مسابقة الازهر الشريف 2011

مسابقة الازهر 2011
أكد د. محمد عبدالعزيز واصل وكيل الأزهر

أن الجهاز المركزي للتنظيم والإدارة

وافق علي توفير 31 ألف درجة مالية وظيفية

بنظام التعاقدات المميزة بالمعاهد الأزهرية بالقاهرة والاقاليم

لسد العجز في مختلف التخصصات الإدارية والمالية والتعليمية.

قال في تصريحات خاصة ل "المساء" إنه يجري حاليا

اعداد الضوابط اللازمة لتحقيق الشفافية والعدالة الكاملة

في اختيار افضل العناصر لشغل هذه الوظائف من بين المتقدمين..

بحيث يتم الإعلان عنها خلال الايام القليلة المقبلة.

أضاف أن الأولوية

ستكون للأعلي تقديراً والأعلي مؤهلاً والاقدم تخرجا..

مؤكدا أن فضيلة الإمام الأكبر د. أحمد الطيب شيخ الأزهر

شدد في تعليماته علي اختيار أفضل المتقدمين

بعيداً عن المجاملات والمحسوبية.

شكرا استاذ هادى جزاك الله كل خير

لو عرفتى موعد التقديم عرفينى لو سمحتوا

اكيد ان شاء الله

المسابقة ان شاء الله يا جماعة هتلاقوا شروطها فى جريدة صوت الازهر
عدد يوم الخميس الموافق 27/1/2011
يعنى انهاردا ان شاء الله
وده سبق لمنتدى راجعون الى الله
فى انتظار استفساراتكم بخصوص الموضوع
تم التثبيت

طيب يا سيادة المدير ممكن توضحلنا اية هى المؤهلات المطلوبة وطبيعة الوظيفة هل مدرسين ام موظفين ادارين ام ماذ؟

خااااااالص تحياتى

ميرنا محمد

هى المسابقة نزلت ولا لسةانا مسمعتش حاجة عنها وكمان كاتبين ان المسابقة فى يوم 27-1-2011 معنى كدة انها تزلت ولا اية يا ريت تردوا علية

لا ياقمر لسه مش نزلت هى فعلا كانت هتنزل قبل الظروف الى فى البلد بس حصلت الثوره ومنزلتش وان شاء الله اول ماينزل اى حاجه هتلاقيها هنا بأذن الله تعالى والله الموفق

اولا المسابقه لسه منزلتش
لو سمحتوا يا اعضاء المنتدى الكرام
هل هناك من لديه معلومه عن تثبيت المعلمين اصحاب العقود بالازهر
هذا السؤال لشخص عزيز عليا ......ارجو الرد

السلام عليكم لو سمحت ياحضرة المدير أنا مقدرة جدا مجهودكم العظيم وعايزة أسأل عن مسابقة الأزهر بجد مستنياها بقالى كتير وأنا عارفة إن الأحداث الأخيرة أجلت جميع الأعلانات أنا خريجة شريعة وقانون أسيوط أول دفعة على مستوى الصعيد2010 بتقدير عام جيد جدا مع مرتبة الشرف ولو فيها قلت ذوق ممكن أسأل عن إعلان النيابة الإدارية

انا معنديش اي معلومات عن مسابقة الازهر للاسف
بس لو وصلت لاي معلومات عنها هبلغ حضرتك

بالنسبة للنيابة الادارية لسه الاعلان بتاعها منزلش لدفعة 2010
باذن الله اول ما اعلان النيابة الادارية 2010 ينزل هتلاقيه موجود هنا و سيخصص له موضوع منفصل

بالنسبه للتثبيت هو فعلا شغال دلوقتى وكل المعملين قدموا اوراقهم وفى ناس لسه بتقدم فى الورق عشان التثبيت ودا للمعلمين الى بقالهم تلت سنين شغالين
اما بالنسبه للاعلان فهو لسه مش هينزل دلوقتى لان التركيز دلوقتى فى تثبيت المتعاقدين وبعدها ان شاء الله هينزل الاعلان وباذن الله اى جديد هعرفه هقولكم وربنا يكتب الخير للجميع يارب ويوفق الجميع

السلام عليكم
شكرا بجد على مجهود حضرتك وتعبك وربنا يكرم الجميع ويعوض علينا السنة دى لأن ده رزق ومحدش بيأخد أكتر من اللى ربنا قسمهوله king

شكرا جدا على التوضيح يا ميمو............
وربنا يوفق الجميع..............

السلام عليكم
لو سمحت ياسيادة االمدير ممكن حد يؤكد لى موضوع ترشيح العشرة الأوائل للتعين من خريجى الأزهر من 2010:2004
لأن الموضوع ده أثير عندى فى الكلية ومحدش عارف الخبر الأكيد فيارب يكون عندكم رد لسؤالى

الموضوع دا فعلا نشر وفى اوائل قدموا ورقهم بالفعل واتقال انهم هيخدوهم اداريين بس انا اعرف حد راح سئل وقالوله ان الاول على كل دفعه هيتاخد فى الكليه والى قدموا ورقهم مستنين وان شاء الله بالتوفيق للجميع يارب

يعنى دلوقت الأوائل يقدموا ولا أيه معلش مش فاهمة الرد

ايوه الاوائل بيقدموا وفى ناس قدمت اصلا من ساعة ماالموضوع دا اتنشر وقالولهم استنوا الرد ربنا يوفق الجميع

شكرا خالص على الرد بس معلش أسأل كمان سؤال أقدم تبع الكلية اللى أنا متخرجة منها ولا أقدم تبع المشيخة الأم فى القاهرة وأيه صيغة طلب التقديم لو فيها تعب وربنا يجازيك كل خير

بس حضرتك دى صيفة سىفى

نبدء بسم الله الرحمن الرحيم

البيانات الشخيصية

الاسم / ..................

تاريخ الميلاد/....../......../....

محل الميلاد./....................

العنوان تفصيلا/............................

الديانة/...........................

الحالة الاجتماعية/.....................

التليفون/م........................

ارضى.........................

درجة التعيلم

اللشهادة الحاصل عليها...................

القسم او اشعبة ................

القدير....................

النسبة المئوية ..............

الخبرات العملية

لغات ................

دوارت كمبيوتر ...............

اخرى................

حضرتك ممكن توضح اية طبيعة الوظيفة اللى هتقدم فيها وان شاء الله هكتبلك صيغة الطلب وحضرتك تملى باقى بياناتك

بالتوفيق

حضرتك بتقدم فى الكليه الى حضرتك متخرج منها وبتقدم الورق المطلوب وهما بيقولولك صيغة الطلب بالظبط فى الكليه وسيادة النائب تفضل مشكورا وهيقول لحضرتك صيغة الطلب وربنا يوفقك ويوفق الجميع ان شاء الله

يعنى أملئ البيانات دى وأتقدم بيها للكلية اللى أنا متخرجى منها بس الكلية عندى ممكن ترفض إستلام الطلب على العموم أنا هحاول أقدمة وإن شاء الله لو فى جديد إكتبه فى المنتدى

ازاى ترفض استلامه دا قرار طالع لكل الجامعات بالنسبه للاوائل وناس كتير قدمت توكلى على الله وربنا يوفقك باذن الله

املى البيانات وخدى اوراقك الشهادات وقدميها ربنا يوفقك

» مسابقة الازهر الشريف نزلت
» وفاة شيخ الازهر الشريف محمد سيد طنطاوى........
» خبر هاااااااااااااااااااااام (وفاة شيخ الازهر).........
» نور الشريف للمره الثالثه على التوالى
» أعلام المسلمين الشريف الإدريسي