بما انى فى بطاله دايمه ولله الحمد من يوم مااتخرجت
وبالتالى مفيش ورايا غير النت والتلفزيون واصحابى والنوم طبعا يعنى
بس مش موضوعنا المهم
وبما انى فاضيه فبقعد اتمشى فى المنتديات
وانا من هواة المواضيع الى فيها مناقشه عن البلد واحوالها والناس والخ
واخدين بالكم عايزه اقولكم انى مثقفه يعنى
قوم بقا كل لما اقرا عن المواضيع دى الاقى الاعضاء فى كل موضوع بيقولوا ان الناس بقت وحشه
ولازم الناس تتغير
وكل عضو كاتب مواضيع كده بيقول ان الناس بقت وحشه ولازم تتغير ويرد عليه
اعضاء تانيه ويقولوا بردو الناس بقت وحشه ولازم تتغير وانهم مش عاجبهم الحال
اقفل النت وافتح التلفزيون الاقى الناس بردو بتقول الناس بقت وحشه وانهم مش عارفين ايه غير
الناس كده
اكلم اصحابى فى التليفون بقا ونفضل نرغى ونحكى وعملنا وسوينا ونرجع مرجعونا ونفتح موضوع
معاملة الناس والبلد والغلى وبردو الاقى اصحابى بيقولوا الناس بقت وحشه والحياه اتغيرت ومش
عارفين الناس بتتعامل كده ليه وايه غيرها وان حال الناس بردو مش عاجبهم[img]
[/img]
اجى ليا انا بقا افتح موضوع الناس ولا اتكلم عن البلد والنااس والى حصلها بردو اقول الناس بقت
وحشه ولازم تتغير ومش عارفه ليه الناس بقت عامله كده
نيجى بقا لليله الكبيره
ايون ايون هما الحكومه نفتح التلفزيون نتفرج على البرامج الى كل يوم بتقول الناس بقت وحشه
والحكومه وحشه والعالم اسود وغطوه وسوطوا
يقولولك ايه بقا ان الناس مبقتش مهتمه والمصلحه الشخصيه بقت هى المتحكمه فى الناس والناس هى
الى بتعمل فى نفسها كده ومش عارف مين عشان سلطة ايه اتغير ونسى ان ربنا موجود
خلوا فى بالكم دا الى بيقول كده واحد من الحكومه والى دخلوا السلطه
ويجى واحد تانى وبردو يعيد الكلام وهكذا
فانا بقا بصراحه مسكتش لمؤاخذه يعنى عملت كده
واذ فجائة على حين غفله قلت فى نفسويتى هو مين الناس بقا الى هما وحشين الى احنا كلنا بنقول
عليهم دول يكونوش من عالم اخر
مش الناس دول الى هما انا والى فى المنتديات والى فى الشوارع والى فى الحكومات
قوم سهمت كده
وقلت يادى النيله امال لما كلنا صح ومش عاجبنا امال مين الوحشين بقا
انا عايزه بقا من كل الى يرد مناقشه جامده ومفيده
اهو افهم منها لما كله صح امال فين طيب الغلط
ولا كل انسان فعلا فى نفسه سلطان وشايف نفسه صح
طب ماهى لو كده تبقا مصيبه وعمر ماحد هيتغير وعمر ماحاجه هتتعدل
يلا انا كده خلصت رغى ارغوا انتوا بقا شويه لحسن
انتوا حريين
