ليه يوم 25؟؟؟؟؟؟؟؟؟؟؟؟؟؟؟؟؟

انا بس عايزه اسئل كل اعضائنا وياريت يجاوبونى

بما انى مش عارفه اسئل كل مصرى

ليه يوم 25 عايزين يتعمل مظاهرات واحتجاجات

ليه يوم عيد الشرطه يعنى ليه فى عيد قومى زى دا لناس ضحت بنفسها عشان مصر

ايوه فى ناس فى الشرطه كتييييييييييييير مش كويسه بس فى اكتر كويس ومنهم الناس الى

مااتت شهداء فى اى فعل طايش من اى مجرم مش بيتقى ربنا ومنهم شباب عايشه امثال

الشرطى الى رفض الرشوه الى اتعرضت عليه بتاع كفر صقر رشوه تعيشه ملك ومكنش حد

هيعرف حاجه ماالاف من الاثار بتسرق كل يوم ومحدش بيعرف حاجه لكن هو رفض عشان

بيحب بلده وعارف يعنى ايه شرطى بيحافظ على بلده وامثال كتير منهم المفروض نكن ليهم كل

تقدير واحترام ونرفعلهم القبعه ونقولهم بمناسبة عيدهم انتوا تستحقوا الف احتفاليه ليه يوم 25

عايزين يتعمل مظاهرات ليه بعد احداث تونس انا بقيت حاسه اننا كربونه بنقلد وخلاص بجد

حاجه مستفزه واحد ولع فى نفسه الله حلوه الموضه دى يلا نجرب ناس فى بلد مختلفه خالص

عن الى عندنا كل حاجه عندهم مختلفه عن عندنا وعملوا مظاهرات واحتجوا جامده بردو

الموضه دى ليه لاء يلا نقلد بجد بقت حاجه مستفزه ومقرفه فى فقر عندنا فى فى بطاله فى فى

ناس مظلومه ايوه فى من حقنا نحتج ونقول لاء ايوه من حقنا بس هل احنا فاهمين لاء ليه هل

احنا مقتنعين باى حاجه ولا بنقلد وخلاص ماهى موضه والى خلى التونسه يعملوا كده ولافقر

ولا بطاله لان دا سايد فى العالم كله حتى الدوله الى وصلت لقمة العبقريه الصين مليانه بطاله

مش دا الى خلاهم يحتجوا واحنا مش زيهم مع احترامى للى عملوه لانه من حقهم لان رئيسهم

كان فاق قمة الطغيان بمنع مااحل الله وكلنا عارفين دا بس دا مش موضوعنا ليه احنا بقينا

كربونه ليه بقينا بنقلد ودمتم والله الواحد خايف من الايام الجايه ربنا يستر علينا وعلى كل

المسلمين معلش انا رغيت كتير بس بجد حاجه تغيظ ومش هعرف اسئل كل مصرى بس انا

نفسى اعرف

ليه يوم 25 ؟؟؟؟؟؟؟؟؟؟؟؟؟؟

ليه بعد احداث تونس ؟؟؟؟؟؟؟؟؟؟

ليه التقليد الاعمى ؟؟؟؟؟؟؟؟؟؟

ليـــــــــــــــــــــــــــــــه؟؟؟؟؟؟؟؟؟؟؟؟؟؟؟؟؟؟

مش عرف أقولك إيه يا ميمو

انتي قلتي كلام جميييييل

ممكن الرد ببساطة لأننا مع كامل إحترامي لأي حد شايف حاجة تانية ..

عقلنا بسييييييط أوي وسهل يضحك علينا وبنحب نهيص في أي حاجة وخلاص

وصدق من أطلق علينا " تجمّعهم بصفارة وتفرقّهم بعصاية "

يا ميمو الناس اللي يحقق في وسطهم أفلام اللمبي واللي بالي بالك وبوحه وسلسلة الأفلام الهبلةدي أعلي إيرادات يبقي عمرهم ما هيحسو باللي انتي عمّالة تقوليه ده عن رجال الشرطة

إحنا للأسف الشديد علي قد زكائنا بس مش بنستخدمة إلا في الخطأ بس والهروب من المسؤلية
وعلي رأي اللي قالو أي كلام فاااضي معقول

تسلم على الرد الرائع دا ياباسل والله كلامك كله صح جداااااااااا

شكرا ليك وشرفتنى فى الموضوع برأيك الى اكثر من رائع

يا ميمو انا معنديش كلام بعد كلامك و كلام باسل بس المصريين دول بجد بيهيصوا مع الهيصة

اي حاجة و السلام

و زي ما باسل قالك الافلام الهابطة دي و اللي مالهاش لا معني و لا هذف ولا قيمة و تحقق اعلي ايرادات يبقي عليه العوض و منه العوض بجد

لا هيفهم يعني ايه واحد بيضحي بنفسه علي شان بلد ولا هيا فارقه معاه من اساسه

انا بقي نفسي افهم اكتر منك بجد ليه يوم 25 ؟؟؟؟؟؟؟؟

و اللي عايز افهمه اكتر ليه الناس بدأت تتكلم بعد اللي حصل في تونس ؟؟؟؟؟؟؟؟؟

يعني تونس هيا الوصي علينا ؟؟؟؟؟؟؟؟؟

ولا احنا بنقلد اي حد وخلاص

اه يا شعب ( زياط ) بنحب نزيط في الزيطة و السلام

اي حاجة تتعمل نقلدها و منفكرش فيها

صح غلط متفرقش كتير ولا قليل لانه مفيش حد يحسبها اساسا

انا بكل رد بتاكد ان الحمدلله منتدانا فى ناس عاقله وفاهمه

بعيدا بقا عن النت التانى امثال الفيس بوك الى مبوظ الدنيا والله انا بتمنى انه يتقفل

والمنتديات الى بتهيص مع الهيصه

تسلم يامنوفى على ردك الى بجد اسعدنى