اقتراح لتطوير المنتدى .............................

بسم الله الرحمن الرحيم



اقتراح لتطوير المنتدى


احبابى فى الله



السلام عليكم ورحمة الله وبركاتة



- ان الحمد لله نحمدة ونستعينة ونستهدية ونستغفرة ونعوذ بالله من شرور انفسنا ومن سيئات اعمالنا من يهدة الله فلا مضل لة ومن يضلل فلا هادى لة واشهد ان لا الة الا الله وحد لا شريك لة واشهد ان محمدا عبدة ورسولة


- عندى فكرة بسيطة ممكن تطور المنتدى هعرضها فى نقاط محددة على حضراتكم واتمنى اعرف راى حضراتكم .

الامر الاول

نكلف كل مشرف خلال اسبوع بدعوة عضو للدخول فى المنتدى سواء كان صديقة او اخوة او اى شخص يعرفة . لو الموضوع دة اتحقق عدد الاعضاء هيكبر بشكل غير عادى وسعتها هتحسوا بروح المنتدى صح

- المنتدى رائع وجميل بس واسع على العدد الى موجود لو الاعداد زادت بجد المنتدى هيبقى اجمل بكثير

عايزين نكون ناس موضوعية شوية يعنى ياريت فى الرود ملاحظ ان الردود واحدة لا تتغير ابدا

- ياريت بلاش كدة ياريت نسمع اراء ونشوف وجهة نظر حضراتكم . نشوف تعليق على الموضوع . فكرة الموضوع
رايكم فية بجد وبدون زعل

- انما سياسة جزاك الله خيرا بتاعتى دى ( السنهورى)

- وبارك الله فيك والكلام دة بيقتل الاحساس بالموضوع

الامر الثانى

يا ريت يا جماعة يكون لينا طابعنا الخاص بمعنى ان يكون لنا هويتنا الخاصة – موضوعاتنا الخاصة التى تعبر عن كيان افراد هذا المنتدى ولن يتحقق ذلك الا اذا قللنا الموضوعات المنقولة

- اعلم ان النقل مع الاشارة الى ذلك امر عادى ولكن ما اريدة هو ان يكون بجوار النقل طابعنا الخاص


- ان كان منتدى راجعون الى الله حديث النشاة وكان لابد ان نلجا الى الموضوعات المنقولة على الاقل فى بداية نشاتة لايجاد وخلق كيان للمنتدى الان اعتقد انة قد تغير الوقت واختلفت للظروف



- حان للضيف ان يعود الى بيتة


- حان للضيف ان يترك مؤائد الاخرين


- حان لنا ان نعلن عن وجودنا بموضوعتنا نحن غير المستعارة

- كفانا جلوسا على مؤائد الاخرين


الامر الثالث

الخريجين الى بيجوا المنتدى علشان اخبار النيابات وغيرها من الهيئات القضائية

لية ميكنش فية نظام معين للترحيب بيهم ومحاولة دعوتهم للتواجد فى المنتدى بشكل دائم فاغلب حضراتكم اتيتم المنتديات للسوال عن امر ثم استقر الجميع

ينبغى ان نسعى جاهدين لادخال عناصر جديدة بالمنتدى فالاعضاء الجدد هو حياة اى منتدى

[center]

الافكار جميله جدااااااااااااا ياستاذ سنهورى

بس المشكله ان المشرفين نفسهم مش بيتواجدوا علطول

وحتى لو حصل استضافه لاقارب المشرفين اوالاعضاء مش الكل بردو هيدخل يشارك هيزيد عدد اعضاء بس بطريقه شرفيه ليس الا واحده واحده بالمواضيع المفيده والقيمه والمهمه هنلاقى ان شاء الله اعضاء كتير هيفيدونا ونفيدهم ودا حصل الحمدلله فى ناس كتير كانوا فى الخريجين بس وبدئوا يتواجدوا معانا بفضل ربنا

بالنسبه للمواضيع المنقوله دى حاجه طبيعيه جدا المهم انتقائك للمواضيع دى تكون فى اطار منتدانا منتدى راجعون الى الله تكون مواضيع محترمه وهادفه مع العلم ان فى قسم مقالات الاعضاء واشعار الاعضاء وفى اقسام كتيره مرتبطه بالاعضاء نفسهم لكن فى اعضاء مش من هواة الكتابه لكن من هواة القرايه فممكن يقروا موضوع فمنتدى تانى ويعجبهم او يحسوا فيه استفاده او اسلوب جميل ويجيبوه منتدانا ودا حاجه كويسه جدا وكذلك فى ناس بتعرف تكتب بس فى نفس الوقت بتقرا لغيرها وتحب تجيب الحلو الى حسته هنا فى المنتدى زى حالاتى كده الحمدلله عندى موهبة الكتابه بس بدخل على منتديات احب مواضيع فيها واحس انها جميله ومفيده فليه متبقاش موجوده هنا وزى ماانا حستها او استفدت منها الكل بردو يستفيد

بالنسبه بقا لموضوع ردود الشكر هى تغيظ وبتغظنى انا شخصيا خصوصا لو الموضوع محتاج رد ومناقشه والاقى حد بيقولى شكرا ببقا عايزه اقوله طب مش العفو بقا هههههههه
وبتمنى فعلا الكل يشارؤك بارائه ويحصل تفاعل يااااااااااااااااااريت
فكره تطوير المنتدى مهمه جدا جدا طبعا بس المنتدى زى محضرتك قلت حديث النشأه والحمدلله هو تطور جدا دلوقتى والنعمه عن الاول الاول مكنش كده خالص بس الحمدلله بقا كويس وقدر يثبت نفسه بيكم ربنا يجازيكم كل خير
فكرة الترحيب بالى فى منتدى الخريجين دى فعلا حصلت وبنحط من الموضوع المهمه فى تثبيت عام عشان الكل يشوفها وتلفت نظرهم ويشاركوا معانا ودى حاجه تسعدنا جدا ياريت كل المنتدى بكل اعضائه يشاركوا
شكرا ليك على مجهودك الطيب وتفكيرك المربح فى الخير للمنتدى
معلش طولت عليك
ويارب منتدانا دايما فى تطور وتقدم بيكم وبمواضيعكم الصالحه
جزاك الله كل خير

جزاك الله خيرا
بارك الله فيك












































بجد موضوع تطوير المنتدي دا رائع
هوه المنتدي فعلا رائع
بس لو كل عضو مشارك في المنتدي يشارك بجد ويدخل معانا في المشاركه في كافه انحاء المنتدي بس مش يدخل عشان مصلحه ليه وبعد كدا خلاص كل سنه وانتم طيبين لما مصلحته تخلص خلاص شكرا
ممكن من اداره المنتدي تبعت تحذير للناس المشتركين اللي مش بيتفاعلو في المنتدي بالغاء العضويه مثلا اصل مش لازم العدد يكون كبير بالاسم المهم المشاركه الفعاله يافرحتي المنتدي يحتوي ع كذا عضو مش بالعدد المهم العدد الفعلي اللي بيشارك معانا في تطوير المنتدي وفي ايجاد مواضيع جديده يستفيد بها الاعضاء
وشكرا

ماهو انتوا مش واخدين بالكم ان الاداره بعتت فعلا وبعتت بردو للمشرفين الى مبقوش بيدخلوا وعلى اساسه مبقوش فى الاشراف
بس عادى يعنى محدش اهتم اوى الفكره فى الى موجودين يطوروا المنتدى بنفسهم وبوجود كل حاجه فيه وعلى اساسه الكل هيشارك

مش عارف اقول اية بصراحة ........... لا تعليق ............

الادارة من ناحيتها يا استاذ سنهورى موفرة فى المنتدى كل شئ على قدر الاستطاع
فاحنا كل اللى شغالثثيين فى المنتدى يتعدوا على اصابع اليد فلا يكلف الله نفسا الا وسعها واحنا واخدين خطة تطوير قسم فالتانى ومعتمدين على ربنا طبعا وعلى اعضاء زى حضرتك لو كل عضو اهتم بقسم هتلاقى المنتدى كله فى نشاط مش اقسام معينه فقط

انا اتفق مع الاستاذ سنهورى فى بعض تقريبا فى كل النقاط ودة مش عيب على القائمين على ادارة المنتدى بالعكس انا ارجع الموضوع علينا نحن كمشرفين واعضاء

اولا مع العلم انى مقصر فى حق المنتدى بس تواجد المشرفين قل اوى طيب ممكن نعمل دراسة مابينا لنعرف الاسباب مثلا انا اقترح يوم دة يبقى يوم يتعمل قاعة خاصة فى المنتدى لكل المشرفين اجتماع مع العلم هيبقى دور الادارة معانا ايضا انها تقيم الدور الاشرافى والرقابى والتوجيه خلال ااسبوع مع عرض الملاحظات خلال الاجتماع + اننا باليوم دة هنقرب وجهات النظر اللى مابينا اكيد والاعضاء هتشعر بدة لانو هينعكس عليهم

ثانيا فعلا حجم المنتدى كبير جدا على تواجد الاعضاء ودة برضو مش عيب فى الاعضاء لكن ليه منفكرش نعمل اعلانات مابينا داخل قاعات خريجى القانون نستقطب بها الاعضاء ونرغبهم فى المنتدى مع العلم العضو اللى داخل قاعة النيابات الاغلبيه ميعرفوش يعنى اية منتدى زى حالتى كدا اول مادخلت نعرفهم ايه هيا ميزة المنتدى وحلاوتو وازاى وصلنا احنا لدرجة نقعد يوم كامل قدامو طبعا ودة ممكن يبقى من ضمن جدول اعمال المشرفين ..... وبكدا العضو داخل المنتدى مش داخل قسم خريجى كليات القانون

ثالثا انا بقترح ايضا فى مواضيع كتير اتقلب عليها الصفحات لما بقت مابتتقريش خالص لازم نعمل احلال وتجديد لتلك المواضيع حتى لو صادف انها بعد الحذف بيوم جه عضو واضاف نفس الموضوع على الاقل هيتقرى ودة طبعا موضوع محتاج ردكم فيه لانى معنديش الخبرة الكافية فى الموضوع

رابعا النقل دة موضوع انا شايفو ذاتى اللى شايف نفسو عندو الاستعداد يكتب ان شاء المولى يكتب نكت حتى ميبخلش على نفسو قبل مايبخل علينا واللى مش عارف لا يكلف الله نفسا الا وسعها ومشكور جدا انو بيضيف حتى ولو بالنقل

خامسا عندكم حق الردود بقت شبه بعضها فعلا وتغيظ لازم مناقشة ومتابعة الموضوع مش زيادة مساهمات وخلاص

على فكرة طول ما فى ناس زيكم كدا بتحب تطور المنتدى الامل فى ربنا كبير اننا نتقدم بيه لاعلى المراتب باذن الله

ان شاء نتقدم ونتميز باسلوبنا وبوجود اعضاء بجد زى اسرتنا ونفضل اسره واحده كده دايما يارب

بداية يا استاذ محمود انا كلامى مش معناة ان فية تقصير من جهة الادارة . لا طبعا . انا قلت لا تعليق لان استقبال اى اقتراح المفروض نوصل منة بنتيجة ؟

فانا حسيت من الردود ان المشرفين بيغيبوا ؟

استقبال الاعضاء الجدد الادارة بتنوة عنة ؟

طيب اية العمل كدة خلاص الموضوع انتهى ....

يا جماعة لازم نسال انفسنا وماذا بعد الاقتراح ؟

هل يكفى ان ندخل ونردد عبارة اقتراحات جميلة ؟

اين الخطوات العملية التى من خلالها نطور ؟

لا بد ان نعترف ان المنتدى او الاعضاء سوف يطورون من انفسهم من تلقاء انفسهم بدون داعى لهم وبدون تنظيم حتى لا تتوقف حركة النشاط ؟

وينبغى ان نتسال لماذا غاب العديد من المشرفين ؟ لماذا ابتعدوا ؟ من الممكن انهم لم يجدوا متعة فى المنتدى ؟ من الممكن قلة الاعضاء ؟ اسباب كثيرة محتاجة مناقشة وفى نهاية المناقشة اية الى هنحاول نعملة ونطبقة


كنت اتمنى بعد الاقتراح والمناقشة اننا ناخد ولو خطوة واحدة ؟

انما للاسف الاقتراح يطرح البعض يشكر والبعض يؤيد والبعض يعارض ؟ وماذا بعد الاقتراح ؟ هل اضاف الاقتراح جديدا يتعين تطبيقة فى المنتدى ؟

لا يكفى الاقتراح ولن تكفى المناقشة بدون سعى لتطبيق اى شيى فى الاقتراح يعد اضافة جديدة ؟؟؟؟؟

طيب يا استاذ ينهورى خلينا نمشى خطوة خطوة
ونبدأ من دلوقتى
يلا نشوف اول خطوة ممكن نعملها ايه دلوقتى ؟؟؟؟؟؟؟؟؟؟

اخى وحبيبى سنهورى اصبر بس الناس كلها من المشرفين اغلبهم مسافرين واللى مش موجود هيرجعو بالسلامة يارب وهنناقش حاجات كتير لا تقلق وحنتكلم فى معظم النقاط اللى تحدثنا عنها

يلا على خيرت الله المدير موجود اهو

بداية يا جماعة انا مش مستجل انا والله عايز المنتدى يكبر بسرعة علشان منفقدرش الاعضاء الموجودة

لان قلة الاعضاء مشكلة كما تعلمون بعض الناس بيمل مع الوقت

من جهة نظرى ممكن اول خطوة ان الادارة تكلف المشرفين وبعض الاعضاء التى توافق على ان يسعى كل مشرف بدعوة صديق لية للمنتدى

عايزين نحاول وانا باذن الله هحاول ادعو ناس للمنتدى

لو افترضنا ان الادارة كلفت عشر مشرفين واعضاء لو دخل المنتدى خمسة جداد احنا الى كسبنا مش لازم النتيجة تبقى مائة فى المائة لازم هيكون فية نسبة نجاح دة امر اكيد بعون الله

طبعا دة تكليف يعنى مش اجبارى بس بجد لو كل مشرف فكر فى المنتى بجد وبحث عن اصحابة ودعاة كويس هنعمل حاجة ممتازة

ونحدد عشرة ايام لكل المشرفين يحاولوا يدعوا الاعضاء


الامر الثانى الى ممكن نعملة الخريجين الى بيدخلوا المنتدى نحاول نهنى الناس دى وندعوها برسائل خاصة ونتابع معاهم

مش كفاية اننا نوضح للاعضاء والمشرفين ان فية عضو جديد دخل المنتدى لان الامر غير مفعل هنا الادارة تحدد اعضاء معينة للقيام بهذة المهمة يعنى يكون فية الزام فى الجزئية دى ممكن نحدد خمس مشرفين للقيام بهذة الدور كتابة موضوع تهنئة للعضو فى المتدى مش هيكلفنا شيى

ارسال رسالة خاصة لية امر كويس ؟

كدة يعنى يحس الخريج انة فى بيتة بجد ؟


ممكن نبدا بدول صيغوا بقة الافكار دى بالشكل الى حضراتكم تشوفوة ونبدا نطبق وانا مع حضراتكم

حلوة فكرة تخصيص مشرف بالتحريب بالاعضاء وارسال رسالة خاصة
سوف تقوم الادارة بتحديد هذا العضو ان شاء الله تعالى
منتظرين باقى الاقتراحات

ان شاء الله غدا هيكون معنا عضو جديد غدا باذن الله ...... افوكاتو مصر ........

بصراحة دعيتة للمنتدى ووافق ووعدنى بالتسجيل وهيكون لة بصمة فى المنتدى باذن الله تعالى


ياريت نرحب بية لما يسجل غدا


دعيت ايضا الاستاذ ....... احمد اسامة ...... والحمد لله سجل بالمنتدى

فى انتظار كل مشرف يحاول ويدعو عضو او اكثر حسب الظروف

ونشوف النتيجة بعد 10 ايام

ان شاء الله قريبا سينضم لاسرة المنتدى الاستاذ / كريم الشاذلى دعوناة فلبى النداء


هوة على فكرة مش منوفى ههههههههههههههههههههه