اعلان النيابة العامة دفعة2010

thelord7410 كتب:: سؤال للثعلب العربي :
اذا كنت متقدم لمجلس الدولة والنيابة العامة وتم قبولك في الهيئتين فأيهما تفضل ولماذا ؟

بصراحة وللأمانة هقولك رأى والاسباب الى بنيت عليها الرأى بتاعى الى هيختلف عليه الكثير:

انا هفضل مجلس الدولة نظرا لان العمل فية اقل من العامة كما ان علاقاتك محدودة عن العامة فمش هتتعب كتير فى حياتك وفى نفس الوقت هركز فى الماجستير والدكتوراة لان من وجه نظرى المتواضعة ان مستقبل القضاء فى مصر على كف عفريت اما ينتهى اما يتعظم دورة فأكون انا فائز فى الحالتين لو اتعظم دورة ادينى مستشار ولو اتخسف بيه الارض ادينى خدت الدكتوراة Very Happy

ومجلس الدوله احسن بردوا فى الفلوس بس مش فى الاول Very Happy

بالتوفـــيق يا رجــــــــــــــــــــــالة

عن أبي رقيمة تميم بن أوس الداري رضي الله عنه
أن النبي صلى الله عليه وسلم قال: "الدين النصيحة ثلاثاً". قلنا: لمن يا رسول الله؟ قال: "لله عز وجل ولكتابه، ولرسوله، ولأئمة المسلمين وعامتهم". صدق رسول الله صلى الله عليه وسلم..

هو لو حد والده مستشار بالقضاء هيقبلوه من غير حاجه طبعا جايب جيد

ISLAMMAGDY كتب:: هو لو حد والده مستشار بالقضاء هيقبلوه من غير حاجه طبعا جايب جيد

لا مش شرط , يمكن يكون هناك عيب فى التحريات لاحظ انك بتتكلم عن عمل تحريات على عيلة الوادل وعيلة الوالدة. يمكن يكون الوالد بتاع مشاكل ومكروه وبدل ما يكون سبب انه يعين ابنه يكون سبب انه يترفض. يمكن يكون المرشح نفسه بيشرب مخدرات , فليس شرط ان ابوه مستشار يبقى خلاص داخل .

شكرا للرد
بس انا قصدى وفقا للمجرى العادى للامور يعنى لو المستشار زى الفل والمرشح جايب جيد وتحرياته كويسه يخش من غير كلام ولا برضو فرصه بتكون متكافئه مع الاخرين

لا ليه الافضليه ان شاء الله

ISLAMMAGDY كتب:: شكرا للرد
بس انا قصدى وفقا للمجرى العادى للامور يعنى لو المستشار زى الفل والمرشح جايب جيد وتحرياته كويسه يخش من غير كلام ولا برضو فرصه بتكون متكافئه مع الاخرين

اة كدا يدخل

[quote="الثعلب العربى"]

thelord7410 كتب:: سؤال للثعلب العربي :
اذا كنت متقدم لمجلس الدولة والنيابة العامة وتم قبولك في الهيئتين فأيهما تفضل ولماذا ؟

بصراحة وللأمانة هقولك رأى والاسباب الى بنيت عليها الرأى بتاعى الى هيختلف عليه الكثير:

انا هفضل مجلس الدولة نظرا لان العمل فية اقل من العامة كما ان علاقاتك محدودة عن العامة فمش هتتعب كتير فى حياتك وفى نفس الوقت هركز فى الماجستير والدكتوراة لان من وجه نظرى المتواضعة ان مستقبل القضاء فى مصر على كف عفريت اما ينتهى اما يتعظم دورة فأكون انا فائز فى الحالتين لو اتعظم دورة ادينى مستشار ولو اتخسف بيه الارض ادينى خدت الدكتوراة Very Happy

بعد إذنك يا أستاذ محمود ممكن توضيح لنقطة المستقبل

بص يا basel_85 فى صدام دايما بين مجلس الدولة وبين قرارات الحكومة . كما ان القضاء بتاع العامة بقى ضعيف و بقالنا مدة القضاء بدا يتشغل بالسياسة وتلاقى ناس بتستقيل وتدخل مجلس الشعب , وناس ترتشى وتطلع صلاحية , يعنى القضاء بيضعف يوم عن يوم . لكن الى بيحب القضاء هو الشعب وبيعتبروة نصير ليهم. كمان متنساش ان فى شهر نوفمبر القادم مصر هتدخل حقبة سياسية واجتماعية جديدة نظرا لانتخابات الرئاسة والهل اعلم مين هيكون الرئيس.

فاما القضاء يتصدى للحكومة فى كل القرارات وساعتها الحكومة تعمل فتن فى القضاء وتضعفة , او ان قوة الشعب تنفوز ويفوز القضاء ويظل شامخ امام اى حكومة تيجى .

واعتقادى الشخصى : ان القضاء هينتهى , ودا حصل لما ضربوهم فى انتخابات 2005 وحصل لما لغوا دفعة المقبول علشان يذلوا المستشارين وولادهم.

مع احترامى للاخ الفاضل الثعلب العربى الا انى مش شايف ان ده ذل للمستشارين ده مش حقهم اساسا هى طابونة ابوهم علشان يورثوها ده الطبيييييييعى والدين اللى بيقول كدة والمنطق كمان انا لو بقيت فى السلك ده هفضل اقول كدة وهحاول ادخل اولادى كليات تبعد عن المجال ده وافحر بيهم فيها زى طب وهندسة واعلام انا شايف ان الكليات اللى زى دى بتطلع ناس احسن من مليون مستشار يعنى القضاة مش الهة مصر علشان نتعامل معاهم على انهم كدة او نديلهم حق مش حقهم

ثانيا بالنسبة لتفضيل المجلس على اساس ان القضاة لو قيمتهم راحت يبقى معاه الدكتوراة على الاقل طيب ماانت فى العامة ممكن تحضر دكتوراة اختيارية بعيدة عن ضغط الاجبار اللى فى المجلس
بصراحة وكل واحد حر فى رايه طبعا انا شايف ان النيابة العامة افضل من الناحية العملية اما الفنية ف مستشار مجلس الدولة يفووووق بمراات مستشار المحاكم الجنائية حتى ومستشار محمة النقض

يتم مناقسة هذا الموضوع بحرية عبر هذا الرابط
ونتمنى الرجوع الى صلب الموضوع وشكرا
[ندعوك للتسجيل في المنتدى أو التعريف بنفسك لمعاينة هذا الرابط]

طلبك يحترم ومعاك حق فيه ونسيانى بوجود موضوع مثل هذا هو اللى دفعنى انى اجارى الاعضاء المحترمين فى الكلام وارد عليهم هنا

هى التحريات بتنزل امتى بالظبط بعد السباعيه ولا قبل السباعيه وبعد التفتيش القضائى

ISLAMMAGDY كتب:: هى التحريات بتنزل امتى بالظبط بعد السباعيه ولا قبل السباعيه وبعد التفتيش القضائى

بص ياباشا عشان اجاوب على سؤالك هفرق بين مرحلتين :
1- مرحلة ماقبل دفعة 2009 : ودي كانت تحريات ابناء السادة المستشارين واحيانا ابناء اعضاء هيئة التدريس بتنزل قبل المقابلة السباعية أما باقي التحريات فكانت بتنزل بعد المقابلة السباعية الخاصة بجامعة معينة أو بالمرشح بحوالي 15 أو 20 يوم
2-ماحدث مع دفعة 2009 :التحريات بأكملها سواء ابناء مستشارين او غير ابناء مستشارين بدأت في النزول بعد انتهاء جميع المقابلات بحوالي 15 يوم (المقابلات على ما اتذكر انتهت في 16/6 وبدأت التحريات في النزول في يوم 1/7 )

يعنى كل التحريات بتنزل بعد السباعيه سواء ابناء مستشارين او غيرهم

ISLAMMAGDY كتب:: يعنى كل التحريات بتنزل بعد السباعيه سواء ابناء مستشارين او غيرهم

الله اعلم ايه اللي هيحصل مع دفعة 2010
لاحظ ان المجلس اتغير عن المجلس اللي نزل التحريات لدفعة 2009 عندك رؤساء محاكم الاستئناف الثلاثة اتغيروا والنائب الثاني لرئيس المحكمة اتغير
انا عن نفسي ما اقدرش اقول لحضرتك هيحصل كذا وكذا لان كل شئ وارد

ISLAMMAGDY كتب:: يعنى كل التحريات بتنزل بعد السباعيه سواء ابناء مستشارين او غيرهم

كما تفضل اخى mo7amed™ بالاجابة واجابته صحية 100 %
ولكن ما طبق على دفعة 2009 سيطبق على دفعة 2010 وكل الدفعات القادمة بأذن الله حتى انشاء اكادمية القضاء التى ستكون بوابة الدخول الى سلك النيابة وليست المقابلات الى موجودة دلوقتى.

طاب انا ميعاد مقابله التفتيش القضائى بتاعتى 15/1 فممكن تقلى تفاصيل المقابله دى والبروتوكولات اللى مفروض اعملها وانا داخل وشكل المكان وهل هادخل لوحدى ولا معايا حد

ISLAMMAGDY كتب:: طاب انا ميعاد مقابله التفتيش القضائى بتاعتى 15/1 فممكن تقلى تفاصيل المقابله دى والبروتوكولات اللى مفروض اعملها وانا داخل وشكل المكان وهل هادخل لوحدى ولا معايا حد

انت هتروح الساعة 8.30 فى الدور الثانى وهتقف مع ناس كتير من دفعتك فى جنب كدا. والموظف هيبدأ يندة اسماء حوالى 6 ب6 والى يتنده اسمة يقف فى طابور وييجى موظف اخر ياخد 6 ب6 ويوديهم على مكتب احد المستشارين.
وانت واقف قدام المكتب بتاع المستشار هتلاقى اكثر من مجموعة زى بتاعتك واقفة قدام مكاتب المستشارين الاخرين.
هييجى الموظف يقولك هتدخل انت على المستشار اليمين , وهيقول للى وراك انت هتدخل على المستشار الى على الشمال ((( او العكس ))).

هتدخل المكتب هتلاقى المستشار بيقولك فلان الفلانى , هتقول ايوة , هيقولك اتفضل اقعد.
هتلاقى معاه ورقتين كمبيوتر فيهم بيانات حضرتك والوالد والوالدة واخواتك والاعمام والاخوال والعمات والخالات من حيث العمل .
وهيراجع معاك الوظائف ولو فى حاجة مش فاهمها هيسالك عليا .
مثل: الوالد شغال موظف , هيقولك موظف فين بالظبطت وهكذا ....
وممكن يسألك اية هى الاملاك ويستفسر علشان يفهم فقط.
فانت يا اخى لست فى استجواب بل فى دردشة فقط مع مسشتار هيعاملك بكل ذوق ويحسسك انك وكيل نيابة . وبعدها يقولك شكرا وبالتوفيق , هتقف وتقفل زرار البدلة وتمشى .

لو معاك ورق ناقص ادية للمستشار دا علشان هيحطوا فى ملفك.
ملحوظة: لا تتفاجأ بوجود ملفك على مكتبه وهو بيناقشك , هو مش بيبص فى الملف اصلا , هو بيبص فى ورقتين الكمبيوتر وبس .

هو ان شاء الله لما تبدا اللجنة السباعية هتجيبلونا كل الاسئلة اللى اتسئلت للجامعات الاولى زى القاهرة علشان انا جامعة اسيوط ومش هبقى انا وكتير زيي فى الاول وهنستنى منكو الاسئلة بتاعة السنادى بدل مانذاكر 150 سؤال دفعة واحدة اللى موجودين عالمنتدى؟

mido aser2 كتب:: هو ان شاء الله لما تبدا اللجنة السباعية هتجيبلونا كل الاسئلة اللى اتسئلت للجامعات الاولى زى القاهرة علشان انا جامعة اسيوط ومش هبقى انا وكتير زيي فى الاول وهنستنى منكو الاسئلة بتاعة السنادى بدل مانذاكر 150 سؤال دفعة واحدة اللى موجودين عالمنتدى؟

الاسئلة بتتكرر دائما وهى هياها كل سنة وان كان هناك جديد هتلاقيه هنا بأذن الله.
تحياتى لك واتمنالك التوفيق والتعيين بأذن الله

سؤال من فضلكم {هو ان شاء الله الاوراق الا بتوصل للقسم علشان التحريات من ضمنها الاوراق الا انا مقدمها مثل الشهادات والاوراق الاخرى اقصد الاوراق المطلوبه والا انا مقدمها برده وايه الا بيروح للتحريات} وجزاكم الله خيرا

ربنا يخليك ياثعلب ياعربى وان شاء الله انت كمان نسمع خبر الكشف الطبى بتاعك اليومين دوول

pogar كتب:: سؤال من فضلكم {هو ان شاء الله الاوراق الا بتوصل للقسم علشان التحريات من ضمنها الاوراق الا انا مقدمها مثل الشهادات والاوراق الاخرى اقصد الاوراق المطلوبه والا انا مقدمها برده وايه الا بيروح للتحريات} وجزاكم الله خيرا

الى بيوصل لامن الدولة ورقة بيطلب فيها التحرى عنك من الناحية السياسية والامنية انت واقاربك بدقة بالغة. وانت بتروح امن الدولة و بتقول مين اقاربك بالتفصيل علشان كدا بينصحك انك تاخد نسخة من ملف العامة علشان تقول اسماء الاقارب بسهولة اكتر.
اما الجنائى فانت هيتطلب منك شهادة الكلية بيان درجات وصور الاملاك ومفردات المرتب وكل شىء قدمتة فى الاوراق او دخل وكدا.بالاضافة ان بعض الظباط بيطلبوا قيد عائلى للوالد وللجد.

اما فى تحريات الامن القومى فاما انك تحس بيها او متحسش بيها اصلا , ولو حسيت بييجى البيت يقولك اسماء اخوالك اية واعمامك اية واملاك الوالد و مهن اخواتك وبس .
واحيانا بيسألك على وهات نظرك السياسية والامنية ومش بيطلب منك اى ورق

» اعلان النيابة الادارية دفعتى 2010 و2011
» اسئلة النيابة العامة 2009
» النيابة العامة دفعة 2009
» الحركة الداخلية لاعضاء النيابة العامة
» قرار بالغاء مصاريف انتقال ضباط الشرطة لسلك النيابة العامة