النيابة العامة دفعة 2009

يارب ترجعلنا يا محمود بالسلامة

ياااااااااااااااارب اكرمنا بفضلك يا رب

والله ياحوده من غيرك تايهيين

الف سلامه عاليك يا محمود واحشنا والله

ألف شكر يا أنصاري باشا وياسر

ربنا يوفق كل الأعضاء الكرااااام ويعينكم عليها

والله المنتدى وحش من غيرك خاااالص يا حودة يارب ترجعلنا بالسلامة ف اسرع وقت تمنياتنا ياباشا بالشفاء العاجل

خريجو "الحقوق" يطالبون بإنهاء التوريث فى سلك النيابة

نظم ظهر اليوم العشرات من خريجى كليات الحقوق، وكلية الشريعة والقانون بجامعة الأزهر، وقفة احتجاجية أمام دار القضاء العالى، مطالبين النائب العام بتعيينهم فى سلك النيابة العامة، وعدم التعسف ضد أبناء الطبقة الفقيرة ورفضهم العمل فى النيابة العامة.

ووصف المحتجين طريقة التعيين داخل النيابة العامة بـ"التوريث" والفساد، ويتم رفض الآخرين لصالح أبناء أعضاء النيابة العامة، وردد المحتجون هتافات منددة بالتوريث مثل " ثورة .. ثورة على التوريث..من البواب للرئيس".

وفرضت قوات الشرطة العسكرية المكلفة بحماية مبنى دار القضاء العالى طوقاً أمنيا حول المتظاهرين ، الذين أغلقوا باب المحكمة حتى انتهوا من مظاهرتهم

اخنا هنشوف ايام سوده

ياباشا ولا ايام سودا ولا حاجه كله هيبقي تمام باذن الله ولكن المشكله في هذه الفتره كل واحد شايف انه الاحق بالتعيين الي جايب جيد جدا شايف انه الاحق والي جايب جيد شايف انه الاحق خصوصا لان في ناس كتير جايبه جيد جد بالواسطه وانا شايف ان الوقفات دي عمرها ما هتجيب نتيجه لاسباب كثيره جدا منها ان الي عاوز يتضاهر المفروض يستني لما يصدر القرار وبعد كده يبقي معاه دليل مش يتظاهر قبل مالقرار يصدر لان قبل لما القرار يصدر مفيش حد هيسئل فيك اساسا ثاني حاجه ان الناس الي بيتظاهرو دول بيطلبو حاجات استحاله تتنفذ لو قعدو 100 سنه معتصمين لانهم بيطالبو ان التعيين يتم علي اساس التقدير وده استحاله يتنفذ لان الامتحان ليس موحد علي جميع الكليات في كليات سهله والجيد جد فيها سهل ودي استحاله تتساوي بالكليات الاخري العريقه والي بيكون الحصول علي الجيد جدا فيها صعب امثال القاهره وعين شمس
الي بيطالب ان التعيين يتم علي اساس التقدير لازم المتحان يكون موحد اولا وبعد كده يطالبو بالاخذ بالتقدير
والكلام ده مش معناه انهم يهملو التقدير لا انا شايف ان التقدير لازم يكون معيار من ضمن المعايير الاساسيه ولكن لا يمكن ان يكون المعيار الوحيد لان القضاء علي ايام الصحابه كان له شروط كثيره
وبالنسبه لموضوع مجلس الدوله فانا وصلني معلومات مؤكده ان الدفعه لن تعاد وان كل ماتم هو استبعاد بعض الضباط ووكلاء النيابه ولم يتم المساس بالحاصلين علي تقدير جيد والكلام ده من داخل المجلس الخاص

يعني من الاخر كدا يا شباب اي تصريحات هتتقال عن اعاده النظر في الدفعه هتكون للتهدئه فقط لا غير حتي لو كانت من جهات رسميه

من شويه كان الاستاذ عمرو اديب ع القاهره االيوم والاعاده بكرى الساعه 8.5 الصبح بيقول
ان كتير من الخبراء والمفكرين بيقولوا ان عام 2011 دا اغرب عام فلكيا وحسابيا وفيه كتير من المتغيرات لدرجه انهم بيعتقدوا انو هيكون نهايه العالم او هتقوم فيه القيامه ..بجد انا كان نفسى اتصل بالراجل دا عشان افهموا ان العيب مش فى العام دا ..لاء خالص العيب انا وانتو عارفينو كويس
وخلوا الموضوع دا سر بينا بدل ما يبعتونا اليابان ولا ليبيا ويخلصوا مننا وصراحه احنا دفعه تستاهل اكتر من كدا ..يعنى لما يفكروا يمضوا الكشف الطبى لدفعتنا .. تقوم ثوره فى البلد تقلبها راسا على عقب وجعلت اعزه اهلها اذله والراجل اللى كان قبلها بكام اسبوع شيوخ قضاه مصر بيحتفلوا معاه بعيد القضاء _ اللى هوا اصلا وافق لهم عليه بقالوش سنه يا عينى _ فى محكمه النقض كلها كام يوم ويشرف فى نفس المكان بس ف السجن ..
والى كان نفسوا يفيم عربيه ولا يعلق بادج ولا يترسم معلشى يبقى ف النفس شىء انتهى.. كانت احلااااام ..يبقى كويس اقوى لو فيهم ازاز بيتهم .. ولما يفكروا انهم يعينوا الدفعه هتقوم القيامه ويتنهى العالم وقال ايه لما نحلف اليمين نسمع انفجرات وفرقعه نكون فاكرنها العاب ناريه لا لا لا دا النهايه يا راجله واحنا بنحلف اليمين ..انا عن نفسى هبدأ م النهارد ه اعتكف واقرأ قران واعمل حاجه لاخرتى عشان لو ربنا كرمنى وانا رايح احلف اليمين اودع اهلى كويس وانا قلبى مطمن واقول لامى اشوفك ف الجنه بقى على خير ماهو ماحدش يقولى ان اليوم دا هيعدى كدا عادى من غير مفاجات ..
وقال ايه احنا مستعجلين ع الكشف الطبى وقال مستعجلين ع حلف اليمين فعلا ف العجله الندامه كل ما نقرب خطوه يحصل حدث جلل جلل جلل يعنى ..انا بجد بفكر اروح بكرى اسحب ملفى م الدفعه الفقر دى وانفد بجلدى ..وليه لاء
دا انا الكسبان وبعدها ع طول هروح اشوفلى عقد عمل فى ليبيا ...اخوانى و الزملاء الاحباء لقد اتخذت قرار اريدكم جميعا ان تعينونى عليه .. لقد قررت ان اتنحى تماما ونهائيا عن اى دور قضائى وانا اعود الى صفوف المتظاهرين اؤدى واجبى معهم كأى متظاهر اخر .................. Laughing

ربنا يستر على فكرى يا جماعه قبل الثوره بيومين وفى الوقت اللى كان فيه المشرفين والاعضاء مع احترامى بيقولوا انها مجرد احتجاجات بسيطه وهيتم السيطره عليها ومش عارف ليه كل فتره بتحذفوا المشاركات القدميه قلت انى خايف ان الموضوع يقلب جد والريس يتشال ومنلاقيش حد يمضيلنا على الدفعه ويحتاسوا بينا والحمد لله حصل ربنا يستر بعد المشاركه دى وميحصلشى اللى ف بالى والهزار يقفلب جد .......تقبلوا مرورى.. تحياتى للجميع

هههههههههههه والله ياعميد كلامك نفسك اللى بيدور جوةايا فعلا فقر فقر وربنا يستر

قل ياعبادى الذين أسرفوا على أنفسهم لاتقنطو من رحمة الله إن الله يغفر الذنوب جميعاً

صدقت يارياض الجنه وبعد ذلك يقول الله وانيبوا الى ربكم واسلموا له اى ارجعوا اليه

قل ياعبادى الذين أسرفوا على أنفسهم لاتقنطو من رحمة الله إن الله يغفر الذنوب جميعاً

و نعم بالله

يا رب الفرج من عندك يا رب العالمين

يا جماعة المنتديات التانية فيها اخبار كتير
عمالين يقولو شالو ناس وحطو ناس وولاد المستشارين معرفش كام
الواحد على الاخر وقلبة وجعة ومبقاش مستحمل
لو سمحتو اى حد عندة مصدر واثق منة يقوللنا اى حاجة ولة الاجر والثواب وربنا يفرجها على دفعة 2009 بقى ويكرمهم من واسع
اللهم امين يارب العالمين

والله يا استاذ محمودمفتقدينك ربنا يتم شفاك ويكرمك ويكرمنا

والله كل واحد بيكتب خبر اليومين دول بيبقى توقعات او تخمين انما لحد الان مفيش خبر موثوق فيه ميه فى الميه يعنى ربنا يستر

والله يا جماعة انا اتحيرت منكوا انتو انا سورى مش فاهم اى حاجه وارجو الرد يكون من الناس المسئولين عن المنتدى انا عايز اعرف ايه اللى حصل بأختصار ناس بتقول هيلغوا دفعه 2009 ويخلوها على بعد 2010 وده طبعا غير منطقى بالمرة ده واحد اتنين انا عايز اعرف الموقف الاخير من هذه الاشاعات

مفيش حاجه هاتتلغى الدفعه مؤجله حتى هدوء الاوضاع فى البلاد

memo كتب:: والله يا جماعة انا اتحيرت منكوا انتو انا سورى مش فاهم اى حاجه وارجو الرد يكون من الناس المسئولين عن المنتدى انا عايز اعرف ايه اللى حصل بأختصار ناس بتقول هيلغوا دفعه 2009 ويخلوها على بعد 2010 وده طبعا غير منطقى بالمرة ده واحد اتنين انا عايز اعرف الموقف الاخير من هذه الاشاعات

بص ياباشا المعلومات اللى اى حد بيتوصل ليها ام انها بتكون توقعات واما انها بتكون من مصدر يعنى من احد المستشارين فالبنسبة للتوقعات دى مفروغ منها لان حضرتك ممكن تتوقع زى اى حد اما بالنسبة للمعلومات من المصدر فدى يعلموها الله سبحانة وتعالى ومصدر المعلومة يعنى ممكن يكون المستشار دة فعلا صادق ف معلوماتة للى وصلها ليه من الاخوة الاعضاء وممكن يكون مش صادق على اساس انة بيتوقع وكمان عشان مش يبان انى مش عارف اى حاجة قدام اللى بيسالة

فامور كلها فى يد المولى جل وعلا

فكل اللى انا اقدر اقولهولك دلوقتى انك تدعى ربنا الاوضاع تهدى ف البلد وان شاء اما الاوضاع تهدى اعتقد مش هيبقى ف مانع انهم ينظروا ف امر الدفعة

معلش انا حبيت اكون واقعى معاك

تحياتى وتمنياتى بالتوفيق للجميع

فينكوا يارجاله انتم شكلكم الاستفتاء شغلكم و المنتدى نام بعدك ياتعلب

NO NEWS GOOD NEWS Shocked

السلام عليكم

تحية الى كل الشباب الموجودين وانا متشكر جداااااااااااااا لسؤالكم عليا الفترة الماضية , والحمد لله انا بخير وكان نفسى ادخل المنتدى الايام الماضية ولكن الدكتور مانعنى من استخدام ايدى اليمين نهائيا وانا اهو بحاول اكتب بالشمال. انا متشكر لكل الشباب الى سالوا عليا وربنا يخليكوا يارب ,وربنا يكرمنا جميعنا ويكرمكم من قبلى بأذن الله بالتعيين ان شاء الله.

تحياتى للجميع .
واتمنى من الجميع انه يكون راح الاستفتاء وصوت ((((( انا روحت الحمد لله ولسة راجع واول حاجة عملتها قولت لازم اشوف حبايبى واصدقائى على المنتدى)))))).

بالنسبة لامر الدفعة والاشاعات المنتشرة الكثيرة التى حذرنا منها من قبل .

اقسم بالله العظيم : امر الدفعة جاهز للطبى , وبمجرد هدوء البلاد وعدم وجود وقفات احتجاجية سيتم نزول الطبى ان شاء الله.
مفيش اى حذف اسماء تم او اضافة اى شيىء , الورق لم يتغير من شهر يناير .
اى كلام الان من اى شخص حتى ولو مستشار يكون تخمينات واشااعات ومجرد ابداء تصور وليس نابع عن معلومات. فارجو من الجميع عدك الانسياق وراء الاشاعات.

ولن يحدث الغاء للدفعة على الاطلاق , وربنا يوفقنا كلنا يا شباب وانا هحاول ادخل على المنتدى من اليوم ان شاء الله واكتب بالشمال

حمد للة على سلامتك

حمد لله علي السلامه يا تعلوووووووب

الف مليون حمدلى على سلامتك يا استاذ/ محمود

» النيابة العامة دفعة 2009
» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009