كل واحد يكتب نكتة

موضوع: كل واحد يكتب نكتة 4th نوفمبر 2010, 8:08 pm

كل واحد يكتب نكتة

أظن ان الموضوع واضح من عنوانه

أنا عايز كل واحد يدخل و يقول نكته او يعلق علي نكتة اتقالت

تمام !!!!!!!!!!!!!!

يلا انا هبدأ

واحد احول جه يطلق مراته فبدل ما يرمى عليها اليمين رمى الشمــــــــــال

واحد مسطول لقي كنز قال كويس فاضل الخريطه

مسطول بالغلط دخل متحف للفن الحديث توقف عند احد اللوحات وسأل أحد المنظمين جنبه ايه الشكل المرعب ده، هو ده الفن اللي بتسموه حديث؟رد المنظم : دى مراية يا أستاذ

مرة واحد مسطول امه جت تصحيه من النوم يوم الجمعة وقالتله قوم الامام بيخطب....قالها ربنا يتمم له بخير

مسطول قطع راس اخوه وهو نايم وقعد يضحك ويقول هيتحنن لما يصحى وميلقهاش

أنا بدأت عايز أشوف تفاعلكم معايا

مين هيشارك و يكتب معانا ثاني نكتة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

موضوع: رد: كل واحد يكتب نكتة 4th نوفمبر 2010, 8:11 pm

واحد قعد يدعي ربنا 15 سنة انه يرزقه بولد

نزله ملك من السما وقاله

أبوووووووووووووووووووووووووووس ايدك اتجوز !!!!!!!!!!!!!!!!!!!!!!!!!!!!!!!

اتنين صعايدة راكبين ميكروباص وخبطوا واحد على
الطريق . اللى بيسوق قال للى جنبو انزل ياض شوف الراجل دا مات ولا لا .
التانى نزل شافه قالو عجلة قدام يا اسطى تاااااانى يمين شويه تاااااااانى
بااااااااااس . مات ياسطى

ايه يا جماعة الموضوع مش حلو ولا ايه ؟؟؟؟؟؟؟؟

موضوع: رد: كل واحد يكتب نكتة 20th يناير 2011, 11:32 pm

اتنين بلديتنا دخلوا الجيش الاول الضابط بيسأله اسمك ايه قاله محمدين سأله الضابط ايه اللي فى ايدك دي قاله “بندجية” رد الظابط وقال لا دى مراتك وشرفك وبلدك ، سابه وراح للى جانبه وقاله اسمك ايه رد وقال حسنين قاله ايه اللى فى ايدك دي قاله مرات محمدين

موضوع: رد: كل واحد يكتب نكتة 20th يناير 2011, 11:43 pm

يا منوفى الموضوع ده جامد يا ريت تعيد فاتحه بمشاركة منك ..

وشكرا يا هبة على اعادة فتح الموضوع ..

موضوع: رد: كل واحد يكتب نكتة 21st يناير 2011, 11:32 am

مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو.

موضوع: رد: كل واحد يكتب نكتة 21st يناير 2011, 1:06 pm

ضابط بيقول لعسكرى بلديتنا اول ما يجى سيادة اللواء تضرب 21 طلقة .. رد العسكرى طيب لو مات من اول طلقة اكمـــــل..

موضوع: رد: كل واحد يكتب نكتة 21st يناير 2011, 1:38 pm

واحد مسطول خنق دجاجة و قعد يقولها : كل يوم بيض .. بيض .. بيض .. مفيش يوم جبنة و عسل

شكرا ليكم جميعا يا جماعة و عايزين كل يوم ندخل و ننزل نكته علي الاقل و يا ريت لو نكتر يبقي عال العال

موضوع: رد: كل واحد يكتب نكتة 21st يناير 2011, 1:44 pm

الموضوع جميل يا ريت الكل يشارك فيه
مره واحد قال لصاحبة حماتى ماتت قاله يا ساتر يارب ازاى قاله كانت واقفه معايا فى الدور ال15ووقعت صاحبه قاله يا لاهوى راح قاله لا مماتتش دى وقعت على سلك الكرهبة قاله ياساتر يا رب دى موته فظيعة قاله لا ماتتش دا النور كان قاطع قاله وبعددين راح قاله داانا ملقتش فى فايدة رحت خنقتها وريحتها...

موضوع: رد: كل واحد يكتب نكتة 21st يناير 2011, 1:56 pm

لا يصدق الناس ( بائع انابيب البوتاجاز ) لان كل كلامه اسطوانات

موضوع: رد: كل واحد يكتب نكتة 21st يناير 2011, 1:58 pm

واحد بلدياتنا شغال كمسرى خلف توأم سمى واحد حست والتانى حسن بشرطة ؟؟؟؟؟؟؟؟؟؟؟؟؟؟؟؟؟؟؟

موضوع: رد: كل واحد يكتب نكتة 21st يناير 2011, 5:07 pm

واحد بخييييييييل جداً بيشرب شاي..وقعت في كوبايته دبانه

طلعها وقعد يخنق فيها ويقولها " تفّي اللي شربتيييييييية "

اتنين مساطيل شافو عمارة حلوة جداً فالأول قال للتاني:تعالي أمّا نسرقها,التاني قاله:لأ بقولك إيه تعالي أما نزقها بعييييييييد ونسرقها براحتنا

فقلعو هدومهم وفضلو يزقو في العمارة لغاية اما جه (حرامي هدوم) سرق الهدوم اللي وراهم

فواحد منهم بيبص وراااه ملقاااااش الهدوم قال بقولك إيه, كفاية كده أحسن احنا بعدنا خااااالص

موضوع: رد: كل واحد يكتب نكتة 23rd يناير 2011, 5:37 pm

مرة ثلاث صقور عملو مسابقة مين يصطاد اكبر فريسة.. قام نزل الأول وووووورجع منقاره كله
دم .. قالولوه ها .. قالهم شايفين الشجرة اللي هناك ده .. كان تحتها ارنب كلته وجيت ... نزل التاني وووووو رجع وراسه كلها غرقانه دم .. قالولوه ها .. قالهم شافين الغابة اللي هناك ده كان فيها غزال كلته وجيت .. جه دور التالت نزل ووووووووووووو ر......جع غرقان في دمه .. قالوله ايه .. قالهم شايفين العمود اللي هناك ده .. انا مشفتووش

موضوع: رد: كل واحد يكتب نكتة 23rd يناير 2011, 8:51 pm

خد دول منى يا منوفى بس لو عجبوك ادعيلى

مره ضابط شرطه لقى 3 محششين قاعدين بيحششو فى الشارع فاخدهم عالبوكس و هم فى الطريق صعبو عليه قالهم عايزين تروحو قالولو ايوه يا باشا و الله تبقى ميه ميه
قالهم خلاص اللى حيقولى جمله فيها كلمه ( لع ) حنروحو
الاول قاله انا اسرق و اقتل و اعمل كل حاجه لكن اشرب خمره لع قاله خلاص اتوكل على الله
التانى قاله انا اقتل و اشرب خمره و اعمل كل حاجه لكن اسرق لع قاله خلاص اتوكل على الله
التالت قاله يا باشا لو قلت لك الحقيقه حتصدقنى الضابط قاله لع قاله اتوكل على الله يا باشا

مره مدرس فى حصه الدين بيسمع للعيال السور سال واحد اسمك ايه قاله محمد قاله خلاص سمع سوره محمد
سال التانى اسمك ايه قاله ابراهيم قاله خلاص سمع سوره ابراهيم سال واحد مش حافظ اسمك ايه قاله يوسف و بيقولولى يا كوثر

محشش مسكته دوريه قالوله اركب قال لاوالله البيت قريب

واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها

ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني

يوم

لقي كل الفراخ بايضة خمس بيضات ماعدا فرخة بايضة تلات بيضات بس.. فقاللها ايه ده؟؟

قالت له استر عليا ده انا ديييييييييييك

واحد عند دكتور العيون... فالدكتور بيسأله... تقدر تميز العلامات

اللي في اللوحة دي؟؟؟ قاله طبعا.. بس هي فين اللوحة؟؟؟؟؟؟؟؟؟؟

على فكرة دى حصلت حقيقى مع واحد صاحبى واحنا فى كشف الجيش

فيل ونمله بيتقابلو على النيل ..

الفيل رما نفسه فى النيل ................ليه ؟

اخو النمله جه

الغبى:: اتصل بمسابقه

الكمبيوتر :: ادخل اسمك الثلاثى ورقم تليفونك بعد سماع صوت الصفاره ....

الغبى :: ممكن خياراتواحد رخم ماشى ورا واحده فى كل حته

بيقولها الحلوه وراها مشوار

قالتله ( الحلوه وراها حمار )

بالشفى يا منوفى

موضوع: رد: كل واحد يكتب نكتة 23rd يناير 2011, 10:21 pm

تسلم يا معالي النائب

ربنا يوفقك و يوفقنا الي ما يحبه و يرضاه يا رب العالمين

اللهم اكرمك و اكرمنا بالتعيين في النيابة العامة يارب العالمين

دخل التلميذ على مامته بيعيط قالتله فيه ايه ياوله قام قلها المدرس سألني مين اللي حفر قناة السويس ماعرفتش قام ضربني قالتله عارفاك وعارفه شقاوتك ماحدش حفرها غيرك

موضوع: رد: كل واحد يكتب نكتة 23rd يناير 2011, 10:38 pm

واحد بلدياتنا كان راكب الطيارة هو و ابنه و كان في الطيارة عصام الحضري, فالطيار قال احنا لازم نستغل فرصة ان معانا عصام الحضري و نعمل مسابقة نسلي بيها الركاب.
راحوا قايلين لبلدياتنا احنا حنفتح باب الطيارة و حيقف الحضري عليه كأنه جون و انت حترمي عليه ابنك , و ما تخفش ده احنا معانا الحضري.
و وافق بلدياتنا و وقف الحضري على با...ب الطيارة, و بلدياتنا مسك ابنه و قام مهوش يمين قام الحضري ناطط يمين, راح بلدياتنا رامي ابنه شمال

مره ايام زلزال 92 فى ساعه الزلزال واحد شايل حماته ونازل بيها جرى على السلم .. قابله واحد بيقوله انت خايف ليه البيت اللى انت فيه ده مش هيقع فال له من عارف منا رايح بيها البيت اللى بيقع هناك ده

واحد معاه عربية قديمة وعاوز يبيعها فصاحبه قاله حط عليها علامة مرسيدس وهى تتباع راح عمل كدا بعد اسبوع صاحبه بيساله بعت العربية ولا لا قاله انت عبيط ابيع عربية مرسيدس

مدرس إنجليزي بيسأل تلميذ “جوز هند بالإنجليزي يعني إيه؟” قال له “كوكونت”، الأستاذ قال له “حطها ف جملة مفيدة” قال له كوكو(نط) من الشباك

موضوع: رد: كل واحد يكتب نكتة 23rd يناير 2011, 10:39 pm

مدرس بيقول لطالب ادخل كلمة ( ناقص) فى جملة قاله : وناقص تقولى اعربهالى

مره واحد مسطول بيصطاد سمك بالحشيش طلعتله سمكه بتقول : انا تمساااااااااح

واحد دلوع اوي ابوه جبله شريط اسلامي عشان ينصلح حاله تاني يوم الاب رجع البيت لقى ابنه متحجب

شيطان ندل,عزم اصحابة الشياطين على العشاء,دخلهم الاوضة وقفل عليهم وراح مشغلهم قرأن

واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراج قاله : يا حبيبي إنت مت ؟ قام الكتكوت وقال له : يخرب بيتك بوظت الكمين

واحد رخم نزل الشارع وقف قدام عمود ... قالوه عديني Question

مرة ثلاثة أتحكم عليهم بالأعدام جابو اول واحد قالولو تتشنأ ولا بالمنشار الكهربى قالهم المنشار جم يشغلوا مشتغلش قالولو حظك أمشى جابو التانى قالهم المنشار مشتغلش قالولو حظك أمشى جابو الصعيدى قالولو ها قالهم الشنأ صحابوا و قرايبه قعده يقلولوا المنشار المنشار قالهم لا لا مش شغال ..............! "

كفاية دول دلوقتي

عايز اشوف تفاعل باقي الاعضاء الكرام

موضوع: رد: كل واحد يكتب نكتة 24th يناير 2011, 2:00 am

هههههههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههههه

اية الموضوع الجميل دا
تسلم يا منوفى
وكل اللى دخل وقال نكتة
نسلموا

موضوع: رد: كل واحد يكتب نكتة 24th يناير 2011, 2:02 am

ايه النكت الجامدة دي يا منوفي

موضوع: رد: كل واحد يكتب نكتة 24th يناير 2011, 9:29 am

يا سلام يا فلور انتي و محمد

في النكت بتاعتكم ؟؟؟؟؟؟؟؟؟؟؟؟؟؟

مينفعش كده كل واحد او واحده يدخلوا الموضوع يقولوا نكته

عموما شكرا علي ان الموضوع عجبكم بس عايز اشوف تفاعلكم معانا و تفاعل باقي المنتدي

مره مسطول راح يشوف نتيجته لقي نفسه شايل السنه راح لأمه وقالها طول السنه بتلعبي وبتدعيلي في اخر يومين

موضوع: رد: كل واحد يكتب نكتة 24th يناير 2011, 9:38 am

مذيع بيسأل واحد : دكتور زويل خد جايزة نوبل فى ايه؟
رد وقاله : فى علبة قطيفة حمرا ..

موضوع: رد: كل واحد يكتب نكتة 24th يناير 2011, 7:50 pm

مسطول راجع البيت متاخر أخته فتحتله الباب ..فضربها علي وشّها وقالها:إنتي ايه اللي مصحيكي لحد دلوقتي

تلميذ غبي ضربه المدرس جه أبوه قال للمدرس:انتا بتضرب ابني ليه؟ قاله:عشان ابنك غبي
قاله:انا ابني مش غبي. قاله:لأ غبي حتي شوف..وقال المدرس للتلميذ:روح كده يا شاطر شوف (أنا)موجود في الفصل اللي جنبنا كده!!

التلميذ راح ورجع قال للمدرس:ياأستاذ انتا مش موجود هناااااك

أبوه قاله: اااه يا غبيّ طب ليه مدورتش في الفصل اللي جنبه

يهودي أيام الحرب العالمية التانية هِرب من محرقة هتلر بس كل ما يفتح أوضة يلاقي يهود بيصوتو وبيتحرقو

لغاية اما فتح أوضه فلقي شوية يهود قاعدين خااااايفين وبيعيطو فلما دخل معااهم لقي العساكر الألمان بتقفل البااب وبتقول.... " كامل العدد وّللللللللللللللللللللع " ههههههههههه

موضوع: رد: كل واحد يكتب نكتة 24th يناير 2011, 9:52 pm

مرة واحد واقف قدام الكعبة بيقول سامحنى يارب خلاص مش هاقول نكت تانى عن الصعايدة ..جاله واحد صعيدى من وراه قاله لو سمحت يا أخ هى القبلة منين ..قال شوفت يارب هما اللى بيستفزونى Very Happy

مرة دبانة وقعت فى كاس ويسكى طلعت تقول أنا النســــــــــــــر Very Happy

موضوع: رد: كل واحد يكتب نكتة 24th يناير 2011, 10:50 pm

لأ يا منوفي بص

انا احسن واحد يضحك على النكت

والاكثر فشلا في اني افتكرها تاني أو حتى احكيها

موضوع: رد: كل واحد يكتب نكتة 25th يناير 2011, 2:51 am

mostafa_mostafa كتب:: مذيع بيسأل واحد : دكتور زويل خد جايزة نوبل فى ايه؟
رد وقاله : فى علبة قطيفة حمرا ..

هههههههههههههههههههههه
هههههههههههههههههههههه
هههههههههههههههههههههه

حلوة يا مصطفى تسلم

» كل واحد يكتب ايه قرأنية و اللي بعده يقول هي فى سورةايه و رقم كام؟
» واحد بيسأل واحد صاحبه؟؟؟؟؟؟؟؟
» أجمد نكتة عن المنايفة
» لكل من يكتب اللغه العربيه بحروف انجليزيه
» حبيب الشعب يكتب قصيده لشعبه المحبوب...........