عرض زواج مجاني تقبل و لا ترفض ادخل و قول رأيك؟؟؟؟؟؟؟؟؟؟؟؟؟؟؟؟

انا في الأيام العشرة الأخيرة كنت شبه معتكف في المسجد الحرام

يا دوب اروح السكن بعد الشروق أنام و أرجع علي الظهر

المهم المكان اللي انا كنت فيه اتعرفت علي راجل سعودي بس حتة سكرة

المهم قعدنا مع بعض ييجي 6 أيام متتالية

و قبل ما يمشي بيومين لقيته بيقولي

ايه رأيك تتنك هنا في السعودية ؟؟؟

قولتله يا ريت بس مينفعش.

قالي : بص يا احمد

انت خليك معانا هنا في السعودية و تعالي معايا الطائف هجوزك بنتي و اجيبلك الجنسية السعودية و تعيش معانا ... و كل اللي عايزة منك موافقة فقط...

طبعا انا بقيت مندهش جدا جدا من الكلام ده

المهم بالراحة كده قولتله ان مينفعش لأن انا مينفعش اعيش بره مصر و و و و

المهم و هوه برده ماشي اداني نمرته و قالي لازم تكلمني قبل ما تسافر

و قبل السفر بيوم لقيته بيكلمني تاني و بيعرض عليا نفس العرض

و لما لاقاني متمسك بموقفي قالي انا مستنيك لما ترجع السعودية في اي وقت علي شان اشوفك

المهم القصد من الكلام كله

حبيت بس اعرف رأي ناس تانية غيري و يا تري يا شباب لو حد كان مكاني كان وافق ؟؟؟؟؟؟؟؟؟؟؟؟؟؟؟

مع العلم انه كان كل المطلوب مني موافقة فقط

أكيد طبعا مش هتجوز الا من مصرية زيي

هو فيه أحلي من مصر و لا المصريين

يا ريت كل اللي يدخل يقول رأيه ايه ؟؟؟؟؟؟؟؟؟؟؟

و لو هو مكاني كان عمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و ليه ؟؟؟؟؟؟؟؟؟؟؟؟؟؟؟؟

يعني يوافق ليه ؟؟؟؟؟؟؟؟؟

و هيرفض ليه؟؟؟؟؟؟؟؟؟؟؟؟؟؟

مستنيكم معايا .............................

وانا كمان مستنيه اعرف ردود الشباب ايه

بجد ربنا يبارك فيك يامنوفي
اصل احنا هانودي بناتنا فين لما انتم تتزوجوا من الخارج
هههههههههههههههههههههههههههه

معلش يا احمد انا مش فاهمة هو السؤال موجه للشباب فقط ولا للبنات كمان
بس فى أى حال من الاحوال انا التطفل عندى هيموتنى ولازم ارد

اولا انا لو كنت ولد كنت رفضت بالثلث
لان بما انك اتجوزت هناك اذن هتقطع من اقاربك طول عمرك
وهتفضل طول عمرك متغرب حتى لو كنت قاعد فى بيت مع زوجة واستقرار
بس كفاية ان انت مش فى بلدك ولا قريب من اهلك ولا اصحابك ولا شعبك
بجد يا جماعة احساس الغربة ده احساس فظيع ربنا ما يحكم على حد بيه ابدا
عشان احنا عندنا نفس المشكلة وكلنا بنعانى منها بس يمكن مشكلتنا احنا اصعب شوية
انا اخويا اتعرض عليه عرض زيك كده بس هو بقى كان نصيبه فى واحدة اجنبية
وخلاها اسلمت واعلنت اسلامها فى الازهر الشريف واتجوزها وسافر واشتغل وقاعد فى بيت ومراته بتخدمه وكل حاجة متوفرة ليه ومع ذلك شايل حزن الدنيا كله لدرجة ان الحزن ده اثر على صحته جدا جدا ودلوقتى بقى بيتمنى اللحظة اللى يجى يقعد معانا فيها
واخر قرار توصله بعد زواج 5 سنين انه هيطلقها وهيجى مصر لان هو مش قادر يتغرب عن اهله اكتر من كده وفى نفس الوقت مش قادر يظلمها معاه ومش عارف يعمل ايه

معلش سامحنى اذا كنت طولت فى كلامى
بس والله انا نفسى محدش يغلط غلطة اخويا تانى

هو سؤال أنا طارحه علي الكل

علي الشباب و البنات

عايز أعرف رأي كل واحد

بالنسبة للشباب كانوا عملوا ايه ؟؟؟

و بالنسبة للبنات لو في الموقف ده كانوا عملوا ايه ؟؟؟

يعني البنت لو متقدملها عريس من الخارج توافق بيه؟؟؟

علي فكرة نفس الكلام اللي انتي قولتيه ده هو أول حاجة جت علي بالي و خلتني أرفض فورا و بدون تفكير

صحيح انه هناك أسباب أخري كثيرة جدا

بس أول حاجة جت في بالي

اني هبقي عايش في غربة

صحيح هبقي في السعودية و ممكن لو حبيت اني اعيش في مكة و لا المدينة كنت عيشت هناك

و كنت هزور الرسول و الكعبة بصفة مستمرة

كل دا جه في بالي و ده ميزة كبيرة

بس برضه الغربة وحشه جدا

و علي فكرة أنا من زمان بكره الغربة

و بعارض أي حد يفكر انه يسافر للخارج

كفاية ان الواحد هنا في بلده .. و سط ناسه و أهله و حبايبه

دي بالدنيا و ما فيها

و يا ستي طولي في الكلام براحتك خالص

مفيش مشاكل نهائيا

و يا رب يخليلنا مصر بأتم خير يا رب

بجد مفيش أحلي من مصر

و مفيش ناس أحسن من المصريين كلهم زوق و أدب و أخلاق و علم و دين صح و لغة عربية جميلة جدا

تعرفوا ان المصريين أكتر الشعوب العربية اللي بيتكلموا عربي صحيح

كل العرب يفهموا كلام المصريين كويس جدا

و العكس صعب انك تفهم كل الكلام اللي بيتكلمه اي عربي آخر

سواء سعودي جزايري لبناني سوري

احنا بنفهم جزء من كلامهم لما يتكلموا باللغة العربية الفصحي

انما لما يتكلموا بلهجتهم هما ابقي قابلني لو فهمت كلمه واحده من كلامهم

شكرا ليكم علي ابداء آرائكم الجميلة التي أسعدتني بحق

كان زمان يامنوفي المصريين بيتكلمو عربي صح بس دلوقتي لازم تدخل كلمه ولا اتنين انجليزي عشان يعرفو ان البنت دي او الشاب مثقف وايه جامد اخر حاجه
بجد نفسي اعيش في عصر اجدادي كان في خير

عندك حق بس بالرغم من كده احنا اكتر شعب ما زال متمسك باللغة العربية الصحيحة

مبقولش ان لغتنا صح 100 في 100

لا

بس ممكن نديها 95 في 100

بس بالرغم من دا كله احنا برضه اكتر شعب عربي متمسك باللغة العربية السليمة

» اللهم إجعلنا من الذين تقبل دعواهم
» أدخل و قول ايه رأيك فينا...؟؟؟
» كان فيه وخلص (قولى رأيك)
» ما رأيك أن تسامح كل من ظلمك اليوم؟؟
» كلية الإعلام تقبل طلاب الثانوية العامة بـ٥٠% لأول مرة فى التاريخ