حكاوى رمضان ...عن زمان ( كل يوم حكاية من خالتك )

حكاوى رمضان ...عن زمان

بسم الله الرحمن الرحيم

كل عام وانتم جميعا بالف خير

ومتحابين فى الله اكثر ومع الله اقرب

الحكاوى اليوم انا هكتبها من ذكريات زمان

كان ياما كان ياساده يا كرام وما يحلى

الكلام الا بذكر المصطفى عليه الصلاة والسلام

من 55 سنه وزياده كانا فى البلد نحتفل برمضان

احتفاليه بسيطه خاصه فكان كل بيت يحط فانوس جاز

قدام بيته ينور الشارع لان ماكانش فية كهرباء

وكانت احتفالية رمضان الاساسيه فى الدوار (المضيفه

او دار المناسبات الان )وماكنش فيه مدفع فى القريه

لكن كان الطبال يطبل عند الافطار والسحور وكانت

الفوانيس بتاعتنا بتضاء بالشمع وساعة الفطار كل

اسره بتطلع صنيه للافطار فى الدوار وكنا نقعد كاسره

فى وسط العيله ونتعازم بشده على الضيف او عابر

السبيل . وبعد الفطار الكل يطلع على المسجد نصلى

المغرب ونرجع نشرب الشاى ونتسامر او نقعد فى المسجد

الى ان يواذن للعشاء ونصلى العشا والتراويح ونرجع

على الدوار نلاقى صوانى الكنافه ناكل ونشرب الشاى

ويبدئ فضيلة الشيخ عرفة رحمه الله السهره بتلاوة

القران وبعدين التواشيح ويختم بالقران وبينها فى

باقى السهره يحدثنا عن سيرة الحبيب المصطفى

وبعد انتهاء السهره كلنا نرجع لبيوتنا لحد السحور

نسحر وننزل نصلى الفجر . وكانت امى الله يرحمها

مفش ثلاجات ولا كهرباء كانت تقطع البطيخ شقق وتحطه

فى صنية الشاى الكبيره وترصه جنب بعضه وكانها مركب

خارج منها المجاديف زى سفن زمان . وكنا كاطفال نلعب

بالفوانيس فيما عدا الايام القمريه .وكنا ناخد

الدقيق على الحمارة ونروح تانى بلد نعمل الكنافه

واجمل ما كان فى البلد واللى اتربينا فيها البساطه

وان الكل فى واحد والواحد للكل . ومفيش بيت يطبخ

طبخه الا يروح منها لجيرانه والمحتاجين . فى غير رمضان

فما بالكم برمضان . والقمر فى الريف زمان كان له

وضع تانى واحتفاليه خاصه من الشباب والاطفال لانه

بيحلى فيه السهر والحواديت واللعب .

معلش انا بحب طفوتلى وبلدى واموت فى بساطة الحياه

فيها زمان وحب الاهل لبعضهم والخوف والرحمه

والتواد مع بعض . اتربينا بين قلوب بيضه صافيه

ماتعرفش الكره ولا الخداع ولا النفاق . قلوب فرغت

جواها للحب فى الله وعبادتة كانت ايام خير وبركه

ومحبه واخلاص مااجملها من ايام ....واحسرتاه على

مانحن فيه الان

اشكركم فقد اطلت عليكم ولكنى رغم ذلك ما وفيت

كلامى عن زمان وليالى زمان

كل سنه وكل الاحبه والامه العربيه والاسلاميه

وجميع البشر بخير وسعاده ونكون جميعا لله اقرب

وعن المعاصى ابعد

احبكم فى الله وادعو الله ان يتقبل منا جميعا كل

اعمالنا ويجعلها عملا صالحا لوجهه الكريم

ان شاء الله ان كان فى العمر بقيه

القاكم كل يوم فى رمضان واشكركم جميعا واراكم

بالف خير وسعاده وسلامه وكل عام وانتم

بخير ومتحابين اكثر والى الله اقرب

وكفاية كدة احسن ماتقولوا انى رغاية ولا حاجة

دع الخلق للخالق

موضوع راااااااااااااااااااااااائع

ومعاكى متابعه باقى الحكاوى

تسلمىىىىىىىىىىىىىى

ياعنى ياخــــــــــــــالة موضوع

جيد وجديد بس ياترى كل يوم حكاية

ولا هتتكلمى على الاكل والملح وكدة يعنى ؟؟؟؟؟؟؟؟؟؟؟؟؟؟؟

موضوع ممتاز طبعا
أنا أصلا عاشقة للحواديت و الحكايات
ومعاكى بأذن الله يوم بيوم
شكرا ليكى ياخالتو

» حكاوى ...عن زمان
» هذه قصة جن حقيقية ... حكاوى خالتك بامبة بس الخوا والجبان مالهوش فيهاااااااااا
» ايام زمان وليالى زمان
» الى بيبعت لاصحابه رسايل رمضان والعيد يتفضل رمضان كريــــــــــــــــــم
» قرب قرب رمضان قرب مين هيسابق ويبعت رسايل رمضان ياجدعاااااااان