياتى ليك يا باشا , الاسماء لازم تنزل اول فى المديريات ويكون عندها علم اولا حتى ولو هتاخد التحريات من العامة الادارية. اما بالنسبة لوجود ملفات قليلة من 2008 وعدم وجود ملفات من 2009 فى المديرية ممكن ان يرجع الى ان لا يجد اصلا ناس هتدخل من 2009 فى المديرية دى , او ان لسة منزلوش تحريات ل 2009 للمديرية دى .

انا فى العامة نزلى تحريات فى المركز بتاعى , واصحابى من نفس المحافظة ولكن مركز اخر نزلهم قبلى بحوالى اسبوعين , وكنت مرعوب وازاى محافظة واحدة , وسالت وقالك لسة فى كشوفات جاية للمديرية . فممكن ينزل كشف ل 2009 لانهم منزلهمش اصلا .

المشرف المحترم الثعلب العربى كتب\
انا فى العامة نزلى تحريات فى المركز بتاعى , واصحابى من نفس المحافظة ولكن مركز اخر نزلهم قبلى بحوالى اسبوعين , وكنت مرعوب وازاى محافظة واحدة , وسالت وقالك لسة فى كشوفات جاية للمديرية . فممكن ينزل ك
كشف ل 2009 لانهم منزلهمش اصلا.................
بص ياباشا
كلام اكيد انا اعرف ناس فعلا 2009 نزلهم تحريات وسمعت من كذا مصدران التحريات للناس الى معملوهم تحريات قريبه اداريه اوعامه هياخدوها من مكتب الامن فى الوزاره وصدقنى مش لازم تنزل المديريه والا كنت عرفت بيها دى حاجه لانى انا متابع وبعدين عارف اوائل الدفعه كلها مفيش حد وصله حاجه ولا يعرف اى حاجه عن التحريات وكل واحد ليه مصادره وبيسأل وبيقولو التحريات مش هتنزل هتخلص من هناك ....وبعدين العدد فى 2009 مجلس يعنى اعتقدعد بسيط مش مستاهله الحكايه ان التحريات تنزل لناس وبعد فتره ينزل كشف تانى وبعدين الاولى فى المجلس كان نزل لاوائل الدفعات وبعدين الجيد صح......الى حصل العكس ودا دليل ان الى نزله تحريات دول لسه جداد يعنى منزلهمش تحريات قبل كده.....دا كلام صحيح يحتمل الخطا حبيت اوضح وجهة نظرى فقط ودى قابله للنقاش بس ياريت الى يقول حاجه يكون متأكد منها بعد اذنكم

لو سمحتو انا مانزليش تحريات مجلس الدوله
انا 2009
معني كده ان انا منجحتش في المقابله ؟؟؟؟؟

انا منزليش تحريات مجلس ومع ذلك اسمى كان فى الكشف الطبى لولا حدوث بعض الاحداث التى اخرجت اسمى وثلاثون اخرون من الكشف
فلا تقلق طالما جاتلك تحريات جهة اخرى
بالتوفيق للجميع

والله يا مدحت الصعيدى : انا معنديش فكرة عن انها ممكن تخلص من مكتب الامن اتوماتيك على طول , الى اعرفه انها لازم تنزل المديرية .

لو كلامك صح يبقى بشرة خير كبيرة اووووووووووووووى وانا والله اتمنى ان كلامك يكون هو الصح وانها تتاخد من مكتب الامن اتوماتيك ومتنزلش المديرية , بس للأمانة انا مش هفتى , فعلشان كدا معنديش معلومة فى الجزئية دى.

ارجو منك السؤال مجداا و تطمنى وتطمن كل الزملاء لان دى هتكون بشرة خير اوى , تحياتى ليك وتقديرى ليك.وربنا يجازيك خيرا على المجهود , وفى انتظار تأكيدك للمعلومة مرة اخرى.

ياريت يا استاذ تلعب تقولنا تحريات دفعة 2009 وصلت لحد فين لو عندك معلومات

سيادة النائب كتب:: ياريت يا استاذ تلعب تقولنا تحريات دفعة 2009 وصلت لحد فين لو عندك معلومات

كل الى اعرفة انها نزلت وان ممكن اسماء تانية تنزل الفترة الى جاية

يا جماعه انا سمعت ان دفعه 2008 و 2009 و 2010 هيعينوا كلهم قبل شهر 8 ده عشان قبل ما رئيس المجلس الحالى يطلع على المعاش عشان ناووين يمشوا كل دفعه بدفعتها وما يركموش الدفعات؟؟؟؟؟؟؟!!!!

ياريت يا اسلام يكون كلامك صحيح

انا سمعت برده ان دفعة 2008و 2009 و2010 هيتعينوا مع بعض بقر ار هيمضي عليه المستشارمحمد عبد الغني والكلام ده من بعض المصادر في المجلس

2008 و 2009 فقط
موضوع 2010 ده اشاااااااااااااعة
بالتوفيق للجميع

انا مش عارف اقول اية بجد بس لازم اسال عن اية الوضع الان فى مجلس الدولة ربنا يعدى الايام دى على خير

معلش سؤال لدفعه 2009 انتو فى مقابله المجلس ايه الا حصل بالظبط ولوفي اسئله ايه الا بيتم وانتم جوبتم على الاسئله ولا ممكن لاقدر الله ممكن الواحد مايجاوبش

pogar كتب:: معلش سؤال لدفعه 2009 انتو فى مقابله المجلس ايه الا حصل بالظبط ولوفي اسئله ايه الا بيتم وانتم جوبتم على الاسئله ولا ممكن لاقدر الله ممكن الواحد مايجاوبش

مقابلات 2009 و 2008 كانت كفتة على الاخر Very Happy

, بتدخل تقول اسمك بصوت عالى ويقول سؤال وقبل ما تجاوب يقول الى بعدة .

الاسئلة فى المننتدى بس انصحك بأنتظار مقابلات دفعة 2010جامعة القاهرة ورؤية ان كان هناك داعى للمذاكرة اصلا ولا لا Very Happy

تهنئة للاخوة الكرام بحلول المولد النبوى الشريف

كل عام وجميعكم بخير .

---------------------------------

تهنئة اخرى بمناسبة عيد الحب (((( اراء كثيرة لا تحب الاحتفال به))))) ولكن كل ما احب ان اقولة اتمنى من الله ان يعيش الجميع فى حب ووئام وان يكون هذا الحب حلال شرعى Very Happy

وربنا يكرم الجميع ويحفظ مصر سالمة امنه.

طيب امتى مقابلات جامعه القاهره وياريت لما حد يروح يقول لنا ايه الاحصل وبالتوفيق للجميع

pogar كتب:: طيب امتى مقابلات جامعه القاهره وياريت لما حد يروح يقول لنا ايه الاحصل وبالتوفيق للجميع

فى موضوع مخصص لدفعة 2010 ممكن حضرتك تشارك فية لانة دا خاص بدفعة 2008/2009

عفوا

» مجلس الدولة دفعة 2009 ( جيد )
» مجلس الدولة دفعة -2008-2009
» اسئلة مجلس الدولة دفعة 2008 و2009
» إعلان مجلس الدولة رقم (1) لسنة 2012 دفعة 2011
» إعلان مجلس الدولة رقم (1) لسنة 2012 دفعة 2011