التشكيل الوزارى الجديد

بناءا على طلب السيد ........... رئيس الجمهورية
واحتراما للدستور والقانون
فقد قمنا بالتشكيل الوزارى التالى ونأمل ان نكون قد وفقنا فى اختيارنا وان يؤدوا وظيفتهم على النحو الذى يملية عليهم ضمائرهم ووفقا لاحترام الدستور والقانون ولما يرضى ربهم اولا.
1_السيد/الدكتور احمد زويل وزيرا للتعليم (التعليم والتعليم العالى والبحث العلمى).

2_السيد/الدكتور مجدى يعقوب وزيرا للصحة.

3_السيد/الدكتور عمرو خالد وزيرا للشباب.

وسوف نقوم فيما بعد باصدار بيان اخر قريبا بباقى الوزراء

والله الموفق والمستعان

ايوا دا من حلمى اللى هيتحقق قريب ان شاء الله
ونفسى اشوف الاسماء دى كوزراء بجد هيعملوا كتير للبلد
ياريت اللى يدخل الموضوع لو عنده اسم شخصية نفسة يشوفوا فى وزارة معينة يقولنا علية

تصدقى بالله انا ف الاول افتكرت ان المجلس الاعلى للقوات المسلحة اصدر بيان بالتشكيل الجديد دة وفرحت بالناس دى بس استغربت ازى وزير التربية والتعلم والتعليم العالى يكلف بيهم شخص واحد بس فمن هنا شكت انها تكون من اخترعاتك بس هو موضوع رائـــــــــــــــــــــــــــــــــــع

انا عن نفسى مش فاضى لشغل اوزارت والكلام الفاضى دا هو بصراحة اتعرض عليا بس انا رفضت

موضوع جميل طبعا والفكره هايله

انا عايزه رئيس الوزراء يفضل احمد شفيق حاسه انه راجل محترم وبيقول الحق ومش بيوعد بوعود ورديه بالعكس دا بيقول الحقيقه حتى لو فيها غلط عليه
اختيارك موفق بس عمرو خالد مش عارفه بس عن نفسى لو اوافق عليه عشان وزارة الشباب مش عليها عامل كبير اوى فعادى مش هيفرق بس ليه ميكنش فى الوزارت شاب صغير وكفء وعنده خبره بردو بس يكون صغير فى السن عشان حركاته تكون خفيفه ويتابع بنفسه الموضوع دا ممكن يدى ثقه للشباب ويخليهم يدوا لمصر لهدف كويس ممكن يحصل فى حياتهم انهم فى يوم ممكن يكونوا وزراء بناء على كفائتهم ودى هتبقا حاجه كويسه اوى عشان هتشجع الشباب انه يدى

سيادة النائب كتب:: تصدقى بالله انا ف الاول افتكرت ان المجلس الاعلى للقوات المسلحة اصدر بيان بالتشكيل الجديد دة وفرحت بالناس دى بس استغربت ازى وزير التربية والتعلم والتعليم العالى يكلف بيهم شخص واحد بس فمن هنا شكت انها تكون من اخترعاتك بس هو موضوع رائـــــــــــــــــــــــــــــــــــع

انا عن نفسى مش فاضى لشغل اوزارت والكلام الفاضى دا هو بصراحة اتعرض عليا بس انا رفضت

ونعم بالله
لالالا مش المجلس الاعلى اللى هيصدرة دا هيبقى رئيس الوزراء الجديد
دا مش علشان يقوم بيهم شخص واحد علشان دا دكتور زويل ففاى منصب من الاثنين هيخدم حلو اوى وهيفيد التانى كمان فيباى الاحسن يمسك الوزارتين

طب يلا فين ترشيحاتك انت لباقى الوزراء بما ان سيادتك متنازل عن الوزارة

memo dream كتب:: موضوع جميل طبعا والفكره هايله

انا عايزه رئيس الوزراء يفضل احمد شفيق حاسه انه راجل محترم وبيقول الحق ومش بيوعد بوعود ورديه بالعكس دا بيقول الحقيقه حتى لو فيها غلط عليه
اختيارك موفق بس عمرو خالد مش عارفه بس عن نفسى لو اوافق عليه عشان وزارة الشباب مش عليها عامل كبير اوى فعادى مش هيفرق بس ليه ميكنش فى الوزارت شاب صغير وكفء وعنده خبره بردو بس يكون صغير فى السن عشان حركاته تكون خفيفه ويتابع بنفسه الموضوع دا ممكن يدى ثقه للشباب ويخليهم يدوا لمصر لهدف كويس ممكن يحصل فى حياتهم انهم فى يوم ممكن يكونوا وزراء بناء على كفائتهم ودى هتبقا حاجه كويسه اوى عشان هتشجع الشباب انه يدى

تسلمى ميمو الجميل مرورك وتشريفك للموضوع

انا معنديش اعتراض على احمد شفيق كرئيس للوزراء فعلا هو شخصية محترمة جدا والله يكون فى عونة فى الفترة دى

عمرو خالد كوزير للشباب مش وزارة سهلة فى الفترة اللى جاية لان بقا فية نظرة تانية للشباب وانهم اللى هيتحملوا المسئولية فيما بعد
ففكر الوزارة دى هيتغير مش مجرد تشجيع الشباب على الرياضة فقط

كمان فكرة ان يكون فية وزير شاب اكيد فكرة ليها وجاهتها وتفكير رائع ياريت يتعمل بية

انا مع ميمو علي ان احمد شفيق يفضل رئيس وزراء

و ان كنت افضل ان السيد احمد شفيق يبقي الرئيس الجديد لنا اعتقادي انه انسان كويس و يستحق ان يكون الرئيس الجديد لنا

اما تشكيل الوزارة فلا ادري

شكرا يا منوفى على المرور
وشكرا على رايك

وزاره هايله لكن عمرو خالد يعنى ..... وانا احترم الفريق احمد شفيق والدكتور سمير رضوان وزير الماليه واتمنى انهم يستمروا فى مكانهم ونصبر عليهم

شكرا عمرو الخطيب على رايك
نورت الموضوع
فعلا الله يكون فى عونهم فى الوقت دا

.... ده من ذوقك يا flower ....... واتمنى ان تكون الوزاره بها بعض الاسماء من التى ذكرتيها واتمنى ان ترجع مصر بلد الامن والامان وكفايه مظاهرات بقى ونرجع لحياتنا الطبيعيه.....

ربنا يخليك يا عمرو بس دى مش مجاملة
ان شاء الله يا عمرو مصر تكون زى ما تستحق