اعلان النيابة العامة دفعة2010

thelord7410 كتب:: معلش يا جماعة انا تاعبكم معايا .. بس انامتوتر جدا وقلقان وعندي بعض الاستفسارات الاخرى .. جعله الله في ميزان حسناتكم:
1- هل تعليم الأخ يؤثر في قبول المرشح
2- هل عدد الاقارب في الملف له تأثير كبير (بمعني هل هناك فرق بين شخص لديه عدد كبير من الاعمام والاخوال وشخص لديه عدد محدود)
3- انا من محافظة اسيوط في صعيد مصر وحاصل علي الليسانس _للأسف_ في خمس سنوات وتقديري العام جيد بنسبة 74% وجميع اقربائي ليس لديهم سوابق امنية او جنائية ومع والدي حيازة بخمسة أفدنة زراعية وهو مدرس بالازهر وحاصل علي دبلوم معهد المعلمين ووالدتي مدرسة ايضا وحاصة علي دبلوم التخصص والذهيب في الخط العربي ووالدها يتملك 8 افدنه وأنا مقبول الشكل ولا أعاني من أي عوار من الناحية البدنية أو من حيث السمعة فما هي فرص قبولي في النيابة العامة علما بكون واسطتي (بعد مشيئة الله وعونه وتوفيقه) متوسطة التأثير ؟

اهدى وانسى التوتر خالص وربنا هيكرمك بأذن الله.
1_ اة الاخ يؤثر كثيرا لانة من الاسرة الصغيرة التى يتم التركيز عليها.
2_ لا يشكل ذلك فارقا .
3_ فرصة جيدة جدا يا اخى وادعى الله ان يوفقكك.اما الواسطة فانت متعرفش تاثيرها الا يوم السباعية ويوم الاتصال بالطبى لان ممكن يكون صغير فى السن ولكن علاقاتة جامدة جدا بمجلس السباعية

بشكر الأخ mo7amed™ والأخ الثعلب العربي وباقي الأخوة للإهتمام
وربنا يكرم الجميع ويوفقناللخير قولوا آمين.

السلام عليكم ورحمه الله وبركاته
1- والدى عنده فلوس فى البنك وعندنا سياره تتكتب ويتكتب المبلغ وله لا
2-ينفع اقدم صوره السك الى ابوى بياخد بيه المعاش وله لا
3-أنا عضو فى قائمه المحكمين جامعه عين شمس ارفق مع الورق صوره الكارنيه وكذلك بعمل درسات عليا فى جامعه الازهر اكتبها برده

hitmanamr كتب:: السلام عليكم ورحمه الله وبركاته
1- والدى عنده فلوس فى البنك وعندنا سياره تتكتب ويتكتب المبلغ وله لا
2-ينفع اقدم صوره السك الى ابوى بياخد بيه المعاش وله لا
3-أنا عضو فى قائمه المحكمين جامعه عين شمس ارفق مع الورق صوره الكارنيه وكذلك بعمل درسات عليا فى جامعه الازهر اكتبها برده

بالنسبة للرصيد البنكي ايوة اكتبه و بتجيب افادة من البنك بقيمة الرصيد وبترفقها مع الملف كاثبات لقيمة المبلغ اللي كتبته
بالنسبة لموضوع المعاش انا مش هاقدر افيدك فيه
بالنسلة لموضوع الدراسات العليا هتجيب افادة من الكلية بانك طالب دراسات عليا فيا وهتحطها في الملف

بالنسبة للمعاش يا اخ hitmanamr
اة قدم صورة من السك دا لانها تعتبر دليل على المعاش.

لا يا باشا فيه حاجة من المعاشات اسمها برنت معاش بواحد جنيه روح هاته بتاخده مختوم بختم النسر

شكرا لكم

لو يمحتوا يا جماعة امتى يوم جامعة جنوب الوادى

هو صحيح يشترط انه يكون احد والى المتقدم حاصل على مؤهل عالى ولا متفرقش؟
وبياخدوا على أساس التقدير ولا بيفوتوا كتير ؟
يعنى انا جايب "جيدجدا مع مرتبة الشرف"هيكون ليا فرصة

محمدالعجمى كتب:: هو صحيح يشترط انه يكون احد والى المتقدم حاصل على مؤهل عالى ولا متفرقش؟
وبياخدوا على أساس التقدير ولا بيفوتوا كتير ؟
يعنى انا جايب "جيدجدا مع مرتبة الشرف"هيكون ليا فرصة

احييك على تقديرك وربنا يوفقكك وباذن الله هتكون من المتعينين.
تقديرك سيفيدك كثيرا نظرا للأتجاة الذى يقودة الدكتور سرى ومن المتوقع لمن يخلفة ايضا: وهو التركيز على اصحاب التقديرات العالية فى التعيين.
بالنسبة للمؤهل العالى للوالد فهو يعتبر شرط ضمنى للتعيين ولكن التقدير و العائلة والواسطة ممكن يساعدوا كثيرا .فيوجد من يتم تعيين نجلهم وهم ليسوا اصحاب مؤهلات عليا ولكن هذا يحتاج الى مقومات قوية مثل التقدير او الواسطة او العائلة وحسن الوضع المالى والاجتماعى

بالنسبة للخالات والاعمام المتوفين هل يجوز كتابتهم فى الملف ولا مش ضرورى

بكر خطاب كتب:: بالنسبة للخالات والاعمام المتوفين هل يجوز كتابتهم فى الملف ولا مش ضرورى

لأ دا مش يجوز دا اساسي انك تكتبهم
خد بالك ان لما ربنا يكرمك بالتحريات الامن هيطلع عنك الحاجات اللي انت نفسك ما تعرفهاش فا يبقى تكتب البيانات كلها الصحيحة عشان تجنب نفسك اي متاعب مستقبلية

هل ينفع استخدم قلم الكركتير المزيل لتصحيح بعض الاخطاء فى الملف

بكر خطاب كتب:: هل ينفع استخدم قلم الكركتير المزيل لتصحيح بعض الاخطاء فى الملف

لا يجوز ذلك ولا تشطب وحاول انك تعدل الكلمة الى باظت بأسلوب حلو وسيبك من الشكل المهم انك تعدلها .
ياريت تقولنا اية الكلمة الى باظت معاك ويمكن نقدر نساعدك

الوضع يا جماعة دلوقت اني رحت علشان اسلم الملف امبارح 28/12 لكن اكتشفت في الطريق اني نسيت كتابة راتب الوالد والوالدة فكتبته في الوثيقة الاصلية وفي الثلاث وثائق المصورة هل فيه ضرر من كتابةالمرتبات دي بالقلم الازرق علما بأن الوثائق الثلاثة مصورة بعد كتابة البيانات ؟
وثانيا : خلافا للمتوقع الواسطة (بعد ربنا طبعا) فاجئتني لما طلبت 50 الف فقط لأني اعلم ان النيابة يدفع لها أكثر بكثير فما رأيكم في هذا الامر ؟
ثالثا : حصلت علي شهادة حيازة زراعية بخمسة أفدنة وايضااستخرجت بطاقة حيازة وقمت بتصويرها وارفاقها ومعي الاصول فهل يمكنني التنازل عن الحيازة الان لشخص اخر ام ان النيابة سترسل الي الادارة الزراعية للتأكد ؟
رابعا : بأذن الله متي سيكون موعد اللجنة السباعية بالتقريب ؟

thelord7410 كتب:: الوضع يا جماعة دلوقت اني رحت علشان اسلم الملف امبارح 28/12 لكن اكتشفت في الطريق اني نسيت كتابة راتب الوالد والوالدة فكتبته في الوثيقة الاصلية وفي الثلاث وثائق المصورة هل فيه ضرر من كتابةالمرتبات دي بالقلم الازرق علما بأن الوثائق الثلاثة مصورة بعد كتابة البيانات ؟
وثانيا : خلافا للمتوقع الواسطة (بعد ربنا طبعا) فاجئتني لما طلبت 50 الف فقط لأني اعلم ان النيابة يدفع لها أكثر بكثير فما رأيكم في هذا الامر ؟
ثالثا : حصلت علي شهادة حيازة زراعية بخمسة أفدنة وايضااستخرجت بطاقة حيازة وقمت بتصويرها وارفاقها ومعي الاصول فهل يمكنني التنازل عن الحيازة الان لشخص اخر ام ان النيابة سترسل الي الادارة الزراعية للتأكد ؟
رابعا : بأذن الله متي سيكون موعد اللجنة السباعية بالتقريب ؟

بالنسبة لموضوع الكتابة حضرتك ما تقلقش خصوصا لو اللي كتبته صحيح ومطابق للاوراق اللي قدمتها والمثبت فيها مرتب السيد الوالد
موضوع الحيازة الزراعية بيتم الاعتماد بصورة مبدئية على الاوراق اللي حضرتك قدمتها لكن سوف يتم التأكد منها صحتها ومطابقتها للواقع عند نزول التحريات بواسطة الامن وتقرير الامن هو اللي هيثبت مدى صحة اللي حضرتك كتبته
موضوع اللجنة السباعية :
حضرتك لسة في اول الطريق وحتى لسة ما اتممتش المقابلة الخاصة بالتفتيش وعموما باذن الله السباعية انتظر تحديد مواعيدها بعد انتهاؤ مقابلات التفتيش بفترة وجيزة وسوف يتم الاتصال بالمرشحين لابلاغهم بمواعيد مقابلاتهم
وبالتوفيق ان شاء الله

الخطا ان فى الخانة اللى فيها العمل الحالى الاعمام انا ليا عمين على المعاش فكتبت مدير عام بالمعاش بحجم الخانة كلها ببص فى اخر الصفحة وجدت انة مكتوب بالنسبة للمحالين للمعاش يكتب العمل السابق اية رايك فى الحوار دة

بكر خطاب كتب:: الخطا ان فى الخانة اللى فيها العمل الحالى الاعمام انا ليا عمين على المعاش فكتبت مدير عام بالمعاش بحجم الخانة كلها ببص فى اخر الصفحة وجدت انة مكتوب بالنسبة للمحالين للمعاش يكتب العمل السابق اية رايك فى الحوار دة

لو فيه مسافة ولو صغيرة تحت اللي كتبته اكتب فيها مدير عام سابق بالجهة الفلانية بس دا يتوقف على انك تقدر تلاقي مساحة ومش هتحتاج لاي شطب

مفيش مشكلة يا بكر باشا اهدى واكتب كلمة معاش بس حاول تكتب الجهة الى كان فيها ولو معرفتش برضوا مفيش مشكلة .
انا كنت كاتب واحد من اقاربى موظف فى وزارة العدل وهو فى الحقيقة موظف فى محكمة فى اسكندرية وفى التحريات قالوا ياريت كنت توضح بس عادى وكبر خالص

وهو ده الخطأ اللى انت عاوز تستخدم فيه الكوركتور
سواء كتبتها تحتيها او فوقيها او رسمت سهم او اى حاجة
كل الحاجات دى شكلية
وفى مقابلة التفتش هما هبستوفوا اى حاجة تهمهم وتكون ناقصة
وممكن تكتب وظيفته فى اى خانة

انا متشكر جدا على اجابتكم بس انا بحاول استفيد منكوا لان حضرتكم عارفين وفاهمين اكتر منى وشكرا

بكر خطاب كتب:: انا متشكر جدا على اجابتكم بس انا بحاول استفيد منكوا لان حضرتكم عارفين وفاهمين اكتر منى وشكرا

ربنا يكرمك يا باشا واى استفسارهتلاقينا كلنا تحت امرك

مقابله التفتيش القضائى بيحصل فيها ايه وايه الابيحصل بعد المقابله ده بالضبط بعد اذنكم طبعا

pogar كتب:: مقابله التفتيش القضائى بيحصل فيها ايه وايه الابيحصل بعد المقابله ده بالضبط بعد اذنكم طبعا

انت بتروح دار النقض الساعة 8.30 بأذن الله بالرغم من ان الايصال فية انك تروح 9

هتلاقى الموظفين بيندهوا على الاسماء فى الدور التانى ويرتبوكوا 10 ب10
كل مجموعة هتقف قدام باب مكتب مستشار من التفتيش.
كل مكتب فية 2 مستشارين و والموظف هيقولك انت تدخل يومين والى وراك يدخل شمال على المستشار التانى وهكذا.

بيكون قدام المستشار ورقتين كمبيوتر فيهم اسمك انت واخواتك واخواتك واعمامك واخوالك وعماتك وخالاتك والجدود. ومهنة كل منهم . والمستوى المالى للأسرة.
هيراجع معاك وهو مش بيسال غير فى النقط الى مش فاهمها يعنى مثلا يقولك تخصص الدكتور دا اية او شغال فين او الام شغالة زى الوالد ولا فين او الاب بيتشغل فين بالظبتط ودى حاجات سهلة جدا . وهيقولك انت محام تحت التمرين ولا لا؟
المقابلة سهلة اوى وهتتعامل بأحترام اوى وفى الاخر هيقولك بالتوفيق.
ملحوظة: لو فى حد من اهلك مستشار خصوصا مستشار فى العامة هتلاقية يعاملك بأحترام جامد جداااااااااااااااااااااااااااااااااااااااااااا.فوق الاحترام الى عاملك بية لو انت مش اهلك مستشارين.

لو نات رخمت بقى على المستشار وكان دمك تقيل او اتكلمت بأسلوب وحش((( حصل مع ناس زمايلنا)) هتلاقية بيسألك فى اقاربك كلهم ويرخم عليك جامد.

وارجو من الجميع عدم الاستهانة بمقابلة التفتيش بالرغم من سهولتا ولكن لها دور فى تخطيك فى المقابلة السباعية بأذن الله

وانشاء الله لما تخلص المقابله ايه الابيحصل > انا اسف ,>

» اعلان النيابة الادارية دفعتى 2010 و2011
» اسئلة النيابة العامة 2009
» النيابة العامة دفعة 2009
» الحركة الداخلية لاعضاء النيابة العامة
» قرار بالغاء مصاريف انتقال ضباط الشرطة لسلك النيابة العامة