مجلس الدولــــــــــه دفعة 2010.

هو الايصال بتاع ميعاد المقابلة قالولنا تعالو يوم 9-2 فهل ممكن حد يسحبلى الايصال علشان انا بعدها ب 3 ايام هبدا امتحانات الدبلومة واكيد هبقى مش فاضى وبذاكر
او ينفع يوم التفتيش القضائى اللى هو 24 احود على المجلس ممكن يدونى الايصال قبلها ولا ده مستحيل

أحمد م. أبوزيد كتب:: ممكن حد يقولي سريعا عن وقت تقديم الورق؟ يعني ممكن في أي وقت من مواعيد العمل؟ (مثلا لو روحت بدري الساعة ٩ كدا)

مش فاكر انا قريت فين إن التسليم من بعد الساعة ٣!

مع ملاحظة إني هقدم مع التخلفات بكره عشان كان في ورق معرفتش اخلصه في المعاد المظبوط.

وشكرا : )

العمل بيبدأ هناك من 9 بأذن الله

mido aser2 كتب:: هو الايصال بتاع ميعاد المقابلة قالولنا تعالو يوم 9-2 فهل ممكن حد يسحبلى الايصال علشان انا بعدها ب 3 ايام هبدا امتحانات الدبلومة واكيد هبقى مش فاضى وبذاكر
او ينفع يوم التفتيش القضائى اللى هو 24 احود على المجلس ممكن يدونى الايصال قبلها ولا ده مستحيل

الافضل تروح انت بنفسك فى نفس ميعادك, وممكن تبعت حد مكانك من اهلك او واحد صحبك ابن حنك يسلك فى الامور دى لان الموظفين رخمييييييييييييييييييييييييييين جداااااااا.
وانا قدامى كان راجل كبير بيسحب لابنة الى فى الجيش والموظفين بهدلولة ورخموا عليه جدا والراجل قعد يدعى عليهم والمنظر دا مقدرش انساه فى حياتى لان الراجل خرج وقف برا القاعة وجنب شباك ودمع شوية.

رببنا يستر بقى ومنه لله اى حد يعطل مصالح الناس بالمنظر ده

mido aser2 كتب:: رببنا يستر بقى ومنه لله اى حد يعطل مصالح الناس بالمنظر ده

عندك حق منه لله بجد لان التعامل هناك سيىء جدااااااااااااااا فوق ما تتخيل.حتى فى المقابلات هتلاقى تعامل لا يليق ابدا من الموظفين وهما بيصففوا الصفوف .

انا معاك ان تعامل الموظفين مش حلو بس بصراحة ده رد فعل اقل من الطبيعي بكتير لأن الي مقدمين مبيسمعوش الكلام ومبيلتزموش بالنظام وبيطلعوا عين الموظفين وامناء الشرطة والعساكر الي هناك دا واحنا بنسلم الملف الموظف وأمين الشرطة قاعدوا يهاتوا نصف ساعة في الناس علشان يقوفوا صف واحد وكل ما يعملوا صف تيجي ناس تتزاكى وتقف جنبيهم صف تاني لحد مابقم أكثر من خمس صفوف جنب بعض ومحدش رضي يسمع الكلام ويرجع يقف في الصف الأولاني.

omega5_1988 كتب:: انا معاك ان تعامل الموظفين مش حلو بس بصراحة ده رد فعل اقل من الطبيعي بكتير لأن الي مقدمين مبيسمعوش الكلام ومبيلتزموش بالنظام وبيطلعوا عين الموظفين وامناء الشرطة والعساكر الي هناك دا واحنا بنسلم الملف الموظف وأمين الشرطة قاعدوا يهاتوا نصف ساعة في الناس علشان يقوفوا صف واحد وكل ما يعملوا صف تيجي ناس تتزاكى وتقف جنبيهم صف تاني لحد مابقم أكثر من خمس صفوف جنب بعض ومحدش رضي يسمع الكلام ويرجع يقف في الصف الأولاني.

انا عارف ان فى تباته Very Happy

من الشباب الى بيقدموا بس انت لو روحت الصبح بدرى هتلاقى تباته من الموظفين برضوا Very Happy

.ولما تروح المقابله هتلاقى رخامة برضوا من الموظفين وهتحس انك ندمان انك قدمت فى مجلس الدولة Very Happy

هههههههههههه
ربنا يستر,,,

هو ليه الموظفين فى النيابه العامه والناس بتعاملك باحترام اكتر من موظفى مجلس الدوله ومش بتحس بقيمتك هناك خالص

ISLAMMAGDY كتب:: هو ليه الموظفين فى النيابه العامه والناس بتعاملك باحترام اكتر من موظفى مجلس الدوله ومش بتحس بقيمتك هناك خالص

دا نظام وطبيعة الموظفين كدا وربنا يهديهم يارب

هما قالولنا فى المجلس تعالو يوم 5/2/2011 عشان تعرف ميعاد مقابلتك
فهل اروح لابس بدله ولا لابس لبس عادى وبتعامل مع موظفين وخلاص؟

ISLAMMAGDY كتب:: هما قالولنا فى المجلس تعالو يوم 5/2/2011 عشان تعرف ميعاد مقابلتك
فهل اروح لابس بدله ولا لابس لبس عادى وبتعامل مع موظفين وخلاص؟

البس جاكوال عادى , البدل دى فى المقابلات وبس , غير كدا عيش كاجوال

هو لازم يبقى سن المرشح 27 سنه ولا ايه النظام
لانى اسمع ان موضوع ال 27 سنه ده لائحه داخليه مش قانون يعنى والسن القانونى لشغل اى وظيفه قضائيه هو 30
فهل موضوع ال 27 سنه ده بيعدى ولا ايه ؟

ISLAMMAGDY كتب:: هو لازم يبقى سن المرشح 27 سنه ولا ايه النظام
لانى اسمع ان موضوع ال 27 سنه ده لائحه داخليه مش قانون يعنى والسن القانونى لشغل اى وظيفه قضائيه هو 30
فهل موضوع ال 27 سنه ده بيعدى ولا ايه ؟

فى الاعلان الماضى نزل كشرط اساسى ان يكون المرشح لا يتعدى 27 عاما , فهو شرط لتقدم الملف الان .

اصل ليا زميل والده مستشار كبير فى مجلس الدوله اكد لى ان الموضوع بتاع 27 سنه ده لائحه داخليه خاص بالمجلس فقط اونهم بيعدوه كمان فى المجلس

ISLAMMAGDY كتب:: اصل ليا زميل والده مستشار كبير فى مجلس الدوله اكد لى ان الموضوع بتاع 27 سنه ده لائحه داخليه خاص بالمجلس فقط اونهم بيعدوه كمان فى المجلس

ارجع الى صورة الاعلان هتلاقى شرط السن موجود فى الجرنان واضح جدا

يا جماعة قالولنا فى مجلس الدولة تيجوا يوم 9_2 عشان تستلموا الايصال اللى فيه ميعاد المقابلة وكمان قالو يوم 5 المواعيد هتظهر فى الجرايد هوينفع نكتفى باننا
نجيب المواعيد من الجرايد ومنروحش نستلم الايصال؟

عبدالرحمن كتب:: يا جماعة قالولنا فى مجلس الدولة تيجوا يوم 9_2 عشان تستلموا الايصال اللى فيه ميعاد المقابلة وكمان قالو يوم 5 المواعيد هتظهر فى الجرايد هوينفع نكتفى باننا
نجيب المواعيد من الجرايد ومنروحش نستلم الايصال؟

اعتقد انك عليك تروحة او تبعت حد من اهلك

هو ايه النظام المجلس شغال اليومين دول ولا الموضوع كله اتاجل
اصلهم قالولى تعالى يوم 5/2/2011 بس فى ظل الظروف دى اعتقد ان الدنيا كلها اتاجلت؟؟؟؟؟؟؟؟؟؟؟؟؟

سيتم عمل محاكم مجلس الدولة من بداية ويم الاحد غدا ان شاء الله

ارجو من الجميع من لديهم مقابلات سرعة التواصل والسؤال فى مجلس الدولة لمعرفة مقابلاتهم نظرا للظروف الطارئة التى تعرضت لها البلاد

لو سمحت انا كان ميعادي يوم 8/2علشان استلم الوصل بس انا مارحتش علشان كان صعب عليا السفر في ظل الظروف دي فانا دلوقتي مش عارف حاجة فياريت لو حد راح يقلنا ايه النظام أو حد يكون ساكن قريب يتفضل ويسئلنا ويبقى جزاه الله خير او اي حد يعرف معلومة متأكد منها يقلناعليها.

لو سمحت انا كان ميعادي يوم 8/2علشان استلم الوصل بس انا مارحتش علشان كان صعب عليا السفر في ظل الظروف دي فانا دلوقتي مش عارف حاجة فياريت لو حد راح يقلنا ايه النظام أو حد يكون ساكن قريب يتفضل ويسئلنا ويبقى جزاه الله خير او اي حد يعرف معلومة متأكد منها يقلناعليها.

اعلان جريد الاهرام الجمعه 11/2/2011صفحه رقم 8
اعلان
يرجى من الساده المتقدمين لشغل وظيفه مندوب مساعد بمجلس الدوله خريجى دفعه 2010 التوجه الى اداره الامانه العامه بمقر مجلس الدوله الكائن ب 2 شارع عصام الدالى القى الجيزه وذلك للتوقيع بالعلم عن ميعاد المقابله الشخصيه وفقا للجدول الاتى
السبت 12/2/2011 جامعه الثاهره وجامعه الاسكندريه
الاحد 13/2/2011 جامعه عين شمس
الاثنين 14/2/2011 جامعه اسيوط والمنصوره
الاربعاء 16/2/2011 جامعه بنى سويف وطنطا
الخميس17/2/2011 جامعه الازهر بفروعه
السبت 19/2/2011 جامعه جنوب الوادى\الشرطه
الاحد 20/2/2011 جامعه المنوفيه\حلوان\بنها\الزقازيق
الاتثنين 21/2/2011 التخلفات

السبت 12/2/2011 القاهره والاسكندريه
ارجو انى اكون افادتكم

هل معنى كدة ان انا لزم اسافر قبل ميعادي علشان اوقع بالعلم ولا ينفع اسافر علي ميعادي عالطول

» إعلان مجلس الدولة رقم (1) لسنة 2012 دفعة 2011
» مجلس الدولة دفعة 2008و2009
» مجلس الدولة دفعة 2009 ( جيد )
» مجلس الدولة دفعة -2008-2009
» اسئلة مجلس الدولة دفعة 2008 و2009