زويل يحدد 5 نقاط لإنهاء الأزمة

زويل يحدد 5 نقاط لإنهاء الأزمة || 1- تولى اللواء عمر سليمان مباشرة الاصلاحات السياسية فى مصر
2- تعديل المواد 76 و77 88 و179 بالإضافة لتحديد جدول زمنى لاجراء إنتخابات ديموقراطية
3- إلغاء قانون الطوارىء وتعديل قانون الاحزاب والنقابات ومباشرة الحقوق السياسية
4- الافراج على جميع المعتقلين السياسين سواء من الحركات السياسة المعارضة أو جماعة الإخوان المسلمين
5- عودة الإشراف القضائى على الإنتخابات

كما أكد أنه توصل إلى هذه النقاط بعد أن إلتقى بعدة قوى سياسية منها جماعة الإخوان المسلمين والاشتراكيين الثوريين وحزب الغد وحزب الجبهة الديمقراطية وحركة العدالة والحرية ،كما إلتقى اللواء عمر سليمان والدكتور أحمد الطيب شيخ الأزهر
ملاحطه:ده خبر وليس موضوع للنقاش هناك موضيع للنقاش مخصصه لذلك

للاسف يا اخي العزيز فدكتور زويل شخص كان له مكانة بيننا قبل 25/1 اما بعدها فبان وجهه الحقيقي مثله مثل غيره من المنافقين الذين لا يراعوا مصلحة الوطن

فانه و ان كان مصري كما يقول الا انه لا ينتمي لهذا الوطن ابدا

لا تنسي انه مقيم في اميركا ولا يعلم شيئا عن وطننا العزيز ولا يشعر ابدا بالمصريين

فارجوك ارجوك متقولشي فلان من دول بيقول قول 85 مليون مصري بيقولوا كذا

شكرا لرحب صدرك

الله ينور عليك يامنوفى فجائه كل الى عايشين بره بقوا بيحبوا البلد وخايفين عليها

الثوره دى ثورة شباب مصريين وبيحبوا مصر

وعايشين فى مصر طول عمرهم وعارفين مطالبهم كويس اوى

ميجوش من بره ويركبوا على كتف الشباب ويحددوا كمان نقاط

لا احنا مستغنين عن خدمانهم المصريين ادرى بالى عايزينه

شكراعلى مروركم الطيب جمعا
ولكن مينفعشى نقول على شخص مخالف لينا فى الراى أنه منافق وعميل
ولا ننسى مكانته العلميه فى العالم
وبعدين هو لم يعلن نيته فى ترشيح نفسه أصلا يعنى ملحوش مصلحه ألا الخير
لسه برده العرب بيفكروا بنظريه المؤامره الى بنعلق عليها فشلنا
وياأخت ميمو هو عايش بره مش بمزاجه ولكن بسبب النظام الفاسد الذى يقضى على المواهب والعباقره
فى أمريكه يوجد مناخ مناسب للبحث العلمى والابتكار مش أكتر
للاسف النظام الفاسد أستطاع ان يقنع الناس بان المعارض له هم خونه ومنافقين ويريدون تخريب البلد
الم يكون أحمد زويل والبرادعى وهيكل نفتخربهم فى كل العالم
الان اصبحوا منافقين وخونه وعملاء